Zakɩ 2:5 - A SƐB-SÕW

⁵ Nyɩ bɛrɛ wone, ɩ̃ yɛb-nɔnɩ i: a Naaŋmɩn bɛ tʋ̃ɔ́ kaa ír a bɛlɩ dem na ɩ nan dem a tẽ-daa zie a, ƴãw bɛ kpɛ a ʋ sàw-deb naalʋ, ɛ́ ɩ a ʋ Naalʋ gbã-dɩrbɛ ɩ? A Naalʋ ŋa ʋ na ƴãw nʋɔr k'ʋʋ na kʋ̀ n a bɛlɩ dem na nɔnɛ ʋ a ɩ?

Zakɩ 2:5 Referans Kwoze

Matie 5:3

«Zu-nʋ̃ɔ̀ dem n'ɩ a bɛlɩ dem na ɩ nan dem a bɛ pʋ-tɩɛrʋ pʋɔ a, bɛlɛ so a tẽ-vla Naalʋ.

Luka 6:20

Lɛ n'a a Yeezu tɩ jɩ́r a ʋ po-tuurbɛ ɛ́ yel bɛ: «Zu-nʋ̃ɔ̀ dem n'ɩ nyɩ, nyɩɩm nan dem: nyɩmɛ so a Naaŋmɩn Naalʋ!

Yel-wula 2:9

ɩ̃ bãw nɩ a fʋ kpɩɛrʋ nɩ a fʋ nã́w, ɛcɛ fʋ nɩ̃ɛ na kpɛ naalʋ! Ɩ̃ bãw nɩ a zʋmɛ a bɛlɩ dem na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a na tʋʋr fʋ a: Sɩtaana lãw nɩbɛ nɛbɛ.

2 Korɛ̃tɩ 8:9

Nyɩ bãw nɩ a lɛ a tɩ Sore Yeezu Kɩrɩta na maalɩ tɩ a, ʋl na tɩ kpɛ bom za naalʋ a, ʋ lɩɛb'ɩ nã́w sob a nyɩɩm ƴãw, k'ʋʋ ɩ nyɩ kpɛ naalʋ nɩ a ʋ nã́w.

Luka 12:21

A Yeezu tɩ yel a ƴãw pʋɔ: «À ŋá n'a a mɩ́ ŋmɛ̃ a ʋlɩ sob nɛ zie na bɔbr a naalʋ ʋl yõ ƴãw a, ɛ́ bɛ bɔbr k'ʋʋ kpɛ naalʋ a Naaŋmɩn ƴãw a.»

1 Pɩɛr 1:4

Ʋ ɩ na tɩ lɛb dɔw na páw a gbã-dɩ-bom ʋl na kʋ̃ pʋ̃ɔ a, na bɛ tɛr dɛwr ɛ́ a vɩɛlʋ mɩ̀ bɛ tɛr nãà siwri a. A gbã-dɩ-bom ŋa gùre nyɩ nɩ a tẽ-vla pʋɔ,

Zakɩ 1:12

Zu-nʋ̃ɔ̀ sob'ɩ a nɩr ʋl na mɩ́ dɩ kanyir a kpɩɛrʋ pʋɔ a. Bɛlɛ wa ɩ ʋ kaa baar'a, ʋ na páw nɩ a dɛpaal-kpawʋɔ na ɩ a nyɔ-vʋʋrʋ na be kʋralɛ, a Naaŋmɩn na yel k'ʋʋ na kʋ̀ n a bɛlɩ dem na nɔnɛ ʋ a.

Ebre 11:26

Ʋ mɩ̀ tɩ nyɛ̃ na bɛ na na ɩ ʋ la mɛ̃ a Kɩrɩta bɛ na ɩ la a, a vɩɛl zuo a Eziptɩ tẽw na-bome, bʋ̃ʋ n'ʋ vɛ̃, a maalʋ na waar a n'a ʋ tɩ tori niwn jɩ́rɛ.

Luka 12:32

«Nyɩ ta zɔrɛ dɛ̃bɩ̃ɛ ɩ, nyɩɩm na ɩ mɛ̃ zaw-pʋrɩ dʋn a. A pɛlɩ nɩ a nyɩ Sãà pʋɔ ʋ kʋ̀ nyɩ a tẽ-vla Naalʋ.

