Zakari 14:11 - A SƐB-SÕW

¹¹ A nɩbɛ na kpɩɛr'ɩ a tẽw, bɛ kʋ̃ lɛb ŋmɛr ʋ bɛr ɛ, ɛ́ a nɩbɛ na ɓãá nɩ ƴãw kpɩɛr a be.

Zakari 14:11 Referans Kwoze

Yel-wula 22:3

Naaŋmɩn ŋmɛ-ƴãw kãw za kʋ̃ lɛb cãà a be ɩ. A Naaŋmɩn nɩ a Pele naalʋ-dà-kɔw na be n a tẽw pʋɔ, ɛ́ a Naaŋmɩn tõ-tõ-biir na puore ʋ na.

Amɔsɩ 9:15

Ɩ̃ na lɛb'a ƴãw a ɩ̃ nɩ-bʋʋrɛ a bɛ tẽw pʋɔ, ɛ́ nɩr kʋ̃ lɛb ír bɛ bɛr a bɛ tẽw zu ɛ, a tẽw ʋl ɩ̃ na na kʋ̀ bɛ a. A mãa Sore fʋ Naaŋmɩn n'ʋ yere.»

Yel-wula 21:4

Ʋ na fɩɛl'ɩ mʋta-kʋ̃ɔ za bɛr a bɛ mimié. Kũu kʋ̃ lɛb cãà be ɩ, kuor nɩ cɛlsɩ nɩ kpɩɛrʋ kʋ̃ lɛb cãà be ɩ. Bʋ̃ʋ n'ʋ vɛ̃, a koro za zie tɔl'a.»

Zakari 8:8

Ɩ̃ na ɩ na bɛ yi a be lɛb wa wa kpɩɛr a Zerizalɛm. Bɛ na ɩ n a ɩ̃ nɩ-bʋʋrɛ, ɩ̃ɩ ɩ a bɛ Naaŋmɩn. Ɩ̃ na dɩrɛ nɩ naalʋ a bɛ zu, nɩ yel-mɩŋa nɩ mɩnʋ.»

Zakari 8:4

Sɩza n'a, mãa n'ʋ yere, a dɛb-nyamɛ nɩ a pɔw-nyamɛ na dibr dàa a, a bɛ yome na yãwmɛ a ƴãw a, bɛ na mɩ́ lɛb'a zɩ̃ a Zerizalɛm nɩ-yaga tuor-taa ziir.

Zakari 2:4

Ɩ̃ tɩ sowr'a: «Bʋ̃ʋ n'ʋ bɛ waar kɛ́ bɛ wa ɩ?» Ʋ tɩ sɔw mɛ̃ na: «Bɛ wa na kɛ́ bɛ wa ƴãw a tẽ-kpɛn dɛ̃bɩ̃ɛ, ɛ́ ŋmɛ a lɔb, al na ìr àr a Zuda tẽw ƴãw, diw a nɩbɛ yaarɩ kɛ̀ nɩr za bɛ tʋ̃ɔ́ bà gbɛ́r a niŋé a.»

Ezekɩɛl 37:26

Ɩ̃ na maal'ɩ nyɩ nɩ ƴã-ɓaarʋ wõ-taa na na be kʋralɛ a. Ɩ̃ na ƴãw nyɩ nɩ a tẽw ŋa pʋɔ ɛ́ ɩ nyɩ yãwmɛ. Ɩ̃ na ɩ n a ɩ̃ zi-sõw be a nyɩ sɔgɔ kʋralɛ.

Zeremi 31:40

A kũuni nɩ a tãpɛl-kãánɩ bà-fʋɔla za nɩ a ziir al za na cen tɩ tɔ a Sedrɔ̃ bà-fʋɔla ɛ́ tɩ sãá a Wie dɩ̃dɔr gõgon ƴãw a, na ɩ n a Sore zi-sóra. Bɛ bɛ vʋ̃ɔnɛ bom, bɛ sãwnɛ bom za bɛrɛ a ziir á ŋá pʋɔ ɩ.»

