Yele-za-pɛr-tib 1:16 - A SƐB-SÕW

¹⁶ À ŋá n'a a Naaŋmɩn tɩ maalɩ a bʋ̃-caalɩ bɛrɛ ayi: a kpɛ̃ɛ zie na ɩ a mʋ̃tɔ̃w a, k'ʋʋ caalɛ a mʋ̃tɔ̃w daar, ɛ́ a bile zie na ɩ a cuw a, k'ʋʋ caalɛ a tɩ̃ɩsɔw daar: ʋ mɩ̀ tɩ maal'ɩ a ŋmar-bie ƴãw pʋɔ.

Yele-za-pɛr-tib 1:16 Referans Kwoze

Wulu-ayi-sob 4:19

Nyɩmɛ wa jɩ́rɛ a mʋ̃tɔ̃w, a cuw nɩ a ŋmar-bie nɩ a bʋ̃-nyɩwrɩ za na be a salom zu a, a taa wa ƴãw nyɩ nyɩ puore a ɛ́ maalɛ a ɩ. A tẽ-daa nɩ-bʋʋrɛ na cɛ a nɛbɛ a Sore nyɩ Naaŋmɩn kʋ̀ a ɩ-ɩrɩ á ŋá.

Sɛb-sõw yielu 8:3

A bibiir nɩ a bibi-cãpʋrmɛ nɛ́ɛ n'a fʋ mɩ́ wul'ɩ a fʋ fãw a fʋ dɔ̃ dem. A ɩ na mɛ̃ dacĩ-kpɛ̃ɛ n'ʋ fʋ mɛ k'aa ta lɛb tɛr ɩb a fʋ dɔ̃ dem bɛl na bɛ wone za a zie a.

Ɩzayi 40:26

Nyɩ úori a salom ɛ́ nyɛ̃: ãa n'ʋ ír a ŋmar-bie? A sob nɛ na mɩ́ ɩ a yi a za cɔrɩ vla cere mɛ̃ sojarɩ, ʋʋ bʋɔlɩ a za, ŋa nɩ ʋ yúor ŋa nɩ ʋ yúor a n'ʋ. A ʋ fãw nɩ a ʋ kpɛnʋ bɛrmɛ nɩ yaga, kɛ̀ ŋmar-bir kãw za bɛ be be bɛ mɩ́ sàw a ʋ bʋɔlʋ ɛ.

Sɛb-sõw yielu 148:5

A za, a íre a Sore yúor, bʋ̃ʋ n'ʋ vɛ̃, ʋ ƴɛ̀r'a, ɛ́ a be.

Sɛb-sõw yielu 74:16

Fʋ̃ʋ só a mʋ̃tɔ̃w, ɛ́ mɩ̀ só a tɩ̃ɩsɔw, fʋ̃ʋ na ír a cuw nɩ a mʋ̃tɔ̃w a.

Sɛb-sõw yielu 148:3

Mʋ̃tɔ̃w nɩ cuw, nyɩ danɛ ʋ, nyɩɩm ŋmar-bie za na nyɩwrɛ a, nyɩ danɛ ʋ.

A Zɔb sɛbɛ 38:7

a lɛn daar a zi-vɩɛ-ŋmar-bie na tɩ lãw taa yiele ɛ́ a Naaŋmɩn malkɩ mɩnɛ cáarɛ nʋ̃ɔ̀ cáarʋ a?

1 Korɛ̃tɩ 15:41

A mʋ̃tɔ̃w nyɩwrʋ be n ʋ tʋɔra, a cuw dem mɩ̀ be ʋ tʋɔra, ŋmar-bie dem mɩ̀ be ʋ tʋɔra, ŋmar-bir kãw mɩ́ nyɩwrɛ na zuo ʋ tɔ mɩ̀.

Matie 27:45

A mʋ̃tɔ̃w na wa do põ-zɛ̃-taa a, lige pàw nɩ a tẽ-daa za tɩ ta n a mʋ̃tɔ̃w gɔ̃wfʋ daar.

Habakukɩ 3:11

A fʋ pime na mɩ́ tɔl caalɩ a, a fʋ kafin na mɩ́ nyɩwrɩ mɛ̃ saa a, a mɩ́ ɩ na a mʋ̃tɔ̃w nɩ a cuw tɛw àr.

Ɩzayi 45:7

Ɩ̃ mɩ́ maal'ɩ a cãà, ɛ́ ír lige. Ɩ̃ mɩ́ ƴãw nɩ a nʋ̃ɔ̀, ɛ́ ír a kpɩɛrʋ. A mãa, a Sore, mãa n'ʋ ɩrɛ à á ŋá za.

Ɩzayi 13:10

A saa ŋmar-bi-beƴeni nɩ a al na mɩ́ ɓã taa a kʋ̃ cãà nyɩwrɛ ɩ. A mʋ̃tɔ̃w na mɩ́ pure na wa báarɛ ɛ́ liw, ɛ́ a cuw cãà kʋ̃ cãà caalɛ ɩ.

Sɛb-sõw yielu 19:6

A biɓaara ʋ mɩ́ yi a ʋ dĩó mɛ̃ dɛ-sãan a, mɛ̃ gãdaa nʋ̃ɔ̀ na ɩrɛ, ʋ lo ʋ sɔ́r a.

Yel-wula 21:23

A tẽw bɛ tɛr a mʋ̃tɔ̃w nɩ a cuw cãà yel-ɩra ɩ, a Naaŋmɩn yúor-vɩɛlʋ-danʋ na caalɛ ʋ a ƴãw, nɩ a Pele na ɩ a ʋ fɩ̃tɩlɛ a ƴãw.

Ɩzayi 24:23

Vĩ na ɩrɛ nɩ a cuw, a mʋ̃tɔ̃w na nyɛ̃ nɩ vĩ. Bʋ̃ʋ n'ʋ vɛ̃, a Sore, a kpɛnʋ-za-sob, na dɩrɛ nɩ naalʋ a Zerizalɛm nɩ a Sɩyɔ̃ tãw zu. A ʋ yúor-vɩɛlʋ-danʋ na nyɩwrɛ nɩ a nɩ-kore niŋé.

A Zɔb sɛbɛ 31:26

Mãa wa nyɛ̃ a mʋ̃tɔ̃w na nyɩwrɛ ʋ za nɩ a cuw ʋ pure waar nɩ dɛpaalʋ,

Matie 24:29

«Daadaalɛ, a kpɩɛrʋ á ŋá pùorí, a mʋ̃tɔ̃w na liw na, a cuw kʋ̃ lɛb pɛlɩ ɛ, a ŋmar-bie na yi n a salom zu pɔrɛ lore, ɛ́ a saa-zu kpɛnʋ bʋʋrɛ za na dam'a.

Yele-za-pɛr-tib 1:15

a ɩ bʋ̃-caalɩ a salom zu caalɛ a tẽw!» Ɛ́ a tɩ ɩ a lɛ.

Zeremi 31:35

À ŋá n'a a Sore yere: Ãa n'ʋ mɩ́ ƴãw a mʋ̃tɔ̃w k'ʋʋ caalɛ a bibir? Ãa n'ʋ mɩ́ yel a cuw nɩ a ŋmar-bie k'aa caalɛ a tɩ̃ɩsɔw? Ãa n'ʋ mɩ́ dam a kʋ̃ɔ-kpɛ̃ɛ ƴãw a kʋ̃ɔ-mie ɩrɛ gɔmɛ? A Sore, a kpɛnʋ-za-sob'ʋ, a ʋ yúor'ɩ a lɛ.