Sofoni 3:20 - A SƐB-SÕW

²⁰ A lɛn daar a, ɩ̃ na lɛb'a tɛr nyɩ wa n, a lɛn daar a, ɩ̃ na lɛb'a ɓã nyɩ taa. A nyɩ mimié n'a ɩ̃ na lɩɛbɩ a nyɩ yele. Lɛ n'a a nyɩ yúor na yi, ɩ̃ɩ ɩ nyɩ nyɛrɛ ƴãwfʋ a tẽw zu nɩ-bʋʋrɛ za pʋɔ.» A Sore n'ʋ yel.

Sofoni 3:20 Referans Kwoze

Malasɩ 3:12

A nɩ-bʋʋr-yoru za na yere na kɛ́ zu-nʋ̃ɔ̀ dem n'ɩ nyɩ, bʋ̃ʋ n'ʋ vɛ̃, a nyɔ-vʋʋrʋ na nʋmɛ nɩ za a nyɩ tẽw pʋɔ, mãa n'ʋ yere, a mãa Sore kpɛnʋ-za-sob.»

Ɩzayi 56:5

ɩ̃ na kʋ̀ bɛ nɩ zie a ɩ̃ yir dacine zu a bɛ yée sɛbrʋ ƴãw. A na sa n bidɛbr nɩ pɔwyaar tɛrʋ. A yúor ɩ̃ na na kʋ̀ bɛ a na be n be kʋralɛ, bɛ bɛ sãwnɛ ʋ bɛrɛ towtow ɛ.»

Sofoni 3:19

A lɛn daar a, ɩ̃ na dɔwr'ɩ a bɛlɩ dem za na dɔwrɩ nyɩ a. A lɛn daar a, ɩ̃ na sanɩ nɩ a nyɩ nɩbɛ bɛ na ƴãw bàalʋ a, a bɛl bɛ na diw a bɛ tẽw pʋɔ cen nɩ a, ɩ̃ na lɛb'a tɛr bɛ wa n, ɩ̃ na ɩ na nyɩ nyɛ̃ ƴãwfʋ, ɛ́ a nyɩ yúor yi a ten al za pʋɔ nyɩ na tɩ nyɛ̃ a vĩ a.

Amɔsɩ 9:14

Ɩ̃ lɛb'a maalɛ a ɩ̃ nɩ-bʋʋrɛ ƴãwn: bɛ na lɛb'a mɩɛr a ten al na tɩ sãw a, kɛ́ bɛ kpɩɛr a pʋɔ. Bɛ na sɛl'ɩ divɛ̃ tɩɩr nyúur a divɛ̃. Bɛ na kɔ n zaadɛnɩ dɩrɛ a zaadɛnɩ pʋɔ bome.

Zowɛl 3:1

A Sore yere na: «Al pùorí, ɩ̃ na ƴãw nɩ a ɩ̃ Vʋʋrʋ nɩsaal za. A nyɩ bidɛbr nɩ a nyɩ pɔwyaar na ƴɛ̀rɛ nɩ naaŋmɩn-ƴɛ̀r-manbɛ ƴɛ̀rʋ, zánʋ na waar'ɩ a nyɩ nɩ-kore, a nyɩ pɔlbili na nyɛrɛ nɩ bʋ̃-nyɛrɩ.

Ezekɩɛl 34:16

A pɛ́rʋ na bɔr a, ɩ̃ na cen na tɩ bɔ ʋ, a ʋl na cen zãá a, ɩ̃ na lɛb'a ŋmãa ʋ wa n. A ʋl na tɛr gbɛ-kaba a, ɩ̃ na sanɩ ʋ na. A ʋl na ɩ bàal a, ɩ̃ na lɛb'a kʋ̀ ʋ fãw. Ɛcɛ a ʋl na 'wɔr ɛ́ kpɛmɛ a, ɩ̃ na kʋ ʋ na. Ɩ̃ na kaarɛ nɩ a ɩ̃ dʋn zie tu n a mɩnʋ nɛ́ɛ.»

