Ƴɛ̀r-dɩrbɛ 2:14 - A SƐB-SÕW

¹⁴ A Sore suur tɩ ìr'ɩ a Ɩsɩrayɛl nɩbɛ ƴãw. Ʋ tɩ bɛr bɛ na kʋ̀ nɩ-farbɛ bɛ fa bɛ, ɛ́ de bɛ ƴãw a bɛ dɔ̃ dem na viiri koli bɛ a nuru pʋɔ, bɛ kʋ̃ tʋ̃ɔ́ bà gbɛ́r a bɛ niŋé ɩ.

Ƴɛ̀r-dɩrbɛ 2:14 Referans Kwoze

2 Na-mɩnɛ 17:20

Alɛ n'a so a Sore tɩ zawrɩ a Ɩsɩrayɛl nɩbɛ za bɛr. Ʋ tɩ siwri bɛ na, bɛr bɛ kʋ̀ a nɩ-farbɛ, ɛ́ wa baa diw bɛ bɛr zãá nɩ ʋ.

Wulu-ayi-sob 32:30

Dɔ̃ sob been yõ na tʋ̃ɔ́ na diw Ɩsɩrayɛl nɩbɛ túr (1 000) bɛ zɔ ɔ? Dɔ̃ dem ayi na tʋ̃ɔ́ na diw Ɩsɩrayɛl nɩbɛ tùr-pie (10 000) bɛ zɔ ɔ? Ʋ̃ʋ, a na tʋ̃ɔ́ na ɩ a lɛ, a mãa Sore na ɩ a bɛ pì-kpɛ̃w a wa ƴãw bɛ a bɛ dɔmɛ nuru pʋɔ a.

Ƴɛ̀r-dɩrbɛ 10:7

Lɛ n'a a Sore suur tɩ ìr a Ɩsɩrayɛl nɩbɛ ƴãw, ʋ de bɛ kʋ̀ a Filisɩtɛ̃ mɩnɛ nɩ a Amɔ̃ tẽw dem.

Ƴɛ̀r-dɩrbɛ 4:2

A Sore tɩ de bɛ na ƴãw a Kanãa tẽw nãà, Yavin, na tɩ kpɩɛr Hasɔɔr a, nuru pʋɔ. A ʋ zɛbr-nɩbɛ nɩ-kpɛ̃ɛ tɩ n'ɩ Sɩsera na kpɩɛr Harɔsɛtɩ-Goyim a.

Levitɩ mɩnɛ 26:37

Bɛ na lore na dine taa mɛ̃ a lɛn daar fʋ na mɩ́ zɔrɛ dɔ̃ sob niŋé a, ɛ́ nɩr kʋ̃ diwr bɛ mɩ̀ ɛ. Bɛ kʋ̃ tʋ̃ɔ́ mɩ́ bà gbɛ́r a bɛ dɔ̃ dem niŋé ɩ.

2 Bibie za yel-manɩ 36:16

ɛcɛ a Ɩsɩrayɛl nɩbɛ tɩ ɩ n a nɩ-toni bɛ ŋa la, ɩ a naaŋmɩn-ƴɛ̀r-manbɛ la, ɛ́ zawrɩ a Naaŋmɩn ƴɛ̀rʋ bɛr. Lɛ n'a a Sore wa tɩ bɛr a ʋ suur ìr a bɛ ƴãw, a bɛ tɛr zɛlɩ bɛr ɛ.

Zeremi 37:10

Alɛ saa na ɩ mɛ̃ nyɩ zɛb'a tʋ̃ɔ́ a Babɩlɔn tẽw zɛbr-nɩbɛ za na zɛbr'ɩ nyɩ a, ɛ́ tɩ cɛ nɩbɛ blã nyɩ na baw nɩ a nyɩ pime a, bɛ na ìr'a àr a bɛ pɛnɛ-sɛwr pʋɔ, ɛ́ bɛ na wa n bɛ za wa nyɩw a tẽ-kpɛ̃ɛ ŋa bɛr.”»

Ɩzayi 50:1

À ŋá n'a a Sore yere: «A zawr-bɛrʋ sɛbɛ wa ɩ̃ na maalɩ zawr'ɩ a nyɩ mã Zerizalɛm bɛr a? Bɩɩ, a bɛlɩ dem samɛ ɩ̃ na tɛr a, a bɛ buor sob zie n'a ɩ̃ nyɔw nyɩ kʋɔrɩ? Bɛlɛ wa kʋɔrɩ nyɩ a, a nyɩ sãwna ƴãw n'a. Bɛlɛ wa zawrɩ a nyɩ mã bɛr a, a nyɩ yel-bebe ƴãw n'a.

Sɛb-sõw yielu 44:12

Fʋ mɩ́ bɛr tɩ na kʋ̀ bɛ, mɛ̃ peli-kʋrɩ a. Fʋ diw tɩ na yaarɩ a nɩ-bʋʋr-yoru sɔgɔ.

