Ƴɛ̀r-dɩrbɛ 10:16 - A SƐB-SÕW

¹⁶ Bɛ tɩ wob'ɩ a ŋmɩn-sãanbɛ lɔb bɛr, ɛ́ lɛb tĩ maalɛ a Sore. Lɛ n'a a Sore bɛ tɩ tʋ̃ɔ́ bɛr a Ɩsɩrayɛl nɩbɛ bɛ cãà wone a tuo ɩ.

Ƴɛ̀r-dɩrbɛ 10:16 Referans Kwoze

Ɩzayi 63:9

A bɛ kpɩɛrʋ za pʋɔ a, nɩ-tona kãw bɩɩ malkɩ kãw bɛ n'ʋ faa bɛ ɩ, a Sore mɩŋa n'ʋ. Ʋ ya na de bɛ a ʋ nɔ̃wfʋ nɩ a ʋ nɩbaal-zɔba pʋɔ. Ʋ tɛr bɛ na ɛ́ tɩ̀ɛ bɛ a bɛ yele pʋɔ a koro za.

A naaŋmɩn-ƴèr-manɛ Oze sɛbɛ 11:8

«Ɛcɛ Efarayim i, ŋmɩŋmɩn za n'a ɩ̃ na sàw zawrɩ fʋ bɛr? Ɩsɩrayɛl ɩ, ŋmɩŋmɩn za n'a ɩ̃ na sàw de fʋ tɩr? Ŋmɩŋmɩn za n'a ɩ̃ na sàw ɩ fʋ, mɛ̃ ɩ̃ na ɩ a Adima tẽw a? Ɩ̃ na sàw na ɩ fʋ, fʋ ŋmɛ̃ mɛ̃ a Sevoyim tẽw a? A ɩ̃ tɩɛrʋ za dam'a, ɛ́ a ɩ̃ nɩbaal-zɔba ìr.

Zeremi 31:20

A Sore yere na: «A Efarayim n'ɩ a ɩ̃ bidɛb-nɔna nɔna za, ɩ̃ nɔnɛ ʋ na zuo a ʋ taabɛ. Alɛ n'a so, kʋralɛ mãa wa yere ʋ a, ɩ̃ mɩ́ cãà na tɛr a ʋ tɩɛrʋ. Ɩ̃ nɔnɛ ʋ na bɛ dɩ vuo ɩ. Sɩza, ɩ̃ sɩrɩ na zɔrɛ a ʋ nɩbaalʋ.»

Wulu-ayi-sob 32:36

A Sore na sɩrɩ na dɩ a ƴɛ̀rʋ nɩ mɩnʋ kʋ̀ a ʋ nɩ-bʋʋrɛ, ʋ na zɔ n a ʋ tõ-tõ-biir nɩbaalʋ, ʋlɛ wa nyɛ̃ a bɛ fãw za baarɩ a, ʋlɛ wa nyɛ̃ tɩ̀ɛrɛ nɩ sõwne za bɛ ka be a.

Ebre 4:15

Bàwr-maal-kara na kʋ̃ tʋ̃ɔ́ lãw nɩ tɩ gú a tɩ bãbàalʋ pʋɔ a bɛ n'ʋ tɩ tɛr ɛ. Bɛ nɩ̃ɛ na ɩ ʋ kaa a za pʋɔ mɛ̃ a tɩɩm a, ʋʋ bɛ maalɩ yel-bier ɛ.

Ebre 3:10

yome lɩz'a ayi. A lɛ n'a so ɩ̃ nyɛ̃ nɩ a nɩbɛ bɛ ŋa suur ɛ́ yel: “Kʋralɛ n'a a bɛ tɩɛrʋ bɔrɛ, bɛ bɛ bãw a ɩ̃ sɛ́ɛ ɩ.”

