Sofoni 3:13 - A SƐB-SÕW

¹³ A Ɩsɩrayɛl nɩbɛ na cɛ a kʋ̃ cãà ɩrɛ ɩ-faar ɛ, bɛ kʋ̃ cãà ŋmarɛ ziri ɛ. Bɛlʋ ƴɛ̀rʋ kʋ̃ lɛb yi a bɛ nɛ̃ɛ́ ɩ. Bɛ na mɩ́ ɓãá nɩ ƴãw dɩrɛ ɛ́ gúre, ɛ́ nɩr bɛ damnɛ bɛ ɩ.»

Sofoni 3:13 Referans Kwoze

Yel-wula 14:5

Ziri bɛ dãw yi a bɛ nʋɔrɩ́ ɛ. Bɛ bɛ tɛr sãwna ɩ.

Sofoni 2:7

A Zuda nɩbɛ na cɛ a na so nɩ a zie ʋl. Bɛ na àrɛ nɩ nɩ a bɛ dʋn a be, ɛ́ a zaanʋɔra bɛ mɩ́ kpɛ a Asɩkalon yie pʋɔ tɩ gã. Bʋ̃ʋ n'ʋ vɛ̃, a Sore bɛ Naaŋmɩn na wa n a bɛ maalʋ ƴãw, ʋ na lɩɛb'ɩ a bɛ yele.

Mise 4:7

A bɛl na cɛwrɛ a, ɩ̃ na ɩ na bɛ ɩ nɩ-bʋʋrɛ na cɛ cãà vʋʋrɛ a, a bɛl bɛ na diw cen nɩ a gbãgbaalʋ pʋɔ a tẽ-yoru a, ɩ̃ na ɩ na bɛ ɩ nɩ-bʋʋrɛ na tɛr fãw a. A mãa Sore, ɩ̃ na dɩrɛ nɩ naalʋ a bɛ zu, a Sɩyɔ̃ tãw zu, a na tĩ a ʋlɩ daar nɛ a, nɩ kʋralɛ.

Ɩzayi 60:21

A fʋ nɩbɛ za na ɩ n nɩ-mɩn, bɛ na so nɩ a tẽw ŋa kʋralɛ. Ɩ̃ ír bɛ na nɩ a ɩ̃ nuru kɛ́ bɛ wule a ɩ̃ yúor-vɩɛlʋ-danʋ. Bɛ ɩ na mɛ̃ tɩɩr mãa mɩŋa na sɛl a.

Mise 4:4

Ŋa za na mɩ́ ɓãá nɩ ƴãw kʋɔr a ʋ divɛ̃ tɩɩr púo nɩ a ʋ kãkã-tɩɩr, ɛ́ nɩr za bɛ damnɛ ʋ ɛ.» À à ŋá n'a a Sore Kpɛnʋ-za-sob yere.

Ɩzayi 17:2

A nɩbɛ na zɔ na kɛ́ bɛr a tẽ-bɛrɛ ʋ na so a kʋralɛ. Dʋn n'a na so a, ganɛ a be, ɛ́ nɩr bɛ damnɛ a ɩ.

Zã 1:47

A Yeezu tɩ jɩ́r'ɩ a Natanayɛl na waar a ʋ zie a, ɛ́ yel a ʋ ƴãw: «Ɩsɩrayɛl bie tɔr za n'ɩ à ŋà, ʋ bɛ bãw ziri ɛ.»

Ezekɩɛl 39:26

Lɛ n'a bɛ na yiiri a bɛ vĩ bɛr nɩ a yel-bebe al za bɛ na maalɩ caar'ɩ mɛ̃ a. Bɛ na kpɩɛr'ɩ nɩ ƴã-ɓaarʋ a bɛ tẽw ɛ́ nɩr kʋ̃ lɛb ɩ bɛ màwr dɛ̃bɩ̃-mawfʋ ɛ.

Zeremi 31:33

A Sore cãà na yere: Nyɛ̃ a wõ-taa ʋl ɩ̃ na na maal'ɩ a Ɩsɩrayɛl nɩbɛ a lɛn daar a: Ɩ̃ na ƴãw nɩ a ɩ̃ wulu a bɛ pʋ̃ɔmɩ za, ɩ̃ na sɛb a na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Zeremi 30:10

«A fʋ̃ʋ, Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, a Sore n'ʋ yere. Pʋl-vʋ̃ɔ ta tɛr fʋ ɛ, fʋ̃ʋ, a sãàkʋm-kʋra na n'ɩ Zakɔb a. Ɩ̃ na faa fʋ nɩ a tẽ-zãánɩ pʋɔ, ɛ́ faa a fʋ bibiir a tẽw ʋl pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom ɛ́ bɛ bãw damnʋ ɛ. Ɛ́ nɩr za kʋ̃ lɛb ƴãw fʋ dɛ̃bɩ̃ɛ ɩ.

