Ƴɛ̀r-dɩrbɛ 11:27 - A SƐB-SÕW

²⁷ Mãa ƴãw a, ɩ̃ bɛ sãw fʋ ɛ, fʋ̃ʋ n'ʋ ɩrɛ faa a ɩ̃ zie, fʋ na zɛbr'ɩ mɛ̃ a. A Sore na dɩrɛ nɩ a nɩsaalbɛ a ƴɛ̀rʋ a, ʋ dɩ a ƴɛ̀rʋ a dɩ̃a, a Ɩsɩrayɛl nɩbɛ nɩ a Amɔ̃ tẽw dem cara pʋɔ!»

Ƴɛ̀r-dɩrbɛ 11:27 Referans Kwoze

1 Samɩɛl 24:15

Ãa ƴãw n'a a Ɩsɩrayɛl nãà ŋmãa a wɩ̀ɛ? Ãa n'ʋ fʋ diwr? Mãa n'ʋ, mãa na ɩ mɛ̃ bà-kũu a, mɛ̃ ciib a!

1 Samɩɛl 24:12

Ɩ̃ sãà a, nyɛ̃, jɩ́r nyɛ̃ bom nɛ ɩ̃ na ƴãw a ɩ̃ nũú a: a fʋ kparʋ nʋɔr zie kãw n'ʋ! Ɩ̃ na tʋ̃ɔ́ ŋmãa a fʋ kparʋ nʋɔr zie kãw, ɛ́ bɛ kʋ b a, pãa bãw k'ɩ̃ɩ bɛ tɩɛrɛ faa a fʋ ƴãw ɛ, mɩ̀ bɛ lɛb gaarɛ a fʋ zie ɩ. Fʋ mɩŋa za nyɛ̃ a na, ɩ̃ bɛ sãw fʋ yel kãw za ƴãw ɛ. Fʋ̃ʋ n'ʋ diwr mɛ̃ bɔbr a ɩ̃ kʋb.

Yele-za-pɛr-tib 18:25

Fʋ ɩ a nɩ-mɩŋa ʋ kpi lãwnɩ a sãwna sob i? Aɩ, fʋ kʋ̃ tʋ̃ɔ́ ɩ à à ŋá ɩ! Fʋ ɩ a nɩ-mɩŋa mɛ̃ a sãwna sob a? A ɩb ŋa tɔ a, ʋ zãá nɩ fʋ! A tẽw za ƴɛ̀r-maalɛ kʋ̃ ɩ a lɛ-na-tu-sɔr-a bɩɩ?»

Yele-za-pɛr-tib 16:5

Lɛ n'a a Saraɩ tɩ yel a Abram: «Fʋ̃ʋ n'ʋ so a zʋm bɛ na tʋ m a. Mãa mɩŋa n'ʋ de a ɩ̃ tõ-tõ-bi-pɔw kʋ̀ b, ɛcɛ ʋ na dɛ wa nyɛ̃ ʋ tɛr a pʋɔ a, ɩ̃ bɛ cãà ɩ nɩr a ʋ zie ɩ. A Sore, ʋ bãw a yel ŋa, fʋ̃ʋ nɩ a mãa cara pʋɔ!»

Yele-za-pɛr-tib 31:53

A Abraham Naaŋmɩn nɩ a Nahɔɔr Naaŋmɩn, bɛ bãw a yel a tɩ cara pʋɔ.» Lɛ n'a a Zakɔb tɩ pɔ n a Naaŋmɩn na tɩ ɩrɛ a ʋ sãà Ɩzaakɩ ʋ màwr a.

2 Timote 4:8

Ƴɛrɛŋa a, a mɩnʋ sã-ya gùre mɛ̃ na. A ƴɛ̀rʋ-maalʋ bibir wa vɩɛ a, a Sore na ɩ ƴɛ̀r-maalɛ na tuur yel-mɩŋa a na de ʋ na kʋ̀ m. Ɛcɛ mãa yõ kʋ̃ n'ʋ ɛ, ʋ mɩ̀ na de ʋ na kʋ̀ a bɛlɩ dem za na gùre nɩ nɔ̃wfʋ a daar ʋl ʋ nãà wa sãá a.

2 Korɛ̃tɩ 5:10

Bʋ̃ʋ n'ʋ vɛ̃, a fɛr'a kɛ́ tɩ za cen a Kɩrɩta ƴɛ̀rʋ-maalʋ zie ʋ tɩ maal'ɩ tɩ a ƴɛ̀rʋ. Lɛn daar'a ŋa za na páw bom nɛ na sɛw taa nɩ ʋ a, a vla bɩɩ a faa, a tu a lɛ ʋ na vʋʋrɩ a tẽw zu a.

Ekilezɩasɩ 11:9

Pɔlbile e, wone a nʋ̃ɔ̀ a lɛn daar fʋ na cãà ɩ pɔlbile a, cɩlɛ a ʋlɩ daar nɛ. Ɩrɛ lɛ za fʋ na bɔbr nɩ lɛ za na pɛlɩ a fʋ pʋɔ a. Ɛcɛ bãwnɩ a a Naaŋmɩn na na dɩ n fʋ ƴɛ̀rʋ a fʋ ɩ-ɩrɩ za ƴãw a.

Sɛb-sõw yielu 98:9

a Sore niŋé, ʋ na waar a ƴãw. Ʋ waar'a k'ʋʋ wa dɩ n a tẽw ƴɛ̀rʋ, ʋ na dɩ n nɩ a tẽ-daa a ƴɛ̀rʋ nɩ mɩnʋ, ɛ́ dɩ n a nɩ-bʋʋrɛ a ƴɛ̀rʋ a tu yel-mɩŋa.