Efɛɛzɩ 4:32

Nyɩ ɩ nɩ-vɩɛlɩ a nyɩ cara pʋɔ, ɛ́ zɔrɛ taa nɩbaalʋ dɩrɛ nɩ suur kʋ̀rɛ taa, mɛ̃ a lɛ a Naaŋmɩn na dɩ suur kʋ̀ nyɩ a Kɩrɩta ƴãw a.

Luka 19:41

A Yeezu na tɩ pɩɛlɩ a Zerizalɛm, nyɛ̃ a tẽw a, ʋ kõ n a ʋ ƴãw.

Luka 15:20

Lɛ n'a ʋ tɩ ìr lɛb kule a ʋ sãà zie.» «Ʋ na tɩ cãà zãá nɩ a yir a, a sãà tɩ nyɛ̃ ʋ na, nɩbaalʋ za kpɛ ʋ. Ʋ tɩ zɔ na tuor'ʋ, nyɔw ʋ weri ɛ́ puor'ʋ.

A naaŋmɩn-ƴèr-manɛ Oze sɛbɛ 14:8

A nɩbɛ na tɩ kpɩɛr a ʋ ɓaarʋ́ a na lɛb'a wa. Bɛ na lɛb'a kʋ́ɔr ble, bɛ na mɩ́ pu na mɛ̃ divɛ̃ tɩɩr púo a, bɛ na tɛr'ɩ yúor mɛ̃ Libã tẽw divɛ̃ a.

2 Bibie za yel-manɩ 33:15

Ʋ tɩ ƴãw na bɛ ír a ŋmɩn-yoru bɛr a Ŋmɩn-yir-kpɛ̃ɛ pʋɔ, nɩ a tɩɩb ʋl ʋ na tɩ pɛnɩ ƴãw a. Ʋ tɩ ƴãw na bɛ ŋmɛr a bàwr-maal-kube ʋ na tɩ mɛ a Ŋmɩn-yir-kpɛ̃ɛ tãw zu nɩ a Zerizalɛm pʋɔ a bɛr, ɛ́ de a bʋ̃-ŋmɛrsɩ a tẽw pʋɔ yi n tɩ lɔb bɛr.

2 Bibie za yel-manɩ 15:8

A Asa na tɩ wõ a ƴɛ̀r-bie á ŋá nɩ a naaŋmɩn-ƴɛ̀r-manɛ Odɛdɩ ƴɛ̀rʋ a, ʋ tɩ lɛb'a kpɛmɛ ɛ́ ɩ a tɩbɛ za bɔr a Zuda nɩ a Bɛ̃zamɛ ten pʋɔ. Ʋ mɩ̀ tɩ ɩ n a lɛ a ten al ʋ na tɩ zɛb de a Efarayim tan vuo pʋɔ a pʋɔ. Ʋ tɩ lɛb'a maalɩ a Sore bàwr-maal-kuur na be a Ŋmɩn-yir-kpɛ̃ɛ càará dɩ̃dɔrɩ́ a ƴãw.

2 Bibie za yel-manɩ 7:14

a lɛn daar a, a ɩ̃ nɩ-bʋʋrɛ, a nɩ-bʋʋrɛ bɛl ɩ̃ na kʋ̀ a ɩ̃ yúor a, bɛlɛ wa siwri bɛ tʋɔra ɛ́ puore a, bɛlɛ wa bɔbr mɛ̃, ɛ́ zawrɩ a bɛ ɩ-faar bɛr a, a mãa, ɩ̃ na be n a salom zu ɛ́ bɛr wõ bɛ, ɩ̃ na dɩ n a bɛ yel-bebe suur kʋ̀ bɛ, ɛ́ lɛb maalɩ a tẽw ƴãw.

Zozue 24:23

Lɛ n'a a Zozue tɩ yel à ŋá: «Alɛ wa ɩ à ŋá a, nyɩ lɔb a ŋmɩn-yoru al na be a nyɩ zie a bɛr, ɛ́ tu a Sore, a Ɩsɩrayɛl Naaŋmɩn, nɩ nyɩ pʋɔ za.»

