Yele-za-pɛr-tib 1:1 - A SƐB-SÕW

¹ A yele-za-pɛr-tib daar, Naaŋmɩn tɩ ír'ɩ a salom nɩ a tẽw.

Yele-za-pɛr-tib 1:1 Referans Kwoze

Ebre 11:3

A sàw-deb zũú n'a tɩ bãw k'aa ʋ ƴɛ̀rʋ n'a Naaŋmɩn cɔbrɩ nɩ a zie. A ɩ a lɛ a bom fʋ na mɩ́ nyɛ̃ a yi bom fʋ na bɛ mɩ́ nyɛ̃ a pʋɔ.

Ɩzayi 45:18

À ŋá n'a a Sore yere, ʋl na ír a salom a, ʋl na ɩ a Naaŋmɩn na maalɩ a tẽw a, na cɔbrɩ ʋ ɛ́ ɩ ʋ kpɛmɛ a. Ʋ bɛ ír ʋ ʋ ɩ vuo gã ɩ, ʋ maal'ʋ na kɛ́ bɛ kpɩɛr ʋ. A lɛ pʋɔ n'a ʋ yere à ŋá: «A Sore a, mãa n'ʋ, kãw bɛ lɛb ka be ɩ.

Yel-wula 4:11

«Sore tɩ Naaŋmɩn i, fʋ sɛw na na nyɛ̃ danʋ, ƴãwfʋ nɩ kpɛnʋ. Bʋ̃ʋ n'ʋ vɛ̃, fʋ̃ʋ n'ʋ ír a bome za, fʋ sàw na k'aa be, ɛ́ ír a.»

Ebre 1:10

Ʋ mɩ̀ cãà na lɛb yel: «Sore e, fʋ̃ʋ n'ʋ ír a tẽw a pɛr-tib daar, ɛ́ a salom ɩ a fʋ nuru bʋ̃-maala.

Ɩzayi 42:5

A Naaŋmɩn, a Sore, na ír a salom nɩ a ʋ yɛ̀lʋ za a, na yɛ́r a tẽsɔw nɩ a ʋ bʋ̃-buli a, na kʋ̀ a nyɔ-vʋʋrʋ a nɩ-bʋʋrɛ na kpɩɛr a ʋ zu a, nɩ a vʋʋrʋ a bɛlɩ dem na dɛnɛ a ʋ zu a, ƴɛ̀rɛ nɩ à ŋá a ʋ tõ-tõ-bie zie:

Eziptɩ tẽw yib 20:11

Bʋ̃ʋ n'ʋ vɛ̃, bibie ayʋɔb'a ɩ̃ ír a salom, a tẽw, a kʋ̃ɔ-kpɛ̃ɛ nɩ a bome al za na be a pʋɔ a. Ɛcɛ a bibie ayopõi sob a, ɩ̃ zɩ̃ na pɩ̃ɛnɩ. Alɛ so a mãa, a Sore, ɩ̃ maalɩ a pɩ̃ɛnʋ-bibir, ɛ́ ɩ k'ʋ ɩ sõw.»

A Zɔb sɛbɛ 38:4

Nyɩnɛ n'a fʋ tɩ be a lɛn daar ɩ̃ na tɩ sʋ̃ɔ́nɛ a tẽw pɛr a? Yel kʋ̀ m, fʋ̃ʋ na bãw a sɛw à ŋá a:

Nɩ-toni 17:24

A Naaŋmɩn ʋl na ír a tẽ-daa nɩ a ʋ pʋɔ bome za a, a ʋl na ɩ a salom nɩ a tẽw Sore a, ʋ bɛ kpɩɛr nɩsaal nuru yir-mɩɛrɩ pʋɔ ɩ,

2 Pɩɛr 3:5

Bɛ bãw na kɛ́ yiiri kɛ́ a koro za a, Naaŋmɩn ƴɛ̀rʋ tɩ ɩ na salom nɩ tẽw yi kʋ̃ɔmɩ́ be, ɛ́ kʋ̃ɔ ɩ a nyɔw taa.

