Zeremi 11:17 - A SƐB-SÕW

¹⁷ A Sore, a kpɛnʋ-za-sob'ʋ tɩ sɛl ʋ. Ɛcɛ ƴɛrɛŋa a, ʋ ƴɛ̀rɛ nɩ dɔwrʋ ƴɛ̀rʋ kʋ̀rɛ ʋ, a faa a Ɩsɩrayɛl nɩ a Zuda ten dem na maalɩ a zũú. Bʋ̃ʋ n'ʋ vɛ̃, bɛ maal'ɩ bagɛ kʋ̀ a Báàl ƴãw a Sore suur ìr.

Zeremi 11:17 Referans Kwoze

Ɩzayi 5:2

Ʋ tɩ buw nɩ a tẽsɔw, tuuri a kʋsɛbɛ bɛr, ɛ́ sɛl divɛ̃ tɩ-vɩɛlɩ bʋʋrɛ. Ʋ tɩ mɛ n bʋ̃-gùre yir-cõcowla a púo sɔwlɩsɔw, ɛ́ tuw bɔw a wɔmɛ nɛbrʋ ƴãw. Ʋ tɩ gùre na k'aa ʋ divɛ̃ tɩɩr wa wɔ̃ wɔ̃-vɩɛlɩ, ɛ́ a wa wɔ̃ wɔ̃-faar tɛwr.

Zeremi 12:2

Fʋ sɛl bɛ na, bɛ tɛ n nyɩgɛ, bɛ kɛrɛ na, bɛ wɔnɛ nɩ wɔmɛ. A fʋ yúor be n a bɛ nʋɔrɩ́ kʋralɛ, ɛ́ a bɛ socir zãá nɩ fʋ.

Zeremi 2:21

Ɛcɛ, mãa a, ɩ̃ tɩ sɛl fʋ na mɛ̃ divɛ̃ tɩ-bʋʋrɛ na vɩɛl vɩɛl a, mɛ̃ tɩ-mɩŋa a. Ŋmɩŋmɩn n'a fʋ wa lɩɛbɩ divɛ̃ tɩ-yɛrɛ, a wɔmɛ na bɛ vɩɛl towtow a?

Zeremi 19:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na ɩ na a dɔwrʋ al ɩ̃ na tɩ yel a tẽ-kpɛ̃ɛ ŋa ƴãw a, a wa a ʋl nɩ a ʋ tẽli-kpɔwlɩ ƴãw. Bʋ̃ʋ n'ʋ vɛ̃, a tẽw dem ɩ n zu-kpɛn dem, bɛ zawr'ɩ a ɩ̃ ƴɛ̀rʋ bɛr-wob.”»

Ezekɩɛl 17:5

Al pùorí, ʋ tɩ de nɩ a Ɩsɩrayɛl tẽw tɩ-yũo tɩ ƴãw zie bɛ na mɩ́ kaarɛ tɩ-vɔ̃-sɛlɩ zie a. Ʋ tɩ sɛl ʋ nɩ man-kpɛ̃ɛ nʋɔr, mɛ̃ tɩɛ na nɔ̃w kʋ̃ɔ a.

Zeremi 45:4

A lɛ pʋɔ a, nyɛ̃ a lɛ a Sore na ƴãw k'ɩ̃ɩ yel a: “Ɩ̃ darɛ nɩ a alɩ bome nɛ ɩ̃ na mɛ a lɔbr, ɛ́ vɔnɛ a alɩ bome nɛ ɩ̃ na sɛl a bɛrɛ. Ɩ̃ damnɛ nɩ a tẽw za nyawr taa.

Zeremi 42:10

“Nyɩmɛ wa sàw na cãà kpɩɛr a tẽw ŋa pʋɔ a, ɩ̃ na lɛb'a mɛ nyɩ, ɩ̃ kʋ̃ lɛb sãw nyɩ bɛr towtow ɛ. Ɩ̃ na sɛl nyɩ na, ɛ́ kʋ̃ lɛb vʋ̃ɔ nyɩ bɛr towtow ɛ. A faa ɩ̃ na maalɩ nyɩ a na ɩ mɛ̃ nɩ kpɩɛrʋ.