Sɛb-sõw yielu 94:2

Tẽ-daa ƴɛ̀r-dɩrɛ ɛ, ìr, ya a pɔ̀lʋ dem a bɛ ɩ-ɩrɩ san.

Sɛb-sõw yielu 82:8

Naaŋmɩn i, ìr, dɩ n a tẽ-daa a ƴɛ̀rʋ, fʋ̃ʋ na n'ʋ só a nɩ-bʋʋrɛ za a.

Sɛb-sõw yielu 75:7

Bʋ̃ʋ n'ʋ vɛ̃, saa-pɛrɩ́ nɩ mʋ̃tɔ̃w-kpɛb-lowr nɩ wɛja-kpalɛ pʋɔ bɛ n'a a zɛwfʋ yire waar ɛ,

Sɛb-sõw yielu 50:6

A salom hiere na yere a ʋ mɩnʋ, bʋ̃ʋ n'ʋ vɛ̃, a Naaŋmɩn n'ɩ a ƴɛ̀r-dɩrɛ. Tɛw-àrʋ

Sɛb-sõw yielu 7:11

A Naaŋmɩn n'ɩ a ɩ̃ zɛbr-kur-pãgala na piw mɛ̃ a, a soci-dẽdẽ dem faarɛ.

A Zɔb sɛbɛ 23:7

Lɛ n'a ɩ̃ nãá manɩ a ɩ̃ yel-mɩŋa kʋ̀ ʋ, ɛ́ a ɩ̃ ƴɛ̀r-dɩrɛ nãá bɛr mɛ̃ na a baarɩ.

A Zɔb sɛbɛ 9:15

Mãa saa tɛr yel-mɩŋa a, ɩ̃ bɛ tɛr sɔwfʋ na sɔw ɛ. A ɩ̃ ƴɛ̀r-maalɛ n'ʋ a fɛr k'ɩ̃ɩ zɛlɛ.

1 Samɩɛl 2:10

A Sore dɔ̃ dem a, bɛ na ƴɛ́r bɛ na ŋmɛr, a bɛl ƴãw a, a Sore na be n a salom zu, ɛ́ gbiwre mɛ̃ saa a, bʋ̃ʋ n'ʋ vɛ̃, ʋlɛ n'ʋ dɩrɛ nɩ a tẽ-daa za a ƴɛ̀rʋ. Ʋ na ɩ n a ʋ nãà ʋ kpɛmɛ, ʋ na ɩ n a ʋ nɩ-kabra kpɛmɛ dɔwlɩ.»

Ebre 12:23

Nyɩ taw na pɩɛlɩ cuw-dɩrbɛ lãw, a Naaŋmɩn bi-dãw-dɔwrɩ a yée na sɛb a tẽ-vla pʋɔ a. Nyɩ taw na pɩɛlɩ a Naaŋmɩn na ɩ a nɩbɛ za ƴɛ̀r-maalɛ a, ɛ́ taw pɩɛlɩ a nɩ-mɩn bɛl na nyɛ̃ a vɩɛlʋ baarɩ a sɩ́ɩr.

2 Korɛ̃tɩ 11:11

Ɛ́ bʋ̃ʋ so ɩ̃ ƴɛ̀r à à ŋá? Ɩ̃ na bɛ nɔnɛ nyɩ a n'a bɩɩ? Naaŋmɩn yõ n'ʋ bãw!

Ekilezɩasɩ 12:14

Bʋ̃ʋ n'ʋ vɛ̃, Naaŋmɩn na sowr'ɩ a tɩ ɩ-ɩrɩ za pɛr, a na vɩɛl bɩɩ kpɛ faa, alɛ saa sɔwlɩ a.

Ƴɛ̀r-dɩrbɛ 11:28

Ɛcɛ, a Amɔ̃ tẽw dem nãà bɛ tɩ bɛr wõ a ƴɛ̀rʋ, a Zɛfɩte na tɩ tõ bɛ tɩ ƴɛ̀r kʋ̀ ʋ a ɩ.

2 Bibie za yel-manɩ 20:12

Sore tɩ Naaŋmɩn i, fʋ kʋ̃ ƴãw bɛ dɔwrʋ na sɛw taa nɩ bɛ a ɩ? Bʋ̃ʋ n'ʋ vɛ̃, tɩ bɛ tɛr fãw a nɩ-yaga yaga bɛ ŋa na waar a tɩ ƴãw a niŋé ɩ, ɛ́ tɩ bɛ bãw lɛ za tɩ na na ɩ a ɩ. Ɛcɛ fʋ̃ʋ n'ʋ tɩ jɩ́rɛ.»

1 Samɩɛl 24:13

A Sore, ʋ bãw mãa nɩ a fʋ̃ʋ yele. Ʋ dɔwrɩ fʋ yáa a dɔwrʋ fʋ na dɔwrɩ mɛ̃ a san, ɛcɛ mãa a, ɩ̃ bɛ zɛwr nũu tʋɔr'ɩ fʋ ɛ.

1 Samɩɛl 24:16

A na ŋmɛ̃ à ŋá a, a Sore n'ʋ na bãw mãa nɩ a fʋ̃ʋ dem. Ʋ jɛl bãw, ɛ́ kpɛ m, ʋ faa mɛ̃ a fʋ nuru pʋɔ wul a ɩ̃ yel-mɩnʋ.»