Zakari 10:2 - A SƐB-SÕW

² A tɩbɛ nyɩ na mɩ́ sowri a, a mɩ́ ŋma n ziri kʋ̀ nyɩ. A bàwr-bʋwrbɛ mɩ́ wul'ɩ yele na bɛ ɩ sɩza a. A zánʋ bɛ na mɩ́ manɛ a, bɛ tɛr pɛr ɛ, a mɔwlʋ bɛ na mɩ́ tɩrɛ a, mɩ́ ɩ n bɛ̀lʋ. Alɛ n'a so a wone a nɩbɛ, bɛ yaarɛ gʋɔr, mɛ̃ dʋn na bɛ tɛr cɩ̃ɩnɛ a.

Zakari 10:2 Referans Kwoze

Matie 9:36

Ʋ na tɩ nyɛ̃ a zu-sɛbla a, nɩbaalʋ tɩ kpɛ ʋ nɩ a bɛ ƴãw. Bɛ tɩ bàl bàl'a gã mɛ̃ píir na bɛ tɛr cɩ̃ɩnɛ a.

Habakukɩ 2:18

A tɩbɛ yel-ɩra n'ɩ bo a tɩɩb-maalɛ na mɩ́ maal'a bin a? Kure bʋ̃-maalɩ na mɩ́ ŋmarɛ ziri bɛ mɩ́ sàw de a tɛwr'a. Bʋ̃ʋ ƴãw n'a a nɩsaalɛ na mɩ́ ƴãw a ʋ tɩɛrʋ, a tɩbɛ á ŋá ƴãw na bɛ tɛr nʋɔr ƴɛ̀rɛ, ɛ́ ɩ ʋl mɩŋa n'ʋ maal'a a?

A naaŋmɩn-ƴèr-manɛ Oze sɛbɛ 3:4

À ŋá n'a a na ŋmɛ̃ a Ɩsɩrayɛl bibiir zie: bɛ na kɔwr'a, ɛ́ kʋ̃ nyɛ̃ nãà ɩ, kʋ̃ tɛr niw-diere ɩ, kʋ̃ tʋ̃ɔ́ bàwr maalɩ ɛ, kʋ̃ tɛr kʋsɛ-teli ɛ. Bɛ kʋ̃ tɛr efɔdɩ nɩ terafim ɛ.

Ezekɩɛl 34:5

A píir yaar'ɩ a ziir za, a na bɛ tɩ tɛr cɩ̃ɩnɛ a ƴãw, ɛ́ a wɛ-dʋn za za a vɔl.

Zeremi 27:9

A na ɩ lɛ a, a nyɩɩm, nyɩ ta bɛrɛ wone a nyɩ naaŋmɩn-ƴɛ̀r-manbɛ ɩ, a bɛlɩ dem na mɩ́ lɔb a gbã-bie bãw nɩ a nɩdaar yele a ɩ, a bɛlɩ dem na íre a zánʋ pɛ́ɛ a ɩ, a bɛlɩ dem na mɩ́ manɛ a salom ŋmɛ̃a a ɩ, nɩ a nyɩ tɩtɩlbɛ ɩ. Bɛ za yere na kʋ̀rɛ nyɩ kɛ́ nyɩ kʋ̃ lo a Babɩlɔn tẽw nãà nuru pʋɔ ɩ.

Yele-za-pɛr-tib 31:19

A Labã tɩ cen na tɩ ŋmarɛ a ʋ píir kɔblʋ, ɛ́ a Arasɛl zu wob a sãà tɩbɛ.

Ezekɩɛl 34:8

Ɩ̃ pɔ n nɩ a ɩ̃ nyɔ-vʋʋrʋ, à ŋá n'a a mãa Sore Naaŋmɩn yere: A ɩ̃ dʋn be n nyãnyuwr nuru pʋɔ. A wɛ-dʋn za nyɔw nɩ a píir 'wɔb, bʋ̃ʋ n'ʋ vɛ̃, a bɛ tɩ tɛr cɩ̃ɩnɛ ɩ. A ɩ̃ pi-cɩ̃ɩnbɛ bɛ cen tɩ bɔ a ɩ. Ɛcɛ a pi-cɩ̃ɩnbɛ bɛ ŋa kaarɛ nɩ bɛl mɩŋa zie, bɛ bɛ kaarɛ a ɩ̃ dʋn zie ɩ.

