Ƴɛ̀r-dɩrbɛ 2:19 - A SƐB-SÕW

¹⁹ Ɛcɛ a ƴɛ̀r-dɩrɛ wa kpi a, bɛ mɩ́ lɛb'a tĩ ɩrɛ a ɩ-faar, a nɩ̃ɛ zuo a bɛ sãàkʋm-kore dem. Bɛ mɩ́ tɩ puore nɩ ŋmɩn yoru, ɛ́ gbine dume a niŋé. Bɛ bɛ mɩ́ tɩ zawrɩ a bɛ ɩ-faar ɛ, ɛ́ cãà zawrɛ a Naaŋmɩn nʋɔr cere nɩ.

Ƴɛ̀r-dɩrbɛ 2:19 Referans Kwoze

Ƴɛ̀r-dɩrbɛ 8:33

Ɛcɛ a Zedeɔ̃ kũu pùorí a, a Ɩsɩrayɛl nɩbɛ tɩ lɛb'a tĩ puore a Báàl mɩnɛ. Bɛ tɩ de nɩ Báàl-Beritɩ ʋ ɩ a bɛ ŋmɩn,

Ƴɛ̀r-dɩrbɛ 4:1

A Ehudɩ kũu pùorí a, a Ɩsɩrayɛl nɩbɛ tɩ lɛb'a maal ɩrɛ a bɛ pɛlɛ a Sore pʋɔ ɩ.

Matie 23:32

A vɩɛl a! Nyɩ cãà cere nɩ a lɛ, a ʋlɩ bom nɛ a nyɩ sãàkʋm-kore na tĩ a, nyɩ baa kʋ a ʋ nʋɔr!

Zeremi 23:17

Bɛ mɩ́ nyɔw nɩ nyãa ɛ́ yel kʋ̀ a bɛlɩ dem na ɩrɛ mɛ̃ laar a à ŋá: “A Sore yel'a: A yele za na ɩ n vla a nyɩ zie!” Ɛ́ yel a bɛlɩ dem na tuur a bɛl mɩŋa pʋ-tɩɛrʋ tɛwr a: “Faa kʋ̃ páw nyɩ ɛ.”

Zeremi 16:12

Ɛ́ a nyɩɩm a, nyɩ ɩrɛ nɩ faa zuo a nyɩ sãàkʋm-kore. Ŋa za mɩ́ tuur'ɩ a ʋ pʋ-tɩɛr-faa ɛ́ nɩ̃ɛ bɛr a ɩ̃ bɛr-wob.

Zeremi 3:17

A lɛn daar a, bɛ na bʋɔlɛ nɩ a Zerizalɛm kɛ́ “Sore naalʋ-dà-kɔw”. A nɩ-bʋʋr-yoru na zɔ na ɓã taa a ɩ̃ zie, a Sore yúor na kʋ̀ a Zerizalɛm a zũú, ɛ́ bɛ na zawr'ɩ a bɛ tɩɛr-faar bɛr.

Sɛb-sõw yielu 78:8

A lɛn daar a, bɛ kʋ̃ ŋmɛ̃ taa nɩ a bɛ sãàkʋm-kore daar nɩbɛ na zawr'ɩ a Naaŋmɩn nʋɔr ɛ́ gaarɩ a ɩ. A bɛ tɩɛrʋ tɩ lɩɛbɛ nɩ kʋralɛ, ɛ́ bɛ tu a Naaŋmɩn ɛ.

1 Samɩɛl 15:23

A nʋɔr-zawrʋ ɩ n yel-bier-faa sɛw a bàwr bʋwfʋ, ɛ́ a kpãa-tobr ɩ faa sɛw a tɩbɛ maalʋ. Fʋ na faa zawrɩ na tu a Sore ƴɛ̀rʋ a, a Sore mɩ̀ zawrɩ fʋ na bɛr, fʋ bɛ cãà ɩ a nãà ɩ.»

Ƴɛ̀r-dɩrbɛ 2:7

Bɛ tɩ tõ n a Sore tome a Zozue cãafʋ daar za nɩ a ʋ kũu pùorí mɩ̀, a lɛn daar za a nɩ-kore na vʋʋrɩ a, bɛl na tɩ nyɛ̃ a yel-bɛrɛ a Sore na maalɩ a Ɩsɩrayɛl ƴãw a.

