Zakari 12:1 - A SƐB-SÕW

¹ Ƴɛ̀rʋ a Sore na ƴɛ̀r a Ɩsɩrayɛl ƴãw a. Nyɛ̃ a lɛ a Sore na yere a, ʋl na dɔl a salom a, ʋl na sʋ̃ɔ́ a tẽsɔw pɛr, ɛ́ kʋ̀ a nyɔ-vʋʋrʋ a nɩsaal a:

Zakari 12:1 Referans Kwoze

Ɩzayi 42:5

A Naaŋmɩn, a Sore, na ír a salom nɩ a ʋ yɛ̀lʋ za a, na yɛ́r a tẽsɔw nɩ a ʋ bʋ̃-buli a, na kʋ̀ a nyɔ-vʋʋrʋ a nɩ-bʋʋrɛ na kpɩɛr a ʋ zu a, nɩ a vʋʋrʋ a bɛlɩ dem na dɛnɛ a ʋ zu a, ƴɛ̀rɛ nɩ à ŋá a ʋ tõ-tõ-bie zie:

Zeremi 51:15

A Sore maal'ɩ a tẽw nɩ a ʋ fãw, ʋ ɩ n a tẽ-daa ʋ àr nɩ a ʋ yã-bãwfʋ, ɛ́ dɔl a salom nɩ a ʋ yã.

Ɩzayi 57:16

Bʋ̃ʋ n'ʋ vɛ̃, ɩ̃ kʋ̃ zɛbr a bɛ tɛr baarʋ ɛ, bɩɩ nyɛ̃ a suur kʋralɛ ɩ. Alɛ bɛ ɩ lɛ, a nyɔ-vʋʋrʋ pɩɛlʋ kʋ̃ cãà be a bɛlɩ dem ɩ̃ na ír a zie ɩ.

Ebre 12:9

Tɩ tɩ tɛr'ɩ a tɩ sãà mɩnɛ a tẽw zu ka, bɛ kpãànɛ tɩ, ɛ́ tɩ ƴãwnɛ bɛ, ɛ́ bɛ nãà yere a tɩ Sãà na be a tẽ-vla pʋɔ a? A fɛr'a kɛ́ tɩ sàwr a ʋ nʋɔr, ʋʋ kʋ̀ tɩ a nyɔ-vʋʋrʋ.

Ɩzayi 48:13

A ɩ̃ nuru n'a ɩ̃ bin nɩ a tẽw pɛr ɛ́ dɔl a salom. Mãa wa bʋɔlɛ a wa báarɛ a, a mɩ́ ta n daadaalɛ àr.

Ɩzayi 44:24

Ɩsɩrayɛl i, a Sore, a fʋ ya-diere na cɔbrɩ fʋ a fʋ mã puori a, ƴɛ̀rɛ nɩ a fʋ zie à ŋá: «Mãa n'ɩ a Sore na maalɛ bom za a. Mãa n'ʋ dɔl a salom, mãa ɩ̃ yõ tẽtẽ, ɩ̃ yɛ́r'ɩ a tẽw ɛ́ nɩr za bɛ sõw mɛ̃ ɩ.

Ekilezɩasɩ 12:7

A nɩsaal ƴã-gan mɩ́ lɛb'a kpɛ a tẽw, a be ʋ na yi a, ɛ́ a vʋʋrʋ lɛb cen a Naaŋmɩn na n'ʋ tɩr ʋ a zie.

Sɔr-nɛ́ɛ 16:22

Ɛcɛ a Moyiir nɩ a Aarɔ̃ tɩ lo na vɔblɩ muru ɛ́ yel: «'Woi Naaŋmɩn i, fʋ̃ʋ n'ʋ kʋ̀rɛ a nyɔ-vʋʋrʋ a fʋ bʋ̃-íri za, nɩ-been yõ n'ʋ maalɩ a yel-bier, ɛ́ fʋ na nyɛ̃ nɩ a lãw nɩbɛ za suur ɩ?»

