Ƴɛ̀r-dɩrbɛ 9:44 - A SƐB-SÕW

⁴⁴ A Abimelɛkɩ nɩ a ʋ nɩbɛ tɩ cen nɩ fɔ̃w tɩ be a tẽw dɩ̃dɔr nʋɔr, ɛ́ a ziir ayi nɩbɛ na cɛ a tɩ zɛbr'ɩ a Sɩsɛm tẽw dem a wɩ̀ɛ pʋɔ, ɛ́ kʋrɛ bɛ.

Ƴɛ̀r-dɩrbɛ 9:44 Referans Kwoze

Galasi 5:15

Ɛcɛ, nyɩmɛ wa dʋnɛ taa ɛ́ vɔlɛ taa mɛ̃ wɛ-dʋ̃-faar a, nyɩ gù vla, nyɩ na baar'ɩ taa.

Ƴɛ̀r-dɩrbɛ 9:20

Alɛ bɛ wa ɩ lɛ n'a a, vũu na yi n a Abimelɛkɩ zie dɩ a Sɩsɛm ziir dem za, nɩ a Bɛtɩ-Milo tẽw dem, ɛ́ vũu mɩ̀ na yi n a Sɩsɛm ziir dem zie nɩ a Bɛtɩ-Milo tẽw dem zie dɩ a Abimelɛkɩ.»

Ƴɛ̀r-dɩrbɛ 9:15

A gɔ-tuw tɩ sɔw a na: “Alɛ wa ɩ sɩza n'a nyɩ kaarɛ íre mɛ̃, k'ɩ̃ɩ ɩ a nyɩ nãà a, nyɩɩm wa be a ɩ̃ ɓaarʋ́. Alɛ bɛ wa ɩ lɛ n'a a, vũu na yi n a ɩ̃ gʋʋr pʋɔ dɩ a Libã sɛɛdɩr tɩɩr tɛɛ za!”»

Ƴɛ̀r-dɩrbɛ 9:43

Ʋ tɩ nyɔw nɩ a ʋ nɩbɛ põ ziir ata, ɛ́ sɔwlɩ a wɩ̀ɛ pʋɔ. Ʋ na wa nyɛ̃ a nɩbɛ bɛ yire a tẽw pʋɔ a, ʋ tɩ ƴaw na yi lo a bɛ zu zɛb tʋ̃ɔ́ bɛ.

Ƴɛ̀r-dɩrbɛ 9:45

A Abimelɛkɩ tɩ zɛb'ɩ a zɛbr a bibi-ɓil za, tɩ zɛb de a tẽw. Ʋ tɩ kʋ n a tẽw dem pàw pɛr, sãw a tẽw bɛr, ɛ́ yaarɩ nyaarʋ pàw ʋ.