Zozue 24:31

A Ɩsɩrayɛl nɩbɛ tɩ maal'ɩ a Sore, a Zozue cãafʋ daar za, nɩ a nɩ-kore na vʋʋrɩ a Zozue pùorí a cãafʋ daar za, bɛl na tɩ bãw a tome al za a Sore na tɩ tõ a Ɩsɩrayɛl ƴãw a.

Yele-za-pɛr-tib 6:11

Ɛcɛ a Naaŋmɩn zie a, a nɩsaalbɛ tɩ sãw nɩ bɛ za: po-to-fãw-ɩb tɩ n'a a ziir za.

Wulu-ayi-sob 31:29

Bʋ̃ʋ n'ʋ vɛ̃, ɩ̃ bãwnɩ a na k'aa ɩ̃ kũu pùorí a, a Ɩsɩrayɛl nɩbɛ na sãw nɩ bɛ za, bɛ na bɛr'ɩ a sɔ́r ɩ̃ na wul bɛ a. A kpɩɛrʋ na páw bɛ nɩ nɩdaar, a yel-faa bɛ na na maalɩ a Sore zie, ɩ a ɩb ƴãw k'ʋ nyɛ̃ suur a.»

Ƴɛ̀r-dɩrbɛ 2:18

A Sore na mɩ́ tɩ ɩ ƴɛ̀r-dɩrɛ yi a bɛ ƴãw a, ʋ mɩ́ tɩ be n a ƴɛ̀r-dɩrɛ ʋl zie, ɛ́ a ƴɛ̀r-dɩrɛ ʋl mɩ́ faa bɛ a bɛ dɔ̃ dem nuru pʋɔ a ʋ cãafʋ daar za, bʋ̃ʋ n'ʋ vɛ̃, a Sore mɩ́ tɩ zɔ n bɛ nɩbaalʋ, a lɛ a bɛ dɔ̃ dem na mɩ́ tɩ dɔwrɛ bɛ bɛ kone a.

Ƴɛ̀r-dɩrbɛ 2:20

A Sore suur tɩ ìr'ɩ a Ɩsɩrayɛl nɩbɛ ƴãw, ʋ yel à ŋá: «A nɩ-bʋʋrɛ bɛ ŋa na faa sãw a ɩ̃ wõ-taa bɛr a, a wõ-taa ʋl ɩ̃ na ƴãw a bɛ sãàkʋm-kore tuur a, bɛ na bɛ bɛr wõ m'a,

Ezekɩɛl 20:30

A na ɩ lɛ a, yel kʋ̀ a Ɩsɩrayɛl nɩbɛ a bom nɛ a mãa Sore Naaŋmɩn na yere a: Ŋmɩŋmɩn za n'a! Nyɩ ɩrɛ na mɛ̃ a nyɩ sãàkʋm-kore a, nyɩ ƴãwnɛ nɩ nyɩ tʋɔra dɛwr ɛ́ ɩrɛ pɔw-yɛm ɩb maalɛ nɩ a bɛ tɩb-faar faar.

Eziptɩ tẽw yib 32:7

Lɛ n'a a Sore tɩ yel a Moyiir: «Lɛb siw daadaalɛ! Bʋ̃ʋ n'ʋ vɛ̃, a nɩbɛ fʋ na ɩ bɛ yi a Eziptɩ a, bɛ sãw nɩ faa faa.

Ƴɛ̀r-dɩrbɛ 10:13

Ɛcɛ nyɩɩm a, nyɩ zawrɩ mɛ̃ na bɛr ɛ́ maalɛ ŋmɩn yoru. Alɛ so ɩ̃ kʋ̃ lɛb faa nyɩ ɛ.

Neemi 9:28

Ɛcɛ, bɛ na mɩ́ tɩ tɛr a ƴã-ɓaarʋ wa báarɛ a, bɛ mɩ́ lɛb'a tĩ ɩrɛ a faa a fʋ niŋé. Fʋ mɩ́ lɛb'a bɛr a bɛ dɔ̃ dem so bɛ. Lɛ n'a bɛ mɩ́ lɛb kone bʋɔlɛ nɩ fʋ, ɛ́ a fʋ̃ʋ a, fʋ mɩ́ lɛb'a wõ a, a salom zu fʋ na be a. A fʋ nɔ̃wfʋ pʋɔ a, fʋ faa bɛ nɩ a gb'aa yaga za.