Yele-za-pɛr-tib 2:7

A Sore Naaŋmɩn tɩ de nɩ a tẽsɔw tã-buulu mɛ n a nɩsaal, ɛ́ pɛblɩ a nyɔ-vʋʋrʋ pɩɛlʋ ƴãw a ʋ nyɔbɔgɛ pʋɔ, a nɩsaal lɩɛbɩ bʋ̃-vʋʋra.

Ezekɩɛl 18:4

Bʋ̃ʋ n'ʋ vɛ̃, mãa so a nyɩ been been za nyɔ-vʋʋrʋ, a dɔwrbɛ dem lãwnɩ a bibiir dem. Sob nɛ na maalɩ yel-bier a, ʋlɛ n'ʋ na kpi.

Zeremi 38:16

Lɛ n'a a nãà Sedesɩasɩ tɩ sɔwlɩ pɔ a Zeremi zie à ŋá: «A Sore na vʋʋrɛ a, na kʋ̀ tɩ a nyɔ-vʋʋrʋ ŋa a zũú a, ɩ̃ bɛ kʋrɛ fʋ ɛ, ɩ̃ bɛ dier fʋ ƴãwn a bɛlɩ dem na bɔbr a fʋ kʋb a nuru pʋɔ ɩ.»

Zeremi 30:16

Ɛcɛ a bɛlɩ dem za na báarɛ fʋ a, bɛ mɩ̀ na baarɩ bɛ na. Bɛ na diw nɩ a fʋ dɔ̃ dem za pap cen nɩ tẽ-yũo. A bɛlɩ dem za na fárɛ a fʋ bome a, bɛ mɩ̀ na fá n a bɛ bome. A bɛlɩ dem za na zarɛ a fʋ bome a, bɛ mɩ̀ na za n a bɛ bome.

A Zɔb sɛbɛ 26:7

Ʋlɛ n'ʋ dɔl a saa-pɛrɩ́-gʋba-lowr salom bɛr a vuo pʋɔ ɛ́ 'lẽ a tẽw yawlɩ a zi-vuo pʋɔ.

Zeremi 10:12

A Sore ír'ɩ a tẽw nɩ a ʋ fãw, ʋ bin nɩ a tẽ-daa nɩ a ʋ yã-bãwfʋ, ʋ dɔl'ɩ a salom nɩ a ʋ yã.

Ɩzayi 51:13

Nyɩ yiir'ɩ a Sore bɛr, ʋl na ír nyɩ a, ʋl na dɔl a salom ɛ́ bin a tẽw pɛr a. Bibie za, nyɩ mɩ́ màwr'ɩ a sob nɛ na dɔwrɛ nyɩ a niŋé, a lɛ a ʋ su-yãyaar na mɩ́ ìr, mɛ̃ ʋ cɔbr'a baarɩ na sãw nyɩ bɛr a. Ɛcɛ ƴɛrɛŋa a, nyɩnɛ n'a a ʋ su-yãyaar be?

Ɩzayi 45:18

À ŋá n'a a Sore yere, ʋl na ír a salom a, ʋl na ɩ a Naaŋmɩn na maalɩ a tẽw a, na cɔbrɩ ʋ ɛ́ ɩ ʋ kpɛmɛ a. Ʋ bɛ ír ʋ ʋ ɩ vuo gã ɩ, ʋ maal'ʋ na kɛ́ bɛ kpɩɛr ʋ. A lɛ pʋɔ n'a ʋ yere à ŋá: «A Sore a, mãa n'ʋ, kãw bɛ lɛb ka be ɩ.

Ɩzayi 45:12

Mãa n'ʋ maalɩ a tẽw, ɛ́ ír a nɩsaalbɛ na kpɩɛr ʋ a. Mãa n'ʋ dɔl a salom nɩ a ɩ̃ nuru, ɛ́ mɩ́ yel a ŋmar-bi-pɩlwɩlɩ a lɛ a na fɛr k'aa ɩrɛ a.

Ɩzayi 40:22

A Sore naalʋ-dà-kɔw be n a tẽw tʋra zu-sɔw, ɛ́ a nɩsaalbɛ mɩ́ sãá a ʋ zie ɩ mɛ̃ sãsowe a. Ʋ yɛ́r'ɩ a salom mɛ̃ pɛn-kpɛ̃ɛ a, ʋ dɔl ʋ na mɛ̃ pɛn-sɛw a, a ʋ kpɛb ƴãw.

