Ƴɛ̀r-dɩrbɛ 2:18 - A SƐB-SÕW

¹⁸ A Sore na mɩ́ tɩ ɩ ƴɛ̀r-dɩrɛ yi a bɛ ƴãw a, ʋ mɩ́ tɩ be n a ƴɛ̀r-dɩrɛ ʋl zie, ɛ́ a ƴɛ̀r-dɩrɛ ʋl mɩ́ faa bɛ a bɛ dɔ̃ dem nuru pʋɔ a ʋ cãafʋ daar za, bʋ̃ʋ n'ʋ vɛ̃, a Sore mɩ́ tɩ zɔ n bɛ nɩbaalʋ, a lɛ a bɛ dɔ̃ dem na mɩ́ tɩ dɔwrɛ bɛ bɛ kone a.

Ƴɛ̀r-dɩrbɛ 2:18 Referans Kwoze

Zozue 1:5

A fʋ cãafʋ daar za a, nɩr za kʋ̃ tʋ̃ɔ́ bà gbɛ́r a fʋ niŋé ɩ, bʋ̃ʋ n'ʋ vɛ̃, ɩ̃ na be n a fʋ zie mɛ̃ a lɛ ɩ̃ na tɩ be a Moyiir zie a. Ɩ̃ kʋ̃ tɩɛ fʋ bɛr towtow ɛ, ɩ̃ kʋ̃ zawrɩ fʋ bɛr towtow ɛ́ bɛ sõw fʋ ɛ.

Wulu-ayi-sob 32:36

A Sore na sɩrɩ na dɩ a ƴɛ̀rʋ nɩ mɩnʋ kʋ̀ a ʋ nɩ-bʋʋrɛ, ʋ na zɔ n a ʋ tõ-tõ-biir nɩbaalʋ, ʋlɛ wa nyɛ̃ a bɛ fãw za baarɩ a, ʋlɛ wa nyɛ̃ tɩ̀ɛrɛ nɩ sõwne za bɛ ka be a.

Eziptɩ tẽw yib 2:24

A Naaŋmɩn tɩ wõ n a bɛ kon, ɛ́ lɛb tɩ́ɛrɩ bãwnɩ a ʋ wõ-taa ʋ na maal'ɩ a Abraham, a Ɩzaakɩ nɩ a Zakɔb a.

A naaŋmɩn-ƴèr-manɛ Oze sɛbɛ 11:8

«Ɛcɛ Efarayim i, ŋmɩŋmɩn za n'a ɩ̃ na sàw zawrɩ fʋ bɛr? Ɩsɩrayɛl ɩ, ŋmɩŋmɩn za n'a ɩ̃ na sàw de fʋ tɩr? Ŋmɩŋmɩn za n'a ɩ̃ na sàw ɩ fʋ, mɛ̃ ɩ̃ na ɩ a Adima tẽw a? Ɩ̃ na sàw na ɩ fʋ, fʋ ŋmɛ̃ mɛ̃ a Sevoyim tẽw a? A ɩ̃ tɩɛrʋ za dam'a, ɛ́ a ɩ̃ nɩbaal-zɔba ìr.

2 Na-mɩnɛ 13:4

Ɛcɛ a Yoakaazɩ tɩ zɛlɩ nɩ a Sore k'ʋʋ ɓãá suur, ʋ bɛr wõ. Bʋ̃ʋ n'ʋ vɛ̃, ʋ tɩ nyɛ̃ nɩ a kpɩɛrʋ al za a Siiri tẽw nãà na tɩ ɩrɛ a kpɩɛr a Ɩsɩrayɛl nɩbɛ a.

Ƴɛ̀r-dɩrbɛ 10:16

Bɛ tɩ wob'ɩ a ŋmɩn-sãanbɛ lɔb bɛr, ɛ́ lɛb tĩ maalɛ a Sore. Lɛ n'a a Sore bɛ tɩ tʋ̃ɔ́ bɛr a Ɩsɩrayɛl nɩbɛ bɛ cãà wone a tuo ɩ.

Yele-za-pɛr-tib 6:6

A tɩ kpɛ n a Sore ʋ na ír a nɩsaalbɛ ƴãw a tẽw zu a, ɛ́ a ɩ ʋ pʋ-sãwna.

