Zeremi 16:10 - A SƐB-SÕW

¹⁰ A lɛn daar fʋ nãà wa ƴɛ̀r a ƴɛ̀rʋ á ŋá za kʋ̀ a nɩbɛ bɛ ŋa a, bɛlɛ wa sowre fʋ: “Bʋ̃ʋ n'ʋ so a Sore yel k'ʋʋ na ƴãw tɩ nɩ a kpɩɛrʋ kpɛ̃ɛ ŋa? Bʋnʋ yel-faa n'ʋ tɩ maalɩ? Bʋ̃ʋ n'ʋ tɩ sãw a Sore tɩ Naaŋmɩn?”

Zeremi 16:10 Referans Kwoze

Zeremi 5:19

A nɩbɛ wa sowre: “Bʋ̃ʋ n'ʋ so a Sore tɩ Naaŋmɩn ƴãw tɩ a dɔwrʋ á ŋá za?” A fʋ̃ʋ Zeremi, fʋ na sɔw na: “Nyɩ zawrɩ ʋ na bɛr ɛ́ maalɛ ŋmɩn-sãanbɛ a nyɩ mɩŋa tẽw pʋɔ. Lɛ n'a nyɩ mɩ̀ na tõ nɩ-sãanbɛ tome, tẽw na bɛ ɩ a nyɩ tẽw a pʋɔ”.

Zeremi 13:22

Lɛ n'a fʋ na sowri: “Bʋ̃ʋ n'ʋ so à á ŋá za tarɛ mɛ̃?” A fʋ sãwna na tɩbrɛ a zũú n'a bɛ vaarɩ a fʋ kparʋ do n, ɛ́ fɛrɛ fʋ.

A naaŋmɩn-ƴèr-manɛ Oze sɛbɛ 12:8

A Efarayim ŋmɛ̃ na mɛ̃ a Kanãa tẽw dem na tɛr nyãnyu-bʋ̃-kera a nũú a. Bɛ nɔnɛ nɩ a zub.

Zeremi 2:35

fʋ yel'a: “Ɩ̃ ɩ n nɩr na bɛ tɛr sãwna a. A bɛ tɛr à ŋá ɩ, a Sore kʋ̃ cãà nyɛ̃ nɩ mɛ̃ suur ɛ!” Ɛcɛ mãa a, ɩ̃ na maal'ɩ fʋ nɩ ƴɛ̀rʋ, bʋ̃ʋ n'ʋ vɛ̃, fʋ yel'a: “Ɩ̃ bɛ maalɩ faa ɩ.”

Zeremi 11:17

A Sore, a kpɛnʋ-za-sob'ʋ tɩ sɛl ʋ. Ɛcɛ ƴɛrɛŋa a, ʋ ƴɛ̀rɛ nɩ dɔwrʋ ƴɛ̀rʋ kʋ̀rɛ ʋ, a faa a Ɩsɩrayɛl nɩ a Zuda ten dem na maalɩ a zũú. Bʋ̃ʋ n'ʋ vɛ̃, bɛ maal'ɩ bagɛ kʋ̀ a Báàl ƴãw a Sore suur ìr.

Zeremi 2:23

Ŋmɩŋmɩn za n'a fʋ sʋ̃ɔmɩ yere: “Ɩ̃ bɛ dɛw ɩ̃ tʋɔra ɩ, ɩ̃ bɛ tu a Báàl mɩnɛ ɩ”! Jɩ́r a lɛ fʋ na ɩrɛ a bà-fʋɔla pʋɔ a. Sàw a lɛ fʋ na ɩ a. Fʋ ŋmɛ̃ na mɛ̃ nyɔ̃wmɛ-nyãw-pɔl na mɩ́ zɔ tɩ sãá ka, zɔ tɩ sãá ka a.

Zeremi 9:11

Nɩr ɩ n yã-bãwnɛ a sɛw ʋ na bãw a yele á ŋá pɛr ɩ? A Sore wa ƴɛ̀r a ʋ zie a, ʋ̃ʋ ɩ bɛ bãw bʋ̃ʋ n'ʋ so a tẽw sãw, bʋ̃ʋ n'ʋ so ʋ dɩ a vũu mɛ̃ wɛja-kpalɛ a, ɛ́ ɩ zie nɩr za na bɛ tuur tɔlɛ a?

Zeremi 44:3

À á ŋá za ta na, a faa bɛ na maalɩ ƴãw a ɩ̃ suur ìr a zũú. Bʋ̃ʋ n'ʋ vɛ̃, bɛ cen na tɩ maalɩ bagɛ kʋ̀ ŋmɩn-yoru ɛ́ maalɩ a. Ɛcɛ bɛ bɛ bãw a ŋmɩmɛ á ŋá ɩ. Lɛb waar mɩ̀, a nyɩɩm nɩ a nyɩ sãàkʋm-kore mɩ́ bɛ tɩ bãw a ɩ.