Ƴɛ̀r-dɩrbɛ 1:4 - A SƐB-SÕW

⁴ bɛ cen a zɛbr. A Sore tɩ ƴãw nɩ a Kanãa tẽw dem nɩ a Perizitɩ mɩnɛ a bɛ nũú, bɛ kʋ nɩbɛ tùr-pie (10 000) a bɛ pʋɔ Bezɛkɩ tẽw.

Ƴɛ̀r-dɩrbɛ 1:4 Referans Kwoze

1 Samɩɛl 11:8

A Sawul tɩ ɓã bɛ nɩ taa Bezɛkɩ, sɔr bɛ kaa: a saa-pɛrɩ́-gʋba-lowr dɔwlʋ nɩbɛ tɩ ɩ n tùr-kɔbr ata (300 000), ɛ́ a Zuda dɔwlʋ nɩbɛ ɩ tùr-lɩzɛr'ɩ pie (30 000).

1 Na-mɩnɛ 22:15

A Mise tɩ ta n a nãà zie, ʋ sowr'ʋ: «Mise e, tɩ cen tɩ zɛb lɛb de a Aramɔtɩ tẽw na be a Galaadɩ a, bɩɩ tɩ ta cen?» A Mise sɔw: «Cen, fʋ na tʋ̃ɔ́ na, a Sore na ƴãw ʋ nɩ a fʋ nuru pʋɔ.»

1 Na-mɩnɛ 22:6

A Ɩsɩrayɛl nãà tɩ bʋɔl'ɩ a ʋ naaŋmɩn-ƴɛ̀r-manbɛ ɓã taa, ta nɩbɛ kɔbr anaar (400), ɛ́ sowri bɛ: «Ɩ̃ cen tɩ zɛb'ɩ a Aramɔtɩ tẽw na be a Galaadɩ a, bɩɩ ɩ̃ ta cen?» Bɛ sɔw: «Cen, a Sore na tɩ ƴãw ʋ nɩ a fʋ nuru pʋɔ.»

1 Samɩɛl 14:10

Ɛcɛ bɛlɛ wa yel tɩ: “Nyɩ do wa a tɩ zie” a, tɩ na do na, a na ɩ n a bãwfʋ k'aa Sore de bɛ na ƴãw a tɩ nuru pʋɔ.»

1 Samɩɛl 14:6

A Zonatã tɩ yel'ɩ a ʋ zɛbr bʋ̃-tɛrɛ: «Wa, tɩ cen tɩ ta a yɔ-ɓile dem bɛ ŋa zie. A mɩnɛ kãw, a Sore na sõw tɩ na. Yel-mɩŋa n'a, tɩ yãwmɛ na bɩɩ tɩ ɩ n pʋrɩlɛ a, a Sore na tʋ̃ɔ́ na ɩ tɩ zɛb tʋ̃ɔ́.»

Wulu-ayi-sob 9:3

Nyɩ kʋ̃ yaa kɛ́ nyɛ̃ bãw k'aa Sore nyɩ Naaŋmɩn de nyɩ nɩ niwn, mɛ̃ vũu na dɩrɛ bom za a. Ʋ na kʋ bɛ na pàw pɛr, ʋ na ŋmɛ ŋmɛ bɛ na lɔb a nyɩ niŋé. Nyɩ na diw bɛ na, ɛ́ ɩ bɛ baarɩ fɔ̃w fɔ̃wlɛ, mɛ̃ a lɛ a Sore na yel kʋ̀ nyɩ a.

Wulu-ayi-sob 7:2

A Sore nyɩ Naaŋmɩn na ƴãw bɛ nɩ a nyɩ nuru pʋɔ, nyɩ na zɛb'a tʋ̃ɔ́ bɛ, ɛ́ a ʋl zũú nyɩ kʋ bɛ pàw pɛr. Nyɩ taa maalɛ nɩ bɛ wõ-taa kãw za ɩ, ɛ́ taa zɔrɛ bɛ nɩbaalʋ ɛ.

Ƴɛ̀r-dɩrbɛ 1:3

A Zuda yɛb tɩ n'ɩ a Sɩmɩ̃ɔ. Lɛ n'a a Zuda dɔwlʋ nɩbɛ tɩ yel a Sɩmɩ̃ɔ dɔwlʋ nɩbɛ: «Nyɩ wa tɩ cen tɩ zɛb de a zie bɛ na ŋmɛ a gbãw ír kʋ̀ tɩ a, nyɩ wa tɩ lãw taa zɛb'ɩ a Kanãa tẽw dem! Ɛ́ a pùorí tɩ mɩ̀ páw nyɩ cen tɩ zɛb de a nyɩ zie.» A Sɩmɩ̃ɔ dɔwlʋ nɩbɛ tɩ páw nɩ a Zuda dɔwlʋ nɩbɛ

Ƴɛ̀r-dɩrbɛ 1:5

Bɛ tɩ nyɛ̃ nɩ a nãà Adoni-Bezɛkɩ a Bezɛkɩ tẽw, ŋmãa nɩ ʋ a zɛbr, ɛ́ zɛb tʋ̃ɔ́ a Kanãa tẽw dem nɩ a Perizitɩ mɩnɛ.

Sɛb-sõw yielu 44:2

Naaŋmɩn i, tɩ wõ n nɩ tobr, a tɩ sãà mɩnɛ manɩ kʋ̀ tɩ a tome fʋ na tõ a bɛ daar a koro koro za a.

Sɛb-sõw yielu 78:55

Ʋ tɩ diw nɩ nɩ-bʋʋrɛ a bɛ niŋé bɛ ìr, ɛ́ ʋ põ a Kanãa tẽw kʋ̀ bɛ, ŋa mɩ́ tɛr ʋ zie. Ʋ tɩ ɩ n a Ɩsɩrayɛl dɔwlʋ dɔwlʋ nɩbɛ kpɩɛr a bɛ pɛnɛ-sɛwr pʋɔ.

Ƴɛ̀r-dɩrbɛ 3:5

À ŋá n'a a Ɩsɩrayɛl nɩbɛ tɩ kpɛ a nɩ-bʋʋrɛ bɛ ŋa sɔgɔ: a Kanãa tẽw dem, a Hititɩ mɩnɛ, a Amoritɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ.

Ƴɛ̀r-dɩrbɛ 11:32

A Zɛfɩte tɩ gãw nɩ a Amɔ̃ tẽw dem tʋr-bɔw, k'ʋʋ tɩ zɛb'ɩ bɛ, ɛ́ a Sore de bɛ ƴãw a ʋ nuru pʋɔ.