1 Korɛ̃tɩ 2:9

Ɛcɛ, mɛ̃ a lɛ bɛ na sɛb a: «Bom nɛ mimir na bɛ nyɛ̃ a, bom nɛ tobr na bɛ wõ a, bom nɛ a tɩɛrʋ na bɛ tɔ a nɩsaal a, ʋlɛ n'ʋ a Naaŋmɩn cɔbrɩ a bɛlɩ dem na nɔnɛ ʋ a ƴãw.»

Matie 25:34

Lɛ n'a a nãà na yel a ʋ dʋrʋ lowr dem: “Nyɩ wa, nyɩɩm a ɩ̃ Sãà na maalɩ a, nyɩ wa pʋɔ a tẽ-vla Naalʋ pʋɔ ʋ na cɔbrɩ a nyɩ ƴãw a tẽ-daa íru daar za a.

Yel-wula 21:7

A bom ŋa n'ʋ a sob nɛ na zɛb tʋ̃ɔ́ a na páw, ɩ̃ɩ na ɩ n a ʋ Naaŋmɩn, ʋʋ ɩ a ɩ̃ bie.

Zakɩ 1:9

A yɛb ʋl na bɛ tɛr a a, ʋ cɩlɛ a Naaŋmɩn na zɛwr ʋ a ƴãw,

2 Timote 4:8

Ƴɛrɛŋa a, a mɩnʋ sã-ya gùre mɛ̃ na. A ƴɛ̀rʋ-maalʋ bibir wa vɩɛ a, a Sore na ɩ ƴɛ̀r-maalɛ na tuur yel-mɩŋa a na de ʋ na kʋ̀ m. Ɛcɛ mãa yõ kʋ̃ n'ʋ ɛ, ʋ mɩ̀ na de ʋ na kʋ̀ a bɛlɩ dem za na gùre nɩ nɔ̃wfʋ a daar ʋl ʋ nãà wa sãá a.

2 Korɛ̃tɩ 6:10

Bɛ ƴãwnɛ tɩ nɩ pʋ-sãwna, ɛ́ nʋ̃ɔ̀ kpɩɛr tɩ bibie za. Tɩ ɩ n nan dem, ɛ́ ɩrɛ nɩ-yaga lɩɛbɛ na-mɩnɛ. Tɩɩm na tɛr bom za a, a sãá na mɛ̃ tɩ bɛ tɛr bom a.

Yel-wula 3:18

Ɩ̃ wule fʋ nɩ yã a: dà salm-zɩɛ a ɩ̃ zie tʋ̃ɔ́ sɩrɩ kpɛ naalʋ, salm-zɩɛ bɛ na zuw ír a dɛwr bɛr a. Dà kpar-pɛlɛ su pàw fʋ tʋɔra, a fʋ ƴã-gan zawla na ɩrɛ vĩ a ta cãà sãá ɩ. Mɩ̀ dà mimie tɩ̃ɩ sanɩ nɩ a fʋ mimie kɛ́ fʋ tʋ̃ɔ́ nyɛrɛ.

1 Timote 6:18

Yel kʋ̀ bɛ kɛ́ bɛ maalɛ a vla, ɛ́ kpɛ ɩ-vɩɛlɩ naalʋ, kɛ́ bɛ sàw tɩrɛ yaga ɛ́ pone a bɛ bome kʋ̀rɛ a bɛ taabɛ.

Luka 16:25

Ɛcɛ a Abraham tɩ yel ʋ na: “Ɩ̃ bie e, lɛb tɩɛrɩ bãwnɩ fʋ na páw a nʋ̃ɔ̀ a fʋ tẽw zu nyɔ-vʋʋrʋ pʋɔ, ɛ́ a Lazaar páw a tuo a. Ƴɛrɛŋa a, ʋ nyɛrɛ nɩ mɔwlʋ a ka, ɛ́ fʋ mɩ̀ nɩ̃ɛ wone tuo.

Matie 11:5

a zɔn nyɛrɛ na, a wʋbr cere dẽdẽ, a kɔn lɛb vɩɛl, ɛ́ a won wone, a kũuni lɛbr yire, ɛ́ a Yel-nʋ̃ɔ̀ hieri ta a nan dem.

