Zeremi 11:20 - A SƐB-SÕW

²⁰ Ɛcɛ a fʋ̃ʋ Sore, kpɛnʋ-za-sob, fʋ mɩ́ dɩ n a ƴɛ̀rʋ nɩ mɩnʋ. Fʋ mɩ́ jɛl'ɩ a nɩbɛ za bʋ̃-bɔbrɩ nɩ a bɛ tɩɛrʋ. Ɩ̃ na tʋ̃ɔ́ na nyɛ̃ a lɛ fʋ na na yáa a san a bɛ zu a, bʋ̃ʋ n'ʋ vɛ̃, fʋ̃ʋ n'ʋ ɩ̃ de a ɩ̃ yele kʋ̀.

Zeremi 11:20 Referans Kwoze

Zeremi 20:12

Sore kpɛnʋ-za-sob i, fʋ mɩ́ nyɛ̃ nɩ a nɩr na tu b a bãw. Fʋ bãw nɩ a tɩ bʋ̃-bɔbrɩ nɩ a tɩ tɩɛrʋ. Fʋ̃ʋ n'ʋ ɩ̃ de a ɩ̃ yele kʋ̀. Wul mɛ̃ a lɛ fʋ na na yáa a san kʋ̀ m a.

Zeremi 17:10

A mãa, a Sore, ɩ̃ mɩ́ jiel'ɩ a nɩsaalbɛ za tɩɛrʋ nɩ a bɛ bʋ̃-bɔbrɩ. À ŋá n'a ɩ̃ mɩ́ tʋ̃ɔ́ ya ŋa za man nɩ a ʋ ɩ-ɩrɩ, man nɩ a ʋlɩ bom nɛ a ʋ tome na wa n a.

Sɛb-sõw yielu 7:9

Sore e, fʋ̃ʋ na dɩrɛ nɩ a nɩ-bʋʋrɛ ƴɛ̀rʋ a, dɩ n mɛ̃ a ƴɛ̀rʋ, Sore e, tu n a ɩ̃ mɩnʋ nɩ ɩ̃ na bɛ tɛr sãwna a.

1 Samɩɛl 16:7

Ɛcɛ a Sore tɩ yel ʋ na: «Ta jɩ́rɛ a ʋ ŋmɛ̃a nɩ a ʋ kɛrʋ ɛ, ʋlɛ bɛ n'ʋ ɩ̃ kaa ír ɛ. A ka a, lɛ nɩsaalbɛ na mɩ́ nyɛ̃ a yele a bɛ n'a ɩ: nɩsaalbɛ mɩ́ nyɛ̃ nɩ a al na sãá a, ɛcɛ mãa a, a tɩɛrʋ n'ʋ ɩ̃ mɩ́ nyɛ̃.»

Yel-wula 2:23

Ɩ̃ mɩ̀ na kʋ n a ʋ bibiir. Lɛ n'a a Lãw-yie za na bãw kɛ́ mãa n'ɩ a sob nɛ na jɛlɛ a pʋʋr, ɛ́ bãw a nɩsaalbɛ tɩɛrʋ a. Ɩ̃ na mɩ́ ya n a nyɩ za been been man nɩ a ʋ tome.

Zeremi 17:18

Vĩ, a nyɔw a bɛlɩ dem na dɔwrɛ mɛ̃ a, ɛ́ bɛr a mãa! Dɛ̃bɩ̃ɛ, a tɛr bɛ bɛ màwr, ɛ́ bɛr a mãa! Ɩ a kpɩɛrʋ bibir wa a bɛ zu, sãw bɛ bɛr pelẽpelẽ!

Zeremi 15:15

Ɛcɛ fʋ̃ʋ a, Sore e, fʋ bãw nɩ bom za na càarɩ mɛ̃ a, tɛr a ɩ̃ tɩɛrʋ, ɩ ɩb kãw a ɩ̃ ƴãw. Yáa a san a bɛlɩ dem na dɔwrɛ mɛ̃ a zie. Ta bɛr mɛ̃ k'ɩ̃ wone tuo fʋ na nyɔwr fʋ tʋɔra a bɛ ƴãw a zũú ɛ. Bãwnɩ a, a fʋ zũú n'a ɩ̃ sàw a zʋmɛ.

