Zakari 12:11 - A SƐB-SÕW

¹¹ A lɛn daar a, ko-kpɛ̃ɛ na maal'ɩ a Zerizalɛm, mɛ̃ a lɛ bɛ na mɩ́ maalɩ Hadadɩ Irimon kuor a Megido fʋɔla pʋɔ a.

Zakari 12:11 Referans Kwoze

2 Bibie za yel-manɩ 35:24

A ʋ tõ-tõ-biir tɩ nyɔw ʋ nɩ a ʋ zɛbr-torko pʋɔ siw nɩ tɩ ƴãw zɛbr-torko yũo pʋɔ cen nɩ ʋ a Zerizalɛm. Ʋ tɩ kpi n a be, bɛ ũù ʋ a ʋ sãà mɩnɛ yarʋ pʋɔ, ɛ́ a Zuda nɩ a Zerizalɛm nɩbɛ kõ ʋ.

2 Na-mɩnɛ 23:29

A ʋ naalʋ-dɩb daar'a a Faarawɔ̃ Neko, a Eziptɩ nãà, tɩ cere a Efaratɩ man lowr k'ʋʋ tɩ sõw a Asiiri tẽw nãà. A nãà Zozɩasɩ tɩ cen na k'ʋʋ tɩ ŋmãa ʋ a sɔ́r. Ɛcɛ a Eziptɩ tẽw nãà na dɛ tɩ nyɛrɛ ʋ wa báarɛ a, ʋ kʋ ʋ nɩ a Megido.

Matie 24:30

Lɛ n'a a Nɩsaal Bie bãwfʋ na sãá a salom zu. Lɛ n'a a tẽw zu nɩ-bʋʋrɛ za na kone. Bɛ na nyɛ̃ nɩ a Nɩsaal Bie ʋ be a zũzuge pʋɔ waar nɩ fãw na bɛ tɛr vuo a, nɩ yúor-vɩɛlʋ-danʋ.

Yel-wula 1:7

Nyɛ̃, ʋ be n a zũzuge pʋɔ waar, nɩsaal za na nyɛ̃ ʋ na, lãwnɩ a bɛlɩ dem na cɔ̀r ʋ col a. A tẽw zu yie dɔwlʋ za na kone nɩ a ʋ kuor. Sɩza n'a. Amɛn.

Yel-wula 16:16

A kɔ̃tɔ̃-faar tɩ ɓã n a na-mɩnɛ taa zie kãw bɛ na bʋɔlɛ kɛ́ Amagedɔ̃ a ebre ƴɛ̀rʋ pʋɔ a.

Zakari 12:12

A tẽw dɔwlʋ za na mɩ́ maal'ɩ a kuor ʋ tɛwr zie: a Daviir bʋʋrɛ dɔwlʋ pʋɔ a, dɛbr bɛ tʋɔra, pɔwbɛ bɛ tʋɔra. A Natan bʋʋrɛ dɔwlʋ pʋɔ a, dɛbr bɛ tʋɔra, pɔwbɛ bɛ tʋɔra.

2 Bibie za yel-manɩ 35:22

Ɛcɛ a Zozɩasɩ bɛ tɩ sàw lɩɛbɩ bɛr ɛ, bʋ̃ʋ n'ʋ vɛ̃, ʋ tɩ bɔbr'ɩ vo-vla ʋ na na zɛb'ɩ ʋ a. Lɛ n'a ʋ bɛ tɩ bɛr wõ a ƴɛ̀rʋ a Naaŋmɩn na tɩ ƴãw a Neko ƴɛ̀r a ɩ, ɛ́ tɩ cen tɩ ŋmãa nɩ ʋ a zɛbr a Megido tɩ̃tal pʋɔ.