Mise 2:12

A Sore yere na: «Zakɔb bʋʋrɛ ɛ, ɩ̃ na ɓã nyɩ nɩ taa nyɩ za. Ɩsɩrayɛl nɩbɛ na cɛ a, ɩ̃ na ɓã nyɩ nɩ taa. Ɩ̃ na ɓã nyɩ nɩ taa mɛ̃ píir na be zaw pʋɔ a, mɛ̃ dʋn na duo nadʋʋrá a, nyɩ na yãwmɛ na damnɛ kʋrkʋrkʋr.

Ezekɩɛl 21:29

Alɛ n'a so a mãa Sore Naaŋmɩn, ɩ̃ yere à ŋá kʋ̀rɛ nyɩ: Nyɩ ƴãw na ɩ̃ tɩ́ɛrɛ a nyɩ sãwna kʋralɛ, a nyɩ nʋɔr-bɛ-sàwfʋ na bɛ tɛr bʋnʋ a zũú. A nyɩ ɩb za pʋɔ a, nyɩ mɩ́ wul'a kɛ́ nyɩ ɩ n sãwna dem. À à ŋá a, nyɩ na bɛ ɩ bɛ yiiri nyɩ bɛr a, nyɩ na lo n a dɔ̃ sob nuru pʋɔ!

Ezekɩɛl 21:21

Wul kɛ́ fʋ dɩrɛ na, a dʋrʋ lowr, a gʋba lowr, zie nɛ za a na sɛw kɛ́ fʋ tori a!

A Lãw-mʋɔlɛ 2:14

Yel-ziri nɩ yele na bɛ tɛr pɛr a n'a a fʋ naaŋmɩn-ƴɛ̀r-manbɛ nyɛ̃ a fʋ ƴãw. Bɛ bɛ ɩ a fʋ sãwna ʋ sãá, kɛ́ bɛ tʋ̃ɔ́ ɩ a fʋ yele lɩɛbɩ ɛ. Ziri nɩ ƴɛ̀r-ziri n'a bɛ ƴɛ̀r kʋ̀ b.

Zeremi 51:23

Fʋ̃ʋ n'ʋ ɩ̃ pɔb'ɩ dʋ̃-cɩ̃ɩnbɛ nɩ a bɛ dʋn tʋ̃ɔ́ pelẽpelẽ, ka-kʋ́ɔrbɛ nɩ a bɛ na-kʋɔrɩ na caw caw a, na-kpɛ̃ɛ-lɩɛrbɛ nɩ tẽli-kaarbɛ.

Zeremi 50:17

A Ɩsɩrayɛl tɩ ɩ na mɛ̃ pɛrʋ na bɔr kɛ̀ gben diwr a. A dãw-niwn sob na tĩ 'wɔb ʋ a n'ɩ a Asiiri tẽw nãà. Al pùorí, a Babɩlɔn tẽw nãà, Nabikodonozɔɔr, wa kar ʋ a kɔbɛ.

Zeremi 37:19

A nyɩ naaŋmɩn-ƴɛ̀r-manbɛ bɛl na tɩ yel k'aa Babɩlɔn tẽw nãà kʋ̃ wa zɛb'ɩ a nyɩɩm nɩ a tẽw ŋa a, bɛ wa?»

Zeremi 29:8

A Sore, a kpɛnʋ-za-sob, a Ɩsɩrayɛl Naaŋmɩn, cãà na yere à ŋá: “Nyɩ ta sàw a naaŋmɩn-ƴɛ̀r-manbɛ bɛl na be a nyɩ sɔgɔ nɩ a bɛl na mɩ́ bãwnɛ a nɩdaar yele a, bɛ̀lɛ nyɩ ɛ. Nyɩ ta cɛlɛ a bɛlɩ dem na íre a nyɩ zánʋ pɛ́ɛ kʋ̀rɛ nyɩ a zie ɩ.

Zeremi 28:15

Lɛ n'a a naaŋmɩn-ƴɛ̀r-manɛ Zeremi tɩ cãà lɛb yel a naaŋmɩn-ƴɛ̀r-manɛ Hananɩa: «Wone, Hananɩa a: A Sore bɛ to b ɛ, fʋ̃ʋ n'ʋ ɩrɛ a nɩbɛ bɛ ŋa bɛ̀lɛ bɛ tʋɔra.

Zeremi 23:17

Bɛ mɩ́ nyɔw nɩ nyãa ɛ́ yel kʋ̀ a bɛlɩ dem na ɩrɛ mɛ̃ laar a à ŋá: “A Sore yel'a: A yele za na ɩ n vla a nyɩ zie!” Ɛ́ yel a bɛlɩ dem na tuur a bɛl mɩŋa pʋ-tɩɛrʋ tɛwr a: “Faa kʋ̃ páw nyɩ ɛ.”