Ɩzayi 60:15

A nɩbɛ tɩ zawrɩ fʋ na bɛr, bɛ bɛ tɩ nɔnɛ fʋ ɛ, ɛ́ nɩr za bɛ tɩ tuur yire a fʋ zie ɩ. Ƴɛrɛŋa a, ɩ̃ na maalɩ fʋ na fʋ vɩɛl kʋralɛ, mɩ́ ƴãw a nɩbɛ cɩlɛ yome yome za.

Sofoni 2:7

A Zuda nɩbɛ na cɛ a na so nɩ a zie ʋl. Bɛ na àrɛ nɩ nɩ a bɛ dʋn a be, ɛ́ a zaanʋɔra bɛ mɩ́ kpɛ a Asɩkalon yie pʋɔ tɩ gã. Bʋ̃ʋ n'ʋ vɛ̃, a Sore bɛ Naaŋmɩn na wa n a bɛ maalʋ ƴãw, ʋ na lɩɛb'ɩ a bɛ yele.

Ezekɩɛl 39:28

Mãa wa ɓã a Ɩsɩrayɛl nɩbɛ za taa a bɛ tẽw a, ɩ̃ kʋ̃ bɛr nɩr za ʋ cãà a ten al pʋɔ ɩ̃ na tɩ diw bɛ cen nɩ a ɩ. A lɛn daar a, a Ɩsɩrayɛl nɩbɛ na bãw na kɛ́ mãa n'ɩ a Sore bɛ Naaŋmɩn.

Ezekɩɛl 37:21

Al pùorí, yel kʋ̀ bɛ a lɛ a mãa Sore Naaŋmɩn na yere a: Ɩsɩrayɛl nɩbɛ ɛ, ɩ̃ na ír nyɩ nɩ a nɩ-bʋʋrɛ bɛl sɔgɔ nyɩ na cen a. Ɩ̃ na ɓã nyɩ nɩ taa ɛ́ tɛr nyɩ lɛb wa n a nyɩ tẽw.

Ezekɩɛl 28:25

A mãa Sore Naaŋmɩn yere na: Ɩ̃ na ɩ n a Ɩsɩrayɛl nɩbɛ bɛ yi a nɩ-bʋʋrɛ bɛl sɔgɔ ɩ̃ na diw bɛ yaarɩ a, lɛb wa ɓã taa, ɛ́ à à ŋá n'a ɩ̃ na wul a nɩ-bʋʋrɛ bɛl na cɛ a, kɛ́ mãa n'ɩ a Naaŋmɩn na ɩ sõw a. A Ɩsɩrayɛl nɩbɛ na kpɩɛr'ɩ a bɛ tẽw, a ʋl ɩ̃ na kʋ̀ a ɩ̃ tõ-tõ-bie Zakɔb a.

Ɩzayi 66:22

A Sore yere na: «Mɛ̃ a lɛ a salom-paala nɩ a tẽsɔw-paala ɩ̃ na ír na kpɛmɛ àr a ɩ̃ niŋé a, lɛ n'a a nyɩ yúor nɩ a nyɩ bʋʋrɛ na be a ɩ̃ niŋé kʋralɛ.

Ɩzayi 61:9

A nyɩ bʋʋrɛ yúor na yi n a ziir za, a nɩ-bʋʋr-yoru ten za pʋɔ. A bɛlɩ dem za na na nyɛrɛ bɛ a, na bãw bɛ nɩ a yel ŋa zũú: bɛ na ɩ n bʋʋrɛ a Sore na maalɩ a.

Sɛb-sõw yielu 35:6

A Sore malkɩ wa ta tu bɛ a lɛn daar a, a bɛ sɔ́r, ʋ ɩ lige nɩ sãsaalʋ tɛwr!