Neemi 9:6

Fʋ̃ʋ n'ɩ a Sore, fʋ̃ʋ yõ tẽtẽ! Fʋ maal'ɩ a salom na bɛ dɩ vuo a, nɩ a ŋmar-bie za, a tẽw nɩ bom za na be a ʋ zu a, a kʋ̃ɔ-bɛrɛ nɩ bom za na be a pʋɔ a. Fʋ kʋ̀rɛ nɩ nyɔ-vʋʋrʋ bʋ̃-íra za. A saa-zu kpɛnʋ siwre nɩ a tʋɔra a fʋ niŋé.

Ɩzayi 44:24

Ɩsɩrayɛl i, a Sore, a fʋ ya-diere na cɔbrɩ fʋ a fʋ mã puori a, ƴɛ̀rɛ nɩ a fʋ zie à ŋá: «Mãa n'ɩ a Sore na maalɛ bom za a. Mãa n'ʋ dɔl a salom, mãa ɩ̃ yõ tẽtẽ, ɩ̃ yɛ́r'ɩ a tẽw ɛ́ nɩr za bɛ sõw mɛ̃ ɩ.

Zeremi 32:17

«'Woi, Sore Naaŋmɩn i, fʋ̃ʋ n'ʋ ír a salom nɩ a tẽw nɩ a fʋ fãw-kpɛ̃ɛ, nɩ a fʋ kpɛnʋ. Bom za bɛ kpɛmɛ zuo a fʋ zie ɩ.

Zeremi 51:15

A Sore maal'ɩ a tẽw nɩ a ʋ fãw, ʋ ɩ n a tẽ-daa ʋ àr nɩ a ʋ yã-bãwfʋ, ɛ́ dɔl a salom nɩ a ʋ yã.

Sɛb-sõw yielu 33:9

Bʋ̃ʋ n'ʋ vɛ̃, ʋ mɩ́ ƴɛ̀r'a, ɛ́ a lɛ ʋ na yel a tu, ʋ mɩ́ yel'a, ɛ́ a bom be.

Zʋkpaɩ 3:19

A Sore yã-bãwfʋ n'ʋ ʋ ír'ɩ a tẽw, a ʋ yã n'a ʋ ɩ n a salom ʋ kpɛmɛ àr.

Yel-wula 14:7

Ʋ tɩ yere na nɩ kɔkɔ-kpɛ̃w: «Nyɩ zɔrɛ a Naaŋmɩn ɛ́ íre a ʋ yúor, bʋ̃ʋ n'ʋ vɛ̃, a ʋ ƴɛ̀rʋ-maalʋ daar ta na. Nyɩ lore gbine dume puore a salom nɩ a tẽw Íre, a kʋ̃ɔ-kpɛ̃ɛ nɩ a kʋl-bɔwrɩ Íre.»

Sɛb-sõw yielu 115:15

A Sore ʋ maalɩ nyɩ, ʋl na ír a salom nɩ a tẽw a!

Nɩ-toni 14:15

tɩ yel: «Alɛ! Bá-mɩnɛ ɛ, bʋ̃ʋ n'ʋ so nyɩ ɩrɛ à à ŋá? Tɩ mɩ̀ ɩ n nɩsaalbɛ mɛ̃ a nyɩɩm a! A Yel-nʋ̃ɔ̀ tɩ na hiere kʋ̀rɛ nyɩ a, ʋlɛ n'ɩ kɛ́ nyɩ bɛr a bʋ̃-zawlɛ á ŋá ɛ́ sàw de a Naaŋmɩn na vʋʋrɛ a. Ʋlɛ n'ʋ ír a salom, a tẽw, a kʋ̃ɔ-kpɛ̃ɛ nɩ a bome za na be a pʋɔ a.