Zeremi 14:22

A nɩ-bʋʋr-yoru ŋmɩn-bɛlɛbɛlɛ pʋɔ a, been be n be na tʋ̃ɔ́ ɩ kɛ̀ saa wa a? A salom tɛɛ za n'ʋ mɩ́ bɛr a kʋ̃ɔ a siw ɩ? Fʋ̃ʋ bɛ n'ɩ a Sore tɩ Naaŋmɩn ɛ? A fʋ ƴãw n'a tɩ ƴãw a tɩ tɩɛrʋ, bʋ̃ʋ n'ʋ vɛ̃, fʋ̃ʋ n'ʋ maalɛ à á ŋá za.»

Zeremi 14:13

Ɩ̃ tɩ sɔw na: «'Woi, Sore Naaŋmɩn i, a ƴɛ̀r-manbɛ yere na kʋ̀rɛ a nɩbɛ à ŋá: “Nyɩ kʋ̃ bãw zɛbr ɛ, nyɩ kʋ̃ bãw kɔ̃ ɩ, ɛcɛ Naaŋmɩn na kʋ̀ nyɩ nɩ ƴã-ɓaarʋ mɩŋa a zie ŋa pʋɔ.”»

Zeremi 10:8

A nɩbɛ bɛ ŋa bol'ɩ bɛ za, been bɛ cɛ ɩ. A bɛ ŋmɩmɛ á ŋá kʋ̃ tʋ̃ɔ́ zanɩ nɩ bɛ bom ɛ, dàar ŋmɩmɛ n'a.

Zeremi 8:11

Bɛ de nɩ dɩ̃ɛnʋ ƴãw a ɩ̃ nɩbɛ kpɩɛrʋ ƴãw, mɩ́ yel: “A yele za cere nɩ vla, a yele za cere nɩ vla!” Ɛcɛ bom za bɛ cere ɩ.

Zeremi 6:14

Bɛ de nɩ dɩ̃ɛnʋ ƴãw a ɩ̃ nɩbɛ kpɩɛrʋ ƴãw, mɩ́ yel kɛ́ a yele za cere nɩ vla, a yele za cere nɩ vla! Ɛ́ bom za bɛ cere ɩ.

Ɩzayi 46:5

Ãa n'ʋ nyɩ na tʋ̃ɔ́ de ʋ ŋmɛ̃ taa nɩ mɛ̃? Ãa n'ʋ nyɩ na de tɩ ɩ been? Ãa n'ʋ nyɩ na tʋ̃ɔ́ de m man nɩ tɩ ɩ a ŋmɛ̃-ta-taabɛ?

Ɩzayi 44:9

A bɛlɩ dem na maalɛ a tɩbɛ a, bɛ za bɛ ɩ bom za ɩ, ɛ́ a bɛ bʋ̃-vɩɛlɩ bɛ tɛr yel-ɩra kãw za ɩ. A ɩ n a bɛ dãsɩɛ dem, ɛ́ ɩ dãsɩɛ dem na bɛ nyɛrɛ bom za a, na bɛ bãw bom za ɛ́ na ƴãw bɛ vĩ a.

A Zɔb sɛbɛ 21:34

Bʋ̃ʋ mɔwlʋ n'a nyɩ mɔwlɛ mɛ̃? Mɔwl-zawl! A sɔwfʋ nyɩ na sɔw a, a ɩ n ziri tɛwr.

A Zɔb sɛbɛ 13:4

Ɛ́ a nyɩɩm a, zir-pɛlɛ n'a nyɩ ŋmarɛ pàwr'ɩ a yel-mɩŋa. Nyɩ ɩ na mɛ̃ dɔwtarɩ na mɩ́ kʋ̀ bàal tɩ̃ɩ na bɛ sanɛ a.

1 Na-mɩnɛ 22:17

Lɛ n'a a Mise tɩ yel: «Ɩ̃ nyɛ̃ nɩ a Ɩsɩrayɛl nɩbɛ za bɛ yaarɩ pàw a tan, mɛ̃ píir na bɛ tɛr cɩ̃ɩnɛ a. Ɛ́ a Sore yel: “Bɛ bɛ cãà tɛr nɩ-kpɛ̃ɛ ɩ. Ŋa za mɩ́ ɓãá ƴãw ta a ʋ yir.”»

