Zakari 13:7 - A SƐB-SÕW

⁷ À ŋá n'a a Sore, a Kpɛnʋ-za-sob, yere: «Zɛbr-sɔ-kpɛ̃ɛ ɛ, ìr a pi-cɩ̃ɩnɛ ƴãw, a ɩ̃ bá na kpɛ socir a ƴãw, kʋ a pi-cɩ̃ɩnɛ, ɛ́ a píir zɔ yaarɩ a ziir za, ɩ̃ɩ na lɩɛb'ɩ a péli ƴãw.»

Zakari 13:7 Referans Kwoze

Markɩ 14:27

A Yeezu tɩ yel'ɩ a ʋ po-tuurbɛ: «Nyɩ za na zawrɩ mɛ̃ na bɛr. Bɛ sɛb'a: “Ɩ̃ na ŋmɛ n a pi-cɩ̃ɩnɛ kʋ, ɛ́ a píir zɔ yaarɩ.”

Matie 26:31

Lɛ n'a a Yeezu tɩ yel a ʋ po-tuurbɛ: «A tɩ̃ɩsɔw ŋa tɔr za, nyɩ za na zɔ na ɛ́ bɛr mɛ̃. Bɛ sɛb'a: “Ɩ̃ na ŋmɛ n a pi-cɩ̃ɩnɛ kʋ ɛ́ a píir zɔ yaarɩ.”

Ɩzayi 40:11

Ʋ àrɛ nɩ nɩ a ʋ dʋn mɛ̃ pi-cɩ̃ɩnɛ a, ʋ mɩ́ zɛw nɩ a nũu kpa a ɓã taa, ʋ mɩ́ nyɔw nɩ a péli ɓori ɓori ɛ́ kparɛ a pi-mã mɩnɛ bɛ̀lbɛ̀l.»

Zã 16:32

Daar waar'a na ta, ɛ́ ʋlɛ n'ɩ ŋa ta baarɩ, bɛ na diw nyɩ yaarɩ, ŋa za mɩ́ cere a ʋ cenu zie, ɛ́ nyɩ bɛr mɛ̃ ɩ̃ ɩ ɩ̃ yõ. Ɛcɛ ɩ̃ bɛ ɩ ɩ̃ yõ ɩ, mãa nɩ a ɩ̃ Sãà nɛbɛ.

Markɩ 14:50

Lɛ n'a a ʋ po-tuurbɛ za tɩ zɔ yaarɩ ɛ́ bɛr ʋ.

Ezekɩɛl 37:24

A ɩ̃ tõ-tõ-bie Daviir'ʋ na ɩ a nyɩ nãà. Ʋ na ɩ n a pi-cɩ̃ɩn-been a nyɩ za ƴãw. Nyɩ na sàwr'ɩ a ɩ̃ nɛ́ɛ, ɛ́ tɛr a tub ɩ̃ na ƴãw kʋ̀ nyɩ a tuur.

Zakari 11:7

Lɛ n'a ɩ̃ tɩ ɩ a píir, a yɛ-yɛ-nyãnyuwr na tɩ waar na kʋ a, cɩ̃ɩnɛ. Ɩ̃ tɩ de nɩ pi-cɩ̃ɩn-da-kʋrɩ ayi. Ɩ̃ tɩ por'ɩ a dãw-niwn-sob “Báalʋ”, ɛ́ por a ayi sob “Lãw-taa”, ɛ́ kaarɛ a píir zie.

Mise 5:2

A Sore na jɛ n a ʋ nɩ-bʋʋrɛ bɛr, ɛ́ gùre a daar nɛ a pɔw, a na fɛr k'ʋʋ dɔw a, nãà wa dɔw a. Lɛ n'a a bɛlɩ dem na na cãà vʋʋrɛ a gbãgbaalʋ pʋɔ, a diw-cenu pùorí a, na lɛb wa wa páw a Ɩsɩrayɛl nɩbɛ ŋmaarɛ.