Yele-za-pɛr-tib 6:6

A tɩ kpɛ n a Sore ʋ na ír a nɩsaalbɛ ƴãw a tẽw zu a, ɛ́ a ɩ ʋ pʋ-sãwna.

Zã 11:34

Ʋ tɩ sowri bɛ na: «Nyɩnɛ n'a nyɩ ũù ʋ?» Bɛ tɩ yel ʋ na: «Wa nyɛ̃, Sore e.»

1 Samɩɛl 7:3

Lɛ n'a a Samɩɛl tɩ yel a Ɩsɩrayɛl nɩbɛ za: «Alɛ wa ɩ a nyɩ pʋɔ za n'ʋ nyɩ lɛb waar'ɩ a Sore zie a, nyɩɩm bɛr a ŋmɩn-yoru puoru nɩ a Asɩtarte mɩnɛ puoru. Nyɩ lɩɛbɩ a nyɩ socir za tu n a Sore, nyɩ puore a ʋl yõ, ʋʋ na faa nyɩ nɩ a Filisɩtɛ̃ mɩnɛ nuru pʋɔ.»

1 Samɩɛl 12:10

Lɛ n'a bɛ lɛb tɩ maal kõ cɔw a Sore yel: “Sore e, tɩ sãw na, tɩ zawrɩ fʋ na bɛr, ɛ́ tu a Báàl mɩnɛ nɩ a Asɩtarte mɩnɛ. Ɛcɛ ƴɛrɛŋa a, faa tɩ a tɩ dɔ̃ dem nuru pʋɔ, ɛ́ tɩ na tone fʋ na!”

Sɛb-sõw yielu 73:21

A lɛn daar a ɩ̃ suur na tɩ sãw, ɛ́ pʋɔ za kárɛ mɛ̃ a,

Ƴɛ̀r-dɩrbɛ 2:18

A Sore na mɩ́ tɩ ɩ ƴɛ̀r-dɩrɛ yi a bɛ ƴãw a, ʋ mɩ́ tɩ be n a ƴɛ̀r-dɩrɛ ʋl zie, ɛ́ a ƴɛ̀r-dɩrɛ ʋl mɩ́ faa bɛ a bɛ dɔ̃ dem nuru pʋɔ a ʋ cãafʋ daar za, bʋ̃ʋ n'ʋ vɛ̃, a Sore mɩ́ tɩ zɔ n bɛ nɩbaalʋ, a lɛ a bɛ dɔ̃ dem na mɩ́ tɩ dɔwrɛ bɛ bɛ kone a.

1 Samɩɛl 7:4

Lɛ n'a a Ɩsɩrayɛl nɩbɛ tɩ lɔb a Báàl mɩnɛ nɩ a Asɩtarte mɩnɛ bɛr, ɛ́ tone a Sore yõ tẽtẽ tome.

2 Na-mɩnɛ 13:23

Ɛcɛ a Sore wa zɔ n bɛ nɩbaalʋ, ʋ wa dɩ n suur kʋ̀ bɛ, a wõ-taa ʋ na maal'ɩ a Abraham, a Ɩzaakɩ nɩ a Zakɔb a ƴãw. Ʋ bɛ tɩ sàw kʋ bɛ pàw pɛr ɛ, ɛ́ bɛ tɩ diw bɛ bɛr zãá nɩ ʋ sɛr ɛ.

Mise 7:18

Sore e, ŋmɩn kãw bɛ ŋmɛ̃ taa nɩ fʋ ɛ, fʋ mɩ́ de nɩ a sãwna bɛr a baarɩ, ɛ́ dɩ a yel-bebe suur kʋ̀ a fʋ nɩ-bʋʋrɛ na cɛ bɛ kpi a. Fʋ bɛ mɩ́ nyɛ̃ a suur ʋ ka baarʋ ɛ, a na nʋmɛ a fʋ zie kɛ́ fʋ mɩ́ wul tɩ a fʋ nɔ̃wfʋ a ƴãw.