Sɛb-sõw yielu 136:5

Ʋ maal'ɩ a salom nɩ yã, a ʋ nɔ̃wfʋ na be kʋralɛ a ƴãw.

Zeremi 10:12

A Sore ír'ɩ a tẽw nɩ a ʋ fãw, ʋ bin nɩ a tẽ-daa nɩ a ʋ yã-bãwfʋ, ʋ dɔl'ɩ a salom nɩ a ʋ yã.

1 Korɛ̃tɩ 8:6

tɩɩm zie a, Naaŋmɩn-been yõ n'ʋ be, a Naaŋmɩn Sãà na ír bom za ɛ́ tɩ vʋʋrɛ a ʋ ƴãw a, nɩ Sore been yõ, Yeezu Kɩrɩta, na so bom za be ɛ́ so tɩ vʋʋrɛ a.

Sɛb-sõw yielu 8:3

A bibiir nɩ a bibi-cãpʋrmɛ nɛ́ɛ n'a fʋ mɩ́ wul'ɩ a fʋ fãw a fʋ dɔ̃ dem. A ɩ na mɛ̃ dacĩ-kpɛ̃ɛ n'ʋ fʋ mɛ k'aa ta lɛb tɛr ɩb a fʋ dɔ̃ dem bɛl na bɛ wone za a zie a.

Sɛb-sõw yielu 102:25

Alɛ n'a so ɩ̃ yere: «Ɩ̃ Naaŋmɩn i, fʋ̃ʋ na be be kʋralɛ a, ta ɩ ɩ̃ pʋ̃ɔ kpi ɛ.»

Ebre 3:4

Yir za mɩ́ sɩrɩ na tɛr a ʋ mɩɛrɛ, ɛ́ Naaŋmɩn n'ɩ bom za mɩɛrɛ.

Sɛb-sõw yielu 124:8

A Sore mɩŋa n'ɩ a tɩ sõwfʋ, ʋl na ír a salom nɩ a tẽw a.

Ebre 1:2

Ɛcɛ ƴɛrɛŋa a, a yele baarʋ vuo ŋa pʋɔ a, a ʋ Bie n'ʋ ʋ ƴãw ʋ ƴɛ̀r a tɩ zie. Ʋlɛ n'ʋ a Naaŋmɩn ƴãw k'ʋ ír bom za ɛ́ so bom za.

Zʋkpaɩ 16:4

A Sore tɛr'ɩ tɩ́ɛrʋ maal'ɩ bom za. Ʋ ír'ɩ a nɩ-faar tɛɛ za a dɔwrʋ bibir ƴãw.

Sɛb-sõw yielu 33:6

A Sore ƴɛ̀r-bir'ʋ ʋ ír'ɩ a salom, a ʋ nʋɔr pɩɛlʋ n'a ɩ a saa ŋmar-bi-yaga yaga a be.

Sɛb-sõw yielu 121:2

— A ɩ̃ sõwfʋ na yi n a Sore zie, ʋl na ír a salom nɩ a tẽw a.

Zakari 12:1

Ƴɛ̀rʋ a Sore na ƴɛ̀r a Ɩsɩrayɛl ƴãw a. Nyɛ̃ a lɛ a Sore na yere a, ʋl na dɔl a salom a, ʋl na sʋ̃ɔ́ a tẽsɔw pɛr, ɛ́ kʋ̀ a nyɔ-vʋʋrʋ a nɩsaal a:

Ɩzayi 40:28

Fʋ bɛ bãwnɩ a ɩ? Fʋ bɛ wõ a ɩ? A Sore ɩ n a Naaŋmɩn na be kʋralɛ a. Ʋ ír'ɩ a tẽw za. A ʋ fãw bɛ síwre ɩ, ʋ bɛ bàlɛ ɩ. Nɩr kʋ̃ tʋ̃ɔ́ manɩ a ʋ yã zulu ɛ.

