Yele-za-pɛr-tib 1:22 - A SƐB-SÕW

²² A Naaŋmɩn tɩ maalɩ a na ɛ́ yel: «Nyɩ dɔwr, nyɩ yɛ̀rɛ, nyɩ paalɛ a kʋ̃ɔ-kpɛ̃ɛ kʋ̃ɔnɩ, ɛ́ a lili yɛ̀rɛ a tẽw zu!»

Yele-za-pɛr-tib 1:22 Referans Kwoze

Yele-za-pɛr-tib 8:17

Mɩ̀ ɩ a dʋ̃-pɛ-bʋʋrɛ za na be a fʋ zie a, a yi: a lili za, a dʋ̃-bɛrɛ za nɩ a dʋ̃-pʋrmɛ za na vure a tẽw a. A paalɩ a tẽw ɛ́ dɔwr yɛ̀rɛ.»

Sɛb-sõw yielu 107:38

A Sore mɩ́ maalɩ bɛ na bɛ yɛ̀r yãwmɛ yaga, ʋ bɛ mɩ́ sàw a bɛ dʋn nʋɔr siwri ɛ.

A Zɔb sɛbɛ 40:15

Jɩ́r nyɛ̃ a ƴɛ́n a: mãa n'ʋ ír ʋ mɛ̃ ɩ̃ na ír fʋ a. Ʋ 'wɔbr'ɩ mʋ̃ɔ mɛ̃ a náab a.

Yele-za-pɛr-tib 1:28

Al pùorí ʋ maalɩ bɛ ɛ́ yel bɛ: «Nyɩ dɔwr, nyɩ yɛ̀rɛ, nyɩ paalɛ a tẽw, nyɩ so ʋ ɛ́ dɩrɛ naalʋ a ʋ zu. Nyɩ so a kʋ̃ɔ-kpɛ̃ɛ zʋ́mɛ́, a saa-zu lili nɩ a dʋn za na dɛnɛ gʋɔr a tẽw zu a!»

A Zɔb sɛbɛ 42:12

A Sore tɩ maal'ɩ a Zɔb zuo a dãwdãw. Ʋ tɩ tɛr'ɩ píir tùr-pie nɩ anaar (14 000) nɩ nyɔ̃wmɩ túr-ayʋɔb (6 000), ni-kʋ́ɔrɩ pɛ́ɛ túr (1 000) nɩ bòn-nyamɛ túr (1 000).

Yele-za-pɛr-tib 9:1

A Naaŋmɩn tɩ maal'ɩ a Nowe nɩ a ʋ bidɛbr ɛ́ yel bɛ: «Nyɩ dɔwr yɛ̀rɛ, nyɩ paalɩ a tẽw.

Zʋkpaɩ 10:22

A Sore maalʋ yõ n'a tɩrɛ a naalʋ. A nɩsaal tɩ̀ɛrʋ ʋ na mɩ́ tɩ́ɛrɛ a bɛ dɔwlɛ bom kãw za ɩ.

Sɛb-sõw yielu 128:3

A fʋ pɔw na ɩ na mɛ̃ divɛ̃ tɩ-wɔna a, a fʋ yir pʋɔ, ɛ́ a fʋ bidɛbr na jil koli a laa a ɩ mɛ̃ olivʋ tɩ-pɔlɛ a.

Sɛb-sõw yielu 107:31

Bɛ puore a Sore yãanɩ a ʋ nɔ̃wfʋ ƴãw, a ʋ nɔ-ɓãa-yele ʋ na maalɩ a nɩsaalbɛ zie a ƴãw!

Levitɩ mɩnɛ 26:9

Ɩ̃ na jɩ́r nyɩ na kaa, ɩ̃ na kʋ̀ nyɩ nɩ bibiir bɛ yãwmɛ, ɛ́ maal tɛr a ɩ̃ wõ-taa nɩ a nyɩɩm.

Yele-za-pɛr-tib 35:11

A Naaŋmɩn tɩ cãà na lɛb yel ʋ: «Ɩ̃ ɩ n a Naaŋmɩn kpɛnʋ-za-sob. A dɔwfʋ, ʋ tu b, ɛ́ fʋ dɔw yɛ̀r yaga za. Fʋ na ɩ n nɩ-bʋʋrɛ kãw sãàkʋm, mɔ̃ mɩ̀, fʋ na ɩ n nɩ-bʋʋrɛ bʋʋrɛ na ɓã taa a sãàkʋm. Fʋ na dɔw nɩ na-mɩnɛ.

Yele-za-pɛr-tib 30:30

A blã al fʋ na tɩ tɛr, ɩ̃ɩ bɛ wa sɛr a, a yɛ̀r'a bɛ dɩ vuo ɩ: ɩ̃ na dɛ wa kpɛ a fʋ yir a, a Sore maalɩ fʋ na. A daar pãa bɛ ta, ɩ̃ mɩ̀ na na tone a ɩ̃ yir dem ƴãw a ɩ?»

Yele-za-pɛr-tib 30:27

A Labã tɩ sɔw ʋ na: «Ɩ̃ zɛlɛ fʋ na, bɛr wõ a ɩ̃ ƴɛ̀rʋ. A ɩ̃ ŋmɩmɛ wul mɛ̃ na k'aa fʋ̃ʋ ƴãw n'a a Sore maalɩ mɛ̃.

Yele-za-pɛr-tib 1:21

A Naaŋmɩn tɩ ír'ɩ a kʋ̃ɔ-kpɛ̃ɛ pʋɔ dʋ̃-bɛrɛ bɩɩr bɩɩr, bʋʋrɛ bʋʋrɛ, nɩ a bʋ̃-vʋʋrɩ za na tʋ̃ɔ̀nɛ ɛ́ ƴɔ̃ƴɔ̃wn a kʋ̃ɔmɩ́ a, a mɩ̀ ɩ bʋʋrɛ bʋʋrɛ, nɩ a lili bʋʋrɛ bʋʋrɛ za na ƴawr a. A Naaŋmɩn tɩ nyɛ̃ na a vɩɛl.

Yele-za-pɛr-tib 1:23

Zaanʋɔra tɩ ta na, ɛ̀ zie sɔb vɩɛ: a bibie anũu sob tɩ n'ʋ.