Zakari 14:10 - A SƐB-SÕW

¹⁰ A vuo ʋl za na viiri koli a Zerizalɛm a na lɩɛb'ɩ zi-tɩ̃tal, yi a Geva na be a saa-pɛrɩ́-gʋba-lowr a, ɛ́ tɩ ta a Irimon a saa-pɛrɩ́-dʋrʋ-lowr. A Zerizalɛm na do na gãw a zie na jil koli ʋ a, ɛ́ a tẽw na yi n a Bɛ̃zamɛ dɩ̃dɔr ƴãw ɛ́ cen tɩ tɔ a Dacĩ-gõgon dɩ̃dɔr, a be a dɩ̃dɔr kʋra na tɩ be a, ɛ́ lɛb yi a Hananeyɛl yir-cõcowla ƴãw, ɛ́ cen tɩ ta a nãà divɛ̃ tɩɩr wɔmɛ nɛbrʋ ziir.

Zakari 14:10 Referans Kwoze

Zakari 12:6

A lɛn daar a, ɩ̃ na ɩ na a Zuda niw-dierbɛ ɩ mɛ̃ vũu na nyɔw dàar dɩrɛ a, bɩɩ mɛ̃ mɔ̃-'lena vũu bɛ na tõ ƴãw ble-dor pile a. A lõbowe za a, bɛ na sãw nɩ a nɩ-bʋʋrɛ na viiri koli bɛ a bɛr. Ɛcɛ a Zerizalɛm nɩbɛ na cãà na kpɩɛr a bɛ tẽw pʋɔ.»

Zozue 15:32

Levayɔtɩ, Sileim, Ɛɩn-Irimon: a za ɓã taa ɩ tẽ-bɛrɛ lɩzɛr'ɩ piwaɩ nɩ a tẽli-kpɔwlɩ.

Zeremi 37:13

Ʋ na tɩ ta a Bɛ̃zamɛ dɩ̃dɔr ƴãw a, ʋ tɩ tuor'ɩ a soja-zi-gùrbɛ nɩ-kpɛ̃ɛ na dɩ kɛ́ Yiriya a. A Yiriya tɩ ɩ n Selemɩa bidɛb, ɛ́ ɩ Hananɩa yãw. Ʋ tɩ nyɔw nɩ a naaŋmɩn-ƴɛ̀r-manɛ Zeremi yel ʋ: «Zɔba n'a fʋ zɔrɛ cere a Babɩlɔn tẽw nɩbɛ zie!»

Zeremi 30:18

À ŋá n'a a Sore yere: «Ɩ̃ na ɩ na a Ɩsɩrayɛl yie lɛb ŋmɛ̃ mɛ̃ a koro za a, ɩ̃ na zɔ n a bɛ yie nɩbaalʋ. A tẽ-bɛrɛ na lɛb'a mɛ a be a na tɩ be wa lo a, ɛ́ yir-vɩɛlɩ lɛb mɛ a debo-kore zu.

1 Na-mɩnɛ 15:22

Lɛ n'a a nãà Asa tɩ bʋɔlɩ a Zuda nɩbɛ za, bɛ jɩɩrɩ nɩr bɛr ɛ. Bɛ tɩ wob'ɩ a kʋsɛbɛ nɩ a wɛwr a Baesa na tɩ mɩɛr'ɩ a dacin jile kole a Arama a, cen nɩ tɩ mɛ n dacine viiri koli a Bɛ̃zamɛ tẽw Geva nɩ Misɩpa, mɛ̃ a lɛ a nãà Asa na tɩ yel a.

Zakari 2:4

Ɩ̃ tɩ sowr'a: «Bʋ̃ʋ n'ʋ bɛ waar kɛ́ bɛ wa ɩ?» Ʋ tɩ sɔw mɛ̃ na: «Bɛ wa na kɛ́ bɛ wa ƴãw a tẽ-kpɛn dɛ̃bɩ̃ɛ, ɛ́ ŋmɛ a lɔb, al na ìr àr a Zuda tẽw ƴãw, diw a nɩbɛ yaarɩ kɛ̀ nɩr za bɛ tʋ̃ɔ́ bà gbɛ́r a niŋé a.»

