Zakɩ 5:11 - A SƐB-SÕW

¹¹ Nyɩ nyɛ̃, a bɛlɩ dem na mɩ́ dɩ kanyir a, tɩ mɩ́ yel'a kɛ́ bɛ tɛr'ɩ zu-nʋ̃ɔ̀. Nyɩ wõ n a Zɔb kanyir yele, ɛ́ nyɩ nyɛ̃ nɩ a lɛ a Sore na maal'ʋ a baarʋ daar a. A Sore sɩrɩ na tɛr su-ɓaarʋ yaga ɛ́ zɔrɛ nɩbaalʋ.

Zakɩ 5:11 Referans Kwoze

Zakɩ 1:12

Zu-nʋ̃ɔ̀ sob'ɩ a nɩr ʋl na mɩ́ dɩ kanyir a kpɩɛrʋ pʋɔ a. Bɛlɛ wa ɩ ʋ kaa baar'a, ʋ na páw nɩ a dɛpaal-kpawʋɔ na ɩ a nyɔ-vʋʋrʋ na be kʋralɛ, a Naaŋmɩn na yel k'ʋʋ na kʋ̀ n a bɛlɩ dem na nɔnɛ ʋ a.

Eziptɩ tẽw yib 34:6

Al pùorí, ʋ tɩ tɔl'ɩ a Moyiir niŋé, ɛ́ yel kpɛ̃w za: «Mãa n'ɩ a Sore! Ɩ̃ ɩ n Naaŋmɩn na ɩ pʋ-pɩɛlʋ sob, ɛ́ zɔrɛ nɩbaalʋ a, a suur na bɛ pawr, ɛ́ a nɔ̃wfʋ bɛ dɩ vuo, ɛ́ ŋmɛ̃ ʋ ŋmɛ̃a a.

Matie 10:22

Nɩbɛ za na hɩ̃ɛn nyɩ na a ɩ̃ ƴãw. Ɛcɛ sob nɛ wa ƴãw fãw tɩ ta a baarʋ daar a, ʋ na nyɛ̃ nɩ a faafʋ.

2 Pɩɛr 2:9

A wul'a k'aa Sore na tʋ̃ɔ́ na faa a bɛlɩ dem na ƴãwnɛ ʋ a bɛr a tuo pʋɔ, ɛ́ tɛr a nɩ-faar gùre nɩ a ƴɛ̀rʋ-maalʋ bibir, k'ʋʋ ƴãw bɛ dɔwrʋ.

Sɛb-sõw yielu 86:15

Ɛcɛ fʋ̃ʋ a, Sore e, fʋ ɩ n Naaŋmɩn na ɩ su-ɓaarʋ sob ɛ́ zɔrɛ nɩbaalʋ a, a fʋ suur bɛ pawr ɛ, ɛ́ fʋ ɩ nɔ̃wfʋ nɩ pùor-bɛ-lɛbrʋ tɛwr.

A Zɔb sɛbɛ 2:10

A Zɔb tɩ sɔw ʋ na yel: «Fʋ ƴɛ̀rɛ na mɛ̃ dãbol a! Tɩmɛ mɩ́ wa sàw de a nʋ̃ɔ̀ a Naaŋmɩn na kʋ̀rɛ tɩ a, bʋ̃ʋ n'ʋ so tɩ mɩ̀ kʋ̃ sàw de a tuo?» A yele á ŋá za pʋɔ a, a Zɔb bɛ tɩ sãw a Naaŋmɩn a ʋ nʋɔr ƴɛ̀rʋ pʋɔ ɩ.

1 Pɩɛr 1:13

Lɛ so, nyɩ cɔbrɩ gù a tome, nyɩ mɩ́ nyɔw nyɩ tʋɔra a dɩb nɩ a nyub ƴãw, ɛ́ de a nyɩ tɩɛrʋ za ƴãw a maalʋ ʋl ƴãw bɛ na na kʋ̀ nyɩ, a lɛn daar a Yeezu Kɩrɩta nãà wa lɛb wul ʋ tʋɔra a.

Luka 6:36

Nyɩ ɩ nɩ-bàal-zɔrbɛ mɛ̃ a lɛ a nyɩ Sãà na ɩ nɩ-bàal-zɔrɛ a.»

A Lãw-mʋɔlɛ 3:22

A Sore vɩɛlʋ-ɩb bɛ baar ɛ, ʋ bɛ wul a ʋ nɔ̃wfʋ baarɩ ɛ.

Sɛb-sõw yielu 103:8

A Sore ɩ n su-ɓaarʋ sob nɩ nɩbaal-zɔrɛ, a ʋ suur bɛ páwr ɛ, ʋʋ ɩ nɔ̃wfʋ tɛwr.

