Zakari 9:11 - A SƐB-SÕW

¹¹ A Sore yere na: «A wõ-taa ɩ̃ na maal'ɩ nyɩ, a bàwr-maal-zɩ̃ɩ wul kɛ́ sɩza n'a a zũú, ɩ̃ na ír'ɩ a nyɩ nɩbɛ bɛl na be a gaso pɛrɩ́ mɛ̃ sa-bie-kʋ̃ɔ-bɔw na bɛ tɛr kʋ̃ɔ a pʋɔ a.

Zakari 9:11 Referans Kwoze

Ɩzayi 51:14

A gaso nɩr a kpɩɛrʋ na dĩ a kʋ̃ yaa kɛ́ lɛb so ʋ tʋɔra ɩ. Ʋ bɛ kpiir a ʋ gaso pʋɔ ɩ, ɛ́ kʋ̃ lɛb bɔ bʋ̃-dɩra gù ɛ.

Eziptɩ tẽw yib 24:8

Lɛ n'a a Moyiir tɩ de a zɩ̃ɩ mɩr a nɩbɛ ɛ́ yel: «A wõ-taa a Sore na maal'ɩ nyɩ a nɛ-ƴãwnɩ á ŋá za zũú a, a ʋ zɩ̃ɩ n'ɩ à á ŋá.»

Ɩzayi 42:7

Fʋ na ɩ n a zɔn bɛ lɛb nyɛrɛ, fʋ na ír'ɩ a nɩ-pàwrɩ a bɛ gaso pʋɔ, fʋ na ɩ n a bɛlɩ dem na kpɩɛr a lige pʋɔ a, bɛ yi a bɛ di-pàwrɩ pʋɔ.»

1 Korɛ̃tɩ 11:25

A dɩb pùorí, ʋ mɩ̀ tɩ ɩ n a lɛ a koli-nyúura ƴãw yere nɩ: «A koli-nyúura ŋa ɩ n a Wõ-ta-paala na bin nɩ a ɩ̃ zɩ̃ɩ a, nyɩ mɩ́ maalɛ à á ŋá tɩɛrɛ nɩ a ɩ̃ yele, lɛn daar za nyɩ na mɩ́ wa nyúur a a.»

Matie 26:28

à á ŋá ɩ n a ɩ̃ zɩ̃ɩ, a Wõ-taa zɩ̃ɩ, na cir yaarɩ a nɩ-yaga ƴãw a yel-bebe suur páwfʋ ƴãw a.

Ebre 10:29

Nyɩ tɩɛr bãw kɛ́ sob nɛ na ɩ a Naaŋmɩn Bie la a, na nyɛ̃ a Wõ-taa zɩ̃ɩ na kʋ̀ ʋ a sonu a bɛ ɩ bom a, ɛ́ tʋ a Vʋʋrʋ na tɩrɛ a maalʋ a, nyɩ tɩɛr bãw k'aa sob nɛ kʋ̃ sɛwnɩ dɔwrʋ na kpɛ faa zuo lɛ a bɩɩ?

Ɩzayi 61:1

A Sore Naaŋmɩn Vʋʋrʋ be n a ɩ̃ zu. Bʋ̃ʋ n'ʋ vɛ̃, ʋ cir'ɩ a kãá ƴãw a ɩ̃ zũú kabrɩ mɛ̃ k'ɩ̃ɩ tɩ yel yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ mɔwlɩ a pʋ-sãwna dem, k'ɩ̃ɩ tɩ hieri yel a nɩbɛ bɛ na diw cen nɩ a, kɛ́ bɛ na lɛb'a so bɛ tʋɔra, nɩ a nɩbɛ na be a gaso pʋɔ a, kɛ́ bɛ na lɛb'a nyɛ̃ a mʋ̃tɔ̃w cãà.