Yel-wula 1:8

A Sore Naaŋmɩn yere na: «Mãa n'ɩ a Alfa nɩ a Omega, a sob nɛ na be, dãw be, ɛ́ waar a, a Kpɛnʋ-za-sob.»

Zeremi 47:6

Nyɩ yere na: “'Woi, Sore zɛbr-sɔ-kpɛ̃ɛ ɛ, Fʋ bɛ tɛr na pɩ̃ɛnɩ ɛ? Lɛb kpɛ a fʋ kpar pʋɔ! Gã zoom, ta lɛb dam ɛ.”

1 Pɩɛr 5:4

A Pi-cɩ̃ɩn-kara wa sãá a lɛn daar a, nyɩ na páw nɩ a yúor-vɩɛlʋ-danʋ dɛpaal-kpawʋɔ na bɛ tɛr sãwfʋ a.

1 Pɩɛr 3:18

A Kɩrɩta tɔr za wõ n tuo daƴen daadaa a yel-bebe ƴãw, ʋl na ɩ nɩ-mɩŋa a. Ʋ wõ n tuo a nɩ-faar ƴãw, k'ʋʋ tɛr nyɩ cen nɩ a Naaŋmɩn zie. Bɛ kʋ ʋ na, ʋ kpi a ƴã-gan kũu, ɛ́ a Vʋʋrʋ Sõw ɩ ʋ lɛb vʋʋrɛ.

Ebre 13:20

A ƴã-ɓaarʋ Naaŋmɩn ɩ na a tɩ Sore Yeezu na lɩɛbɩ a pi-cɩ̃ɩn-kpɛ̃ɛ, a zɩ̃ɩ ʋ na cir bin nɩ Wõ-taa na be kʋralɛ a ƴãw a, ʋ ɩ na ʋ lɛb yi a kũuni pʋɔ.

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Ʋrɔm 4:25

A Naaŋmɩn de ʋ na tɩr a tɩ yel-bebe ƴãw, bɛ kʋ ʋ, ʋʋ ɩ ʋ lɛb yi a kũu pʋɔ kɛ́ tɩ tʋ̃ɔ́ páw a mɩnʋ.

Zã 10:30

mãa nɩ a ɩ̃ Sãà za ɩ n been.»

Matie 11:27

A ɩ̃ Sãà de nɩ bom za kʋ̀ m. Nɩr za bɛ bãw a Bie a bɛ ɩ a Sãà n'ʋ ɛ, ɛ́ nɩr za bɛ bãw a Sãà a bɛ ɩ a Bie n'ʋ ɛ, nɩ ʋlɩ sob a Bie na bɔbr wul ʋ bãw a.

Zakari 11:4

Bibir kãw, a Sore ɩ̃ Naaŋmɩn tɩ yel'ɩ à ŋá kʋ̀ m: «Ɩ a píir á ŋá bɛ na na kʋ a cɩ̃ɩnɛ.

Mise 5:4

Ʋlɛ n'ʋ na wa n a ƴã-ɓaarʋ. A Asiiri tẽw dem wa kpɛ paalɩ a tɩ tẽw ɛ́ kpɩɛr a tɩ yir-vɩɛlɩ vɩɛlɩ pʋɔ a, tɩ na ƴãw na na-mɩnɛ yaga yaga yi a bɛ ƴãw.

Zã 16:15

A ɩ̃ Sãà bʋ̃-sora za ɩ n a ɩ̃ dem, alɛ n'a so ɩ̃ yel: “Mãa zie n'a a Vʋʋrʋ na mɩ́ de a yele wa yel kʋ̀ nyɩ.”»

Zã 14:23

A Yeezu tɩ sɔw ʋ na: «Nɩr wa nɔnɛ mɛ̃ a, ʋ na tɛr'ɩ a ɩ̃ ƴɛ̀rʋ vla, a ɩ̃ Sãà na nɔnɛ ʋ na, ɛ́ tɩ na wa na wa kpɩɛr a ʋ sob zie.