Zeremi 38:7

Etiopi tẽw nɩr kãw bɛ na bʋɔlɛ kɛ́ Evɛdɩ-Mɛlɛkɩ a, tɩ ɩ n a nãà yir tõ-tõ-bi-kpɛ̃ɛ kãw. A nãà tɩ wõ na kɛ́ bɛ ƴãw nɩ a Zeremi a sa-bie-kʋ̃ɔ-bɔw pʋɔ. A nãà tɩ zɩ̃ n a Bɛ̃zamɛ dɩ̃dɔr ƴãw.

Neemi 3:1

A bàwr-maal-kara Ɛlyasivʋ tɩ nyɔw nɩ a tome, ʋlɛ nɩ a ʋ bàwr-maal-taabɛ. Bɛ tɩ lãw na mɛ a Píir dɩ̃dɔr. Bɛ na wa maalɩ ʋ k'ʋ ɩ sõw baar'a, bɛ ƴãw nɩ a pamɛ. Bɛ mɩ̀ tɩ maal'ɩ a dacĩ-kpɛ̃ɛ ƴãw tɩ tɔ a Kɔ̀br yir-cõcowla, ɛ́ bɛ na wa maalɩ ʋ k'ʋ ɩ sõw baar'a, bɛ cow na tɩ ta a Hananeyɛl yir-cõcowla.

Ƴɛ̀r-dɩrbɛ 20:47

Ɛcɛ a bɛl na tɩ zɔ tu a wɛja-kpalɛ lowr a, nɩbɛ kɔbr ayʋɔb (600) tɩ tʋ̃ɔ́ na cɩ̃ɛ, zɔ tɩ ta a Irimon pìir lowr, kpɛ a be cuwr anaar.

Ƴɛ̀r-dɩrbɛ 20:45

A Bɛ̃zamɛ dɔwlʋ nɩbɛ ŋmãa na cɛ a tɩ zɔ na tu a wɛja-kpalɛ lowr, a Irimon pìir lowr. A Ɩsɩrayɛl nɩbɛ tɩ kʋ n nɩbɛ túr-anũu (5 000) a sɔ́r zu, ɛ́ diw a ŋmãa tɩ sãá nɩ a Gidom, lɛb kʋ nɩbɛ túr-ayi (2 000).

Amɔsɩ 9:11

«A ʋlɩ bibir nɛ a, ɩ̃ na lɛb'a mɛ a Daviir gùr na lo a, ɩ̃ na fɔb'ɩ a vɛɛ, ɩ̃ na lɛb'a libri a ʋ deboru, ɩ̃ na ɩ na ʋ ìr àr mɛ̃ a dãwdãw a.

Ɩzayi 10:29

Ʋ gãwnɛ nɩ a fʋɔla ɛ́ yere: «Tɩ na gã nɩ Geva ìr.» Dɛ̃bɩ̃ɛ ɩrɛ nɩ a nɩbɛ bɛ màwr a Arama. A nɩbɛ nyɔw nɩ zɔba a Givea, a Sawul tẽ-kpɛ̃ɛ.

Ɩzayi 2:2

Daar waar'a na ta, a Ŋmɩn-yir-kpɛ̃ɛ tãw na wɩɛr tɩ àr a tan nyʋɔrɩ́, ɛ́ kɛrɩ do gãw a tãli. Lɛ n'a a nɩ-bʋʋrɛ za na darɛ taa cere a ʋ zu.

Neemi 12:39

Tɩ tɩ cãà na cen tɔl a Efarayim dɩ̃dɔr zu-sɔw, a Yesana nɩ a Zʋ́mɛ́ dɩ̃dɛɛ zu-sɔw. A Hananeyɛl yir-cõcowla nɩ a Kɔbr yir-cõcowla pùorí a, tɩ zuo nɩ a Píir dɩ̃dɔr bɛr ɛ́ ta a Zi-gùrbɛ dɩ̃dɔr.

