Yele-za-pɛr-tib 1:11 - A SƐB-SÕW

¹¹ Lɛ n'a a Naaŋmɩn tɩ yel: «A tẽsɔw, ʋ ɩ mɔ̃-ɓaar ʋ za: mʋ̃ɔ na tɛr bie a ɩ a mɩŋa bʋ̃-bʋʋrɛ a, nɩ tɩ-wɔnɩ na wɔnɛ wɔmɛ a tẽw zu a, tɩɛ ŋa bʋʋrɛ nɩ ʋ bie, tɩɛ ŋa bʋʋrɛ nɩ ʋ bie!» Ɛ́ a tɩ ɩ a lɛ.

Yele-za-pɛr-tib 1:11 Referans Kwoze

Ebre 6:7

Tẽsɔw saa na waar ƴãwn kʋralɛ, ʋʋ búle bʋ̃-buli na tɛr yel-ɩra a bɛlɩ dem na ƴãw bɛ kʋɔr ʋ a zie a, Naaŋmɩn mɩ́ maalɛ ʋ na.

Sɛb-sõw yielu 147:8

Ʋlɛ n'ʋ mɩ́ ɩ a zũzuge yi pàw a salom. À ŋá n'a ʋ mɩ́ cɔbrɩ a saa a tẽsɔw ƴãw. Ʋ mɩ́ ɩ na a mʋ̃ɔ bul a tan zu.

Yele-za-pɛr-tib 1:29

A Naaŋmɩn tɩ yel'a ƴãw pʋɔ: «Nyɩ nyɛ̃, ɩ̃ kʋ̀rɛ nyɩ nɩ mʋ̃ɔ za na mɩ́ wɔ̃ tɛr bie a tẽ-daa za zu a, nɩ tɩɛ za a wɔm na mɩ́ tɛr a ʋ bie a: a na ɩ n a nyɩ bʋ̃-dɩrɩ.

Yele-za-pɛr-tib 2:9

A Sore Naaŋmɩn tɩ ɩ na a tẽsɔw bul tɩ-pɛ-bʋʋrɛ za na sãá vɩɛlɩ vɩɛlɩ ɛ́ a wɔmɛ nʋmɛ a. A nyɔ-vʋʋrʋ tɩɛ nɩ a tɩɛ ʋl na mɩ́ ɩ fʋ bãw a vla nɩ a faa a tɩ be n a zaadɛ̃ sɔwlɩsɔw.

Markɩ 4:28

A tẽsɔw tɔr za mɩ́ ɩ na a bʋ̃-bʋʋrɛ bul: váar'a mɩ́ de niwn be be, a pùorí a ble-zu-dɔ̃wmɛ, a pùorí a bie pãa paalɩ a ble-zu-dɔ̃wmɛ.

Matie 6:30

A Naaŋmɩn mɩ́ wa su a póru pʋɔ mʋ̃ɔ à ŋá a, al na mɩ́ be dɩ̃a ɛ́ bio bɛ na lɔb a ƴãw vũumí a, ʋ na ɩ n ŋmɩn kʋ̃ su nyɩ vla zuo lɛ, nyɩɩm a naaŋmɩn-sàwfʋ na bɛ saalɩ a!

A Zɔb sɛbɛ 28:5

A tẽsɔw zu-sɔw n'ʋ tɩrɛ a bʋ̃-dɩra, ɛcɛ a ʋ pʋɔ dam'a nyaw taa mɛ̃ vũu na dɩ a.

Sɛb-sõw yielu 1:3

Ʋ ɩ na mɛ̃ tɩɛ na sɛl bàa nʋɔr a: ʋ mɩ́ wɔ̃ n a ʋ daar, ɛ́ a ʋ váar bɛ suore ɩ. A ʋ tome za mɩ́ tu ʋ na.

Yele-za-pɛr-tib 2:5

vale za bɛ tɩ be a tẽw zu sɛr ɛ, mɔ̃le za bɛ tɩ bul sɛr ɛ. Bʋ̃ʋ n'ʋ vɛ̃, a Sore Naaŋmɩn bɛ tɩ ƴãw saa wa a tẽw zu sɛr ɛ, nɩsaalbɛ mɩ̀ bɛ tɩ be be na kʋɔr a tẽsɔw ɛ.

Zakɩ 3:12

Ɩ̃ yɛbr i, kãkãw na tʋ̃ɔ́ na wɔ̃ olivʋ ɛ́ divɛ̃ tɩɛ wɔ̃ kãkamɛ bɩɩ? Bul-nʋɔr na ɩ nyaarʋ a kʋ̃ tʋ̃ɔ́ bule kʋ̃ɔ na nʋmɛ a ɩ.

Matie 3:10

A lɛr'ɩ ŋan na be a tɩɩr ƴãw baarɩ a, tɩɛ nɛ za na bɛ wɔnɛ wɔ̃-vɩɛlɩ a, bɛ na cɛ ʋ na ŋmãa lɔb ƴãw vũumí.

Zeremi 17:8

Ʋ ɩ na mɛ̃ tɩɛ na sɛl kʋ̃ɔ nʋɔr ɛ́ a ʋ nyɩgɛ tɛ siw a bàa lowr a. A tʋlʋ wa waar'a, ʋ bɛ zɔrɛ bom za ɩ, a ʋ váar mɩ́ sɔb'ɩ kʋralɛ. Wɛr yũon tɔr za bɛ vʋ̃ɔnɛ ʋ pʋ̀lá ɩ, ʋ mɩ́ wɔnɛ nɩ kʋralɛ.

Yele-za-pɛr-tib 2:16

A Sore Naaŋmɩn tɩ ƴãw nɩ nʋɔr ŋa kʋ̀ a nɩsaal: «Fʋ na tʋ̃ɔ́ na dɩrɛ a zaadɛ̃ tɩɩr za wɔmɛ.

1 Korɛ̃tɩ 15:38

A pùorí n'a a Naaŋmɩn mɩ́ ɩ a bʋ̃-bir bul tɛr a ƴã-gan ʋl a Naaŋmɩn na bɔbr a, bʋ̃-bʋʋrɛ za mɩ́ bul'a tɛr ʋ ƴã-gan.

Yele-za-pɛr-tib 1:12

A tẽsɔw tɩ bul'ɩ mɔ̃-ɓaar: mʋ̃ɔ ŋa bʋʋrɛ nɩ ʋ bie, ɛ́ a tɩɩr wɔnɛ a wɔmɛ mɩ́ tɛr bie a pʋ̃ɔmɩ, ŋa nɩ ʋ bʋʋrɛ, ŋa nɩ ʋ bʋʋrɛ. A Naaŋmɩn tɩ nyɛ̃ na a vɩɛl.

Ɩzayi 61:11

Mɛ̃ a lɛ a tẽsɔw na mɩ́ bɛr a ʋ bʋ̃-bule a yi a, ɛ́ a zaadɛ̃ bɛr a bʋ̃-bʋʋrɛ bɛ na bʋ̀r ʋ a bul a, lɛ n'a a Sore Naaŋmɩn na ɩ a mɩnʋ nɩ a danʋ a bul a nɩ-bʋʋrɛ za niŋé.