Ƴɛ̀r-dɩrbɛ 18:14

A nɩbɛ anũu bɛl na tɩ cen tɩ jɩ́r bãw a Laisɩ tẽw a, tɩ yel'ɩ a bɛ taabɛ: «Nyɩ bãw kɛ́ tɩɩb nɩ ŋmɩmɛ dasuli nɩ tɩɩb na nyɩl kure pàw a be n a yie á ŋá kãw pʋɔ ɔ? Nyɩ pãa bãw bom nɛ nyɩ na na ɩ a.»

Sɔr-nɛ́ɛ 27:17

nɩ-kpɛ̃ɛ na na tʋ̃ɔ́ kaarɛ a bɛ zie a yele za pʋɔ a, a fʋ lãw nɩbɛ ta ɩ mɛ̃ píir na bɛ tɛr cɩ̃ɩnɛ a ɩ.»

Markɩ 6:34

A Yeezu na wa ta yire a gbor pʋɔ a, ʋ nyɛ̃ nɩ zu-sɛbla na bɛ tɛr vuo a. Nɩbaalʋ tɩ kpɛ ʋ nɩ a bɛ ƴãw, bɛ tɩ ɩ na mɛ̃ píir na bɛ tɛr cɩ̃ɩnɛ a. Ʋ tɩ nyɔw nɩ bɛ nɩ a kanʋ, kanɩ nɩ bɛ yel-yaga.

Zeremi 23:32

Ɩ̃ na ìr'ɩ a bɛ ƴãw. A bɛ zánʋ ɩ n ziri tɛwr. Bɛlɛ wa manɛ a a, bɛ mɩ́ bɛlɛ nɩ a nɩbɛ nɩ a bɛ ƴɛ̀r-ziri nɩ a bɛ ƴɛ̀r-zawlɛ. Mãa a, ɩ̃ bɛ yel kɛ́ bɛ ɩ bom ɛ. Bɛ bɛ tɛr yel-ɩra kãw za a ɩ̃ nɩbɛ zie ɩ.» A Sore n'ʋ yel.

Zakari 11:17

Baw-bio sob'ɩ a pi-cɩ̃ɩn-dãbol sob na zawrɛ a ʋ píir bɛrɛ a! A ʋ kpãkpãw nɩ a ʋ dʋrʋ mimir, a sãw a zɛbr zie! A ʋ kpãkpãw ʋ kpi ʋ za, a ʋ dʋrʋ mimir, ʋ ta cãà nyɛrɛ towtow ɛ!

Wulu-ayi-sob 13:2

Kapaw bibir kãw, naaŋmɩn-ƴɛ̀r-manɛ bɩɩ yel-nyɛrɛ kãw na ír'ɩ a nyɩ pʋɔ yel nɔ-ɓãa-yel kãw bɩɩ yel-bɛ-dãw-nyɛra kãw.

Ɩzayi 41:29

A za bɛ ɩ bom za ɩ, bɛ ɩrɛ bom za ɩ. A dasuli bɩɩ? Sɛsɛb, zi-vuo!

Ɩzayi 44:25

Ƴɛrɛŋa a, ɩ̃ ɩrɛ na a bàwr-bʋwrbɛ ƴɛ̀rʋ bɛ cãà tɛr pɛr ɛ. Ɩ̃ ɩrɛ na a bɛlɩ dem na yere a nɩdaar yele a, bɛ bʋ̀nɛ ƴɛ̀rɛ. Ɩ̃ fɛrɛ nɩ a yã-bãwnbɛ bɛ lɛbr pùor, ɩ̃ mɩ́ wul'ɩ a lɛ a bɛ bãwfʋ na ɩ gẽgemi a.

Zeremi 27:10

Ɛcɛ, a al za bɛ na yere kʋ̀rɛ nyɩ a ɩ n ziri. Nyɩmɛ wa bɛrɛ wone bɛ a, bɛ na diw nyɩ na zãá nɩ a nyɩ tẽw. Sɩza, ɩ̃ na diw nyɩ na yaarɩ a ziir za, ɛ́ nyɩ na tɩ kpi na.

Zeremi 27:14

Nyɩ ta bɛrɛ wone a ƴɛ̀rʋ al a naaŋmɩn-ƴɛ̀r-manbɛ bɛ mɩnɛ na yere kʋ̀rɛ nyɩ, kɛ́ nyɩ kʋ̃ lo a Babɩlɔn tẽw nãà nuru pʋɔ a ɩ. A bɛ naaŋmɩn-ƴɛ̀r-manbɛ ƴɛ̀rʋ ɩ n ziri.