Zeremi 10:7 - A SƐB-SÕW

⁷ Nɩ-bʋʋrɛ nãà a, ãa n'ʋ bɛ sɛw k'ʋʋ zɔrɛ fʋ? Fʋ sɛwnɩ nɩ a lɛ. A yã-bãwnbɛ za na be a tẽ-daa zu a, nɩ a naalʋ-ten za pʋɔ a, nɩr bɛ be be ŋmɛ̃ taa nɩ fʋ ɛ.

Zeremi 10:7 Referans Kwoze

Yel-wula 15:4

Ãa n'ʋ kʋ̃ zɔrɛ fʋ, Sore e, ãa n'ʋ kʋ̃ zɛwr a fʋ yúor? Bʋ̃ʋ n'ʋ vɛ̃, fʋ̃ʋ yõ n'ʋ ɩ sõw, a ten za nɩbɛ na wa na wa lo gbĩ dume a fʋ niŋé, a fʋ ɩ-ɩrɩ na tu yel-mɩŋa sãá a ƴãw.»

Sɛb-sõw yielu 22:28

A ta-tẽw dem za na lɛb'a bãwnɩ a, ɛ́ bɛ na lɛb'a wa a Sore zie. A nɩ-bʋʋr-yoru yie za na wa na wa gbĩ dume a ʋ niŋé.

Zeremi 10:6

Sore e, fʋ bɛ tɛr a fʋ tɔ ɩ! Fʋ ɩ n kpɛ̃ɛ, ɛ́ a fʋ kpɛnʋ ɩ a fʋ yúor ʋ yi.

Zeremi 5:22

A Sore yere na: A ɩ lɛ nyɩ bɛ ƴãwnɛ mɛ̃ ʋ? A ɩ lɛ nyɩ bɛ màwr a ɩ̃ niŋé ʋ? Mãa n'ʋ ɩ a biire ɩ a kʋ̃ɔ-kpɛ̃ɛ tɛwfʋ zie, tʋr-bɔw n'ʋ gã kʋralɛ a kʋ̃ɔ-kpɛ̃ɛ kʋ̃ tʋ̃ɔ́ gãw ɛ. A ʋ kʋ̃ɔ-mie na saa mɩ́ ìre dúor a, ɛcɛ a bɛ tɛr fãw ɛ, a na tʋ̃ɔ́ na mɩ́ ɩrɛ gɔmɛ, ɛcɛ a bɛ gãwnɛ a tʋr-bɔw ɛ.

Sɛb-sõw yielu 89:6

Sore e, a salom zu malkɩ mɩnɛ, bɛ danɛ fʋ, a fʋ nɔ-ɓãa-yele fʋ na maalɛ a ƴãw, a bɛ lãw, ʋ danɛ a fʋ na ŋmɛ̃ fʋ ŋmɛ̃a a.

Luka 12:5

Ɩ̃ na wul nyɩ nɩ sob nɛ a na fɛr kɛ́ nyɩ zɔrɛ a: nyɩ zɔrɛ a Naaŋmɩn, ʋl na tɛr fãw na lɔb nyɩ ƴãw a tẽ-faa pʋɔ a kũu pùorí a. Ʋ̃ʋ, ɩ̃ yere na kʋ̀rɛ nyɩ, ʋlɛ n'ʋ a fɛr kɛ́ nyɩ zɔrɛ.

Zakari 2:11

Alɛ! Zerizalɛm nɩbɛ bɛ na diw cen nɩ a Babɩlɔn a, nyɩ paw fɔ̃w zɔ cɩ̃ɛ.»

Ɩzayi 2:4

Ʋ na mɩ́ dɩ n a ƴɛ̀rʋ kʋ̀ nɩ-bʋʋrɛ na tɛr taw-taa a, ʋ na mɩ́ bãw nɩ nɩ-bʋʋr-yaga yele kʋ̀ bɛ. Bɛ na mɩ́ de nɩ a bɛ zɛbr-sɔ-bɛrɛ zuw maal'ɩ kue, ɛ́ de a bɛ kafine maal'ɩ sɔ-nɔ-gori. Tẽw kãw kʋ̃ mɩ́ lɛb ŋmãa nɩ tẽw kãw zɛbr ɛ, nɩr kʋ̃ lɛb cãà zanɛ zɛbr zɛbrʋ ɛ.