Zeremi 23:4

Ɩ̃ na ƴãw nɩ dʋ̃-cɩ̃ɩn-sɩza mɩnɛ bɛ cɩ̃ɩnɛ a. Ɛ́ a bɛl zũú a, a kʋ̃ cãà bãw dɛ̃bɩ̃ɛ nɩ pʋl-vʋ̃ɔ ɩ. Been za bɛ lɛb cɩ́ɛr ɛ, a Sore n'ʋ yere.»

Ɩzayi 54:14

A mɩnʋ n'a na tɩɛ fʋ. Fʋ kʋ̃ cãà zɔrɛ bom za dɛ̃bɩ̃ɛ ɩ, fɛrʋ za na na zãá nɩ fʋ a ƴãw. A dɛ̃bɩ̃-kpɛ̃ɛ na zãá nɩ fʋ na, ʋ kʋ̃ lɛb ta b ɛ.

Yel-wula 21:27

Ɛcɛ, dɛwr za bɛ kpɩɛr a tẽw pʋɔ ɩ, nɩr za na ɩrɛ ɩ-faar na bɛ maal'ɩ wob a, ɛ́ ŋmarɛ ziri a mɩ̀ bɛ kpɩɛr a ʋ pʋɔ ɩ. Bɛlɩ dem a yée na sɛb ƴãw a Pele nyɔ-vʋʋrʋ sɛbɛ pʋɔ a, bɛl tɛwr nɛbɛ na kpɛ a ʋ pʋɔ.

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

1 Zã 5:18

Tɩ bãwnɩ a na kɛ́ Naaŋmɩn bʋ̃-dɔwra za bɛ maalɛ yel-bier ɛ, a Naaŋmɩn Bie gù ʋ na, ɛ́ a Faalʋ sob kʋ̃ tʋ̃ɔ́ ɩ ʋ bom ɛ.

1 Pɩɛr 3:14

Ɛcɛ nyɩmɛ saa na nyɛrɛ dɔwrʋ a mɩnʋ zũú a, zu-nʋ̃ɔ̀ dem n'ɩ nyɩ. Nyɩ ta zɔrɛ a nɩbɛ towtow ɛ, ɛ́ ta tɛr dɛ̃bɩ̃ɛ kãw za ɩ.

Kɔlɔsɩ 3:9

Nyɩ ta cãà ŋmarɛ ziri ƴãwnɛ taa ɩ, bʋ̃ʋ n'ʋ vɛ̃, nyɩ yaa nɩ a nɩsaal-kʋra nɩ a ʋ ɩ-ɩrɩ za bɛr,

Matie 13:41

a Nɩsaal Bie na tõ n a ʋ malkɩ mɩnɛ a ʋ Naalʋ tẽw pʋɔ, bɛ wa tuur'ɩ a bɛlɩ dem za na ɩrɛ a bɛ taabɛ bɛ farɛ lore a, nɩ a bɛlɩ dem za na ɩrɛ ɩ-faar a,

Mise 7:14

Sore e, cɩ̃ɩnɛ a nɩbɛ fʋ na so a, nɩ a fʋ na-cɩ̃ɩn-da-kʋra. Bɛ àr'ɩ bɛ yõ zie wɛ-kar pʋɔ tɩ-wɔnɩ zaadɛ̃ na jil koli a. Cɩ̃ɩnɩ bɛ mɛ̃ a dãwdãw a, cen nɩ a Basan tẽw nɩ a Galaadɩ tẽw dʋn mʋ̃ɔ 'wɔbrʋ zie.

Ɩzayi 65:10

A Saron tɩ̃tal na lɩɛb'ɩ píir àrʋ zie, ɛ́ a Akɔɔr fʋɔla lɩɛbɩ nadʋʋra a ɩ̃ nɩbɛ na na bɔ m a ƴãw.

Ɩzayi 63:8

Ʋ yel'ɩ à ŋá a Ɩsɩrayɛl nɩbɛ ƴãw: «Bɛ ɩ n a ɩ̃ nɩbɛ, a ɩ̃ bibiir nɛbɛ, bɛ kʋ̃ bɛlɩ mɛ̃ ɩ.» Ʋʋ tɩ ɩ n a bɛ Faarɛ.

Ɩzayi 35:8

Sɔ́r na be n a be bɛ bʋɔlɛ sɔr-sõw. Dɛwr sob kãw za bɛ tuur ʋ ɛ, bʋ̃ʋ n'ʋ vɛ̃, a Sore mɩŋa n'ʋ na puo ʋ, ɛ́ a dãbole bɛ waar wa bɔrɛ gʋɔr a ʋ zu ɛ.