Zã 14:1

A Yeezu tɩ yel bɛ na: «Nyɩ ta ɩ a nyɩ tɩɛrʋ damnɛ nyɩ ɛ: nyɩ sàw na de a Naaŋmɩn, nyɩ mɩ̀ sàw de m.

Zã 10:38

Ɛcɛ mãa wa tone a a, nyɩmɛ saa bɛ sàw de m a, nyɩɩm sàw de a tome á ŋá, kɛ́ nyɩ tʋ̃ɔ́ bãw ɛ́ sàw kɛ́ a ɩ̃ Sãà sɩrɩ na lãw nɩ mɛ̃, mɛ̃ a lɛ ɩ̃ na lãw nɩ a ɩ̃ Sãà a.»

Zã 8:58

A Yeezu tɩ sɔw bɛ na: «Yel-mɩŋa sɩza sɩza, ɩ̃ yere na kʋ̀rɛ nyɩ, a Abraham na bɛ tɩ be sɛr a, ɩ̃ be na.»

Zã 5:23

kɛ́ nɩbɛ za ƴãwnɛ a Bie, mɛ̃ a lɛ bɛ na ƴãwnɛ a Sãà a. Nɩr bɛ wa ƴãwnɛ a Bie a, ʋ mɩ̀ bɛ ƴãwnɛ a Sãà na tõ a Bie a ɩ.

Matie 10:42

Yel-mɩŋa sɩza, ɩ̃ yere na kʋ̀rɛ nyɩ, nɩr na ƴãw a bibi-cãpili bɛ ŋa kãw ʋ nyũ, ŋmale pʋɔ kʋ̃ɔ ɓaarʋ saa n'a a, ʋ na ɩ a ɩ̃ po-tuure a ƴãw a, ʋ kʋ̃ guu a ʋ maalʋ ɛ.»

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Ezekɩɛl 21:28

A bɛlɩ dem na kpɩɛr a Zerizalɛm a tɩɛr'a k'aa ɩb a gbã-bir na wul bɛ a, a bɛ tɛr pɛr ɛ. Bʋ̃ʋ n'ʋ vɛ̃, pɔb pɔ na yel kɛ́ bɛ na gù bɛ na. A Babɩlɔn tẽw nãà lɛb'a kpaalɛ bɛ kɛ́ bɛ bɛ tu a nʋɔr bɛ na ƴãw a ɩ. Ʋʋ yere na kʋ̀rɛ bɛ k'ʋʋ na ɩ na bɛ ɩ gaso nɩbɛ.

Ɩzayi 9:6

Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.

Sɛb-sõw yielu 2:2

A tẽw na-mɩnɛ cɔbrɛ na na zɛb, ɛ́ a nɩ-bɛrɛ bʋ̀rɛ taa kɛ́ bɛ zɛb'ɩ a Sore nɩ a ʋ nɩ-kabra.

Yel-wula 21:6

Ʋ tɩ lɛb'a yel mɛ̃: «A maal'a! Ɩ̃ ɩ n a Alfa nɩ a Omega, a pɛr-tib nɩ a baarʋ. Sob nɛ kʋ̃ɔ-nyúur na kpɩɛr a, ɩ̃ na kʋ̀ ʋ nɩ a nyɔ-vʋʋrʋ kʋ̃ɔ na bule yire a, mɔlɛ.

Yel-wula 13:8

A tẽw zu nɩbɛ za na gbĩ n dume puor'ʋ, bɛlɩ dem za a yée na bɛ sɛb ƴãw a Pele bɛ na kʋ a nyɔ-vʋʋrʋ sɛbɛ pʋɔ a tẽ-daa íru daar za a.