Sɔr-nɛ́ɛ 14:18

“Mãa n'ɩ a Sore na nyɔwr a ɩ̃ suur, ɛ́ a nɔ̃wfʋ bɛ dɩ vuo a. Ɩ̃ mɩ́ nyɔw nɩ ɩ̃ tʋɔra a yel-bebe nɩ a nɛ́ɛ-zawrʋ ƴãw. Ɛcɛ ɩ̃ bɛ yere k'aa sãwna sob bɛ tɛr sãwna ɩ. Nɩr na maalɩ yel-bebe a, ɩ̃ mɩ́ dɔwr'ɩ a ʋ bʋʋrɛ a ʋ yel-bebe ƴãw tɩ ta bɛ na dɔw tu taa ta gb'a ata bɩɩ gb'a anaar a.”

Ebre 10:39

A tɩɩm a, tɩ bɛ ɩ nɩbɛ na lɛbr pùor a bɛ bɔrʋ ƴãw a ɩ, tɩ ɩ n nɩbɛ na sàw de a tɩ sɩ́ɩr faafʋ ƴãw a.

Ebre 3:14

Bʋ̃ʋ n'ʋ vɛ̃, tɩ lɩɛb'ɩ a Kɩrɩta taabɛ, tɩmɛ wa tɛr a tɩ tɩɛrʋ kpɛ̃w za tɩ ta n a baarʋ daar a.

Efɛɛzɩ 2:4

Ɛcɛ a Naaŋmɩn na dɩrɛ su-ɓaarʋ naalʋ, ɛ́ nɔ̃w tɩ nɩ nɔ̃wfʋ na bɛ dɩ vuo a,

Mise 7:18

Sore e, ŋmɩn kãw bɛ ŋmɛ̃ taa nɩ fʋ ɛ, fʋ mɩ́ de nɩ a sãwna bɛr a baarɩ, ɛ́ dɩ a yel-bebe suur kʋ̀ a fʋ nɩ-bʋʋrɛ na cɛ bɛ kpi a. Fʋ bɛ mɩ́ nyɛ̃ a suur ʋ ka baarʋ ɛ, a na nʋmɛ a fʋ zie kɛ́ fʋ mɩ́ wul tɩ a fʋ nɔ̃wfʋ a ƴãw.

1 Bibie za yel-manɩ 21:13

A Daviir tɩ sɔw nɩ a Gadɩ: «Pʋ̀lá bɛ n'ʋ vʋ̃ɔnɛ mɛ̃ ɩ!... Ɛcɛ mãa nɩ̃ɛ lo a Sore nuru pʋɔ a, alɛ sa ɩ̃ na na lo a nɩsaalbɛ nuru pʋɔ a, bʋ̃ʋ n'ʋ vɛ̃, a Sore su-ɓaarʋ ɩ n kpɛ̃ɛ.»

Ebre 3:6

Ɛcɛ a Kɩrɩta ʋl a, Naaŋmɩn de nɩ a ʋ yele mɛ̃ Bie na ɩ a Naaŋmɩn yir sob a. Ɛ́ tɩmɛ n'ɩ a yir dem, tɩmɛ wa ɓãá ƴãw bɛr tɩɛrʋ, ɛ́ a tɩ nyʋ̀ʋ́r ɩ a tɩɛrʋ tɩ na ƴãw a Naaŋmɩn ƴãw a.

Efɛɛzɩ 1:6

A na ɩ à ŋá a, nyɩ ɩ tɩ danɛ a Naaŋmɩn na ƴãw a ʋ Bi-nɔna kʋ̀ tɩ a maalʋ sɛw à ŋá zawlalɛ a.

Ʋrɔm 2:4

Bɩɩ fʋ bɛ ŋmɛlɛ kaar a Naaŋmɩn ɩ-vɩɛlɩ na bɛ dɩ vuo a, nɩ a ʋ su-bɛ-pawra nɩ a ʋ su-nyɔwra ʋ na tɛr a fʋ zie a ɩ? Fʋ bɛ bãwnɩ a k'aa Naaŋmɩn ɩ-vɩɛlɩ á ŋá fɛrɛ fʋ na kɛ́ fʋ lɩɛbɩ a fʋ ɩb ɛ?

Luka 1:50

ʋ tɛr'ɩ a ʋ nɔ̃wfʋ kʋralɛ a bɛlɩ dem na zɔrɛ ʋ a zie.

