Ƴɛ̀r-dɩrbɛ 21:1 - A SƐB-SÕW

¹ A Ɩsɩrayɛl nɩbɛ na tɩ ɓã taa a Misɩpa a, bɛ tɩ pɔ na kɛ́ bɛ kãw za bɛ kʋ̀rɛ a ʋ pɔwyaa Bɛ̃zamɛ dɔwlʋ dɛb ʋ kule ɩ.

Ƴɛ̀r-dɩrbɛ 21:1 Referans Kwoze

Ƴɛ̀r-dɩrbɛ 20:1

A Ɩsɩrayɛl nɩbɛ za tɩ yi na ɓã taa mɛ̃ nɩ-been a, a Sore niŋé, a Misɩpa. A ziir za n'a bɛ tɩ yi wa: a na tĩ a Dan a saa-pɛrɩ́-gʋba-lowr, tɩ tɔ a Bɛɛr-Seva a saa-pɛrɩ́-dʋrʋ-lowr, nɩ a Galaadɩ tẽw za, a saa-pɛrɩ́ a.

Markɩ 6:23

Ɛ́ tɩ pɔ yel a powle: «Ʋlɩ bom nɛ za fʋ na na zɛlɩ a, ɩ̃ na kʋ̀ fʋ na, a tẽw ŋa ɩ̃ na so a, põ-zɛ̃-taa saa n'ʋ a!»

Nɩ-toni 23:12

A zie na wa vɩɛ a, a Zifʋ mɩnɛ bʋ n taa ɛ́ pɔ kɛ́ bɛlɛ bɛ wa kʋ a Pol a, bɛ kʋ̃ dɩ bom kʋ̃ nyũ kʋ̃ɔ ɩ.

Ekilezɩasɩ 5:2

Bʋ̃ʋ n'ʋ vɛ̃, a tɩɛr-yaga yaga waar'ɩ nɩ zán-faar, ɛ́ a ƴɛ̀r-yaga yaga pʋɔ n'a a dãbol-ƴɛ̀rʋ yire.

Ƴɛ̀r-dɩrbɛ 21:18

Ɛcɛ, tɩ kʋ̃ tʋ̃ɔ́ kʋ̀ bɛ a tɩ pɔwyaar bɛ kul ɛ, tɩ pɔ na, kɛ́ tɩ na ŋmɛ na ƴãw Ɩsɩrayɛl nɩr nɛ za na na kʋ̀ a ʋ pɔwyaa Bɛ̃zamɛ dɔwlʋ nɩr a.»

Ƴɛ̀r-dɩrbɛ 20:8

A nɩbɛ za tɩ lãw nɩ taa mɛ̃ nɩ-been a yel: «Tɩ kãw za bɛ lɛbr kule ɩ, a ɩ n a ʋ pɛn-sɛw pʋɔ bɩɩ a ʋ yir pʋɔ a.

Ʋrɔm 10:2

Sɩza n'a, ɩ̃ na tʋ̃ɔ́ na dɩ a bɛ dãsɩɛ bɛ na tʋlɛ a Naaŋmɩn yele pùor-tub ƴãw a, ɛcɛ a tʋlʋ ŋa bɛ na tʋlɛ a bɛ tu Naaŋmɩn bãwfʋ sɩza ɩ.

Zeremi 4:2

A fʋ pɔb pʋɔ fʋ̃ʋ mɩ́ wa yel: “Ɩ̃ pɔ n nɩ a Sore na vʋʋrɛ a,” ɛ́ a tu a yel-mɩŋa, a lɛ-na-tu-sɔr-a nɩ a mɩnʋ a, a nɩ-bʋʋr-yoru na mɩ́ zɛlɛ na k'ɩ̃ɩ maalɩ bɛ, ɛ́ bɛ na mɩ́ nyʋʋr'ɩ a ɩ̃ ƴãw.

