Yel-wula 1:7 - A SƐB-SÕW

⁷ Nyɛ̃, ʋ be n a zũzuge pʋɔ waar, nɩsaal za na nyɛ̃ ʋ na, lãwnɩ a bɛlɩ dem na cɔ̀r ʋ col a. A tẽw zu yie dɔwlʋ za na kone nɩ a ʋ kuor. Sɩza n'a. Amɛn.

Yel-wula 1:7 Referans Kwoze

Matie 24:30

Lɛ n'a a Nɩsaal Bie bãwfʋ na sãá a salom zu. Lɛ n'a a tẽw zu nɩ-bʋʋrɛ za na kone. Bɛ na nyɛ̃ nɩ a Nɩsaal Bie ʋ be a zũzuge pʋɔ waar nɩ fãw na bɛ tɛr vuo a, nɩ yúor-vɩɛlʋ-danʋ.

Zakari 12:10

Ɩ̃ na ƴãw nɩ a Daviir bʋʋrɛ nɩ a Zerizalɛm tẽw dem tɩɛrʋ na vɩɛl a, nɩ puoru tɩɛrʋ. Bɛ na jɩ́rɛ nɩ a ɩ̃ lowr, a sob nɛ bɛ na cɔ̀r col a ƴãw. Bɛ na kõ ʋ na, mɛ̃ bidɛb-been na kpi bɛ kone a, bɛ na kõ ʋ na mɛ̃ bi-dãw-dɔwra na bɛ cãà be a.

Zã 19:37

Zie kãw, a Sɛb-sõw lɛb'a yel: «Bɛ na jɩ́rɛ nɩ a ʋlɩ sob nɛ bɛ na cɔ̀r col a.»

Markɩ 14:62

A Yeezu sɔw: «Mãa n'ʋ, ɛ́ nyɩ na nyɛ̃ nɩ a Nɩsaal Bie ʋ zɩ̃ a Naaŋmɩn kpɛnʋ-za-sob dʋrʋ lowr, ɛ́ be a zũzuwe pʋɔ waar.»

Luka 21:27

Lɛ na bɛ na nyɛ̃ a Nɩsaal Bie ʋ be zũzuwr pʋɔ waar, tɛr kpɛnʋ nɩ yúor-vɩɛlʋ-danʋ.

1 Tesalonikɩ 4:17

Al pùorí, a tɩɩm na na cãà vʋʋrɛ a lɛn daar a, bɛ na ɓáw tɩ na lãwnɩ bɛ a zũzuge pʋɔ, tɩ tuori a Sore a salom zu, ɛ́ lɛ n'a tɩ na tɩ be a Sore zie kʋralɛ.

1 Tesalonikɩ 1:10

Nyɩ gùre nɩ a Yeezu, a ʋ Bie, na na yi a tẽ-vla pʋɔ lɛb wa a, ʋl ʋ na ɩ k'ʋ lɛb yi a kũuni pʋɔ a, ʋl na faarɛ tɩ a Naaŋmɩn ƴɛ̀rʋ maalʋ bibir na pɩɛl'a ƴãw a.

Markɩ 13:26

Lɛ n'a bɛ pãa na nyɛ̃ a Nɩsaal Bie ʋ be a zũzuwe pʋɔ waar nɩ fãw na bɛ tɛr vuo a, nɩ yúor-vɩɛlʋ-danʋ za.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:14

A bɛl ƴãw mɩ̀ n'a a Enɔkɩ, na ɩ a tɩ sãàkʋm-suwle ayopõi sob na tu a Adama zu a, tɩ ƴɛ̀r a naaŋmɩn-ƴɛ̀r-manɛ ƴɛ̀r-bie á ŋá: «A Sore n'ɩ ŋan waar, ʋlɛ nɩ a ʋ malkɩ-son tùr-piir piir,

Matie 26:64

A Yeezu tɩ sɔw na yel ʋ: «Fʋ̃ʋ n'ʋ yel a lɛ. Ɛcɛ ɩ̃ yere na kʋ̀rɛ nyɩ, dɩ̃a na ta a, nyɩ na nyɛ̃ nɩ a Nɩsaal Bie ʋ zɩ̃ a Kpɛnʋ-za-sob dʋrʋ lowr, ɛ́ be a zũzuge zu waar.»

Yel-wula 22:20

A sob nɛ na dɩrɛ a yele á ŋá dãsɩɛ a yere na: «Ʋ̃ʋ, ɩ̃ kʋ̃ yaa kɛ́ wa ɩ!» Amɛn! Sore Yeezu u, wa!

Sɛb-sõw yielu 22:16

A ɩ̃ kɔkɔr ko n ʋ za, a ɩ̃ zɛl mɛr'ɩ a lán. Fʋ bin mɛ̃ nɩ a yàa-bɔw nʋɔr.

1 Zã 3:2

Ɩ̃ bá mɩnɛ ɛ, a ƴɛrɛŋa, tɩ ɩ n Naaŋmɩn bibiir, ɛcɛ a lɛ tɩ nãà ŋmɛ̃ a n'a bɛ sãá sɛr ɛ. Tɩ bãwnɩ a n'a k'aa Kɩrɩta wa sãá a lɛn daar a, tɩ na ŋmɛ̃ na taa nɩ ʋ, tɩ na na nyɛ̃ ʋ mɛ̃ a lɛ ʋ na ŋmɛ̃ a ƴãw.

Sɛb-sõw yielu 97:2

Zũzuw-sɛbla pili na pàw ʋ. Mɩnʋ nɩ yel-na-tu-sɔr-a, alɛ n'a ʋ dɩrɛ nɩ a naalʋ.

