Zakɩ 1:4 - A SƐB-SÕW

⁴ Ɛcɛ a nyɩ kanyir ɩb, ʋ mɩ́ sãá vla kɛ̀ nyɩ tʋ̃ɔ́ mɩ́ vɩɛl nyɩ za, ta tɛr faalʋ ɛ, bom za ta cɛ nyɩ ɛ.

Zakɩ 1:4 Referans Kwoze

1 Pɩɛr 5:10

Ɛ́ nyɩmɛ wa wõ tuo kɔwrɩ blã a, a maalʋ za Naaŋmɩn na bʋɔlɩ nyɩ a ʋ yúor-vɩɛlʋ-danʋ na be kʋralɛ a Kɩrɩta pʋɔ a ƴãw a, ʋl tɔr za na lɛb maalɩ nyɩ na ƴãw a pùorí. Ʋ na ɩ na nyɩ kpɛmɛ dɔwlɩ, ʋ na kʋ̀ nyɩ nɩ fãw dɔwlɩ, ɛ́ ɩ nyɩ ta bãw damnʋ ɛ.

Luka 21:19

A nyɩ kanyir dɩb pʋɔ n'a nyɩ na páw a nyɔ-vʋʋrʋ.»

Matie 5:48

Lɛ so, a nyɩɩm a, nyɩ vɩɛl nyɩ za, mɛ̃ a lɛ a nyɩ tẽ-vla pʋɔ Sãà na vɩɛl ʋ za a.»

2 Timote 3:17

k'aa Naaŋmɩn nɩr mɩ́ cɔbrɩ ʋ za yel-vla za maalʋ ƴãw.

Habakukɩ 2:3

A daar ʋl a yel ŋa na na ɩ a, bɛ ta sɛr ɛ. Ɛcɛ a ʋ yel-mɩŋa na sãá nɩ a ʋ daar. Bɛr tɩɛrʋ ɛ́ gùre, alɛ saa sãá mɛ̃ a cɛlɛ na a: a ʋlɩ bom nɛ ɩ̃ na yere a na ta na, bʋnʋ bɛ ka be ɩ, a bɛ lɛb kɔwrɛ ɩ.

Ebre 13:21

A Naaŋmɩn ŋa a, ʋ ɩ kɛ̀ nyɩ mɩ́ tʋ̃ɔ́ yel-vla za maalɩ, tʋ̃ɔ́ maalɛ a ʋ pʋ-tɩɛrʋ. Ʋ mɩ́ maalɩ a lɛ na pɛlɩ a ʋ pʋɔ a, a tɩ zie, a Yeezu Kɩrɩta ƴãw, ʋl na so danʋ a yome yome za a. Amɛn.

Galasi 6:9

Nyɩ ɩ tɩ taa bàlɛ a vla maalʋ ƴãw ɛ, bʋ̃ʋ n'ʋ vɛ̃, tɩmɛ bɛ wa bàl tɩɛ bɛr a, ɛ́ a daar wa ta a, tɩ na cɛ na.

Sɛb-sõw yielu 40:1

Yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Sɛb-sõw yielu Daviir na maalɩ a.

Sɛb-sõw yielu 37:7

Ɩ gbili a Sore niŋé, ɛ́ tɩɛrɛ ʋ. Taa nyɛrɛ nɩ a sob nɛ yele na cere vla a suur ɛ, a nɩr na mɩ́ tɛr libelibe a ɩ.

Zakɩ 3:2

Tɩ za tule nɩ yaga za. Nɩr bɛ wa tule towtow a ʋ ƴɛ̀rʋ pʋɔ a, ʋ ɩ n nɩ-vla baarɩ, ʋ na tʋ̃ɔ́ na nyɔw ʋ mɩŋa.

Zakɩ 1:5

Ɛcɛ a nyɩ kãw bɛ wa tɛr a yã-bãwfʋ a, ʋ zɛlɩ a yã-bãwfʋ a Naaŋmɩn zie, ʋʋ na kʋ̀ ʋ na. Ʋ mɩ́ tɩr'ɩ daadaa, ɛ́ bɛ tɩrɛ yere nɩ a sob ɛ.

1 Korɛ̃tɩ 2:6

Yã-bãwfʋ ƴɛ̀rʋ n'a tɩ sɩrɩ ƴɛ̀rɛ a kɩrɩta-nɩbɛ bɛl na bɩ nɩbɛ a bɛ naaŋmɩn-sàw-deb pʋɔ a sɔgɔ, yã-bãwfʋ na bɛ ɩ tẽw ŋa zu dem, bɛ lɛb ɩ tẽw ŋa zu na-mɩnɛ dem a n'ʋ, bɛl be n kũu ƴãw.

