Zeremi 13:16 - A SƐB-SÕW

¹⁶ Nyɩ ɩ a Sore nyɩ Naaŋmɩn nyɛ̃ a yúor-vɩɛlʋ-danʋ, ɛ́ a zie wa bãw sɔb, ɛ́ nyɩ wa bãw ŋmɩɛr a gbɛ́ɛ a tan a tɩ̃ɩsɔw lige na pili páw a zu. Nyɩ tɩ gùre nɩ a cãà, ʋʋ wa lɩɛbɛ ʋ ʋ ɩrɛ lige, ʋ ɩ zũzuwr sɛbla.

Zeremi 13:16 Referans Kwoze

Ɩzayi 59:9

Alɛ n'a so a Naaŋmɩn bɛ ɩrɛ bom a tɩ ƴãw ɛ, ɛ́ bɛ wule a tɩ mɩnʋ ɛ. Tɩ tɩ tɩɛrɛ nɩ a cãà, ɛ́ a wa ɩ a lige. Tɩ tɩ gùre nɩ a zi-cãà, ɛ́ wa cere lige pʋɔ.

Ɩzayi 8:22

al pùorí bɛ jɩ́r a tẽw nyɛ̃ a ɩ kpɩɛrʋ tɛwr, lige, lige na vʋ̃ɔnɛ pʋ̀lá a, tɩ̃ɩsɔw-varkpara.

Ɩzayi 60:2

Jɩ́r nyɛ̃: lige pàw nɩ a tẽw, ulu pili na pàw a nɩ-bʋʋrɛ. Ɛcɛ fʋ̃ʋ a, a Sore pure nɩ a fʋ zu mɛ̃ mʋ̃tɔ̃w a, ɛ́ a ʋ yúor-vɩɛlʋ-danʋ nyɩwrɛ a fʋ zu.

Ɩzayi 5:30

Ɛcɛ bibir kãw a, a saa na tanɩ nɩ a nɩ-bʋʋrɛ bɛ ŋa ƴãw, mɛ̃ a lɛ a saa-sɛsɛb na mɩ́ wa cɛ̀r a kʋ̃ɔ-kpɛ̃ɛ ɩrɛ gɔmɛ a. Bɛ na mɩ́ jɩ́r'ɩ a tẽw, ɛcɛ lige nɩ kpɩɛrʋ n'a na pili pàw ʋ. Zũzu-sɛblɛ na ɩ na a bibir liw.

Zʋkpaɩ 4:19

A nɩ-faar nyɔ-vʋʋrʋ mɩ́ liw na mɛ̃ a tɩ̃ɩsɔw a. Bɛ bɛ mɩ́ bãw ʋlɩ bom nɛ ƴãw bɛ na na ŋmɛ a gbɛ́r a ɩ.

Zozue 7:19

A Zozue tɩ yel'ɩ a Akan: «Ɩ̃ bie e, zɛw a Sore, a Ɩsɩrayɛl Naaŋmɩn yúor, danɩ ʋ, ɛ́ yel a yel-mɩŋa kʋ̀ m. Wo a lɛ za fʋ na ɩ a, ta sɔwlɩ mɛ̃ bom ɛ.»

Zeremi 23:12

Alɛ n'a so a bɛ sɔ́r na lɩɛbɩ sãsaalʋ. Bɛ na ŋmɩɛr'ɩ taa a lige pʋɔ lore. Ɩ̃ na ɩ na kpɩɛrʋ wa a bɛ zu, a yũon ʋl ɩ̃ nãà wa sowre bɛ bom a.» À à ŋá na a Sore yere.

Zeremi 4:23

Ɩ̃ jɩ́rɛ nɩ a tẽw: ʋ ɩ n vuo ɛ́ bɛ tɛr ŋmɛ̃a ɩ, ɛ́ a salom cãà bɔr.

Sɛb-sõw yielu 44:19

Tɩ bɛ lɛb pùor ɛ, mɩ̀ bɛ bɛr a sɔ́r fʋ na puo kʋ̀ tɩ a ɩ.

1 Samɩɛl 6:5

A na ɩ à ŋá a, nyɩ maalɩ bome na ŋmɛ̃ mɛ̃ a nyɩ mãsuwe a, nɩ a 'wɔn na sãw a nyɩ tẽw bɛr a, ɛ́ nyɩ na zɛw nɩ a Ɩsɩrayɛl Naaŋmɩn yúor-vɩɛlʋ-danʋ. A mɩnɛ kãw, ʋ na bɛr'a bɛ cãà wule a ʋ kpɛnʋ a nyɩ zu, a nyɩ ŋmɩmɛ zu nɩ a nyɩ tẽw zu ɛ.