Sɛb-sõw yielu 86:9

A nɩ-bʋʋrɛ za fʋ na ír a na wa na wa gbĩ dume a fʋ niŋé, Sore e, bɛ na íre nɩ a fʋ yúor.

Sɛb-sõw yielu 76:7

Zakɔb Naaŋmɩn i, fʋ na wa tanɩ a, a wi-zɔmnbɛ nɩ a wie gbini na àr.

Sɛb-sõw yielu 72:11

A na-mɩnɛ za na gbĩ n dume a ʋ niŋé, a nɩ-bʋʋrɛ za na tone nɩ a ʋ tome.

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»

1 Korɛ̃tɩ 8:6

tɩɩm zie a, Naaŋmɩn-been yõ n'ʋ be, a Naaŋmɩn Sãà na ír bom za ɛ́ tɩ vʋʋrɛ a ʋ ƴãw a, nɩ Sore been yõ, Yeezu Kɩrɩta, na so bom za be ɛ́ so tɩ vʋʋrɛ a.

Eziptɩ tẽw yib 8:10

Bɛ tɩ wob'a na ɓã ɓã taa a bɛ dɩ vuo ɩ, ɛ́ a tɩ nyu pàw a tẽw za.

Eziptɩ tẽw yib 9:14

Bʋ̃ʋ n'ʋ vɛ̃, ƴɛrɛŋa ʋl a, ɩ̃ na ƴãw fʋ nɩ dɔwrʋ bʋʋrɛ za, a fʋ̃ʋ nɩ a fʋ tõ-tõ-nɩ-bɛrɛ nɩ a fʋ nɩbɛ. A lɛ pʋɔ a, fʋ na bãw na kɛ́ nɩr bɛ ŋmɛ̃ taa nɩ mɛ̃ a tẽw zu ɛ.

Zozue 4:24

Ʋ ɩ n à à ŋá, k'aa tẽ-daa nɩ-bʋʋrɛ za nyɛ̃ a lɛ a Sore kpɛnʋ na ɩ kpɛ̃ɛ a, nɩ kɛ́ nyɩ zɔrɛ a Sore nyɩ Naaŋmɩn bibie za.”»

Habakukɩ 3:2

Sore e, Sore e, ɩ̃ wõ n a fʋ gãda-tome yele, dɛ̃bɩ̃ɛ nyɔw mɛ̃. Tõ a tome á ŋá taabɛ a tɩ cãafʋ daar, ɩ a nɩsaalbɛ bãw a. Alɛ saa sɛw kɛ́ fʋ nyɛ̃ suur a, cãà tɛr su-ɓaarʋ a tɩ zie.

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

2 Na-mɩnɛ 17:39

A mãa Sore nyɩ Naaŋmɩn n'ʋ nyɩ na puore, mãa n'ʋ na faa nyɩ a nyɩ dɔ̃ dem za nuru pʋɔ.»

1 Bibie za yel-manɩ 16:25

A Sore sɩrɩ na ɩ kpɛ̃ɛ ɛ́ sɛwnɩ kɛ́ bɛ danɛ ʋ. Ʋ bɛ tɛr dɩ̃ɛnʋ ɛ, ɛ́ gãw a ŋmɩmɛ za.

Sɛb-sõw yielu 47:3

bʋ̃ʋ n'ʋ vɛ̃, a Sore, a Naaŋmɩn-na-do-saa-bɛ-pɩɛl-a, bɛ tɛr dɩ̃ɛnʋ ɛ, ʋlɛ n'ɩ a na-kpɛ̃ɛ a tẽw za zu.

Sɛb-sõw yielu 86:8

A naaŋmɩmɛ pʋɔ a, kãw za bɛ be be ŋmɛ̃ mɛ̃ a fʋ̃ʋ a ɩ, Sore e, ton mɩ̀ bɛ be be ŋmɛ̃ taa nɩ a fʋ tome ɩ.

Sɛb-sõw yielu 147:5

A tɩ Sore ɩ n kpɛ̃ɛ ɛ́ tɛr fãw yaga za, a ʋ yã bɛ tɛr tɛwfʋ zie ɩ.