Kɔlɔsɩ 4:12

A Epafarasɩ na ɩ a nyɩ nɩr a, ʋ mɩ̀ puore nyɩ na. A Yeezu Kɩrɩta tõ-tõ-bie ŋa tʋlɛ nɩ a puoru ƴãw, puore kʋ̀rɛ nyɩ kʋralɛ, kɛ́ nyɩ tʋ̃ɔ́ tɛ nyɩgɛ ɛ́ bɩ nɩbɛ baar a Kɩrɩta sɔ́r pʋɔ, maalɛ a Naaŋmɩn pʋ-tɩɛrʋ za.

Luka 8:15

A bʋ̃-bie al na lo a tẽsɔw-vla pʋɔ a n'ɩ a bɛlɩ dem na bɛrɛ wone a Naaŋmɩn ƴɛ̀rʋ, ɛ́ mɩ́ sàw de nɩ bɛ pʋɔ za a. Bɛ bɛ lɛbr pùor ɛ, alɛ so bɛ mɩ́ wɔ̃ wɔmɛ.»

Matie 10:22

Nɩbɛ za na hɩ̃ɛn nyɩ na a ɩ̃ ƴãw. Ɛcɛ sob nɛ wa ƴãw fãw tɩ ta a baarʋ daar a, ʋ na nyɛ̃ nɩ a faafʋ.

A Zɔb sɛbɛ 17:9

Bɛ yere na: «A nɩ-mɩŋa, ʋ cãà cere vla a ʋ cenu pʋɔ, ɛ́ a nɩr a nuru na bɛ mar dɛwr a lɛb bãw ƴãw fãw!»

Zʋkpaɩ 4:8

Weri a yã-bãwfʋ fɩɩrɩ tɛr, ʋʋ na ɩ na fʋ ɩ kpɛ̃ɛ. Fʋ̃ʋ wa were ʋ a, ʋ na ɩ na fʋ tɛr yúor.

2 Pɩɛr 1:9

Sob nɛ za na bɛ tɛr a a, ʋ ɩ n zɔ̃w na bɔblɛ a: ʋ yiir'a kɛ́ bɛ pɛ́w nɩ a ʋ dãwdãw yel-bebe dɛwr bɛr.

Zã 17:23

ɩ̃ lãw nɩ bɛ, ɛ́ fʋ lãw nɩ mɛ̃, kɛ́ a bɛ lãw-taa vɩɛl ʋ za: lɛ n'a a tẽ-daa na bãw kɛ́ fʋ tõ m'a, ɩ̃ɩ nɔ̃w bɛ mɛ̃ fʋ na nɔ̃w mɛ̃ a.

Luka 18:22

A Yeezu na tɩ wõ à à ŋá a, ʋ yel ʋ na: «Bʋ̃-been yõ n'ʋ cãà cɛ b: kʋɔrɩ a fʋ bʋ̃-tɛrɩ za, de a libie põ nan dem, ɛ́ fʋ na tɛr'ɩ na-bome a tẽ-vla pʋɔ, al pùorí, wa tuur mɛ̃.»

Markɩ 10:21

A Yeezu tɩ bɛl ʋ na kaa ɛ́ nɔ̃w ʋ. Ʋ tɩ yel ʋ na: «Bʋ̃-been yõ n'ʋ cɛ fʋ: kul tɩ kʋɔrɩ a fʋ bʋ̃-tɛrɩ za, de a libie kʋ̀ nan dem, ɛ́ fʋ na páw nɩ na-bome a tẽ-vla pʋɔ. Al pùorí, wa tuur mɛ̃.»

Matie 19:20

A pɔlbile yel ʋ: «Ɩ̃ sàw nɩ a nɛ-ƴãwnɩ á ŋá za. Bʋ̃ʋ n'ʋ cãà cɛ m?»

1 Tesalonikɩ 5:23

A ƴã-ɓaarʋ Naaŋmɩn tɔr za, ʋ ɩ nyɩ ɩ son nyɩ za, ʋ gù a nyɩ nɩɩlʋ za, a tɩɛrʋ, a sɩ́ɛ nɩ a ƴã-gan, ʋ taa wa tɛr sãwna bɛ yere a tɩ Sore Yeezu Kɩrɩta waa daar ɛ.