Zonasɩ 4:2

Ʋ tɩ puor'ɩ a Sore à ŋá: «Áa Sore e! À à ŋá tɔr za bɛ n'a ɩ̃ tɩ yere ɩ̃ na tɩ cãà be a ɩ̃ tẽw pʋɔ a ɩ? Alɛ n'a ɩ̃ tɩ yi fɔ̃w zɔrɛ cere a Tarsisɩ. Ɩ̃ tɩ bãwnɩ a na fʋ na ɩ Naaŋmɩn-su-ɓaarʋ sob nɩ nɩbaal-zɔrɛ a, Naaŋmɩn a suur na bɛ páwr, ɛ́ fʋ ɩ nɔ̃wfʋ tɛwr, ɛ́ mɩ́ lɛb bɛr a dɔwrʋ fʋ na tɩɛrɩ a.

Zowɛl 2:13

A nyɩ kparɩ bɛ n'a nyɩ na taw cɩɛrɩ ɛ, a nyɩ socie n'a a fɛr kɛ́ nyɩ lɩɛbɩ.» Nyɩ lɛb wa a Sore nyɩ Naaŋmɩn zie: nɩ-vla n'ʋ ɛ́ zɔrɛ nɩbaalʋ, a ʋ suur bɛ pawr ɛ, ɛ́ ʋ ɩ nɔ̃wfʋ tɛwr, a nɩr dɔwrʋ mɩ́ ɩ ʋ nɩ kpɩɛrʋ.

Ɩzayi 63:9

A bɛ kpɩɛrʋ za pʋɔ a, nɩ-tona kãw bɩɩ malkɩ kãw bɛ n'ʋ faa bɛ ɩ, a Sore mɩŋa n'ʋ. Ʋ ya na de bɛ a ʋ nɔ̃wfʋ nɩ a ʋ nɩbaal-zɔba pʋɔ. Ʋ tɛr bɛ na ɛ́ tɩ̀ɛ bɛ a bɛ yele pʋɔ a koro za.

Ɩzayi 63:7

Ɩ̃ na lɛb'a sɩ̃w a Sore ɩ-vɩɛlɩ tɩɛrʋ, a alɩ bome nɛ na n'a so tɩ danɛ ʋ a: a alɩ bome nɛ za a Sore na ɩ a tɩ ƴãw a, a ʋ nɔ̃wfʋ na ɩ kpɛ̃ɛ a Ɩsɩrayɛl nɩbɛ ƴãw a, a alɩ bome nɛ za ʋ na ɩ a ʋ nɔ̃wfʋ zũú a, nɩ a ʋ ɩ-vɩɛlɩ na bɛ tɛr vuo a.

Ekilezɩasɩ 7:8

Bom za baarʋ sa a ʋ tib. Tʋɔra-nyɔwfʋ sa a pɔ̀l-ɩb.

Sɛb-sõw yielu 119:132

Lɩɛb kaa mɛ̃, ɛ́ zɔ ɩ̃ nɩbaalʋ, mɛ̃ a lɛ fʋ na yel kɛ́ fʋ na ɩ n a bɛlɩ dem na nɔnɛ fʋ a zie a.

Sɛb-sõw yielu 116:5

A Sore zɔrɛ nɩ nɩbaalʋ, ɛ́ ɩ nɩ-mɩŋa. A tɩ Naaŋmɩn ɩ n su-baalʋ sob.

Sɛb-sõw yielu 103:13

Mɛ̃ a lɛ sãà na mɩ́ zɔrɛ a ʋ bibiir nɩbaalʋ a, lɛ n'a a Sore zɔrɛ a bɛlɩ dem na zɔrɛ ʋ a nɩbaalʋ.

Sɛb-sõw yielu 94:12

Sore e, zu-nʋ̃ɔ̀ sob'ɩ a sob nɛ fʋ na mɩ́ kpãa a, a fʋ wulu na mɩ́ ɩ k'ʋ zanɩ yã a.

Sɛb-sõw yielu 86:5

Fʋ̃ʋ a, Sore e, fʋ ɩ n nɩ-vla, ɛ́ dɩrɛ suur, a fʋ nɔ̃wfʋ bɛ dɩ vuo a bɛlɩ dem na bʋɔlɛ fʋ a ƴãw ɛ.

Sɛb-sõw yielu 78:38

Ɛcɛ ʋl na ɩ su-ɓaarʋ sob a, ʋ mɩ́ tɩ dɩ n a bɛ sãwna suur kʋ̀ bɛ, ɛ́ bɛ ɩ bɛ kpi ɛ. Kʋralɛ, ʋ mɩ́ tɩ vɔl'ɩ suur, ʋ bɛ mɩ́ tɩ sàw bɛr a ʋ suur ʋ ìr ɛ,

Sɛb-sõw yielu 37:37

Jɩ́rɛ a nɩ-vla, ɛ́ nyɛ̃ a nɩr na cere dẽdẽ a: a nɩr na nɔnɛ a ƴã-ɓaarʋ a mɩ́ tɛr'ɩ bʋʋrɛ.