Ɩzayi 6:13

Ɛ́ a nɩbɛ ziir pie sob wa cãà cɛ be a tẽw pʋɔ a, vũu na dɩ bɛ na mɛ̃ a lɛ bɛ na mɩ́ nyɩw sɛn tɩɛ nɩ terebɛ̃tɩ tɩɛ bɛ na cɛ lɔb a. A tɩ-pɛ-kpur'ʋ na cɛ́. Ɛcɛ a tɩ-pɛ-kpur ŋa ɩ n bʋ̃-bʋʋr-sõw.

Sɛb-sõw yielu 119:3

Bɛ bɛ maalɛ yel-faa kãw za ɩ, bɛ mɩ́ tuur'ɩ a ʋ sɛ́ɛ.

Sɛb-sõw yielu 23:2

Mɔ̃-ɓaar pʋɔ n'a ʋ mɩ́ ƴãw ɩ̃ pɩ̃ɛnɛ. A pɩ̃ɛnʋ zie kʋ̃ɔ pɛr'a ʋ mɩ́ tɛr mɛ̃ cen nɩ.

Levitɩ mɩnɛ 26:6

Ɩ̃ na ƴãw nɩ ƴã-ɓaarʋ a tẽw pʋɔ: nyɩmɛ wa gã a, bom bɛ waar wa damnɛ nyɩ ɛ. Ɩ̃ na ɩ na a dʋ̃-faar bɔr a tẽw pʋɔ. Nɩr bɛ waar wa ŋmaarɛ nɩ nyɩ zɛbr ɛ.

A Zɔb sɛbɛ 11:19

Nɩr kʋ̃ dam fʋ a fʋ pɩ̃ɛnʋ daar ɛ, nɩ-yaga na nɩ̃ɛ na mʋʋrɛ fʋ.

Sɛb-sõw yielu 120:2

«Sore e, faa mɛ̃ a zir-ŋmarɛ nɩ a bɛlɩ dem na mɩ́ bɛ̀lɛ a bɛ taabɛ a nuru pʋɔ.»

Sɛb-sõw yielu 120:3

Bʋ̃ʋ n'ʋ a Naaŋmɩn na ɩ nyɩ, ɛ́ cãà lɛb ɩ dɔwlɩ, nyɩɩm na bɛ̀lɛ a nɩbɛ a?

Sofoni 3:5

Ɛcɛ a Sore be n a tẽw pʋɔ, k'ʋʋ ɩ a mɩnʋ be be, ɛ́ a faa ta ka be ɩ. Biɓaarɛ za, ʋ mɩ́ yel'ɩ a lɛ-na-tu-sɔr-a, ʋ bɛ vɛnɛ ɩ. Ɛcɛ a nɩ-faar mɩ́ cãà na ɩrɛ a bɛ nɩ-fa-ɩb bɛ zɔrɛ nɩ vĩ ɛ!

Zakari 8:3

Alɛ n'a so, mãa n'ʋ yere: ɩ̃ lɛbr'a waar a Zerizalɛm, ɩ̃ lɛb'a kpɩɛr a Sɩyɔ̃ tẽw. Bɛ na bʋɔlɛ nɩ a Zerizalɛm kɛ́ “Tẽ-kpɛ̃ɛ na bɛ lɛb pùor a”, ɛ́ a Sɩyɔ̃ tãw ɩ̃ na so a, yúor na dɩ na kɛ́ “Tãw-sõw”.

Zakari 8:16

Nyɩ nyɛ̃ a lɛ a na fɛr kɛ́ nyɩ ɩrɛ a: Nyɩ yere a yel-mɩŋa kʋ̀rɛ taa. A nyɩ ƴɛ̀rʋ-dɩb ziir a, nyɩ mɩ́ dɩ a ƴɛ̀rʋ a tu yel-mɩŋa, ɛ́ wa n ƴã-ɓaarʋ!

2 Bibie za yel-manɩ 20:30

À ŋá n'a a Zozafatɩ naalʋ-dɩb bɛ tɩ bãw damnʋ ɛ, a Sore na tɩ kʋ̀rɛ ʋ a ƴã-ɓaarʋ a ziir za a ƴãw.

Zakari 8:12

Ɩ̃ na ƴãw nɩ ƴã-ɓaarʋ a tẽw zu: a divɛ̃ tɩɩr na mɩ́ wɔ̃ na, a tẽsɔw bʋ̃-kʋ́ɔrɩ na mɩ́ maal'a, sa-bɛrɛ na yi n a salom zu lo. Ɩ̃ na kʋ̀ n a maalʋ á ŋá za, a ɩ̃ nɩ-bʋʋrɛ nɩbɛ bɛl na cɛ a.