Zeremi 40:2

A soja-zi-gùrbɛ nɩ-kpɛ̃ɛ tɩ tɛr'ɩ a Zeremi taw yi n pùor yel ʋ: «A Sore fʋ Naaŋmɩn tɩ ƴɛ̀r'ɩ a kpɩɛrʋ ŋa ƴɛ̀rʋ càar'ɩ a Zerizalɛm.

Zeremi 36:7

Lɛ n'a, a mɩnɛ kãw, bɛ na lɔbr nuru zɛlɛ nɩ a Sore, ɛ́ ŋa za na mɩ́ bɛr'ɩ a ʋ ɩb na bɛ vɩɛl a. Bʋ̃ʋ n'ʋ vɛ̃, a Sore yel'a k'ʋʋ nyɛ̃ nɩ nɩ a nɩbɛ bɛ ŋa suur yaga yaga za.»

Zeremi 35:17

A Zeremi tɩ yel'a ƴãw pʋɔ: «A lɛ zũú a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Zuda tẽw nɩ Zerizalɛm tẽw dem i, ɩ̃ na ɩ na a kpɩɛrʋ al ɩ̃ na ƴɛ̀r càar'ɩ nyɩ a, a páw nyɩ. Bʋ̃ʋ n'ʋ vɛ̃, ɩ̃ ƴɛ̀r'ɩ a nyɩ zie, ɛ́ nyɩ bɛ bɛr wõ ɩ. Ɩ̃ bʋɔlɩ nyɩ na, ɛ́ nyɩ bɛ sàw ɛ.”»

Zeremi 26:19

A Zuda tẽw nãà Ezekɩasɩ nɩ a ʋ nɩbɛ tɩ kʋ n a Mise bɩɩ? Bɛ nɩ̃ɛ bɛ tɩ tɛr ƴãwfʋ a Sore zie, ɛ́ bɔbr kɛ́ bɛ ɩrɛ a pɛlɩ a ʋ pʋɔ ɩ? Lɛ n'a a Sore tɩ lɛb bɛr a kpɩɛrʋ ʋ na tɩ yel a bɛ ƴãw a. Ɛcɛ a tɩɩm a, tɩmɛ wa ƴãw a nɩr ŋa a kũu dɔwrʋ a, tɩmɛ nɛbɛ na mal tɩ mɩŋa yaga za.»

Zeremi 26:13

Ƴɛrɛŋa a, nyɩ cere cenu ɛ́ ɩrɛ ɩb na sɛw taa nɩ a. Nyɩ bɛrɛ wone a lɛ a Sore nyɩ Naaŋmɩn na yere a, ʋʋ na lɛb'a bɛr a kpɩɛrʋ ʋ na tɩ yel k'ʋʋ na ƴãw nyɩ na a.

Zeremi 24:6

Ɩ̃ jɩ́rɛ bɛ na nɩ nɔ̃wfʋ, ɩ̃ɩ na lɛb'a tɛr bɛ wa n a tẽw ŋa pʋɔ. Ɩ̃ na lɛb'a mɛ bɛ, ɩ̃ kʋ̃ lɛb da bɛ lɔb ɛ. Ɩ̃ na lɛb'a sɛl bɛ, ɩ̃ bɛ lɛb vɔnɛ bɛ bɛrɛ ɩ.

Zeremi 18:8

Ɛcɛ a bʋʋrɛ bɛ ŋa wa lɩɛbɩ a bɛ ɩb, bɛr a faa na ɩ ɩ̃ ƴɛ̀r a, ɩ̃ mɩ̀ lɛb'a bɛr a faa ɩ̃ na tɩ tɩɛr k'ɩ̃ɩ maalɩ bɛ a.

Zeremi 11:11

À na ɩ à ŋá a, à ŋá n'a a Sore yere: Ɩ̃ na ɩ na faa bɛ na kʋ̃ tʋ̃ɔ́ yi a ʋ pʋɔ a wa a bɛ zu. Bɛ na kõ na bʋɔlɩ mɛ̃, ɩ̃ɩ kʋ̃ bɛr wõ bɛ ɩ.

