Ƴɛ̀r-dɩrbɛ 8:23 - A SƐB-SÕW

²³ A Zedeɔ̃ tɩ sɔw bɛ na: «Mãa bɛ n'ʋ na dɩrɛ naalʋ a nyɩ zu ɛ, ɛ́ a mɩ̀ kʋ̃ ɩ a ɩ̃ bidɛb'ʋ ɛ. A Sore n'ʋ na dɩrɛ naalʋ a nyɩ zu.»

Ƴɛ̀r-dɩrbɛ 8:23 Referans Kwoze

Ɩzayi 33:22

A Sore n'ɩ a tɩ nɩ-kpɛ̃ɛ, ʋlɛ n'ʋ de tɩ a niwn. A Sore n'ɩ a tɩ nãà, ʋlɛ n'ɩ a tɩ faarɛ.

1 Samɩɛl 12:12

Ɛcɛ nyɩ na wa nyɛ̃ a Amɔ̃ tẽw dem nãà, Nahasɩ, ʋ waar a nyɩ ƴãw a, nyɩ yel mɛ̃ na: “Tɩ bɔbr'ɩ nãà!” Mɛ̃ a Sore bɛ tɩ n'ɩ a nyɩ nãà a.

1 Samɩɛl 10:19

Ɛ́ dɩ̃a nyɩ wa zawrɩ a nyɩ Naaŋmɩn bɛr, ʋl na sõwne nyɩ a nyɩ kpɩɛrʋ nɩ a nyɩ pʋl-vʋ̃ɔ za pʋɔ a, ɛ́ yel ʋ: “Kʋ̀ tɩ nãà.” A na ɩ à ŋá a, nyɩ wa a Sore niŋé dɔwlʋ dɔwlʋ, yie yie.»

2 Korɛ̃tɩ 1:24

Tɩ bɛ bɔbr kɛ́ tɩ fɛrɛ nyɩ a nyɩ naaŋmɩn-sàw-deb pʋɔ ɩ, bʋ̃ʋ n'ʋ vɛ̃, nyɩ kpɛmɛ nɩ a sàw-deb pʋɔ. Ɛcɛ tɩ bɔbr'a kɛ́ tɩ lãw nɩ nyɩ tone kɛ̀ nyɩ wone nʋ̃ɔ̀.

1 Pɩɛr 5:3

Nyɩ ta dɩrɛ naalʋ a bɛlɩ dem bɛ na kʋ̀ nyɩ kɛ́ nyɩ kaarɛ a zu ɛ, nyɩ nɩ̃ɛ lɩɛbɩ nɩ-vɩɛlɩ a píir na na cɔwrɛ a.

Ƴɛ̀r-dɩrbɛ 10:18

Lɛ n'a a dɔwlʋ nɩbɛ bɛl na tɩ zɩ̃ a Galaadɩ a, nɩ a bɛ nɩ-bɛrɛ tɩ sowre taa: «Ãa n'ʋ na de niwn zɛb'ɩ a Amɔ̃ tẽw dem? Sob nɛ na na de niwn zɛb'ɩ bɛ a na ɩ n a Galaadɩ nɩbɛ za nɩ-kpɛ̃ɛ.»

Ƴɛ̀r-dɩrbɛ 2:18

A Sore na mɩ́ tɩ ɩ ƴɛ̀r-dɩrɛ yi a bɛ ƴãw a, ʋ mɩ́ tɩ be n a ƴɛ̀r-dɩrɛ ʋl zie, ɛ́ a ƴɛ̀r-dɩrɛ ʋl mɩ́ faa bɛ a bɛ dɔ̃ dem nuru pʋɔ a ʋ cãafʋ daar za, bʋ̃ʋ n'ʋ vɛ̃, a Sore mɩ́ tɩ zɔ n bɛ nɩbaalʋ, a lɛ a bɛ dɔ̃ dem na mɩ́ tɩ dɔwrɛ bɛ bɛ kone a.

Ɩzayi 63:19

A cɛlɩ nɩ yaga tɩ na bɛ cãà ɩ a nɩ-bʋʋrɛ bɛl zu fʋ na dɩrɛ a naalʋ a, a nɩ-bʋʋrɛ bɛl na bɛ cãà dɩ a fʋ yúor a! Áa! fʋ̃ʋ tori ɩ mɛ̃ fʋ cɩɛr'ɩ a salom ɛ́ siw a! A tan nãá dam'ɩ a fʋ niŋé!

Ƴɛ̀r-dɩrbɛ 8:22

A yele á ŋá pùorí a, a Ɩsɩrayɛl nɩbɛ tɩ yel'ɩ a Zedeɔ̃: «Dɩrɛ naalʋ a tɩ zu a fʋ̃ʋ tɔr za, a pùorí, a ɩ a fʋ bidɛb, a pùorí, a ɩ a fʋ yãw, bʋ̃ʋ n'ʋ vɛ̃, fʋ faa tɩ nɩ a Madian tẽw dem nuru pʋɔ.»

Sɛb-sõw yielu 10:16

A Sore dɩrɛ nɩ naalʋ kʋralɛ, a nɩ-bʋʋr-yoru kʋ̃ cãà be a ʋ tẽw pʋɔ ɩ.

Sɛb-sõw yielu 149:2

A Ɩsɩrayɛl, ʋ cɩlɛ a ʋ Íre ƴãw, a Sɩyɔ̃ tẽw dem, bɛ cɩlɛ ƴawr'ɩ a bɛ Nãà ƴãw.