Ebre 10:29

Nyɩ tɩɛr bãw kɛ́ sob nɛ na ɩ a Naaŋmɩn Bie la a, na nyɛ̃ a Wõ-taa zɩ̃ɩ na kʋ̀ ʋ a sonu a bɛ ɩ bom a, ɛ́ tʋ a Vʋʋrʋ na tɩrɛ a maalʋ a, nyɩ tɩɛr bãw k'aa sob nɛ kʋ̃ sɛwnɩ dɔwrʋ na kpɛ faa zuo lɛ a bɩɩ?

A Zɔb sɛbɛ 33:26

Ʋ mɩ́ puor'ɩ a Naaŋmɩn, ʋ pɛlɩ pʋɔ de a ʋ puoru. Nʋ̃ɔ̀ cɛlsɩ n'a ʋ mɩ́ ŋmɛ wa n a Naaŋmɩn niŋé, ʋl na mɩ́ ɩ a nɩsaal ʋ lɛb ŋmɛ̃ ʋ ŋmɛ̃a a.

Ɩzayi 19:1

Ƴɛ̀rʋ na ƴɛ̀r a Eziptɩ tẽw ƴãw a. A Sore be n zũzuwr na cere fɔ̃w fɔ̃w a zu, ʋ tarɛ nɩ a Eziptɩ tẽw. A Eziptɩ tẽw tɩbɛ màwr'ɩ a ʋ niŋé, ɛ́ a Eziptɩ tẽw dem kanyir baarɩ.

Nahum 1:3

A Sore suur bɛ páwr ɛ, ɛ́ a ʋ kpɛnʋ bɛ dɩ vuo ɩ, ɛcɛ ʋ bɛ bɛrɛ a sãwna sob dɔwrʋ ɛ. Ʋlɛ wa tɔlɛ a, saa sɛsɛb-kpɛ̃ɛ mɩ́ cɛ̀r a. Zũzuwe n'ɩ a uuru a ʋ gbɛ́ɛ na ɩrɛ a ìre a.

Zã 19:34

Ɛcɛ a soja kãw tɩ cɔr'ɩ a ʋ lõbowr puo nɩ kafin. Daadaalɛ zɩ̃ɩ nɩ kʋ̃ɔ lãw pili taa yi.

Sɔr-nɛ́ɛ 24:17

Ɩ̃ nyɛ̃ nɩ a bom ʋl na na ɩ a, ɛcɛ ƴɛrɛŋa bɛ n'a ɩ, ɩ̃ nyɛ̃ nɩ yel kãw, ɛcɛ nɩdaar'a a yel ʋl na ɩ: Ŋmar-bir'ʋ pur a Zakɔb bʋʋrɛ pʋɔ, nãà ìr'ɩ a Ɩsɩrayɛl bʋʋrɛ sɔgɔ. Ʋ ŋmɩɛr'ɩ a Mowab tẽw dem tacɩlɛ nɩ a ʋ nãà dàa, ʋ kʋrɛ nɩ a tẽw nɩ-yʋɔrɩ.

Sɛb-sõw yielu 68:1

Yiel-yielbɛ nɩ-kpɛ̃ɛ sɛbɛ pʋɔ yielu. Sɛb-sõw yielu Daviir na maalɩ a.Yielu.

Ƴɛ̀r-dɩrbɛ 5:31

Sore e, a fʋ dɔ̃ dem za, bɛ kpi, mɛ̃ a lɛ a Sɩsera na kpi a! Ɛcɛ a fʋ nɩ-nɔnɩ ɩ mɛ̃ a mʋ̃tɔ̃w na mɩ́ wa pur nyɩwrɛ ʋ za a!» Ɛ́ a tẽw tɩ tɛr'ɩ ƴã-ɓaarʋ yome lɩz'a ayi.

Yel-wula 22:4

Bɛ na nyɛ̃ nɩ a ʋ niwn, ɛ́ a ʋ yúor sɛb a bɛ gbẽé.

Ebre 6:6

ɛ́ lɛb de a bɛ nyɔ-vʋʋr-kʋra a, a bɛ tɛr bɛ na lɛb lɩɛbɩ a bɛ ɩb a gb'a ayi sob ƴãw ɛ, bɛl tɛɛ za n'a mɩ́ lɛb kparɛ a Naaŋmɩn Bie a da-gara zu, ɛ́ yi n ʋ yẽw ƴãw bɛ tʋʋr.

Zakari 12:11

A lɛn daar a, ko-kpɛ̃ɛ na maal'ɩ a Zerizalɛm, mɛ̃ a lɛ bɛ na mɩ́ maalɩ Hadadɩ Irimon kuor a Megido fʋɔla pʋɔ a.

Matie 16:27

A Nɩsaal Bie na sɩrɩ na wa a ʋ Sãà yúor-vɩɛlʋ-danʋ pʋɔ, ʋlɛ nɩ a ʋ malkɩ mɩnɛ, lɛ n'a ʋ na mɩ́ ya ŋa za man nɩ a ʋ ɩb.

Matie 16:28

Yel-mɩŋa sɩza, ɩ̃ yere na kʋ̀rɛ nyɩ, a nɩbɛ na be a ka a, a bɛ pʋɔ a, bɛ mɩnɛ na nyɛ̃ nɩ a Nɩsaal Bie ʋ waar mɛ̃ nãà a, ɛ́ bɛ bãw kpi.»

Matie 25:31

«A Nɩsaal Bie wa lɛb wa n yúor-vɩɛlʋ-danʋ a, ʋlɛ nɩ a ʋ malkɩ mɩnɛ za a, ʋ na zɩ̃ n a ʋ naalʋ-dà-kɔw zu.