Sɛb-sõw yielu 104:24

Sore e, a fʋ tome yãwmɛ na bɛ tɛr tɛwr ɛ: fʋ tõ n a za nɩ yã-bãwfʋ! A tẽsɔw paal'a nɩ a fʋ bʋ̃-íri.

Sɛb-sõw yielu 96:5

A nɩ-bʋʋr-yoru ŋmɩmɛ ɩ n bʋ̃-zawlɛ, ɛcɛ a Sore n'ʋ maalɩ a salom.

Yel-wula 10:6

ɛ́ pɔ n a Naaŋmɩn na vʋʋrɛ kʋralɛ a, a Naaŋmɩn na ír a salom nɩ bom za na be a ʋ zu a, na ír a tẽw nɩ bom za na be a ʋ zu a, na ír a kʋ̃ɔ-kpɛ̃ɛ nɩ bom za na be a ʋ pʋɔ a. A malkɩ tɩ yel'a: «Alɛ sɛr kʋ̃ lɛb cãà be ɩ!

Ʋrɔm 11:36

Bʋ̃ʋ n'ʋ vɛ̃, ʋl zie n'a bom za yi, ʋlɛ n'ʋ so bom za be, ʋl ƴãw n'a bom za be. Ʋlɛ so yúor-vɩɛlʋ-danʋ a yome yome za! Amɛn.

Nɩ-toni 4:24

Bɛ tɩ bɛr'a wõ a Pɩɛr nɩ a Zã manʋ. Al pùorí, bɛ za tɩ lãw nɩ nɔ-been puori a Naaŋmɩn à ŋá: «Bome za zu-sob i, fʋ̃ʋ n'ʋ ír a salom, a tẽw, a kʋ̃ɔ-kpɛ̃ɛ nɩ bom za na be a pʋɔ a.

Sɛb-sõw yielu 90:2

A tan na bɛ tɩ yi sɛr a, a tẽsɔw nɩ a zie na bɛ tɩ be sɛr a, fʋ tɩ ɩ n a Naaŋmɩn dɩta-pɛ-yome za, ɛ́ na ɩ ʋ kʋralɛ.

Ɩzayi 51:16

Ɩ̃ lɛb'a dɔlɛ a salom, ɩ̃ lɛb'a bine a tẽw pɛr ɛ́ yere a Sɩyɔ̃ tẽw: “Fʋ̃ʋ n'ɩ a ɩ̃ nɩ-bʋʋrɛ, ɩ̃ ƴãwnɛ nɩ a ɩ̃ ƴɛ̀rʋ a fʋ nʋɔrɩ́, ɩ̃ piwr fʋ na tɛrɛ nɩ a ɩ̃ nũu ɓaarʋ.”»

Ɩzayi 37:16

«Sore kpɛnʋ-za-sob, Ɩsɩrayɛl Naaŋmɩn i, fʋ̃ʋ na zɩ̃ a seribɛ̃ mɩnɛ zu-sɔw a, fʋ̃ʋ n'ɩ a tẽ-daa naalʋ-ten za Naaŋmɩn-been yõ, fʋ̃ʋ n'ʋ maalɩ a salom nɩ a tẽw.

Sɛb-sõw yielu 146:6

A Sore n'ʋ ír a salom nɩ a tẽw, a kʋ̃ɔ-kpɛ̃ɛ nɩ bom za na be a pʋɔ a. Ʋlɛ n'ɩ a yel-mɩŋa gure kʋralɛ.

Sɛb-sõw yielu 134:3

A Sore na be a ʋ yir pʋɔ a Sɩyɔ̃ tẽw a, ʋ maalɩ nyɩ, ʋl na ír a salom nɩ a tẽw a!

Yel-wula 22:13

Mãa n'ɩ a Alfa nɩ a Omega, a niw-diere nɩ a po-pàwrɛ, a pɛr-tib nɩ a baarʋ.»