Ɩzayi 40:12

Ãa n'ʋ manɩ a kʋ̃ɔ-kpɛ̃ɛ kʋ̃ɔnɩ a ʋ nũsalɛpʋ̃ɔ́? Ãa n'ʋ dɔl a ʋ nobie man nɩ a salom yɛ̀lʋ? Ɛ́ a tẽsɔw tanɛ, ãa n'ʋ dĩ dĩ a ƴãw gara pʋɔ manɩ a? Ãa n'ʋ dɔwlɩ a tã-bɛrɛ nɩ a tãli tɩbrʋ bʋ̃-mána zu manɩ a?

Sɛb-sõw yielu 104:2

fʋ cir'ɩ a cãà mɛ̃ kpar-kpɛ̃ɛ a. Fʋ dɔl'ɩ a salom mɛ̃ pɛn-sɛw pɛn a,

Malasɩ 1:1

Ƴɛ̀rʋ ŋa n'ʋ a Sore ƴãw Malasɩ ƴɛ̀r kʋ̀ a Ɩsɩrayɛl nɩbɛ.

Zakari 9:1

Sore ƴɛ̀rʋ. A ʋ ƴɛ̀rʋ tɩ ta n a Hadɩrakɩ tẽw vuo pʋɔ, ɛ́ tɛw àr a Damasɩ tẽw. Bʋ̃ʋ n'ʋ vɛ̃, a Sore bɛ jɩ́rɛ a Ɩsɩrayɛl dɔwlʋ tɛwr ɛ, ʋ mɩ̀ jɩ́rɛ nɩ a nɩsaalbɛ za.

A Lãw-mʋɔlɛ 2:14

Yel-ziri nɩ yele na bɛ tɛr pɛr a n'a a fʋ naaŋmɩn-ƴɛ̀r-manbɛ nyɛ̃ a fʋ ƴãw. Bɛ bɛ ɩ a fʋ sãwna ʋ sãá, kɛ́ bɛ tʋ̃ɔ́ ɩ a fʋ yele lɩɛbɩ ɛ. Ziri nɩ ƴɛ̀r-ziri n'a bɛ ƴɛ̀r kʋ̀ b.

Zeremi 50:34

A mãa, a bɛ faarɛ, ɩ̃ tɛr'ɩ fãw, mãa n'ɩ a Sore, a kpɛnʋ-za-sob. Ɩ̃ na faa bɛ na nɩ fãw, ɩ a ƴã-ɓaarʋ lɛb be a tẽw zu, ɛ́ a Babɩlɔn tẽw dem màwr.»

Zeremi 30:10

«A fʋ̃ʋ, Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, a Sore n'ʋ yere. Pʋl-vʋ̃ɔ ta tɛr fʋ ɛ, fʋ̃ʋ, a sãàkʋm-kʋra na n'ɩ Zakɔb a. Ɩ̃ na faa fʋ nɩ a tẽ-zãánɩ pʋɔ, ɛ́ faa a fʋ bibiir a tẽw ʋl pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom ɛ́ bɛ bãw damnʋ ɛ. Ɛ́ nɩr za kʋ̃ lɛb ƴãw fʋ dɛ̃bɩ̃ɛ ɩ.

A Zɔb sɛbɛ 37:18

fʋ tɩ sõwne nɩ a Naaŋmɩn na tɩ dɔlɛ a salom, ɛ́ ɩrɛ ʋ kpɛmɛ mɛ̃ kure caala a?

Yele-za-pɛr-tib 1:8

Ʋ tɩ por'ɩ a bɩwra ŋa yúor kɛ́ salom. Zaanʋɔra tɩ ta na, ɛ̀ zie sɔb vɩɛ: a bibie ayi sob tɩ n'ʋ.

Sɛb-sõw yielu 134:3

A Sore na be a ʋ yir pʋɔ a Sɩyɔ̃ tẽw a, ʋ maalɩ nyɩ, ʋl na ír a salom nɩ a tẽw a!