Zakari 9:15 - A SƐB-SÕW

¹⁵ A Sore, a Kpɛnʋ-za-sob, na gù n a ʋ nɩ-bʋʋrɛ. Ʋ na lɔb'ɩ a sa-bi-kube sãw nɩ ɛ́ ŋmɛr ŋmɛr bom za na bà gbɛ́r a ʋ niŋé a bɛr: bɛ na ɩ na a dɔ̃ dem zɩ̃ɩ gbɔlɛ mɛ̃ divɛ̃, bɩɩ mɛ̃ a bàwr-maal-zɩ̃ɩ na paalɩ lali-mɩrɩ, ɛ́ pàw a bàwr-maal-kuur ɩ́lɛ́ a.

Zakari 9:15 Referans Kwoze

Zakari 12:6

A lɛn daar a, ɩ̃ na ɩ na a Zuda niw-dierbɛ ɩ mɛ̃ vũu na nyɔw dàar dɩrɛ a, bɩɩ mɛ̃ mɔ̃-'lena vũu bɛ na tõ ƴãw ble-dor pile a. A lõbowe za a, bɛ na sãw nɩ a nɩ-bʋʋrɛ na viiri koli bɛ a bɛr. Ɛcɛ a Zerizalɛm nɩbɛ na cãà na kpɩɛr a bɛ tẽw pʋɔ.»

Zakari 10:7

A Efarayim nɩbɛ na kpɛmɛ na mɛ̃ gãdaar a, nʋ̃ɔ̀ na ɩrɛ bɛ na mɛ̃ nɩbɛ na nyũ divɛ̃ a. A bɛ bibiir na nyɛ̃ bɛ na nʋ̃ɔ̀ ɩrɛ bɛ, bɛ na cɩlɛ nɩ bɛ za a Sore ƴãw.

Zakari 12:8

A lɛn daar a, a Sore na gù n a Zerizalɛm nɩbɛ: a bɛl na bɛ tɛr fãw kãw za a bɛ pʋɔ a na kpɛmɛ na mɛ̃ a Daviir a, ɛ́ a Daviir bʋʋrɛ ɩ mɛ̃ a Naaŋmɩn a bɛ zie a, mɛ̃ a Sore malkɩ na de bɛ niwn a.

Zakari 10:5

Bɛ na ɩ na mɛ̃ gãdaar a, nɛbr a bɛl na zɛbr'ɩ bɛ a nɩ gbɛ́ɛ, mɛ̃ sɔ́r zu tanɛ a. Bɛ na zɛbr'ɩ à à ŋá, a mãa, Sore na lãw nɩ bɛ a ƴãw. A dɔ̃ dem na zɔm wie a, na nyɛ̃ nɩ vĩ.

Eziptɩ tẽw yib 27:2

Bɛ na ƴãw ʋ nɩ ɩ́lɛ́, a ʋ saa-zu gõgone anaar ƴãw, ɛ́ ɩ a nyɛ nyɔw ʋ. Bɛ na nyɩl'ɩ kur-zɩɛ pàw a bàwr-maal-kuur.

Sɛb-sõw yielu 78:65

Lɛ n'a a Sore tɩ zaw ìr mɛ̃ gʋ̃ɔ-gúre a, mɛ̃ gãdaa dãa na ɩrɛ a.

Levitɩ mɩnɛ 4:25

A bàwr-maalɛ na ír'ɩ nobir tõ a dʋ̃w zɩ̃ɩ pʋɔ ɩ n a zɩ̃ɩ ƴãw a nyɩw-a-za-bàwr bàwr-maal-kuur ɩ́lɛ́ ƴãw. Al pùorí ʋ cir a zɩ̃ɩ za na cɛ a ƴãw a ʋlɩ bàwr-maal-kuur nɛ sɩɛmɩ́.

Levitɩ mɩnɛ 4:18

Ʋ mɩ̀ na ɩ n a zɩ̃ɩ ƴãw a bàwr-maal-kuur na be a tuor-taa pɛn-sɛw pʋɔ a ɩ́lɛ́ ƴãw, a Sore niŋé, ɛ́ yi n a zɩ̃ɩ na cɛ a, tɩ cir a za ƴãw a nyɩw-a-za-bàwr bàwr-maal-kuur na be a tuor-taa pɛn-sɛw dɩ̃dɔrɩ́ a sɩɛ ƴãw.

Efɛɛzɩ 5:18

Nyɩ ta kuole dãa ɩ, alɛ n'a waar'ɩ a faalʋ, ɛcɛ nyɩ ɩ a Vʋʋrʋ Sõw paalɩ nyɩ.

1 Korɛ̃tɩ 1:18

A Kɩrɩta da-gara zu kũu tɩ na hiere a, a ɩ n gẽgẽ-ɩb a bɛlɩ dem na bɔrɛ a zie. Ɛcɛ a bɛlɩ dem na lo a faafʋ sɔ́r a, a tɩɩm zie, a ɩ n Naaŋmɩn kpɛnʋ.

Zakari 14:20

A lɛn daar a, sɛbrʋ ŋa na be n a wie gbelsɩ tɛɛ za zu “A Sore so.” A Ŋmɩn-yir-kpɛ̃ɛ ziduwli na ɩ n bʋ̃-son mɛ̃ a zɩ̃ɩ-mɩrɩ lali, na mɩ́ be a bàwr-maal-kuur niŋé a.