1 Samɩɛl 2:30

A na ɩ à ŋá a, a mãa Sore, a Ɩsɩrayɛl Naaŋmɩn, à ŋá n'a ɩ̃ yere kʋ̀rɛ fʋ: ɩ̃ tɩ yel'a k'aa fʋ yir nɩbɛ nɩ a fʋ dɔwlʋ nɩbɛ mɔ̃ mɩ̀ na ɩ n a ɩ̃ bàwr-maalbɛ kʋralɛ. Ɛcɛ ƴɛrɛŋa a, mãa n'ʋ yere: lɛ bɛ cãà n'a ɩ. Bʋ̃ʋ n'ʋ vɛ̃, ɩ̃ ƴãwnɛ nɩ bɛlɩ dem na ƴãwnɛ mɛ̃ a, ɛ́ bɛlɩ dem na bɛ ƴãwnɛ mɛ̃ a, bɛ mɩ̀ kʋ̃ nyɛ̃ ƴãwfʋ ɛ.

2 Pɩɛr 1:11

Ɛ́ lɛ n'a nyɩ na kpɛ a tɩ Sore nɩ a tɩ Faarɛ Yeezu Kɩrɩta naalʋ na be kʋralɛ a pʋɔ, mɔlɛ mɔlɛ lɛ.

2 Timote 4:18

A Sore na cãà na lɛb faa mɛ̃ yel-faa za pʋɔ. Ʋ na faa mɛ̃ na ɛ́ ƴãw ɩ̃ kpɛ a ʋ tẽ-vla Naalʋ pʋɔ. Ʋlɛ so yúor-vɩɛlʋ-danʋ a yome yome za. Amɛn.

2 Tesalonikɩ 1:5

Naaŋmɩn ƴɛ̀rʋ maalʋ na tu yel-mɩŋa a bãwfʋ n'ɩ à ŋà, bʋ̃ʋ n'ʋ vɛ̃, a kanyir nyɩ na mɩ́ dɩ a, na ɩ na nyɩ sɛw taa nɩ a Naaŋmɩn Naalʋ, a Naalʋ ŋa ƴãw nyɩ na wone a tuo a.

Efɛɛzɩ 3:8

A mãa na ɩ a pʋrɩ woro a kɩrɩta-nɩbɛ za pʋɔ a, mãa n'ʋ a Naaŋmɩn kʋ̀ a maalʋ ŋa, k'ɩ̃ɩ hieri yel a Kɩrɩta Naalʋ na bɛ vʋʋr a Yel-nʋ̃ɔ̀ kʋ̀ a nɩ-bʋʋr-yoru,

Ʋrɔm 8:17

Tɩ na ɩ a ʋ bibiir a, tɩ mɩ̀ pʋɔ nɩ a maalʋ a Naaŋmɩn na yel k'ʋʋ na kʋ̀ n a ʋ nɩ-bʋʋrɛ a pʋɔ, tɩ pʋɔ na lãw nɩ a Kɩrɩta, bʋ̃ʋ n'ʋ vɛ̃, tɩmɛ wa ɩ mɛ̃ tɩ lãw nɩ nɩ a Kɩrɩta wone a tuo a, tɩ mɩ̀ nãà lãw nɩ ʋ na a ʋ yúor-vɩɛlʋ-danʋ pʋɔ.

Luka 16:22

Ɛcɛ a nã́w sob wa kpi na, a malkɩ mɩnɛ ɓáw ʋ cen nɩ a Abraham zie. A nãà mɩ̀ kpi, bɛ ũù ʋ.

Zakari 11:7

Lɛ n'a ɩ̃ tɩ ɩ a píir, a yɛ-yɛ-nyãnyuwr na tɩ waar na kʋ a, cɩ̃ɩnɛ. Ɩ̃ tɩ de nɩ pi-cɩ̃ɩn-da-kʋrɩ ayi. Ɩ̃ tɩ por'ɩ a dãw-niwn-sob “Báalʋ”, ɛ́ por a ayi sob “Lãw-taa”, ɛ́ kaarɛ a píir zie.