1 Zã 1:1

Bom nɛ na tɩ be a yele za pɛr-tib daar a, bom nɛ tɩ na wõ a, bom nɛ tɩ na nyɛ̃ nɩ mimir a, bom nɛ tɩ na jɩ́r gbẽgbẽ ɛ́ tɔ n a tɩ nuru a, ʋ càar'ɩ a ƴɛ̀rʋ na tɩrɛ a nyɔ-vʋʋrʋ a.

Markɩ 13:19

Bʋ̃ʋ n'ʋ vɛ̃, a bibie al na ɩ n kpɩɛrʋ bibie, kpɩɛrʋ bɛ na bɛ nyɛ̃ a ʋ tɔ, a lɛ a Naaŋmɩn na tĩ ír a tẽ-daa ɛ́ wa tɩ tɔ a dɩ̃a a ɩ.

Ɩzayi 40:26

Nyɩ úori a salom ɛ́ nyɛ̃: ãa n'ʋ ír a ŋmar-bie? A sob nɛ na mɩ́ ɩ a yi a za cɔrɩ vla cere mɛ̃ sojarɩ, ʋʋ bʋɔlɩ a za, ŋa nɩ ʋ yúor ŋa nɩ ʋ yúor a n'ʋ. A ʋ fãw nɩ a ʋ kpɛnʋ bɛrmɛ nɩ yaga, kɛ̀ ŋmar-bir kãw za bɛ be be bɛ mɩ́ sàw a ʋ bʋɔlʋ ɛ.

Sɛb-sõw yielu 104:30

Fʋ mɩ́ lɛb'a kʋ̀ a a fʋ vʋʋrʋ, lɛb ír a, fʋ mɩ́ lɩɛb'ɩ a tẽsɔw niwn ʋ ɩ paala.

1 Bibie za yel-manɩ 16:26

A nɩ-bʋʋr-yoru ŋmɩmɛ ɩ n bʋ̃-zawlɛ, ɛcɛ a Sore n'ʋ maalɩ a salom.

Yel-wula 21:6

Ʋ tɩ lɛb'a yel mɛ̃: «A maal'a! Ɩ̃ ɩ n a Alfa nɩ a Omega, a pɛr-tib nɩ a baarʋ. Sob nɛ kʋ̃ɔ-nyúur na kpɩɛr a, ɩ̃ na kʋ̀ ʋ nɩ a nyɔ-vʋʋrʋ kʋ̃ɔ na bule yire a, mɔlɛ.

Efɛɛzɩ 3:9

ɛ́ ɩ a ɩ cãà a nɩsaalbɛ za zie, a lɛ a Naaŋmɩn na mɩ́ ɩ a ʋ yel-sɔwla tu a ʋ tub a. Ʋl na ɩ bome za Íre a, ʋ ɩ n a ʋ yel-sɔwla ŋa gã koro za a ʋl mɩŋa pʋɔ.

Ɩzayi 51:13

Nyɩ yiir'ɩ a Sore bɛr, ʋl na ír nyɩ a, ʋl na dɔl a salom ɛ́ bin a tẽw pɛr a. Bibie za, nyɩ mɩ́ màwr'ɩ a sob nɛ na dɔwrɛ nyɩ a niŋé, a lɛ a ʋ su-yãyaar na mɩ́ ìr, mɛ̃ ʋ cɔbr'a baarɩ na sãw nyɩ bɛr a. Ɛcɛ ƴɛrɛŋa a, nyɩnɛ n'a a ʋ su-yãyaar be?

Ɩzayi 65:17

Bʋ̃ʋ n'ʋ vɛ̃, ɩ̃ na ír'ɩ salom-paala nɩ tẽsɔw-paala. Nɩr bɛ lɛb ƴɛ̀rɛ a koro za yele ƴɛ̀rʋ ɛ, bɛ kʋ̃ lɛb tɛr a tɩɛrʋ towtow ɛ.