Ɩzayi 49:9

Ɩ̃ yere nɩ a gaso pʋɔ dem, a bɛlɩ dem na be a lige pʋɔ a: “Nyɩ yi wa a cãà pʋɔ!” Bɛ na nyɛrɛ nɩ dɩb a sɔ́r zu, bɛ na tʋ̃ɔ́ na dɩrɛ a tãli za zu.

Sɛb-sõw yielu 69:33

A su-siwri dem nyɛ̃ a na ɛ́ cɩlɛ. «Nyɩɩm na bɔbr a Naaŋmɩn a, nyɩmɛ so nyɔ-vʋʋr-wogo!

Sɛb-sõw yielu 40:2

Ɩ̃ tɩ sɩrɩ na ƴãw a ɩ̃ tɩɛrʋ a Sore ƴãw, ʋ jɩ́r'a kaa mɛ̃, ʋ wõ n a cɛl ɩ̃ na lɔb a.

Markɩ 14:24

Ɛ́ ʋ yel bɛ: «À á ŋá ɩ n a ɩ̃ zɩ̃ɩ, a Wõ-taa zɩ̃ɩ na cir a nɩ-yaga ƴãw a.

Luka 22:20

Ʋ mɩ̀ tɩ ɩ n a lɛ a koli-nyúura ƴãw, a dɩb pùorí, ɛ́ yel: «A koli-nyúura ŋa ɩ n a Wõ-ta-paala na bin nɩ a ɩ̃ zɩ̃ɩ na cir a nyɩ ƴãw a.

Ɩzayi 58:12

Lɛ n'a fʋ na lɛb libri a debo-kore, fʋ na lɛb mɛ a dacĩ-pɛ́ɛ bɛ na bɛr koro za a zu. Bɛ na bʋɔlɛ fʋ nɩ «Nɩ-bʋʋrɛ na fɔbr dacine vɛɛ ɛ́ maalɛ a tẽ-kpɛ̃ɛ sɛ́ɛ ƴãwn a».

Sɛb-sõw yielu 30:3

Sore ɩ̃ Naaŋmɩn i, ɩ̃ kõ na bʋɔlɩ fʋ, ɛ́ fʋ sanɩ mɛ̃.

Wulu-ayi-sob 5:31

Ɛcɛ fʋ̃ʋ a, àr a ɩ̃ zie ka. Ɩ̃ na kʋ̀ b'ɩ a nɛ-ƴãwnɩ za, a wulu nɩ a tub fʋ na na wul bɛ kɛ́ bɛ tuur a tẽw ɩ̃ na na kʋ̀ bɛ bɛ so a pʋɔ a.»

Ebre 13:20

A ƴã-ɓaarʋ Naaŋmɩn ɩ na a tɩ Sore Yeezu na lɩɛbɩ a pi-cɩ̃ɩn-kpɛ̃ɛ, a zɩ̃ɩ ʋ na cir bin nɩ Wõ-taa na be kʋralɛ a ƴãw a, ʋ ɩ na ʋ lɛb yi a kũuni pʋɔ.

Luka 4:18

«A Sore Vʋʋrʋ siw mɛ̃ na, ʋ kaa na ír mɛ̃ ka nũu ƴãw mɛ̃ k'ɩ̃ɩ tɩ yel a Yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ hieri a faafʋ kʋ̀ a gaso pʋɔ dem, ɛ́ yel a zɔn kɛ́ bɛ na lɛb'a nyɛrɛ, k'ɩ̃ɩ tɩ faa a bɛlɩ dem bɛ na dɔwrɛ a,

Ɩzayi 42:22

Ɛcɛ nyɩɩm n'ɩ bɛ ŋa ɩ nɩ-bʋʋrɛ bɛ na za ɛ́ fa a bome za a. Bɛ nyɔw nyɩ na pàw bɔw-bɛrɛ pʋɔ, nyɩ zɩ̃ n gasori pʋɔ. A dɔ̃ dem nyɔw nyɩ na mɛ̃ zɛbr bome bɛ na zɛb de a, ɛ́ nɩr za bɛ wa faa nyɩ ɛ. Bɛ tɛr nyɩ na cen nɩ, ɛ́ nɩr za bɛ yel: «Nyɩ lɛb bɛr bɛ kʋ̀ m» ɛ!

