Ƴɛ̀r-dɩrbɛ 1:23 - A SƐB-SÕW

²³ Bɛ tɩ de nɩ niwn tõ nɩbɛ bɛ cen tɩ bɛl bãw a lɛ a tẽ-kpɛ̃ɛ na ŋmɛ̃ a. A tẽw yúor tɩ dãw na dɩ kɛ́ Luuzɩ.

Ƴɛ̀r-dɩrbɛ 1:23 Referans Kwoze

Yele-za-pɛr-tib 28:19

Ʋ tɩ por'ɩ a zie nɛ kɛ́ Betɛl, a pɛr lɛ kɛ́ “Naaŋmɩn yir”. Ɛcɛ bɛ tɩ bʋɔlɛ nɩ a zie ŋa a koro za kɛ́ Luuzɩ.

Yele-za-pɛr-tib 48:3

Ʋ tɩ yel'ɩ a Zuzɛb: «A Naaŋmɩn kpɛnʋ-za-sob ɩ na k'ɩ̃ nyɛ̃ ʋ a Luuzɩ, a Kanãa tẽw. Ʋ maalɩ mɛ̃ na,

Yele-za-pɛr-tib 35:6

A Zakɔb nɩ a nɩbɛ za na tɩ bɩɛlɛ ʋ a tɩ ta n Luuzɩ, a pɛr lɛ k'aa Betɛl na be a Kanãa tẽw a.

Ƴɛ̀r-dɩrbɛ 18:2

Lɛ n'a a Dan dɔwlʋ nɩbɛ tɩ be a Sorea nɩ a Ɛsɩtaɔl ɛ́ kaa ír dɛbr anũu a bɛ pʋɔ, zɛbr-nɩbɛ, tõ bɛ kɛ́ bɛ cen tɩ jɩ́r bãw a tẽw. Bɛ tɩ yel'a kʋ̀ bɛ: «Nyɩ cen tɩ jɩ́r bãw a tẽw.» A nɩbɛ anũu bɛl tɩ ta n a Efarayim tãw vuo pʋɔ, a Mɩka yir, gã vɩɛ a zie.

Zozue 7:2

A Zozue tɩ be n a Zeriko ɛ́ tõ nɩbɛ Aɩ na be a Betɛl saa-pɛrɩ́, ɛ́ pɩɛlɩ a Bɛtɩ-Awɛn a. Ʋ tɩ yel bɛ na: «Nyɩ cen tɩ piwri a tẽw.» A nɩbɛ bɛl tɩ cen na tɩ piwri a Aɩ,

Zozue 2:1

A Nun bidɛb, Zozue, tɩ be n a Sitim, ɛ́ tõ dɛbr ayi kɛ́ bɛ cen tɩ sɔwlɩ piwri bãw a tẽw. Ʋ tɩ yel bɛ na: «Nyɩ cen tɩ cɔlɩ jɩ́r a tẽw ŋa nɩ a Zeriko tẽw nyɛ̃.» Bɛ tɩ cen na tɩ kpɛ pɔw-yɛm kãw na dɩ Arahab a yir, gã a be.

Zozue 18:13

Ʋ tɩ yi n a be, ɛ́ tu Luuzɩ lowr, lanɩ a Luuzɩ saa-pɛrɩ́-dʋrʋ-lowr bɛ mɩ̀ na bʋɔlɛ Betɛl a, ɛ́ tɔl a tãw na be a Bɛtɩ-Horon-le-Ba, a saa-pɛrɩ́-dʋrʋ-lowr, siw a Atɩrɔtɩ-Adaar.

Ƴɛ̀r-dɩrbɛ 1:22

A Zuzɛb bʋʋrɛ mɩ̀ tɩ cen na tɩ zɛb'ɩ a Betɛl tẽw, ɛ́ a Sore tɩ be a bɛ zie.

Zozue 16:1

A zie bɛ na tɩ ŋmɛ a gbãw ír kʋ̀ a Zuzɛb bʋʋrɛ a, a tʋr-bɔw tɩ tĩ nɩ a Zurdɛ̃ na pɩɛlɩ a Zeriko a ƴãw, a bul-nʋɔr ʋl na kʋ̀rɛ a kʋ̃ɔ a tẽw a saa-pɛrɩ́. Ʋ tɩ yi n a Zeriko, ɛ́ tu tɔl a wɛja-kpalɛ pʋɔ do a Betɛl tan vuo pʋɔ.

Zozue 16:2

Ʋ tɩ yi n a be cere Luuzɩ lowr, ɛ́ tu tɔl Atarɔtɩ, a Arkitɩ mɩnɛ tẽ-kpɛ̃ɛ.