Ezekɩɛl 37:12

Lɛ so, ƴɛ̀r a ƴɛ̀rʋ á ŋá a ɩ̃ yúor ƴãw: A mãa Sore Naaŋmɩn, ɩ̃ na 'lawr'ɩ a nyɩ bɔwrɩ ɛ́ ɩ nyɩ yi a pʋɔ, a nyɩɩm, a ɩ̃ nɩ-bʋʋrɛ. Ɩ̃ na lɛb'a tɛr nyɩ cen nɩ a Ɩsɩrayɛl tẽw.

Ɩzayi 62:12

Bɛ na bʋɔlɛ bɛ nɩ “Nɩ-bʋʋr-sõw”, “nɩbɛ a Sore na ya de a”. Ɛ́ fʋ̃ʋ, Zerizalɛm i, bɛ kʋ̃ cãà bʋɔlɛ fʋ “a tẽ-kpɛ̃ɛ bɛ na zawrɩ bɛr a ɩ”, bɛ na bʋɔlɛ fʋ nɩ “tẽ-kpɛ̃ɛ bɛ na bɔbr a”.

Ezekɩɛl 16:53

Ɩ̃ na lɛb'a maalɩ a tẽ-bɛrɛ á ŋá ƴãw a vɩɛl: ɩ̃ na lɛb'a maalɩ a Sodɔm nɩ a ʋ tẽ-kpɔwlɩ, a Samaari nɩ a ʋ tẽ-kpɔwlɩ ƴãw. A pùorí, ɩ̃ mɩ̀ na maalɩ fʋ na ƴãw, Zerizalɛm i.

Ɩzayi 62:7

Nyɩ taa bɛrɛ ʋ ʋ pɩ̃ɛnɛ ɩ, ɛ́ gù ʋ wa tɩ lɛb maalɩ a Zerizalɛm ƴãw, ɛ́ ɩ k'ʋ lɩɛbɩ danʋ bom a tẽw za zie.»

Ɩzayi 56:8

A Sore Naaŋmɩn yere na, ʋl na ɓã a Ɩsɩrayɛl nɩbɛ bɛ na diw cen nɩ a taa a: «Ɩ̃ ɓã n nɩbɛ taa baarɩ bɛ viiri koli bɛ, ɛ́ na lɛb ɓã bɛ mɩnɛ taa lãwnɩ bɛ.»

Wulu-ayi-sob 26:18

A Sore mɩ̀ ƴãw na nyɩ yel kɛ́ nyɩ na ɩ n a ʋ nɩ-bʋʋrɛ, nɩbɛ ʋ na sʋ̃ɔmɩ bul so a, kɛ́ nyɩ na sàwr'ɩ a ʋ nɛ-ƴãwnɩ za.

Wulu-ayi-sob 26:19

Lɛ n'a, a Sore nyɩ Naaŋmɩn bɔbr'a kɛ́ nyɩ de niwn a nɩ-bʋʋrɛ za ʋ na ír a ƴãw: nɩbɛ na nyɛrɛ ƴãwfʋ, tɛr yúor nɩ vɩɛlʋ zuo bɛ a. Ʋ bɔbr'a kɛ́ nyɩ ɩ nɩ-bʋʋr-sõw a ʋ zie, mɛ̃ a lɛ ʋ na yel a.

Zeremi 30:3

Bʋ̃ʋ n'ʋ vɛ̃, ɩ̃ yere na kʋ̀rɛ fʋ: bibir waar'a na vɩɛ, ɩ̃ na na lɛb maalɩ a ɩ̃ nɩ-bʋʋrɛ Ɩsɩrayɛl ƴãw a, nɩ a Zuda nɩbɛ mɩ̀ a. Ɩ̃ na tɛr bɛ na lɛb wa n a tẽw ʋl ɩ̃ na tɩ kʋ̀ a bɛ sãàkʋm-kore a pʋɔ, ɛ́ bɛ na lɛb'a so ʋ. A mãa Sore n'ʋ yere.»