Ɩzayi 66:22

A Sore yere na: «Mɛ̃ a lɛ a salom-paala nɩ a tẽsɔw-paala ɩ̃ na ír na kpɛmɛ àr a ɩ̃ niŋé a, lɛ n'a a nyɩ yúor nɩ a nyɩ bʋʋrɛ na be a ɩ̃ niŋé kʋralɛ.

Ɩzayi 60:18

Nɩr kʋ̃ lɛb wõ bɛ ƴɛ̀r po-to-fãw-ɩb ƴɛ̀rʋ a fʋ tẽw pʋɔ ɛ, bɛ ƴɛ̀r zie na sãw a nɩ kpɩɛrʋ ƴɛ̀rʋ a zie a fʋ tʋr-bɔwrɩ na viiri koli a pʋɔ ɛ. Fʋ na bʋɔlɛ nɩ a fʋ dacĩ-bɛrɛ “Faafʋ”, ɛ́ bʋɔlɛ a fʋ dɩ̃dɛɛ “Danʋ”.

Ɩzayi 26:1

A ʋlɩ bibir nɛ a Zuda tẽw pʋɔ a, a nɩbɛ na yiele nɩ yielu ŋa: «Tɩ tɛr'ɩ tẽ-kpɛ̃ɛ na kpɛmɛ a. A ʋ gub ƴãw a, a Sore ƴãw nɩ dacine ayi viiri koli ʋ.

Sɔr-nɛ́ɛ 21:3

A Sore tɩ sàw nɩ a nʋɔr ŋa a Ɩsɩrayɛl nɩbɛ na kõ a, ɛ́ ƴãw a Kanãa tẽw dem a bɛ nuru pʋɔ. A Ɩsɩrayɛl nɩbɛ tɩ kʋ bɛ na pàw pɛr, ɛ́ ŋmɛr a bɛ tẽ-bɛrɛ bɛr, ɛ́ por a vuo ʋl yúor kɛ́ Hɔrma, a pɛr lɛ kɛ́ «Ŋmɛr cʋmcʋmcʋm.»

Zeremi 32:37

Ɩ̃ tɩ nyɛ̃ nɩ nɩ a ʋ nɩbɛ suur faa faa. Lɛ n'a ɩ̃ tɩ diw bɛ yaarɩ ziir za, tẽ-yaga pʋɔ. Ɛcɛ, ɩ̃ na lɛb'a ɓã bɛ taa, ɩ̃ na lɛb'a tɛr bɛ wa n a ka, wa ɩ bɛ ɓãa ƴãw kpɩɛr.

Zakari 8:13

Zuda nɩ Ɩsɩrayɛl naalʋ ten i, a nɩ-bʋʋr-yoru sɔgɔ a, nyɩ tɩ ɩ n nɩ-bʋʋrɛ bɛ na ŋmɛ ƴãw a bãwfʋ. Ɛcɛ ƴɛrɛŋa a, ɩ̃ faarɛ nyɩ na, nyɩ na ɩ n nɩ-bʋʋrɛ na nyɛ̃ maalʋ a bãwfʋ. Nyɩ ta cãà zɔrɛ dɛ̃bɩ̃ɛ ɩ! Nyɩ ƴãw fãw!»

Wulu-ayi-sob 33:28

A Ɩsɩrayɛl nɩbɛ kpɩɛr'ɩ a tẽw, bom bɛ damnɛ bɛ ɩ. A Zakɔb bidɛbr sɔwl'ɩ tẽw pʋɔ, ble nɩ divɛ̃ tɩɩr na búle a, ɓɩɛlʋ na lore a be a zũú.

Zakari 12:6

A lɛn daar a, ɩ̃ na ɩ na a Zuda niw-dierbɛ ɩ mɛ̃ vũu na nyɔw dàar dɩrɛ a, bɩɩ mɛ̃ mɔ̃-'lena vũu bɛ na tõ ƴãw ble-dor pile a. A lõbowe za a, bɛ na sãw nɩ a nɩ-bʋʋrɛ na viiri koli bɛ a bɛr. Ɛcɛ a Zerizalɛm nɩbɛ na cãà na kpɩɛr a bɛ tẽw pʋɔ.»