Zeremi 14:9 - A SƐB-SÕW

⁹ Bʋ̃ʋ n'ʋ so fʋ ɩrɛ mɛ̃ nɩr na bɛ tɛr fãw a, mɛ̃ gãdaa na kʋ̃ tʋ̃ɔ́ nɩr faa a? Ɛcɛ fʋ̃ʋ n'ɩ ŋa be a tɩ sɔgɔ, Sore e, fʋ̃ʋ so tɩ, ta bɛr tɩ tɩ lo ɩ.»

Zeremi 14:9 Referans Kwoze

Ɩzayi 63:19

A cɛlɩ nɩ yaga tɩ na bɛ cãà ɩ a nɩ-bʋʋrɛ bɛl zu fʋ na dɩrɛ a naalʋ a, a nɩ-bʋʋrɛ bɛl na bɛ cãà dɩ a fʋ yúor a! Áa! fʋ̃ʋ tori ɩ mɛ̃ fʋ cɩɛr'ɩ a salom ɛ́ siw a! A tan nãá dam'ɩ a fʋ niŋé!

Ɩzayi 59:1

A Sore nũu bɛ ɩ ŋmãa zuo a nyɩ faafʋ ƴãw ɛ, a ʋ tobe bɛ wõw zuo a wob ƴãw ɛ.

Zeremi 15:16

A fʋ ƴɛ̀rʋ na mɩ́ tɩ ta m a, ɩ̃ mɩ́ tɩ vɔl a na. A mɩ́ tɩ ƴãw mɛ̃ nɩ nʋ̃ɔ̀, a mɩ́ tɩ ɩ na a ɩ̃ socir cɩlɛ. Bʋ̃ʋ n'ʋ vɛ̃, fʋ̃ʋ so m, Sore e, kpɛnʋ-za-sob i.

Sɛb-sõw yielu 46:5

Man-gbɛ́r ɩrɛ nɩ a Naaŋmɩn tẽ-kpɛ̃ɛ nʋ̃ɔ̀, a zi-sõw a Naaŋmɩn-na-do-saa-bɛ-pɩɛl-a na kpɩɛr a.

Sɔr-nɛ́ɛ 11:23

A Sore tɩ sɔw ʋ na: «A ɩ̃ fãw nɔ̃w bɛ ta bɩɩ? Ka nɩ blã a, fʋ na nyɛ̃ nɩ a ƴɛ̀rʋ ɩ̃ na ƴɛ̀r kʋ̀ b a, a na tu na bɩɩ a kʋ̃ tu.»

Ebre 13:5

A libi-nɔ̃w ta tʋ̃ɔ́ nyɩ ɛ. A lɛ nyɩ na tɛr a, a man nyɩ. Bʋ̃ʋ n'ʋ vɛ̃, a Naaŋmɩn yel'a: «Ɩ̃ bɛ be za na bɛr fʋ ɛ, ɩ̃ kʋ̃ jɛ b bɛr towtow ɛ.»

2 Korɛ̃tɩ 6:16

Bʋ̃ʋ wõ-taa n'a na tʋ̃ɔ́ be a Naaŋmɩn yir nɩ a tɩbɛ cara pʋɔ? Bʋ̃ʋ n'ʋ vɛ̃, tɩmɛ nɛbɛ ɩ a Naaŋmɩn na vʋʋrɛ a yir, mɛ̃ a lɛ a Naaŋmɩn tɔr za na yel a: «Ɩ̃ na kpɩɛr'ɩ a bɛ pʋɔ, ɛ́ cere a bɛ sɔgɔ, ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩ-bʋʋrɛ.»

Yel-wula 21:3

Ɩ̃ tɩ wõ n kɔkɔ-kpɛ̃w na yire a naalʋ-dà-kɔw pɛr a, ʋ tɩ yere na: «Ƴɛrɛŋa a, a Naaŋmɩn kpɛb zie be n a nɩsaalbɛ sɔgɔ. Ʋ na lãw na kpɩɛr'ɩ bɛ, ɛ́ bɛ na ɩ n a ʋ nɩ-bʋʋrɛ, ʋʋ ɩ a Naaŋmɩn na be a bɛ zie a.

Zakari 2:5

Ɩ̃ tɩ zɛw nɩ zu nyɛ̃ bʋ̃-nyɛra kãw: nɩr na tɛr miw-máná a.

Zeremi 8:19

Nyɩ wone: a ɩ̃ nɩbɛ nɛbɛ kone zɛlɛ sõwfʋ a tẽw za pʋɔ: «A Sore bɛ cãà be a Sɩyɔ̃ tẽw pʋɔ bɩɩ? A Sɩyɔ̃ tẽw bɛ cãà tɛr nãà bɩɩ?» «Bʋ̃ʋ n'ʋ so bɛ sãwnɛ mɛ̃ a suur nɩ a bɛ tɩbɛ, a nɩ-bʋʋr-yoru ŋmɩn-bɛlɛbɛlɛ na bɛ tɛr pɛr a?»

Ɩzayi 51:9

Ìr, Sore e, ìr! Wul a fʋ kpɛnʋ! Ìr mɛ̃ a koro za a, mɛ̃ a koro za dem daar a. Fʋ̃ʋ bɛ n'ʋ tɩ cɛ̀ a Arahab ɓar ɛ? Fʋ̃ʋ bɛ n'ʋ tɩ cɔ̀r a kʋ̃ɔ-kpɛ̃ɛ wa-bɩɛ col ɛ?