1 Samɩɛl 14:24

A ʋlɩ bibir nɛ a, a Ɩsɩrayɛl nɩbɛ tɩ wõ n tuo, bʋ̃ʋ n'ʋ vɛ̃, a Sawul tɩ ŋmɛ na ƴãw bɛ yel: «Mãa bɛ wa tɩ tʋ̃ɔ́ a ɩ̃ dɔ̃ dem baar, ɛ́ nɩr wa dɩ bom, ɛ́ a zaanʋɔra bɛ ta a, ŋmɛ-ƴãw, a páw ʋ.» Lɛ so, nɩr za bɛ tɩ dɩ bom za ɩ.

Ƴɛ̀r-dɩrbɛ 21:7

Bʋ̃ʋ n'ʋ tɩ na ɩ, bɔ pɔwbɛ kʋ̀ a Bɛ̃zamɛ dɔwlʋ nɩbɛ na cɛ a, tɩ na faa pɔ n a Sore, kɛ́ tɩ kʋ̃ kʋ̀ bɛ a tɩ pɔwyaar bɛ kul a?»

Ƴɛ̀r-dɩrbɛ 21:5

Al pùorí, a Ɩsɩrayɛl nɩbɛ tɩ sowre nɩ taa: «A Ɩsɩrayɛl dɔwlʋ za pʋɔ a, buor sob'ʋ bɛ cen a ɓã taa zie, a Sore niŋé a Misɩpa?» Bʋ̃ʋ n'ʋ vɛ̃, bɛ tɩ pɔ na kɛ́ bɛ na kʋ n sob nɛ za nãà bɛ wa cen a Misɩpa a.

Ƴɛ̀r-dɩrbɛ 20:10

mɩ́ ír nɩ-been nɩbɛ pie pʋɔ, a Ɩsɩrayɛl dɔwlʋ za pʋɔ. Bɛ na cen na tɩ bɔ a bʋ̃-dɩrɩ wa kʋ̀ a sojarɩ na na zɛb'ɩ a Givea tẽw a. Bɛlɛ wa lɛb wa a, tɩ na dɔwr'ɩ a Givea tẽw a ɩ-faa na bɛ maal'ɩ wob a bɛ tẽw dem na ɩ a Ɩsɩrayɛl tẽw pʋɔ a.»

Ƴɛ̀r-dɩrbɛ 20:48

A Ɩsɩrayɛl nɩbɛ tɩ lɩɛb'a lo a Bɛ̃zamɛ dɔwlʋ nɩbɛ na cɛ a zu. Bɛ mɩ́ tɩ yi n tẽw ŋa tɩ sãá tẽw ŋa pʋɔ, kʋ a nɩbɛ za lãwnɩ a dʋn, ɛ́ nyɩw a ten al za bɛ na tuore a bɛr.

Ƴɛ̀r-dɩrbɛ 21:22

A bɛ sãà mɩnɛ bɩɩ a bɛ yɛ-dɛbr wa bɔbr tɩ nɔhaarʋ a, tɩ na yel bɛ na: “Nyɩ bãw a Bɛ̃zamɛ dɔwlʋ nɩbɛ ɩb ŋa pɛr, bʋ̃ʋ n'ʋ vɛ̃, a Yavɛsɩ zɛbr daar a, tɩ bɛ tʋ̃ɔ́ nyɔw pɔwbɛ kʋ̀ a bɛ za ɩ. Nyɩmɛ na bɛ nɛbɛ kʋ̀ bɛ a nyɩ pɔwyaar a, nɩr kʋ̃ tʋ̃ɔ́ yel kɛ́ nyɩ bɛ tu a pɔb nyɩ na pɔ a ɩ.”»

Zeremi 40:6

Lɛ n'a a Zeremi tɩ cen a Misɩpa a Gedalɩasɩ zie, ɛ́ tɩ lãwnɩ ʋ kpɩɛr a nɩbɛ na tɩ cãà be a tẽw pʋɔ a sɔgɔ.