2 Bibie za yel-manɩ 15:5

A ʋlɩ daar nɛ, nɩr bɛ tɩ be na cen ɛ́ lɛb wa n ƴã-ɓaarʋ ɛ, dɛ̃bɩ̃-yaga n'a tɩ nyɔw a tẽw nɩbɛ za.

Ƴɛ̀r-dɩrbɛ 1:34

A Amoritɩ mɩnɛ tɩ diw nɩ a Dan dɔwlʋ nɩbɛ ƴãw a tan vuo pʋɔ, bɛ bɛ tɩ sàw bɛ siw a zi-tɩ̃talɛ pʋɔ ɩ.

Ƴɛ̀r-dɩrbɛ 1:19

A Sore tɔr za tɩ be n a bɛ zie bɛ zɛb de a tan vuo. Ɛcɛ bɛ bɛ tɩ tʋ̃ɔ́ diw a zi-tɩ̃talɛ pʋɔ nɩbɛ ɩ, bʋ̃ʋ n'ʋ vɛ̃, a nɩbɛ bɛ ŋa tɩ tɛr'ɩ kure zɛbr-torkori.

Wulu-ayi-sob 28:58

Nyɩ ƴãw fãw sàwr a Naaŋmɩn wulu nɛ-ƴãwnɩ za na sɛb a sɛbɛ ŋa pʋɔ a. Nyɩ ƴãwnɛ a sob nɛ na tɛr a yúor ŋa na ɩ yúor a, yúor na bɛ tɛr dɩ̃ɛnʋ a, ɛ́ dɩ kɛ́ «Sore nyɩ Naaŋmɩn» a.

Wulu-ayi-sob 28:25

A Sore na mɩ́ ɩ na a nyɩ dɔ̃ dem tʋ̃ɔ́ nyɩ. Nyɩmɛ wa lo sɔr-been wa ŋmãa nɩ bɛ a zɛbr a, sɛ́ɛ ayopõi n'a nyɩ na tu lɛb zɔ a bɛ niŋé. A tẽ-daa naalʋ-ten za na mɩ́ nyɛ̃ nyɩ na dɛ̃bɩ̃ɛ ɩrɛ a.

Wulu-ayi-sob 28:20

A Sore na ɩ na a ŋmɛ-ƴãw, a dɛ̃bɩ̃ɛ nɩ a niw-sʋba tuur nyɩ a nyɩ yel-maalɩ za pʋɔ, ɛ́ gù bɛ wa tɩ kʋ nyɩ pàw pɛr, ɛ́ gù nyɩ wa tɩ baarɩ fɔ̃wlɛ, a yel-faa nyɩ na na maalɩ zawrɩ a Sore bɛr a ƴãw.

Sɔr-nɛ́ɛ 32:14

Ɛ́ ƴɛrɛŋa, a nyɩɩm, yel-bebe dem bʋʋrɛ bɛ ŋa, nyɩ bɔbr kɛ́ nyɩ tu a nyɩ sãà mɩnɛ gbɛ́ɛ, ɩ a Sore suur lɛb ìr a Ɩsɩrayɛl nɩbɛ ƴãw!

Levitɩ mɩnɛ 26:28

a mãa mɩ̀ a, ɩ̃ na nyɛ̃ nɩ suur yaga zawrɩ a nyɩ tub, mãa mɩŋa na dɔwrɩ nyɩ nɩ gb'a ayopõi dɔwlɩ, a nyɩ yel-bebe zũú.

Ƴɛ̀r-dɩrbɛ 2:20

A Sore suur tɩ ìr'ɩ a Ɩsɩrayɛl nɩbɛ ƴãw, ʋ yel à ŋá: «A nɩ-bʋʋrɛ bɛ ŋa na faa sãw a ɩ̃ wõ-taa bɛr a, a wõ-taa ʋl ɩ̃ na ƴãw a bɛ sãàkʋm-kore tuur a, bɛ na bɛ bɛr wõ m'a,

Ƴɛ̀r-dɩrbɛ 3:12

A Ɩsɩrayɛl nɩbɛ tɩ lɛb'a maal tĩ ɩrɛ a bɛ pɛlɛ a Sore pʋɔ ɩ, a Sore ƴãw Mowab nãà, Egɩlon, ìr a bɛ ƴãw, bɛ na tɩ ɩrɛ a bɛ pɛlɛ a Sore pʋɔ a ƴãw.

2 Samɩɛl 7:11

mɛ̃ a lɛn daar ɩ̃ na tɩ ƴãw a ƴɛ̀r-dɩrbɛ kaarɛ a ɩ̃ nɩ-bʋʋrɛ Ɩsɩrayɛl zie a ɩ. Ɩ̃ na faa fʋ nɩ a fʋ dɔ̃ dem za nuru pʋɔ, ɛ́ fʋ vʋʋrɛ nɩ ƴã-ɓaarʋ. Ɩ̃ pãa yere na kʋ̀rɛ fʋ, a mãa Sore, mãa n'ʋ na ŋmãa yir kʋ̀ b.