1 Bibie za yel-manɩ 29:17

Ɩ̃ Naaŋmɩn i, ɩ̃ bãwnɩ a na, fʋ jɛlɛ nɩ a pʋ-tɩɛr-sɔwlɩ ɛ́ nɔnɛ a soci-dẽdẽ. Mãa a, ɩ̃ nyɛ̃ nɩ ɩ tʋɔra de à á ŋá za kʋ̀ b nɩ soci-dẽdẽ, ɩ̃ɩ nyɛ̃ nɩ a fʋ nɩ-bʋʋrɛ na be a ka a dɩ̃a a, bɛ mɩ̀ nyɛ̃ bɛ tʋɔra de bome kʋ̀ b nɩ nʋ̃ɔ̀.

Yele-za-pɛr-tib 18:25

Fʋ ɩ a nɩ-mɩŋa ʋ kpi lãwnɩ a sãwna sob i? Aɩ, fʋ kʋ̃ tʋ̃ɔ́ ɩ à à ŋá ɩ! Fʋ ɩ a nɩ-mɩŋa mɛ̃ a sãwna sob a? A ɩb ŋa tɔ a, ʋ zãá nɩ fʋ! A tẽw za ƴɛ̀r-maalɛ kʋ̃ ɩ a lɛ-na-tu-sɔr-a bɩɩ?»

Yel-wula 18:20

Salom i, cɩlɛ a ʋ loba ƴãw! Nyɩ cɩlɛ, nyɩɩm Naaŋmɩn nɩbɛ ɛ, nɩ-toni nɩ naaŋmɩn-ƴɛ̀r-manbɛ ɛ! Bʋ̃ʋ n'ʋ vɛ̃, Naaŋmɩn maal'ɩ ʋ nɩ a ƴɛ̀rʋ kpɛ nyɩ.

1 Pɩɛr 2:23

ʋl bɛ na mɩ́ tɩ tʋ, ʋʋ bɛ tʋ yáa a san a, ʋl na mɩ́ tɩ wone tuo ɛ́ bɛ ŋmɩɛr ƴãwn nɩr za a. Ʋ nɩ̃ɛ na mɩ́ tɩ de ʋ tʋɔra bɛr kʋ̀ a Naaŋmɩn na maalɛ a ƴɛ̀rʋ nɩ mɩnʋ a,

2 Timote 4:14

A sãa-kpɩɛrɛ Alɛsãdɩr ɩ na a kpɛ m yaga. «A Sore na ya ʋ na man nɩ a ʋ ɩ-ɩrɩ.»

Filib 4:6

Nyɩ ɓãá ƴãw bɛr tɩɛrʋ, ɛ́ a yele za pʋɔ a, nyɩ mɩ́ puore zɛlɛ nɩ a Naaŋmɩn yãayãa ɛ́ lãwnɩ barka puoru, ʋ tʋ̃ɔ́ mɩ́ bãw a nyɩ bʋ̃-bɔbra.

Nɩ-toni 17:31

Sɩza n'a, ʋ ƴãw nɩ bibir ʋ na na maal'ɩ a tẽ-daa ƴɛ̀rʋ na tu yel-mɩŋa a. Ʋ kaa na ír nɩr a ƴɛ̀rʋ-maalʋ ŋa ƴãw. À ŋá n'a ʋ tɩ ɩ a sãá a nɩbɛ za zie, a lɛn daar ʋ na tɩ ɩ a nɩr ŋa lɛb yi a kũuni pʋɔ a.»

Zeremi 12:1

Sore e, fʋ ɩ n nɩ-mɩŋa zuo, nɩ ɩ̃ na na ƴɛ̀rɛ a fʋ sãwna ƴɛ̀rʋ a. Ɛcɛ ɩ̃ bɔbr'a kɛ́ mãa nɩ fʋ̃ʋ nãá ƴɛ̀r mɩnʋ ƴɛ̀rʋ: Bʋ̃ʋ n'ʋ so a nɩ-faar yele mɩ́ cere vla? Bʋ̃ʋ n'ʋ so a bɛlɩ dem na bɛ tu b a bɛ mɩ́ bãw damnʋ?

Sɛb-sõw yielu 98:9

a Sore niŋé, ʋ na waar a ƴãw. Ʋ waar'a k'ʋʋ wa dɩ n a tẽw ƴɛ̀rʋ, ʋ na dɩ n nɩ a tẽ-daa a ƴɛ̀rʋ nɩ mɩnʋ, ɛ́ dɩ n a nɩ-bʋʋrɛ a ƴɛ̀rʋ a tu yel-mɩŋa.

Sɛb-sõw yielu 57:1

Yiel-yielbɛ nɩ-kpɛ̃ɛ sɛbɛ pʋɔ yielu kãw. «Ta sãw bɛr» yielu kɔkɔr'ʋ. Daviir danʋ yielu. A Sawul na tɩ diwr ʋ, ʋ zɔ tɩ kpɛ a tãw bɔw pʋɔ a yele n'a.