Zeremi 7:9

Ŋmɩŋmɩn za n'a nyɩ na zure, kʋrɛ, maalɛ pɩ̃ɔ-yele, pɔrɛ pɔ-ziri, maalɛ bagɛ kʋ̀rɛ a Báàl, zɔrɛ tuur ŋmɩn-yoru nyɩ na bɛ bãw a,

Ɩzayi 61:3

A Sɩyɔ̃ ƴãw n'a bɛ tɛr a wahala. Ɛcɛ a fɛr'a k'ɩ̃ɩ kʋ̀ bɛ zu-pɛn vla vla lɩɛr'ɩ a tãpɛlʋ na be a bɛ zurú a, k'ɩ̃ɩ cir kãá-nyũu ƴãw bɛ na wule nʋ̃ɔ̀ ɛ́ bɛ wule wahala a, k'ɩ̃ɩ su bɛ cuw kparɩ lɩɛr'ɩ a nɩbaal-ɩb bɛ na ɩrɛ a. Lɛ n'a bɛ na de bɛ man nɩ tɩɩr na ɩrɛ a Naaŋmɩn nyɛrɛ ƴãwfʋ a, tɩ-sɛlɩ zie na wule a Sore yúor-vɩɛlʋ-danʋ a.

Sɛb-sõw yielu 80:15

Naaŋmɩn kpɛnʋ-za-sob i, lɛb wa! Be a salom zu ɛ́ bɛl nyɛ̃ a, kaa a divɛ̃ tɩɛ ŋa zie.

Sɛb-sõw yielu 80:8

Naaŋmɩn-kpɛnʋ-za-sob i, ɩ tɩ lɛb wa, tɛr nĩw-vla a tɩ ƴãw, ɛ́ tɩ na nyɛ̃ nɩ a faafʋ.

Sɛb-sõw yielu 44:2

Naaŋmɩn i, tɩ wõ n nɩ tobr, a tɩ sãà mɩnɛ manɩ kʋ̀ tɩ a tome fʋ na tõ a bɛ daar a koro koro za a.

2 Samɩɛl 7:10

Ɩ̃ na kʋ̀ n zie a ɩ̃ nɩ-bʋʋrɛ Ɩsɩrayɛl, ɩ̃ na zɩɩlɩ ʋ nɩ a be, ʋʋ na kpɩɛr'ɩ a be, ɛ́ bɛr dɛ̃bɩ̃ɛ. Nɩ-faar kʋ̃ lɛb dɔwrɩ ʋ mɛ̃ a dãwdãw a ɩ,

Zeremi 1:14

A lɛ n'a a Sore tɩ yel mɛ̃: «A saa-pɛrɩ́-gʋba-lowr'a a faa na yi yɛ́r pàw a tẽw nɩbɛ za.

Zeremi 7:18

A bibiir wobr'ɩ dali, a sãà mɩnɛ gbɔwr vũu, ɛ́ a pɔwbɛ nawr zɔ̃ kɛ́ bɛ maal'ɩ gato kʋ̀ a salom zu Pɔw-nãà. Al pùorí bɛ dier divɛ̃ kʋ̀rɛ ŋmɩn-sãanbɛ, ɩrɛ a kpɩɛr mɛ̃.

Zeremi 11:13

A Zuda tẽw dem tɛr'ɩ ŋmɩmɛ a yãwmɛ sɛw a bɛ tẽ-bɛrɛ. Ɛ́ a Zerizalɛm tẽw a, bɛ mɛ n bàwr-maal-kube a yãwmɛ sɛw a sɛ́ɛ, kɛ́ bɛ mɩ́ maalɩ bagɛ kʋ̀ a Báàl-na-dɩ-kɛ́-Vĩ a.

Zeremi 32:29

A Babɩlɔn tẽw dem na zɛbr'ɩ a tẽ-kpɛ̃ɛ ŋa a, na kpɛ n a ʋ pʋɔ, ɛ́ bɛ na sãw ʋ na bɛr, ɛ́ nyɩw ʋ bɛr. Baa zuo a za, bɛ na nyɩw nɩ a yie al pʋɔ a nɩbɛ na tɩ nyɩw parfɛ̃ a Báàl ƴãw, ɛ́ tɩr divɛ̃ de-kʋ̀b bom kʋ̀ ŋmɩn-sãanbɛ a gàrɛ zu, ɩ a ɩ̃ suur ìr a, bɛ na nyɩw a na bɛr.