Ɩzayi 29:19

A bãbàalbɛ na nyɛrɛ nɩ nʋ̃ɔ̀ dɔwlɛ a Sore zie, ɛ́ a bɛl na ɩ nan dem zuo za a nɩsaalbɛ pʋɔ a, cɩlɛ ƴawr'ɩ a Ɩsɩrayɛl Naaŋmɩn na ɩ sõw a zũú.

Ɩzayi 14:32

Bɛ sɔw kɛ́ bʋnʋ kʋ̀ a nɩbɛ a Filisɩtɛ̃ mɩnɛ na tõ a? K'aa Sore mɩŋa n'ʋ mɛ a Sɩyɔ̃ tẽw. Be n'a a ʋ nɩ-bʋʋrɛ bãbàalbɛ kʋ̃ bãw damnʋ ɛ.

A Zɔb sɛbɛ 34:19

Ʋl yõ n'ʋ bɛ mɩ́ kpɛ a nɩ-bɛrɛ ɩ, ɛ́ bɛ mɩ́ ƴãw a tɛra sob zuo a nã́w sob ɛ, bʋ̃ʋ n'ʋ vɛ̃, bɛ za ɩ n a ʋ nuru bʋ̃-maalɩ.

A Zɔb sɛbɛ 34:10

A na ɩ à ŋá a, nyɩɩm yã-bãwnbɛ, nyɩ bɛrɛ wone mɛ̃: A Naaŋmɩn kʋ̃ tʋ̃ɔ́ maalɩ yel-faa towtow ɛ, a Kpɛnʋ-za-sob kʋ̃ tʋ̃ɔ́ ɩ ɩb na bɛ tu sɔ́r a ɩ!

Eziptɩ tẽw yib 20:6

Ɛcɛ a bɛlɩ dem na nɔnɛ mɛ̃ ɛ́ sàwr a ɩ̃ nɛ́ɛ a, ɩ̃ mɩ́ tɛr'ɩ nɔ̃wfʋ-ɩb a bɛ zie tɩ ta bɛ na dɔw tu taa gb'aa túr a.»

Zakɩ 1:16

Ɩ̃ yɛb-nɔnɩ i, nyɩ ta bɛlɛ nyɩ tʋɔra ɩ:

1 Tesalonikɩ 2:12

Tɩ kpaalɩ nyɩ na, tɩ yel'a kɛ́ nyɩ ƴãw fãw, tɩ zɛlɩ nyɩ nɩ yãayãa k'aa nyɩ cenu sɛw taa nɩ a Naaŋmɩn na bʋɔlɛ nyɩ kɛ́ nyɩ wa pʋɔ a ʋ naalʋ pʋɔ nɩ a ʋ yúor-vɩɛlʋ-danʋ pʋɔ a.

Efɛɛzɩ 1:18

Ʋ sàw caalɩ a nyɩ socie nɩ a ʋ cãà, nyɩ tʋ̃ɔ́ bãw a tɩɛrʋ ʋl a ʋ bʋɔlʋ na ɩ kɛ́ nyɩ tɛr a, nɩ a ʋ gbã-dɩ-bom na vɩɛl bɛ tɛr tɔ, ʋ na cɔbrɩ cɛlɛ nɩ a ʋ nɩ-sori a.

2 Korɛ̃tɩ 4:15

A nyɩɩm ƴãw n'a tɩ sàwr tuo za, k'aa Naaŋmɩn maalʋ tarɛ nɩ-yaga dɔwlɛ, lɛ n'a nɩ-yaga na puore a Naaŋmɩn yãanɩ a ʋ yúor-vɩɛlʋ-danʋ ƴãw.

Zã 7:48

Nyɩ jieli nyɛ̃, a nɩ-bɛrɛ pʋɔ nɩ a Faarizɩ̃ɛ mɩnɛ pʋɔ a, nɩ-been yõ sàw na de a ʋ yele e?

Luka 22:29

Ɛ́ a mãa a, ɩ̃ so nɩ a naalʋ na kʋ̀ nyɩ, mɛ̃ a lɛ a ɩ̃ Sãà na so ʋ kʋ̀ m a:

Markɩ 7:14

A al pùorí, a Yeezu tɩ lɛb'a bʋɔlɩ a zu-sɛbla wa yel bɛ: «Nyɩ ƴãw tobr nyɩ za, ɛ́ bãw a yel ŋa pɛr vla:

Zakari 11:11

Lɛ n'a a wõ-taa tɩ sãw a ʋlɩ daar nɛ za. A yɛ-yɛ-nyãnyuwr na tɩ jɩ́rɛ a lɛ ɩ̃ na ɩrɛ a, tɩ nyɛ̃ na bãw k'aa Sore n'ʋ ƴɛ̀rɛ a ɩ̃ ɩ-ɩrɩ pʋɔ.