Ezekɩɛl 39:13

A bɛlɩ dem za na kpɩɛr a vuo ŋa pʋɔ a na pʋɔ nɩ a ton ŋa pʋɔ, ɛ́ bɛ na nyʋʋr'ɩ a ʋlɩ bibir nɛ, ɩ̃ nãà wa wul bɛ a ɩ̃ yúor-vɩɛlɩ-danʋ a. A mãa Sore Naaŋmɩn n'ʋ yere.

Zakari 8:8

Ɩ̃ na ɩ na bɛ yi a be lɛb wa wa kpɩɛr a Zerizalɛm. Bɛ na ɩ n a ɩ̃ nɩ-bʋʋrɛ, ɩ̃ɩ ɩ a bɛ Naaŋmɩn. Ɩ̃ na dɩrɛ nɩ naalʋ a bɛ zu, nɩ yel-mɩŋa nɩ mɩnʋ.»

Zeremi 23:3

Mãa mɩŋa na ɓã n a ɩ̃ dʋn al na cɛ a taa, a ten al za pʋɔ ɩ̃ na diw a yaarɩ a. Ɩ̃ na lɛb'a tɛr a wa n a mʋ̃ɔ 'wɔbrʋ ziir. A na wa dɔw na yɛ̀r a be yaga za.

Zeremi 33:9

Lɛ n'a nʋ̃ɔ̀ na mɩ́ ɩrɛ mɛ̃ a Zerizalɛm yúor bʋɔlʋ ƴãw. A tẽ-kpɛ̃ɛ ŋa na ɩ na ɩ̃ tɛr yúor, ʋlɛ n'ʋ na so ɩ̃ nyʋʋr a tẽw zu nɩ-bʋʋrɛ za niŋé. Bɛlɛ wa wõ a vla al za ɩ̃ na na maal'ʋ a, bɛ na màwr'ɩ dɛ̃bɩ̃-mawfʋ, ɛ́ pʋ̀lá vʋ̃ɔnɛ bɛ, bɛ na nyɛ̃ a nʋ̃ɔ̀ nɩ a ƴã-ɓaarʋ al za ɩ̃ na na kʋ̀ ʋ a.»

Mise 2:12

A Sore yere na: «Zakɔb bʋʋrɛ ɛ, ɩ̃ na ɓã nyɩ nɩ taa nyɩ za. Ɩsɩrayɛl nɩbɛ na cɛ a, ɩ̃ na ɓã nyɩ nɩ taa. Ɩ̃ na ɓã nyɩ nɩ taa mɛ̃ píir na be zaw pʋɔ a, mɛ̃ dʋn na duo nadʋʋrá a, nyɩ na yãwmɛ na damnɛ kʋrkʋrkʋr.

Mise 4:7

A bɛl na cɛwrɛ a, ɩ̃ na ɩ na bɛ ɩ nɩ-bʋʋrɛ na cɛ cãà vʋʋrɛ a, a bɛl bɛ na diw cen nɩ a gbãgbaalʋ pʋɔ a tẽ-yoru a, ɩ̃ na ɩ na bɛ ɩ nɩ-bʋʋrɛ na tɛr fãw a. A mãa Sore, ɩ̃ na dɩrɛ nɩ naalʋ a bɛ zu, a Sɩyɔ̃ tãw zu, a na tĩ a ʋlɩ daar nɛ a, nɩ kʋralɛ.

Zakari 8:13

Zuda nɩ Ɩsɩrayɛl naalʋ ten i, a nɩ-bʋʋr-yoru sɔgɔ a, nyɩ tɩ ɩ n nɩ-bʋʋrɛ bɛ na ŋmɛ ƴãw a bãwfʋ. Ɛcɛ ƴɛrɛŋa a, ɩ̃ faarɛ nyɩ na, nyɩ na ɩ n nɩ-bʋʋrɛ na nyɛ̃ maalʋ a bãwfʋ. Nyɩ ta cãà zɔrɛ dɛ̃bɩ̃ɛ ɩ! Nyɩ ƴãw fãw!»