Yel-wula 3:14

Sɛb yel a Lawdise tẽw Lãw-yir malkɩ: «À ŋá n'a a Amɛn, a dãsɩ-dɩrɛ mɩŋa na bɛ lɛbr pùor a yere, ʋl na ɩ a Naaŋmɩn bʋ̃-íri za yib zie a:

A Zɔb sɛbɛ 26:13

A ʋ nʋɔr pɩɛlʋ pɩɩr'ɩ a salom, ɛ́ a ʋ nũu cɔ̀r a Levɩatã, a wa-gõlõgõlõ, col.

Ekilezɩasɩ 12:1

Fʋ na ɩ pɔlbile a, ta yiiri a fʋ Íre bɛr ɛ. Lɛb tɩɛrɩ a ʋ yele, ɛ́ a bibi-faar nɩ a yome al fʋ na na yel: «A nyɔ-vʋʋrʋ bɛ ɩrɛ mɛ nʋ̃ɔ̀ a», wa bãw vɩɛ.

Matie 11:25

A lɛn daar, a Yeezu tɩ de nɩ a ƴɛ̀rʋ yel: «Ɩ̃ danɛ fʋ na, ɩ̃ Sãà a, salom nɩ tẽw za Sore e, fʋ na sɔwlɩ a yele á ŋá a yã-bãwnbɛ nɩ a bãw-bãwnbɛ zie, ɛ́ wul a a bibi-cãpili a.

Eziptɩ tẽw yib 31:18

A Naaŋmɩn na tɩ ƴɛ̀r a Moyiir zie baarɩ a Sinayi tãw zu a, ʋ kʋ̀ ʋ nɩ a kʋsɛ-pamɛ ayi, a al zu ʋl mɩŋa na tɩ sɛb a nɛ-ƴãwnɩ ƴãw a.

A Zɔb sɛbɛ 9:8

Ʋ mɩ́ dɔl'ɩ a salom ʋ yõ, ɛ́ cere a kʋ̃ɔ-kpɛ̃ɛ kʋ̃ɔ-mie zu.

Ɩzayi 40:21

Nyɩ bɛ bãw ɛ? Nyɩ bɛ wõ a ɩ? Bɛ bɛ yel yel kʋ̀ nyɩ a pɛr-tib daar za ɩ? Nyɩ bɛ wõ a alɩ bome nɛ na n'ɩ a tẽ-daa pɛr a ɩ?

2 Na-mɩnɛ 19:15

ɛ́ puori à ŋá: «Sore e, Ɩsɩrayɛl Naaŋmɩn i, fʋ̃ʋ na zɩ̃ a seribɛ̃ mɩnɛ zu-sɔw a, fʋ̃ʋ n'ɩ a tẽ-daa naalʋ-ten za Naaŋmɩn-been yõ, fʋ̃ʋ n'ʋ maalɩ a salom nɩ a tẽw.

2 Bibie za yel-manɩ 2:11

A Sore, a Ɩsɩrayɛl Naaŋmɩn, tɛr'ɩ puoru, ʋl na ír a salom nɩ a tẽw a. Bʋ̃ʋ n'ʋ vɛ̃, ʋlɛ n'ʋ kʋ̀ bidɛb a nãà Daviir, ʋ tɛr yã-bãwfʋ, bãw maal-ɩb ɛ́ tɛr yã na na tʋ̃ɔ́ ŋmãa Ŋmɩn-yir-kpɛ̃ɛ kʋ̀ a Sore, ɛ́ ŋmãa nãà yir a ʋl mɩŋa ƴãw a.

Sɛb-sõw yielu 8:4

Ɩ̃ na mɩ́ jɩ́rɛ a salom na ɩ a fʋ nuru tome a, a cuw nɩ a ŋmar-bie fʋ na ƴãw a be a,