2 Na-mɩnɛ 13:3

Lɛ n'a a Sore tɩ nyɛ̃ nɩ a Ɩsɩrayɛl nɩbɛ suur, ɛ́ bɛr bɛ kʋ̀ a Siiri tẽw nãà, Hazayɛl, nɩ a ʋ bidɛb, Bɛn-Hadadɩ, a tɩ cɛlɩ.

Neemi 9:27

Lɛ n'a fʋ bɛr bɛ kʋ̀ a bɛ dɔ̃ dem, bɛ dɔwrɩ bɛ. A kpɩɛrʋ á ŋá daar a, bɛ kõ na bʋɔlɩ fʋ, ɛ́ a fʋ̃ʋ a, fʋ be n a salom zu ɛ́ bɛr wõ bɛ. A fʋ nɔ̃wfʋ na bɛ tɛr baarʋ a pʋɔ a, fʋ tõ n faarbɛ bɛ wa faa bɛ a bɛ dɔ̃ dem nuru pʋɔ.

Levitɩ mɩnɛ 26:17

Ɩ̃ na ìr'ɩ a nyɩ ƴãw, ɛ́ a nyɩ dɔ̃ dem na tʋ̃ɔ́ nyɩ na. A bɛlɩ dem na hɩ̃ɛn nyɩ a na so nyɩ na, ɛ́ nyɩ na mɩ́ lɩɛb'a zɔrɛ nɩr saa bɛ diwr nyɩ a.

Sɔr-nɛ́ɛ 32:13

A Moyiir tɩ cãà na lɛb yel à ŋá: «A ɩ à à ŋá a Sore tɩ nyɛ̃ nɩ a Ɩsɩrayɛl nɩbɛ suur, ƴãw bɛ viiri a wɛja-kpalɛ pʋɔ yome lɩz'a ayi, a bʋʋrɛ bɛl tɩ baarɩ bɛ za, a bɛl na tɩ ɩ a ɩb a bɛ pɛlɩ a ʋ pʋɔ a.

Zozue 23:16

Nyɩmɛ wa sãw a Sore nyɩ Naaŋmɩn wõ-taa bɛr, wõ-taa ʋ na yel kɛ́ nyɩ maal tɛr a, nyɩmɛ wa sãw ʋ bɛr, ɛ́ maalɛ ŋmɩn-yoru, mɩ́ gũu a niŋé a, a Sore suur na ìr'ɩ a nyɩ ƴãw mɛ̃ vũu a, ɛ́ nyɩ na bɔr'ɩ fɔ̃wlɛ a tẽ-vla ŋa ʋ na kʋ̀ nyɩ a pʋɔ.»

2 Samɩɛl 24:1

Bibir kãw, a Sore suur tɩ lɛb'a ìr a Ɩsɩrayɛl nɩbɛ ƴãw. Ʋ tɩ ɩ na a Daviir ìr a bɛ ƴãw, ʋʋ yel ʋ à ŋá: «Cen tɩ sɔ́r a Ɩsɩrayɛl nɩ a Zuda tẽw nɩbɛ.»

2 Bibie za yel-manɩ 28:5

A Sore ʋ Naaŋmɩn tɩ de ʋ na ƴãw a Aram tẽw nãà nuru pʋɔ, ʋ zɛb tʋ̃ɔ́ ʋ, ɛ́ nyɔw a ʋ nɩbɛ yaga bɛ ɩ nɩ-pàwrɩ ʋ cen nɩ a Damasɩ. Ʋ mɩ̀ tɩ lo n a Ɩsɩrayɛl nãà, Peka na ɩ Eremalyahu bidɛb a nuru pʋɔ, ʋ zɛb tʋ̃ɔ́ ʋ pẽlẽpẽlẽ:

Sɛb-sõw yielu 44:11

Fʋ mɩ́ ɩ na tɩ lɩɛb zɔ a dɔ̃ sob niŋé, ɛ́ a tɩ bɛ-nɔnbɛ za a tɩ bome.

Ɩzayi 42:24

— Ãa n'ʋ bɛr a Ɩsɩrayɛl, a Zakɔb nɩbɛ kʋ̀ a bɛlɩ dem na fa a bɛ bome a za a, a bɛlɩ dem na za bɛ a? A Sore tɩ na ɩ sãw a bɛ n'ʋ ɛ? A ʋ nɩ-bʋʋrɛ bɛ sàw tu a ʋ sɔ́r ɛ, bɛ bɛ sàw bɛr wõ a ʋ wulu ɛ.