Sɛb-sõw yielu 43:1

Naaŋmɩn i, dɩ a ƴɛ̀rʋ wul a ɩ̃ yel-mɩŋa, kpɛ m a ƴɛ̀rʋ pʋɔ ɩ̃ na tɛr'ɩ nɩbɛ na bɛ zɔrɛ nɩbaalʋ a. Faa mɛ̃ a zir-ŋmarbɛ nɩ a yel-fa-maalbɛ nuru pʋɔ.

Sɛb-sõw yielu 35:2

Zaa a zɛbr-kur-pãgalɩ, a bile nɩ a kpɛ̃ɛ, ɛ́ ìr sõw mɛ̃.

A Zɔb sɛbɛ 5:8

Mãa tɩ n'ɩ fʋ̃ʋ a, Naaŋmɩn zie n'a ɩ̃ nãá ƴɛ̀rɛ, ʋlɛ n'ʋ ɩ̃ nãá tɩ manɩ a ɩ̃ yel kʋ̀.

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

1 Samɩɛl 24:15

Ãa ƴãw n'a a Ɩsɩrayɛl nãà ŋmãa a wɩ̀ɛ? Ãa n'ʋ fʋ diwr? Mãa n'ʋ, mãa na ɩ mɛ̃ bà-kũu a, mɛ̃ ciib a!

Sɛb-sõw yielu 7:8

A nɩ-bʋʋrɛ bʋʋrɛ, bɛ ɓã taa jil koli fʋ, ɛ́ fʋ̃ʋ a, zɩ̃ a fʋ naalʋ-dà-kɔw zu do gãw bɛ.

Sɛb-sõw yielu 58:10

A gʋʋr, gɔ-ɓaar bɩɩ gʋʋr na nyɔw vũu a, kʋ̃ tɔ a nyɩ ziduwli sɛr ɛ, ɛ́ a Naaŋmɩn pɩɩrɩ bɛ tɔl'ɩ.

Sɛb-sõw yielu 139:23

Naaŋmɩn i, jɛl a ɩ̃ pʋɔ bãw mɛ̃, ɩ m kaa, bãw a bom nɛ na ƴãwnɛ mɛ̃ tɩɛrʋ a.

Zeremi 12:3

A fʋ̃ʋ a, Sore, fʋ nyɛ̃ mɛ̃ na, fʋ jɛl'ɩ a ɩ̃ tɩɛrʋ: a lãw nɩ fʋ na. Ƴãw a nɩ-faar bɛ tʋɔra zie, mɛ̃ píir bɛ na cere nɩ a kʋb ƴãw a. Ƴãw bɛ bɛ tʋɔra zie gùre nɩ a kʋb bibir.

Ezekɩɛl 11:5

Lɛ n'a a Sore Vʋʋrʋ tɩ siw a ɩ̃ zu ɛ́ ƴãw k'ɩ̃ ƴɛ̀r à ŋá: «À ŋá n'a a Sore ƴɛ̀rɛ: Ɩsɩrayɛl nɩbɛ ɛ, ɩ̃ bãw nɩ a lɛ nyɩ na yere a, ɛ́ bãw a lɛ nyɩ a tɩɛrɛ a!

2 Na-mɩnɛ 19:14

A Ezekɩasɩ tɩ de nɩ a sɛb-tʋɔla, a nɩbɛ bɛ na tõ n a nuru pʋɔ, kanɩ. Al pùorí, ʋ do a Sore Ŋmɩn-yir-kpɛ̃ɛ́, tɩ dɔl a sɛbɛ a Sore niŋé,

Sɛb-sõw yielu 7:10

Ɩ a nɩ-faar po-tuolu a baarɩ ɛ́ fʋ ɩ a nɩ-mɩŋa ʋ kpɛmɛ, fʋ̃ʋ na mɩ́ jɛl a pʋ-tɩɛr-sɔwlɩ a, fʋ̃ʋ Naaŋmɩn na tuur yel-mɩnʋ a.

A Lãw-mʋɔlɛ 3:58

Sore e, fʋ ƴɛ̀r'a kpɛ m, fʋ faa nɩ a ɩ̃ nyɔ-vʋʋrʋ.

A Lãw-mʋɔlɛ 3:59

Sore e, nyɛ̃ a lɛ bɛ na ɩ a kpɛ m a, ɩ a ɩ̃ dem de!

A Lãw-mʋɔlɛ 3:64

Sore e, ɩ bɛ mɛ̃ a lɛ bɛ na ɩ m a.