Ɩzayi 12:6

Ŋmɩɛr nʋ̃ɔ̀ cɛlsɩ ɛ́ cɩlɛ, fʋ̃ʋ na kpɩɛr a Sɩyɔ̃ a. Bʋ̃ʋ n'ʋ vɛ̃, ʋ ɩ n kpɛ̃ɛ, a Ɩsɩrayɛl Naaŋmɩn na ɩ sõw a, na kpɩɛr a fʋ pʋɔ a.

Sɛb-sõw yielu 27:9

Ta lɩɛbɩ kpaar cɔw mɛ̃ ɩ, ta dáa a mãa fʋ tõ-tõ-bie bɛr'ɩ suur ɛ, fʋ̃ʋ na ɩ a ɩ̃ sõwne a. Ta jɛ m bɛr ɛ, ta zawrɩ mɛ̃ bɛr ɛ, fʋ̃ʋ Naaŋmɩn na ɩ a ɩ̃ faarɛ a.

1 Samɩɛl 12:22

Yel-mɩŋa n'a, a Sore bɛ be za na zawrɩ a ʋ nɩ-bʋʋrɛ bɛr ɛ, a ʋ yúor na ɩ kpɛ̃ɛ a ƴãw, bʋ̃ʋ n'ʋ vɛ̃, ʋl mɩŋa n'ʋ bɔbr sàw nyɩ ɩ a ʋ nɩ-bʋʋrɛ.

Wulu-ayi-sob 23:14

Soja za na mɩ́ tɛr'ɩ kùle a ʋ bome pʋɔ. Ʋlɛ wa cen a sɩmanɩ́ a, ʋ na mɩ́ tuw nɩ nɩ bɔw, ɛ́ ga tanɛ pàw a ʋ bine a pùorí.

Nɩ-toni 15:17

Lɛ n'a a nɩsaalbɛ bɛl na cɛ a na bɔbr a Sore, a nɩ-bʋʋrɛ bɛl za ɩ̃ na bʋɔlɩ kɛ́ bɛ wa ɩ a ɩ̃ nɩ-sori a. À ŋá n'a a Sore yere,

Ezekɩɛl 48:35

A dacine na na viiri koli a tẽ-kpɛ̃ɛ a wowr za na ɩ n mɛtɩr tùr-piwaɩ (9 000). A na dɛ tĩ a ʋlɩ bibir nɛ a, bɛ na bʋɔlɛ nɩ a tẽ-kpɛ̃ɛ kɛ́: “A-Sore-be-n-ka.”»

Habakukɩ 1:2

Sore e, debor'a ɩ̃ na bʋɔlɩ fʋ a ɩ̃ faafʋ ƴãw tɩ ta, ɛ́ fʋ bɛ bɛrɛ wone? Ɩ̃ kone nɩ a po-to-fãw-ɩb na ɩrɛ a ƴãw, ɛ́ fʋ bɛ faarɛ tɩ ɛ.

Wulu-ayi-sob 28:10

A tẽw zu nɩ-bʋʋrɛ za na nyɛ̃ na k'aa Sore so nyɩ na a ʋ tome ƴãw, ɛ́ bɛ na zɔrɛ nyɩ na.

2 Bibie za yel-manɩ 7:14

a lɛn daar a, a ɩ̃ nɩ-bʋʋrɛ, a nɩ-bʋʋrɛ bɛl ɩ̃ na kʋ̀ a ɩ̃ yúor a, bɛlɛ wa siwri bɛ tʋɔra ɛ́ puore a, bɛlɛ wa bɔbr mɛ̃, ɛ́ zawrɩ a bɛ ɩ-faar bɛr a, a mãa, ɩ̃ na be n a salom zu ɛ́ bɛr wõ bɛ, ɩ̃ na dɩ n a bɛ yel-bebe suur kʋ̀ bɛ, ɛ́ lɛb maalɩ a tẽw ƴãw.

Sɛb-sõw yielu 10:1

Sore e, bʋ̃ʋ n'ʋ ɩ fʋ àr zãá, bʋ̃ʋ n'ʋ ɩ fʋ sɔwlɛ a kpɩɛrʋ daar?

Ɩzayi 43:7

Nyɩ lɛb tɛr a bɛlɩ dem na dɩ a ɩ̃ yúor a wa n, bɛlɩ dem za ɩ̃ na ír, ɩ̃ na mɛ, ɩ na maalɩ kɛ́ bɛ wa ɩrɛ ɩ̃ nyɛrɛ yúor-vɩɛlʋ-danʋ a.»

Zeremi 51:5

Bʋ̃ʋ n'ʋ vɛ̃, a bɛ tẽw paal'ɩ a sãwfʋ bɛ na ɩ sãw a Ɩsɩrayɛl Naaŋmɩn na ɩ sõw a. Ɛcɛ a Ɩsɩrayɛl nɩ a Zuda bɛ bɔr a bɛ Naaŋmɩn, a Sore kpɛnʋ-za-sob, bɛr ɛ.

A Lãw-mʋɔlɛ 5:20

Bʋ̃ʋ n'ʋ so fʋ na yiire tɩ bɛrɛ kʋralɛ, fʋ na jɛrɛ tɩ bɛrɛ a tɩ cãafʋ daar za?

Zakari 8:3

Alɛ n'a so, mãa n'ʋ yere: ɩ̃ lɛbr'a waar a Zerizalɛm, ɩ̃ lɛb'a kpɩɛr a Sɩyɔ̃ tẽw. Bɛ na bʋɔlɛ nɩ a Zerizalɛm kɛ́ “Tẽ-kpɛ̃ɛ na bɛ lɛb pùor a”, ɛ́ a Sɩyɔ̃ tãw ɩ̃ na so a, yúor na dɩ na kɛ́ “Tãw-sõw”.