Eziptɩ tẽw yib 10:21

A Sore tɩ yel'ɩ a Moyiir: «Tùr a fʋ nũu cɔw a salom. Lige, a pàw a Eziptɩ tẽw, liw-varkpara na bɛ tɛr tɔ a.»

1 Pɩɛr 2:8

«Ɛ́ ɩ a kʋsɩɛr ʋl ƴãw bɛ na mɩ́ ŋmɩɛr gbɛ́ɛ a, pìir kʋsɩɛr na ɩrɛ bɛ lore a.» A bɛlɩ dem na bɛ sàw de a, bɛ ŋmɩɛr'ɩ gbɛ́ɛ a ʋ ƴãw, a bɛ na bɛ sàw de a Naaŋmɩn ƴɛ̀rʋ a zũú. Ɛ́ lɛ n'a a tɩ fɛr k'aa ɩ a bɛ zie.

Zã 12:35

A Yeezu tɩ sɔw bɛ na: «A cãà na cãà nɩ a nyɩ sɔgɔ blãlɛ ƴãw. Nyɩ na tɛr a cãà a, nyɩ cere, kɛ̀ lige taa pile pàwr nyɩ ɛ. Sob nɛ na cere lige pʋɔ a bɛ bãw be ʋ na cere a ɩ.

A Lãw-mʋɔlɛ 4:17

A tɩ mimie piwri nɩ sõwfʋ na bɛ waar a tɩ bàl. Tɩ be n a tɩ zie gub ziir gùre nɩ-bʋʋrɛ kãw na kʋ̃ tʋ̃ɔ́ faa tɩ a waa.

Zeremi 14:19

«Sore e, fʋ sɩrɩ na lɔb a Zuda bɛr bɩɩ? A Sɩyɔ̃ vʋla baar'ɩ a fʋ zie e? Bʋ̃ʋ n'ʋ so fʋ ƴãw tɩ bàalʋ na bɛ tɛr sanʋ a? Ƴã-ɓaarʋ n'a tɩ tɩ gùre, ɛcɛ bʋ̃-vla kãw za bɛ wa wa ɩ. Tɩ tɩ gù n a sanʋ daar, ɛcɛ dɛ̃bɩ̃ɛ n'a wa wa.

Zeremi 8:15

Tɩ tɩ gùre nɩ a ƴã-ɓaarʋ, ɛcɛ bʋ̃-vla za bɛ wa ɩ. Tɩ tɩ gùre nɩ a sanʋ daar, ɛcɛ dɛ̃bɩ̃ɛ n'a waar.

Ekilezɩasɩ 11:8

A nɩsaal saa na vʋʋrɩ cɛlɩ a, a fɛr'a k'ʋʋ cɩlɛ a yome za ƴãw. Ɛcɛ, ʋ bãwnɩ a niw-sʋba bibi-yaga na na be be kʋralɛ, nɩ a nɩdaar na ɩ bʋnɛbʋnɛ a.

A Zɔb sɛbɛ 3:5

Liw-varkpara, ʋ so a bibir ŋa, zũzuwr sɛbla malmal, ʋ piw ʋ tɛr, a zie, ʋ sɔb a mʋ̃tɔ̃-tuo.

Sɛb-sõw yielu 107:10

Bɛ mɩnɛ tɩ zɩ̃ n gaso di-lige pʋɔ, ƴãw bamɛ a wone bɛ,

Sɛb-sõw yielu 107:14

Ʋ tɩ ɩ na bɛ yi a bɛ gaso di-lige pʋɔ, ɛ́ ŋma a bɛ bʋ̃-'leni bɛr.

Zeremi 2:6

Bɛ bɛ yel bɛ tʋɔra: “Nyɩnɛ n'a a Sore be, ʋl na ír tɩ yi n a Eziptɩ tẽw, ʋl na tɛr tɩ tɔl'ɩ a wɛja-kpalɛ pʋɔ, zi-faa na ɩ gbʋlãkowe tɛwr a, zie na ko ɛ́ liw a, zie nɩr za na bɛ tɔlɛ a, zie nɩr za na bɛ kpɩɛr a?”