Yel-wula 2:23

Ɩ̃ mɩ̀ na kʋ n a ʋ bibiir. Lɛ n'a a Lãw-yie za na bãw kɛ́ mãa n'ɩ a sob nɛ na jɛlɛ a pʋʋr, ɛ́ bãw a nɩsaalbɛ tɩɛrʋ a. Ɩ̃ na mɩ́ ya n a nyɩ za been been man nɩ a ʋ tome.

Yel-wula 1:17

Ɩ̃ na tɩ nyɛ̃ ʋ a, ɩ̃ lo na gã a ʋ gbɛ́ɛ ƴãw mɛ̃ ɩ̃ kpi na a. Ɛcɛ, ʋ tɩ dɔwl'ɩ a ʋ dʋrʋ nũu a ɩ̃ zu ɛ́ yel: «Ta zɔrɛ dɛ̃bɩ̃ɛ ɩ: mãa n'ɩ a niw-diere nɩ a po-pàwrɛ,

Yel-wula 1:11

Ʋ tɩ yere na: «Sɛb a ʋlɩ bom fʋ na nyɛrɛ a ƴãw sɛbɛ pʋɔ tɩr kʋ̀ a Lãw-yie ayopõi á ŋá: Efɛɛzɩ, Sɩmɩɩr, Pɛrgam, Tɩatɩɩr, Sardɩ, Fɩladɛlfɩ nɩ Lawdise.»

1 Zã 2:2

Bʋ̃ʋ n'ʋ vɛ̃, ʋ de nɩ ʋ tʋɔra maal'ɩ bàwr, kɛ́ Naaŋmɩn tʋ̃ɔ́ dɩ a tɩ yel-bebe suur kʋ̀ tɩ. Ɛcɛ tɩɩm yõ yel-bebe bɛ n'a ɩ, a nɩsaalbɛ za dem mɩ̀ n'a.

Filib 2:6

Ʋl na tɛr a naaŋmɩnʋ a pɛr-tib daar za a, ʋ bɛ tɩ fɩɩrɩ ʋlɛ nɩ a Naaŋmɩn sɛw-taa ŋa tɛr bɛ sàwr'ɩ ɛ.

Galasi 3:13

A Kɩrɩta ya na ír tɩ bɛr a Naaŋmɩn wulu ŋmɛ-ƴãw pʋɔ, ʋl mɩŋa na lɩɛbɩ nɩ-ŋmɛ-ƴãwna a tɩ ƴãw a. Bʋ̃ʋ n'ʋ vɛ̃, a Sɛb-sõw yel'ɩ à ŋá: «Nɩr za na yawlɩ dàa zu a ɩ n nɩ-ŋmɛ-ƴãwna.»

Ʋrɔm 8:32

Ʋ bɛ jɩɩrɩ a ʋl mɩŋa Bie bɛr ɛ, ʋ nɩ̃ɛ na de ʋ tɩr bɛ kʋ a tɩ za ƴãw: ŋmɩŋmɩn za n'a ʋ kʋ̃ kʋ̀ tɩ bom za zawla lãwnɩ a ʋ Bie?

Nɩ-toni 2:23

a dɛb ŋa nyɩ na mɩl nyɔw, a tu a lɛ a Naaŋmɩn pʋ-tɩɛrʋ na tɩ dãw bãwnɩ a yele cɔbrɩ a, nyɩ kʋ ʋ na, ƴãw nɩ-faar kpa ʋ da-gara zu.

Zã 1:29

A dãw-bio daarɩ́, a Zã tɩ nyɛ̃ nɩ a Yeezu na waar a ʋ zie a, ɛ́ tɩ yel: «Nyɩ nyɛ̃ a Naaŋmɩn pele na íre a tẽ-daa yel-bier bɛrɛ a.