A Zɔb sɛbɛ 23:10

Ɛcɛ ʋ bãw nɩ a sɔ́r ʋl ɩ̃ na tuur a: ʋ ƴãw mɛ̃ nɩ kpɩɛrʋ pʋɔ, ɛcɛ ɩ̃ na yi na nyɩwrɛ mɛ̃ salm-zɩɛ bɛ na zuw ír a.

A Zɔb sɛbɛ 1:2

Ʋ tɩ dɔw nɩ bidɛbr ayopõi nɩ pɔwyaar ata.

Neemi 9:17

Bɛ zawr'ɩ a nʋɔr-sàwfʋ, bɛ yiir'ɩ a nɔ-ɓãa-yele fʋ na maalɩ a bɛ ƴãw a. Bɛ kpãa nɩ tobr, ɛ́ yel kɛ́ bɛ na lɛb'a cen a Eziptɩ tẽw a bɛ gbãgbaalʋ pʋɔ. Ɛcɛ, fʋ̃ʋ a, fʋ bɛ tɩ jɛ bɛ bɛr ɛ, fʋ na ɩ Naaŋmɩn na dɩrɛ suur a ƴãw, Naaŋmɩn-vla na zɔrɛ nɩbaalʋ a, a suur na bɛ pawr, ɛ́ fʋ ɩ nɔ̃wfʋ tɛwr a.

2 Bibie za yel-manɩ 30:9

Nyɩmɛ wa lɛb wa a Sore zie a, a bɛlɩ dem na tɛr a nyɩ tẽ-bi-taabɛ nɩ a nyɩ yie dem cen nɩ a tẽ-yũo a na wul'ɩ nɔ̃wfʋ a bɛ zie, ɛ́ bɛr bɛ bɛ lɛb wa a tẽw ŋa pʋɔ. A Sore nyɩ Naaŋmɩn kʋ̃ ŋmɛlɩ kpaar cɔw nyɩ, nyɩmɛ wa lɛb wa a ʋ zie a ɩ, bʋ̃ʋ n'ʋ vɛ̃, ʋ ɩ n nɔ̃wfʋ ɛ́ zɔrɛ nɩbaalʋ.»

Sɛb-sõw yielu 145:8

A Sore ɩ n su-ɓaarʋ sob nɩ nɩbaal-zɔrɛ, a ʋ suur bɛ pawr ɛ, ʋʋ ɩ nɔ̃wfʋ tɛwr.

Sɛb-sõw yielu 51:1

Yiel-yielbɛ nɩ-kpɛ̃ɛ sɛbɛ pʋɔ yielu. Sɛb-sõw yielu Daviir na maalɩ a.

Neemi 9:31

Ɛcɛ, a fʋ nɔ̃wfʋ na bɛ tɛr baarʋ a zũú, fʋ bɛ kʋ bɛ pàw pɛr ɛ, fʋ bɛ jɛ bɛ bɛr ɛ, bʋ̃ʋ n'ʋ vɛ̃, fʋ ɩ n Naaŋmɩn na ɩ nɔ̃wfʋ ɛ́ ɩ nɩbaal-zɔrɛ a.

A Zɔb sɛbɛ 1:1

Nɩr kãw tɩ be n Usɩ tẽw, a yúor dɩ kɛ́ Zɔb. Ʋ bɛ tɩ tɛr sãwna ɩ, ɛ́ tuur yel-mɩŋa. Ʋ tɩ ƴãwnɛ nɩ a Naaŋmɩn ɛ́ bɛ pɩɛlɛ ɩ-faa ɩ.

Zakɩ 1:2

Ɩ̃ yɛbr i, a lɛn daar nyɩ na mɩ́ be a kpɩɛrʋ bʋʋrɛ za pʋɔ a, nyɩ mɩ́ tɩɛrɛ kɛ́ nyɩ tɛr'ɩ zu-nʋ̃ɔ̀ yaga.

1 Pɩɛr 3:14

Ɛcɛ nyɩmɛ saa na nyɛrɛ dɔwrʋ a mɩnʋ zũú a, zu-nʋ̃ɔ̀ dem n'ɩ nyɩ. Nyɩ ta zɔrɛ a nɩbɛ towtow ɛ, ɛ́ ta tɛr dɛ̃bɩ̃ɛ kãw za ɩ.

Luka 11:10

Bʋ̃ʋ n'ʋ vɛ̃, sob nɛ za na zɛlɛ a, ʋ mɩ́ páw na, sob nɛ za na bɔbr a, ʋ mɩ́ nyɛ̃ na, sob nɛ za na kpàwrɛ a pan a, bɛ mɩ́ yuo ʋ na.