Sofoni 3:12

Su-siwri dem nɩ nan dem tɛwr nɛbɛ ɩ̃ na bɛr a nyɩ pʋɔ, ɛ́ bɛ na mɩ́ zɛlɛ na k'ɩ̃ɩ gùre bɛ.

Zʋkpaɩ 8:32

«Ƴɛrɛŋa a, ɩ̃ bibiir i, nyɩ bɛrɛ wone mɛ̃. Zu-nʋ̃ɔ̀ dem'ɩ a bɛlɩ dem na tuur a lɛ ɩ̃ na yere a.

Zʋkpaɩ 7:24

Ƴɛrɛŋa a, ɩ̃ bibiir i, nyɩ bɛrɛ wone mɛ̃, nyɩ cɛlɛ a ɩ̃ ƴɛ̀rʋ zie.

A Zɔb sɛbɛ 38:14

Lɛ n'a a tẽsɔw ŋmɛ̃a pãa mɩ́ sãá ɩ mɛ̃ yaw-nawra bɛ na nɛ̃ nɩ ŋmaarʋ-bʋ̃-ƴãwna a, ɛ́ a zie za ɩ mɛ̃ kparʋ na ƴãw pɩ̃ɛmɛ a.

1 Na-mɩnɛ 22:28

A Mise sɔw ʋ: «Fʋ̃ʋ wa lɛb wa n ƴã-ɓaarʋ a, a wul'a k'aa Sore bɛ n'ʋ ƴɛ̀r'ɩ a ɩ̃ nʋɔr ɛ.»

Nɩ-toni 7:2

A Ɩtɩɛn tɩ sɔw na: «Ɩ̃ yɛbr nɩ ɩ̃ sãà mɩnɛ ɛ, nyɩ cɛlɛ vla: a yúor-vɩɛlʋ-danʋ Naaŋmɩn tɩ wul'ɩ ʋ tʋɔra a tɩ sãàkʋm-kʋra Abraham, a lɛ ʋ na tɩ be a Mezopotami ɛ́ wa bãw kpɛ a Haran a.

Ƴɛ̀r-dɩrbɛ 9:7

Bɛ tɩ yel'ɩ a yel ŋa kʋ̀ a Yotam. Ʋ tɩ cen na tɩ do a Garizim tãw nyʋɔrɩ́ za, ɛ́ ŋmɛ cɛl kpɛ̃w kpɛ̃w za yel à ŋá: «Sɩsɛm tẽw ziir dem i, nyɩ bɛr wõ m, ɛ́ Naaŋmɩn na bɛr'a wõ nyɩ.

1 Samɩɛl 2:8

Ʋ mɩ́ nyɔw nɩ a bãbàal a tanɛ pʋɔ ʋ lɛb ìr, ɛ́ ír a nã́w sob a sagɛ pʋɔ, k'ʋʋ zɩɩlɩ bɛ na-mɩnɛ dà-kɔwr zu, bɛlɛ nɩ a nɩ-yée. A Sore so a tẽw za, ʋlɛ n'ʋ dɔwl'ʋ a ʋ kpule zu.

Zʋkpaɩ 13:7

Nɩbɛ bɛ mɩnɛ mɩ́ ɩrɛ nɩ na-ɩb ɛ́ bɛ tɛr bom ɛ, ɛ́ bɛ mɩnɛ ɩrɛ nã́w-ɩb ɛ́ na-bome kʋrɛ bɛ.

Zakɩ 1:19

Ɩ̃ yɛb-nɔnɩ i, nyɩ bãw nɩ a yel ŋa: nɩr za n'ʋ a fɛr k'ʋʋ mɩ́ páwr a bɛr-wob ƴãw, ɛ́ ta páwr a ƴɛ̀rʋ ƴãw ɛ, ta páwr a suur nyɛ́b ƴãw ɛ.