Eziptɩ tẽw yib 3:12

A Naaŋmɩn yel: «Ɩ̃ na be n a fʋ zie. Ɛ́ a bãwfʋ n'ɩ ŋa kɛ́ mãa n'ʋ tone fʋ: fʋ̃ʋ wa tɛr a nɩbɛ yi n a Eziptɩ tẽw pʋɔ a, nyɩ na maalɩ mɛ̃ nɩ a tãw ŋa zu.»

Zonasɩ 3:10

A Naaŋmɩn tɩ nyɛ̃ nɩ a Nɩnɩɩvʋ tẽw dem ɩ-ɩrɩ: ʋ tɩ nyɛ̃ na bɛ na bɛr a bɛ ɩ-faar a. Lɛ n'a ʋ tɩ lɛb bɛr a lɛ ʋ na tɩ tɩ́ɛrɛ k'ʋʋ ɩ a, ɛ́ bɛ dɔwrɩ bɛ nɩ a dɔwrʋ ʋ na tɩ yel k'ʋʋ na dɔwr'ɩ bɛ na a ɩ.

Sɛb-sõw yielu 90:13

Sore e, debor'a fʋ na nyɛ̃ a suur tɩ ta? Lɛb wa, zɔ a fʋ tõ-tõ-biir nɩbaalʋ.

Sɛb-sõw yielu 12:5

nɩ a bɛlɩ dem na mɩ́ yere: «Tɩ na ƴɛ̀r'a tʋ̃ɔ́, tɩ bãw nɩ ƴɛ̀rʋ, ãa n'ʋ na tʋ̃ɔ́ tɩ?»

Sɔr-nɛ́ɛ 10:9

«Nyɩmɛ wa be a nyɩ tẽw pʋɔ a lɛn daar, ɛ́ wa cere kɛ́ nyɩ tɩ zɛb'ɩ a nyɩ dɔ̃ dem na ŋmãa nɩ nyɩ zɛbr a, nyɩ na mɩ́ pɛbl'ɩ a wɩɩr, lãwnɩ cáarʋ. A lɛ pʋɔ a, ɩ̃ na lɛb'a bãwnɩ nyɩ. Lɛ n'a a mãa Sore nyɩ Naaŋmɩn na faa nyɩ a nyɩ dɔ̃ dem nuru pʋɔ.

Ƴɛ̀r-dɩrbɛ 2:19

Ɛcɛ a ƴɛ̀r-dɩrɛ wa kpi a, bɛ mɩ́ lɛb'a tĩ ɩrɛ a ɩ-faar, a nɩ̃ɛ zuo a bɛ sãàkʋm-kore dem. Bɛ mɩ́ tɩ puore nɩ ŋmɩn yoru, ɛ́ gbine dume a niŋé. Bɛ bɛ mɩ́ tɩ zawrɩ a bɛ ɩ-faar ɛ, ɛ́ cãà zawrɛ a Naaŋmɩn nʋɔr cere nɩ.

Eziptɩ tẽw yib 32:14

Lɛ n'a a Sore tɩ lɛb bɛr a faa ʋ na tɩ bɔbr k'ʋʋ ɩ a ʋ nɩbɛ a.

Ƴɛ̀r-dɩrbɛ 3:9

Lɛ n'a a Ɩsɩrayɛl nɩbɛ tɩ kõ bʋɔlɩ a Sore k'ʋʋ wa faa bɛ, a Sore tõ Kenaazɩ na ɩ a Kalɛb yɛ-bile a bidɛb, Otɩnɩɛl, k'ʋʋ tɩ faa bɛ.

Ƴɛ̀r-dɩrbɛ 6:12

A Sore malkɩ tɩ ɩ na ʋ nyɛ̃ ʋ, ʋʋ yel ʋ: «Soja-gãdaa a, a Sore be n a fʋ zie!»

Ƴɛ̀r-dɩrbɛ 6:16

A lɛ n'a a Sore tɩ yel ʋ: «Ɩ̃ na be n a fʋ zie, ɛ́ fʋ na zɛb'a tʋ̃ɔ́ a Madian tẽw dem za mɛ̃ nɩ-been a.»

Ƴɛ̀r-dɩrbɛ 11:32

A Zɛfɩte tɩ gãw nɩ a Amɔ̃ tẽw dem tʋr-bɔw, k'ʋʋ tɩ zɛb'ɩ bɛ, ɛ́ a Sore de bɛ ƴãw a ʋ nuru pʋɔ.