Zeremi 6:21

A lɛ pʋɔ a, à ŋá n'a a Sore yere: Ɩ̃ na ƴãw nɩ bom a nɩbɛ bɛ ŋa niŋé, na na ɩ bɛ ŋmɛ gbɛ́r a ʋ ƴãw lo a. Bɛ za na lãw na kpi: a sãà mɩnɛ, a bɛ bibiir, a bɛ sɩman dem nɩ a bɛ bárɩ.»

Zeremi 50:6

A ɩ̃ nɩbɛ tɩ ɩ na mɛ̃ píir na bɔr a, a cɩ̃ɩnbɛ tɩ bɔr a na bɛr, a cɔlɛ gʋɔr a tan pʋɔ, mɩ́ yi a tã-bɛrɛ zu tɩ sãá a tãli zu, ɛ́ yiiri a zàw bɛr.

Ezekɩɛl 21:15

Nɩ-yaga yaga ƴãw n'a bɛ saalɩ ʋ, bɛ kàr ʋ na ʋ nyɩwrɛ pɩn pɩn.

Ezekɩɛl 34:12

Pi-cɩ̃ɩnɛ wa be píir na yaarɩ a ziir za a sɔgɔ a, ʋ mɩ́ kaarɛ nɩ a ʋ píir zie. Lɛ mɩ̀ n'a ɩ̃ na kaa a ɩ̃ dʋn zie. Ɩ̃ na cen na tɩ faa a ɩ̃ píir a be za a na cen, a ulu nɩ a lige bibir a.

Ezekɩɛl 36:15

Ɩ̃ kʋ̃ ɩ fʋ lɛb wõ a nɩ-bʋʋr-yoru zʋmɛ nɩ a ɩ-lab ɛ. Bʋ̃ʋ n'ʋ vɛ̃, a nyɩ tẽw kʋ̃ lɛb ɩ a nyɩ bibiir kpiir ɛ. À ŋá n'a a Sore Naaŋmɩn yere.»

Amɔsɩ 4:13

Bʋ̃ʋ n'ʋ vɛ̃, nyɛ̃ a: a Sob nɛ na mɩɛr a tã-bɛrɛ, ɛ́ íre a sɛsɛb, ɛ́ wule a ʋ pʋ-tɩɛrʋ a nɩsaal a, a Sob nɛ na dier a lige maalɛ nɩ a cãà a, a Sob nɛ na cere a tẽw zi-kɛrɩ zu a, a ʋ yúor dɩ na kɛ́ Sore, a Naaŋmɩn kpɛnʋ-za-sob.

Amɔsɩ 5:18

Zu-bio dem'ɩ a bɛlɩ dem na ƴãw a bɛ tɩɛrʋ za a Sore waa bibir ƴãw a! A Sore bibir ŋa wa vɩɛ a, bʋ̃ʋ n'ʋ nyɩ na páw? A bibir ŋa na ɩ n lige bibir, ʋ kʋ̃ ɩ cãà bibir ɛ.

Sɛb-sõw yielu 29:2

Nyɩ wa íre a Sore yúor, nyɩ mɩ́ gbĩ dume gũu tɩ tɔ tẽw a ʋ niŋé, a lɛn daar ʋ na mɩ́ wul a ʋ sonu a.

Ɩzayi 59:10

Tɩ bɔblɛ na mɛ̃ zɔn na lanɛ dacin a, tɩ bɔblɛ na bɔbr a sɔ́r, mɛ̃ nɩbɛ na bɛ tɛr mimie a. Tɩ ŋmɩɛr'ɩ gbɛ́ɛ mʋ̃tɔ̃w-gbawl, mɛ̃ zi-sɔb-paala a. Tɩ kpɛmɛ nɩ vla, ɛ́ ɩ mɛ̃ kũuni a.

Zowɛl 2:2

Liw-varkpara bibir'ʋ, zũzuwe nɩ zũzuw-sɛblɛ bibir'ʋ. Sãsowe na yãwmɛ ɛ́ kpɛmɛ a, waar'a, a yɛ́r'a pàw a tan mɛ̃ a zi-wɛl-paala cãà a. Nɩr bɛ dãw nyɛ̃ a ɩ, ɛ́ nɩr kʋ̃ lɛb nyɛ̃ a ɩ a pùorí towtow ɛ.