Zeremi 38:6

A tõ-tõ-bi-bɛrɛ tɩ nyɔw nɩ a Zeremi lɔb ƴãw a nãà bidɛb, Malkɩa, sa-bie-kʋ̃ɔ-bɔw pʋɔ, a ʋl na be a soja-zi-gùrbɛ davʋra pʋɔ a. Bɛ tɩ ƴãw nɩ mie a Zeremi tùr a bɔw pʋɔ. A kʋ̃ɔ tɩ baar'ɩ a sa-bie-kʋ̃ɔ-bɔw pʋɔ, ɛ́ tɩ cɛ a mɛ̃mɛrɛ. A Zeremi tɩ siw na kpa gbɛ́ɛ a mɛ̃mɛrɛ pʋɔ.

Yel-wula 20:3

A malkɩ tɩ lɔb ʋ na ƴãw a kɔ̃tɔmɛ dɔwrʋ bɔw-zulu pʋɔ, ɛ́ kpa n a pĩi, ɛ́ bɛ̀ a nʋɔr pàw, k'aa wa-bɩɛ ta cãà bɛlɛ a ten nɩbɛ ɩ, ɛ̀ gù a yome túr (1 000) tɩ tɔl baarɩ. Al pùorí, a na fɛr'a kɛ̀ bɛ cɛ̀r ʋ bɛr blã.

2 Bibie za yel-manɩ 7:17

Ɛ́ a fʋ̃ʋ a, fʋ̃ʋ wa ɩrɛ a ɩ̃ zie mɛ̃ a fʋ sãà Daviir a, fʋ̃ʋ wa ɩrɛ a lɛ za ɩ̃ na yere kʋ̀rɛ fʋ a, fʋ̃ʋ wa sàwr a wulu nɩ a tub ɩ̃ na kʋ̃ b a,

2 Samɩɛl 13:13

Nyɩnɛ n'a ɩ̃ na kpɛ n a ɩ̃ vĩ ŋa? Ɛ́ a fʋ̃ʋ a, fʋ na ɩ n nɩ-bɛ-tɛr-bir a Ɩsɩrayɛl nɩbɛ pʋɔ. Nɩ̃ɛ por a yúor kʋ̀ a nãà, ʋ na kʋ̀ b'ɩ sɔ́r fʋ kul mɛ̃.»

Luka 16:24

Lɛ n'a ʋ tɩ lɔb cɛl yel: “Ɩ̃ sãà Abraham i, zɔ ɩ̃ nɩbaalʋ, ɛ́ ƴãw a Lazaar cen tɩ tõ nobir kʋ̃ɔmɩ́ wa ɓãá nɩ mɛ̃ zɛl, ɩ̃ wone nɩ tuo yaga a vũu á ŋá pʋɔ.”

Ebre 10:2

A bɛlɩ dem na puore a Naaŋmɩn à à ŋá a tɩ ɩ mɛ̃ bɛ páw nɩ a vɩɛlʋ gb'a been daadaa a, bɛ kʋ̃ʋ cãà nyɛ̃ bɛ tɛr sãwna za ɩ, ɛ́ bɛ nãá bɛr'ɩ bàwr za maalʋ.

A Zɔb sɛbɛ 33:30

k'ʋʋ ír ʋ a bɔw-zɩɛ pʋɔ, k'ʋʋ caalɩ ʋ nɩ a nɩ-vʋbɛ cãà.

Ɩzayi 24:22

Bɛ na ɓã n bɛ za taa mɛ̃ nɩ-pàwrɩ a a bɔw-zulu pʋɔ, bɛ na pàw bɛ nɩ gaso pʋɔ. A na tɩ cɛlɩ na, ɛ́ bɛ wa nyɛ̃ dɔwrʋ.