2 Bibie za yel-manɩ 25:23

A Bɛtɩ-Semɛsɩ be a, a Ɩsɩrayɛl tẽw nãà Zowasɩ tɩ nyɔw nɩ a Zuda tẽw nãà, Amazɩasɩ, na ɩ Zowasɩ bidɛb ɛ́ ɩ Yoakaazɩ yãw a, ʋ ɩ gaso nɩr. Ʋ tɩ tɛr ʋ na cen nɩ a Zerizalɛm. Ʋ tɩ dáa nɩ a tẽ-kpɛ̃ɛ dacĩ-kpɛ̃ɛ lɔb cen nɩ tɩ ta mɛ̃ mɛtɩr kɔbr ayi a (200), na tĩ a Efarayim dɩ̃dɔr ƴãw, ɛ́ tɩ tɔ a Dacĩ-gõgon dɩ̃dɔr a.

Ƴɛ̀r-dɩrbɛ 21:13

Al pùorí, a lãw nɩbɛ za tɩ tõ n nɩbɛ a Bɛ̃zamɛ nɩbɛ zie na tɩ zɔ sɔwlɩ a Irimon pìir lowr a, kɛ́ bɛ tɩ yel kʋ̀ bɛ kɛ́ bɛ bɛr bɛ na nɩ ƴã-ɓaarʋ.

Zozue 21:17

Tẽ-bɛrɛ á ŋá n'a bɛ de a Bɛ̃zamɛ dɔwlʋ ziir pʋɔ: Gabaɔ̃ nɩ a ʋ dʋn mʋ̃ɔ 'wɔbrʋ ziir, Geva nɩ a ʋ dʋn mʋ̃ɔ 'wɔbrʋ ziir,

2 Na-mɩnɛ 14:13

A Bɛtɩ-Semɛsɩ be a, a Ɩsɩrayɛl tẽw nãà, Zowasɩ, tɩ nyɔw nɩ a Zuda tẽw nãà, Amazɩasɩ, na ɩ a Zowasɩ bidɛb, ɛ́ ɩ a Akazɩasɩ yãw a, ʋ ɩ gaso-nɩr. Ʋ tɩ yi n a be cen a Zerizalɛm, tɩ tĩ a Efarayim dɩ̃dɔr ƴãw ɛ́ ŋmɛ a dacĩ-kpɛ̃ɛ ŋmɛr bɛr tɩ sãá nɩ a Dacĩ-gõgon dɩ̃dɔr ƴãw, a wogo za ta mɛtɩr kɔbr ayi (200).

Zeremi 20:2

Lɛ n'a ʋ tɩ ɓa a naaŋmɩn-ƴɛ̀r-manɛ, a Zeremi, ɛ́ ƴãw bɛ 'lẽ ʋ ƴãw dàa ƴãw, a Bɛ̃zamɛ dɩ̃dɔ-kpɛ̃ɛ ƴãw, a be bɛ na mɩ́ tuur kpɩɛr a Ŋmɩn-yir-kpɛ̃ɛ pʋɔ a.

2 Bibie za yel-manɩ 26:9

Ʋ tɩ mɛ n yir-cõcowli a Zerizalɛm a Dacĩ-gõgon dɩ̃dɔr zu, a Fʋɔla dɩ̃dɔr zu, nɩ a zie ʋl a dacin na tɩ ɩ goraa a zu.

Mise 4:1

«Daar waar'a na ta, a Ŋmɩn-yir-kpɛ̃ɛ tãw na wɩɛr tɩ àr a tan nyʋɔrɩ́, ɛ́ kɛrɩ do gãw a tãli. Lɛ n'a a nɩ-bʋʋrɛ na darɛ taa cere a ʋ zu.

Zakari 8:3

Alɛ n'a so, mãa n'ʋ yere: ɩ̃ lɛbr'a waar a Zerizalɛm, ɩ̃ lɛb'a kpɩɛr a Sɩyɔ̃ tẽw. Bɛ na bʋɔlɛ nɩ a Zerizalɛm kɛ́ “Tẽ-kpɛ̃ɛ na bɛ lɛb pùor a”, ɛ́ a Sɩyɔ̃ tãw ɩ̃ na so a, yúor na dɩ na kɛ́ “Tãw-sõw”.