Luka 17:2

Bɛlɛ ɩ mɛ̃ bɛ 'lẽ nɩ kʋsɛ-kpɛ̃ɛ ƴãw ʋ kɔkɔrɩ́, ɛ́ dáa ʋ lɔb ƴãw kʋ̃ɔ-kpɛ̃ɛ pʋɔ a, alɛ na sa ʋ, ʋ na na ɩ a bãbàalbɛ bɛ ŋa kãw ʋ lo a yel-bier pʋɔ a.

Luka 12:32

«Nyɩ ta zɔrɛ dɛ̃bɩ̃ɛ ɩ, nyɩɩm na ɩ mɛ̃ zaw-pʋrɩ dʋn a. A pɛlɩ nɩ a nyɩ Sãà pʋɔ ʋ kʋ̀ nyɩ a tẽ-vla Naalʋ.

Matie 26:56

Ɛcɛ à á ŋá za ɩ na, k'aa naaŋmɩn-ƴɛ̀r-manbɛ ƴɛ̀r-bie na be a Sɛb-sõw pʋɔ a, tʋ̃ɔ́ tu.» Lɛ n'a a ʋ po-tuurbɛ za tɩ zawr'ʋ bɛr ɛ́ zɔ.

Matie 18:14

Lɛ mɩ̀ n'a, a nyɩ Sãà na be a tẽ-vla pʋɔ a bɛ bɔbr k'aa bibi-cãpili bɛ ŋa been kãw za bɔr ɛ.»

Matie 18:10

«Nyɩ gù nyɩ tʋɔra taa wa jewre a bibi-cãpili bɛ ŋa been kãw za ɩ. Ɩ̃ sɩrɩ na yere kʋ̀rɛ nyɩ, a bɛ malkɩ mɩnɛ àr'ɩ a ɩ̃ Sãà na be a tẽ-vla pʋɔ a niŋé kʋralɛ. [

Zakari 11:11

Lɛ n'a a wõ-taa tɩ sãw a ʋlɩ daar nɛ za. A yɛ-yɛ-nyãnyuwr na tɩ jɩ́rɛ a lɛ ɩ̃ na ɩrɛ a, tɩ nyɛ̃ na bãw k'aa Sore n'ʋ ƴɛ̀rɛ a ɩ̃ ɩ-ɩrɩ pʋɔ.

Ɩzayi 27:1

A ʋlɩ bibir nɛ a, a Sore na de nɩ a ʋ zɛbr-sɔ-kpɛ̃ɛ na dɩrɛ a, na bɛ dɩ vuo ɛ́ tɛr fãw a, a Levɩatã na ɩ a waab na zɔrɛ a ƴãw, a Levɩatã na ɩ a wa-gõlõgõlõ a ƴãw. Ɛ́ ʋ na kʋ n a kʋ̃ɔ-kpɛ̃ɛ wa-bɩɛ.

Ɩzayi 1:25

Zerizalɛm i, ɩ̃ na lɩɛb'ɩ a fʋ ƴãw: ɩ̃ na ɩ na fʋ lɛb vɩɛl, mɛ̃ zɩ̃ɛ n'a ɩ̃ ɩ n a, ɩ̃ na ɩ n a fʋ dɛwr za a yi.

Ezekɩɛl 7:6

A baar'a: a kpɩɛrʋ pɛ-baara waar'a, ʋ na lo n a nyɩ zu, ʋ ta na!

Ezekɩɛl 21:3

Fʋ na yel bɛ na kɛ́ bɛ bɛrɛ wone a ƴɛ̀rʋ a mãa Sore Naaŋmɩn na ƴɛ̀rɛ a saa-pɛrɩ́-dʋrʋ-lowr tuw zie a: Ɩ̃ na nyɩw nɩ vũu na na dɩ a tɩ-ɓaar nɩ a tɩ-kon za a. A vũu-zɛlɛ bɛ tɛr nãà kpiiri ɛ, ɛ́ a nɩbɛ za na dɩ na, a saa-pɛrɩ́-dʋrʋ-lowr tɩ tɔ a saa-pɛrɩ́-gʋba-lowr.