Zakari 9:17

Nyɛ̃ nʋ̃ɔ̀ na na ɩrɛ bɛ a! Nyɛ̃ bɛ na na vɩɛl a! A ble na mɩ́ kʋ̀ n fãw a pɔlbili ɛ́ a divɛ̃-paala kʋ̀ fãw a pɔwsɩrali.

Mise 5:8

«Ìr a fʋ dɔ̃ dem ƴãw, ŋma bɛ pʋrpʋr bɛ za!»

Ɩzayi 55:1

Alɛ! Nyɩɩm za kʋ̃ɔ-nyúur na kpɩɛr a, kʋ̃ɔ n'ɩ a ŋan, nyɩ wa! Nyɩmɛ saa bɛ tɛr libir a, nyɩɩm wa. Nyɩ da dɩ, mɔlɛ n'a. Nyɩ wa, nyɩ da divɛ̃ nɩ bʋ̀rʋ, ɛ́ ta ír libir ɛ, ɛ́ ta ya bom ɛ.

Ɩzayi 37:35

Ɩ̃ na gù n a Zerizalɛm ɛ́ faa ʋ, ɩ̃ na ɩ Naaŋmɩn a ƴãw, nɩ a Daviir ɩ̃ na tu a ƴãw.”»

A Yielu za pʋɔ yiel-vla vla 7:9

Ɩ̃ yel'a: «A fɛr'a k'ɩ̃ɩ do a kpãkparmɛ tɩɛ tɩ pɔr a ʋ wɔmɛ!» A fʋ bɩrɛ, a ɩ mɛ̃ divɛ̃ tɩ-wɔ̃-cãacule a a ɩ̃ zie, ɛ́ a fʋ nʋɔr nyũu ɩ mɛ̃ tɩ-wɔmɛ nyũu a!

A Yielu za pʋɔ yiel-vla vla 5:1

Ɩ̃ yeepuule e, ɩ̃ ƴãw-nɩ-yúor i, ɩ̃ waar'ɩ a ɩ̃ zaadɛ̃ pʋɔ. Ɩ̃ 'lawrɛ nɩ a ɩ̃ mɩ́ɩ̀r súur, kárɛ nɩ a ɩ̃ va-nyùure a mɩnɛ. Ɩ̃ dɩrɛ nɩ a ɩ̃ sɩw-gamɛ kãá, ɛ́ nyúur a ɩ̃ divɛ̃ nɩ a ɩ̃ bʋ̀rʋ. Nyɩ dɩrɛ, ɩ̃ bá mɩnɛ ɛ, nyɩ nyúur, nyɩ nɔ̃w taa tɩ kuoli!

A Yielu za pʋɔ yiel-vla vla 1:4

Nyɔw mɛ̃ nũú, vɩrɛ mɛ̃ tɩ lãw zɔrɛ. Ɩ̃ nãà a, tɛr mɛ̃ kpɛ n a fʋ di-gana pʋɔ. Ɩ kɛ̀ nʋ̃ɔ̀ nɩ cɩlʋ tɛr tɩ za ayi yaga za. Tɩ yiele a fʋ gbaalʋ na nʋmɛ zuo divɛ̃ a. A pɔwsɩrali tɛr'ɩ yel-mɩŋa bɛ na kpiir lore a fʋ ƴãw a.

1 Samɩɛl 17:45

A Daviir tɩ sɔw ʋ na: «Fʋ̃ʋ a, zɛbr-sɔ-kpɛ̃ɛ, kafin-wogo nɩ kafin-ŋmale n'a fʋ tɛr waar'ɩ a ɩ̃ ƴãw, ɛcɛ mãa a, a Sore, a Kpɛnʋ-za-sob, a Ɩsɩrayɛl zɛbr-nɩbɛ Naaŋmɩn yúor'ʋ ɩ̃ tɛr waar'ɩ a fʋ ƴãw, a ʋl fʋ na tʋ a.

Levitɩ mɩnɛ 4:7

Al pùorí, a bàwr-maal-kara na ɩ n a zɩ̃ɩ ƴãw a bàwr-maal-kuur na be a tuor-taa pɛn-sɛw pʋɔ a ɩ́lɛ́ ƴãw, a ʋl zu bɛ na mɩ́ nyɩw a parfɛ̃ a. Al pùorí ʋ yi n a zɩ̃ɩ na cɛ a, tɩ cir a za ƴãw a nyɩw-a-za-bàwr bàwr-maal-kuur na be a tuor-taa pɛn-sɛw dɩ̃dɔrɩ́ a sɩɛ ƴãw.

Zakari 14:3

Al pùorí, a Sore na zɛb'ɩ nɩ a nɩ-bʋʋr-yoru bɛ ŋa, ʋ na zɛb'a mɛ̃ a lɛ ʋ na mɩ́ zɛb, a zɛbr daar a.

Zakari 2:9

À ŋá n'a a Sore yel a yel ŋa ƴãw: “Mãa mɩŋa, ɩ̃ na be n be, ɩ mɛ̃ vũu dacin na viiri koli ʋ a, ɩ̃ɩ na ɩ n a ʋ yúor-vɩɛlʋ-danʋ a ʋ pʋɔ.”»