Zeremi 32:30

A mãa, a Sore, ɩ̃ yere na: a Ɩsɩrayɛl nɩbɛ za nɩ a Zuda tẽw dem a, a bɛ pɔ̀lʋ̀ daar za n'a bɛ ɩ a ʋlɩ bom nɛ na bɛ pɛlɩ a ɩ̃ pʋɔ a. Sɩza, a ɩ̃ suur tɛwr'a a Ɩsɩrayɛl nɩbɛ ɩ ʋ ìr nɩ a bɛ ɩ-ɩrɩ.

Zeremi 44:8

Bʋ̃ʋ n'ʋ vɛ̃, nyɩ damnɛ mɛ̃ nɩ suur nɩ a nyɩ ɩ-ɩrɩ: nyɩ maalɛ nɩ bagɛ kʋ̀rɛ ŋmɩn-yoru a Eziptɩ tẽw pʋɔ ka nyɩ na wa kpɩɛr a. Nyɩ na ɩrɛ na tɩ ƴãw bɛ kʋ nyɩ pàw pɛr, ɛ́ nyɩ lɩɛbɩ ŋmɛ-ƴãw nɩ zʋmɛ bom, a nɩ-bʋʋr-yoru sɔgɔ a tẽ-daa za zu.

2 Bibie za yel-manɩ 28:25

A Zuda naalʋ-tẽw tẽ-kpɛ̃ɛ za pʋɔ a, ʋ tɩ ƴãw nɩ maalʋ-ziir mɩ́ nyɩw a tɩ-suur-zɔ̃-na-nyùur-vla-vla-a a ŋmɩn-yoru ƴãw. À ŋá n'a ʋ tɩ ɩrɛ a Sore, a ʋ sãà mɩnɛ Naaŋmɩn, suur ìr.

Zeremi 18:15

Ɛcɛ a ɩ̃ nɩ-bʋʋrɛ yiiri mɛ̃ na bɛr. Bɛ maalɛ nɩ bagɛ kʋ̀rɛ ŋmɩmɛ na bɛ ɩ ŋmɩmɛ a. A ŋmɩmɛ á ŋá ƴãw na bɛ ŋmɩɛr gbɛ́ɛ a sɔ́r zu. A ƴãw na bɛ bɛr a sɔ́r bɛ na tuur a koro za a, ɛ́ cere sɔrle na bɛ puo a zu.

Zeremi 40:3

A Sore ɩ na a kpɩɛrʋ ta, ʋ tu n a lɛ za ʋ na tɩ yel a. Bʋ̃ʋ n'ʋ vɛ̃, nyɩ sãw nɩ a Sore, nyɩ bɛ bɛr wõ a ʋ ƴɛ̀rʋ ɛ, alɛ n'a so à á ŋá za ta nyɩ.

Zeremi 44:5

Ɛcɛ nyɩ bɛ bɛr wõ ɩ, nyɩ bɛ cɛlɩ be ɩ. Nyɩ bɛ bɛr a faa nyɩ na tɩ maalɛ a ɩ, ɛ́ nɩ̃ɛ cãà cow maalɛ bagɛ kʋ̀rɛ ŋmɩn-yoru.

A naaŋmɩn-ƴèr-manɛ Oze sɛbɛ 10:1

Divɛ̃ tɩɩr púo na vɩɛl, ɛ́ a tɩɩr wɔnɛ yaga a tɩ n'ɩ a Ɩsɩrayɛl. Ɛcɛ a lɛ a tɩɩr na tɩ wɔnɛ yaga a, lɛ n'a ʋ mɩ̀ tɩ mɩɛr a bàwr-maal-kube dɔwlɛ cere nɩ, lɛ n'a ʋ mɩ̀ tɩ wobr a kʋsɛbɛ tele nɩ pɔ̀lʋ.