Zeremi 13:13 - A SƐB-SÕW

¹³ fʋ̃ʋ yel bɛ a lɛn daar: “À ŋá n'a a Sore yere: A nɩbɛ za na kpɩɛr a tẽw ŋa pʋɔ a, a na-mɩnɛ za na zɩnɛ a Daviir naalʋ-dà-kɔw zu, a bàwr-maalbɛ, a naaŋmɩn-ƴɛ̀r-manbɛ nɩ a nɩbɛ za na kpɩɛr a Zerizalɛm a, ɩ̃ na ɩ na bɛ kuoli kuolu mɩŋa.

Zeremi 13:13 Referans Kwoze

Ɩzayi 63:6

Ɩ̃ ƴɛ́r'ɩ nɩ-bʋʋrɛ ŋmɛr a ɩ̃ suur pʋɔ, ɩ̃ ɩ na a ɩ̃ su-yãyaar kuoli bɛ, ɛ́ ɩ a bɛ zɩ̃ɩ a cir tẽw.

Ɩzayi 51:17

Ìr, Zerizalɛm i, ìr àr saaƴẽwn! A Sore ƴãw na fʋ nyũ a ʋ suur koli-nyúura. Fʋ fuori ʋ na, ʋ ƴãw fʋ nĩw-viir.

Sɛb-sõw yielu 75:8

Naaŋmɩn n'ʋ dɩrɛ a ƴɛ̀rʋ: ʋ mɩ́ siwr'ɩ ŋa, ɛ́ zɛw ŋa.»

Sɛb-sõw yielu 60:3

Naaŋmɩn i, fʋ jɛ tɩ na bɛr, fʋ dam tɩ na nyaw taa. Fʋ tɩ nyɛ̃ nɩ suur, ɛcɛ lɛb maalɩ tɩ ƴãw!

Habakukɩ 2:16

Vĩ n'a nyɩ ƴãwnɛ nyɩ tʋɔra, yúor bɛ n'ʋ nyɩ páwr ɛ. Nyɩ mɩ̀ nyũ a, ɛ́ wul a nyɩ faalʋ! A Sore na fɛr nyɩ na ƴãw nyɩ mɩ̀ nyũ a ʋ suur koli-nyúura pʋɔ divɛ̃ za: a ƴãwfʋ nyɩ na nyɛrɛ a, na lɩɛb'ɩ vĩ.

Zeremi 51:7

A Babɩlɔn tɩ ɩ n salm-zɩɛ koli-nyúura a Sore nũú. Ʋ mɩ́ tɩ ɩ n a tẽ-daa za ʋ kuoli. A nɩ-bʋʋrɛ mɩ́ tɩ nyũ n a ʋ divɛ̃ tɩ bol'ɩ.

Zeremi 25:27

A Sore tɩ ƴãw na ɩ̃ yel bɛ: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Nyɩ nyúur, nyɩ kuole, nyɩ tire, nyɩ lore taa lɛbr ìre ɩ, nyɩ na na nyɛ̃ a alɩ bome nɛ za ɩ̃ na na sãw a nyɩ sɔgɔ a.»

Ɩzayi 49:26

Ɩ̃ na fɛr'ɩ a bɛlɩ dem na dɔwrɛ fʋ a ƴãw bɛ 'wɔb a bɛl mɩŋa ƴã-gã-nɛn, bɛ nyũ a bɛ zɩ̃ɩ kuoli, mɛ̃ nɩr na mɩ́ nyũ divɛ̃-kɛr kuoli a. Lɛ n'a bʋ̃-vʋʋra za na bãw k'aa fʋ faarɛ a, mãa n'ʋ, a mãa Sore, k'aa fʋ ya-diere a, a mãa Zakɔb Naaŋmɩn na kpɛmɛ a n'ʋ.»

Zeremi 51:57

«Ɩ̃ na ɩ na a ʋ tõ-tõ-bi-bɛrɛ, a ʋ yã-bãwnbɛ, a ʋ tẽli-kaarbɛ, a ʋ na-kpɛ̃ɛ-lɩɛrbɛ nɩ a ʋ gãdaar nyũ kuoli. Bɛ na gúr'ɩ gʋ̃ɔ na bɛ tɛr baarʋ a, bɛ kʋ̃ lɛb zaw ìr towtow ɛ. A nãà a yúor na dɩ kɛ́ “Sore kpɛnʋ-za-sob a” n'ʋ yere.»

Ɩzayi 51:21

A na ɩ à ŋá a, bɛrɛ wone, fʋ̃ʋ Zerizalɛm na ɩrɛ nɩbaalʋ a, fʋ̃ʋ na kuoli ɛ́ a bɛ ɩ divɛ̃ n'a a:

Ɩzayi 29:9

A yele, á ùr nyɩ ɛ́ nyɩ ta tɛr nʋɔr ɛ, nyɩ lɩɛbɩ zɔn ɛ́ ta nyɛrɛ ɩ, nyɩ kuoli, ɛ́ a ta ɩ divɛ̃ n'a ɩ, nyɩ cere dẽdere, ɛ́ bɛ nyũ ɛ.

Zeremi 13:12

«Fʋ na yel bɛ na: “À ŋá n'a a Sore, a Ɩsɩrayɛl Naaŋmɩn, yere: Yuor za a, bɛ mɩ́ paalɩ ʋ nɩ divɛ̃.” Bɛlɛ wa sɔw: “Lɛ n'a, tɩ bãwnɩ a na kɛ́ yuor za a, bɛ mɩ́ paalɩ ʋ nɩ divɛ̃” a,

Zeremi 25:29

Bʋ̃ʋ n'ʋ vɛ̃, a tẽ-kpɛ̃ɛ ɩ̃ na so a n'ʋ ɩ̃ tine nɩ a kpɩɛrʋ ɩ̃ na na ɩ a wa a, ɛ́ nyɩɩm kʋ̃ pʋɔ ɩ? Aɩ, ɩ̃ bɛ bɛrɛ nyɩ ɛ. Ɩ̃ bɛrɛ nɩ a zɛbr a waar a tẽ-daa nɩbɛ za zu. A mãa Sore, a kpɛnʋ-za-sob'ʋ yel.»