Sofoni 1:17 - A SƐB-SÕW

¹⁷ A Sore yere na: «Ɩ̃ na ƴãw nɩ a nɩsaalbɛ kpɩɛrʋ pʋɔ, bɛ na bɔblɛ na mɛ̃ zɔn a, bɛ na maalɩ yel-bier sãw mɛ̃ a zũú. A bɛ zɩ̃ɩ na cir'a pàw a ziir za, mɛ̃ uuru a, ɛ́ a bɛ kũuni pʋ̃ɔ́ mɛ̃ sagɛ a.»

Sofoni 1:17 Referans Kwoze

Mise 7:13

A tẽ-daa na cɛ a na lɩɛb'ɩ tẽw na bɛ tɛr kpɛb a, a nɩbɛ na kpɩɛr a ʋ pʋɔ a faalʋ zũú.

Yel-wula 3:17

Fʋ yere nɩ à ŋá: “Ɩ̃ tɛr a na, ɩ̃ kpɛ n naalʋ, bom za tuo bɛ kpɩɛr mɛ̃ ɩ.” Ɛ́ nɩ̃ɛ bɛ bãw kɛ́ fʋ bɛ tɛr ŋmɛ̃a ɩ, kɛ́ fʋ ɩrɛ nɩ nɩbaalʋ, kɛ́ fʋ ɩ n nã́w sob, zɔ̃w ɛ́ ɩ ƴã-gan zawla ɩ!

Sɛb-sõw yielu 83:10

Naaŋmɩn i, ɩ bɛ mɛ̃ a Yavin nɩ a ʋ zɛbr nɩ-kpɛ̃ɛ Sɩsera fʋ na tɩ ɩ a Kison bà-fʋɔla pʋɔ a. Ɩ bɛ mɛ̃ a Madian tẽw dem a.

1 Zã 2:11

Ɛcɛ sob nɛ na hɩ̃ɛn a ʋ yɛb a, ʋ be n lige pʋɔ, ʋ cere nɩ lige pʋɔ ɛ́ bɛ bãw be ʋ na cere a ɩ, a lige na ɩ ʋ zɔ̃w a ƴãw.

2 Pɩɛr 1:9

Sob nɛ za na bɛ tɛr a a, ʋ ɩ n zɔ̃w na bɔblɛ a: ʋ yiir'a kɛ́ bɛ pɛ́w nɩ a ʋ dãwdãw yel-bebe dɛwr bɛr.

Ʋrɔm 11:25

Yɛbr i, ɩ̃ bɔbr'a k'ɩ̃ɩ ɩ nyɩ bãw a Naaŋmɩn yel-sɔwla ŋa, kɛ̀ nyɩ taa wa de nyɩ tʋɔra bʋɔlɛ yã-bãwnbɛ ɩ: a Ɩsɩrayɛl nɩbɛ ŋmãa na kpawl'a, ɛ́ gù a nɩ-bʋʋr-yoru za tɩ nyɛ̃ a faafʋ.

Ʋrɔm 11:7

Ŋmɩŋmɩn za n'a? A Ɩsɩrayɛl nɩbɛ bɛ páw a ʋlɩ bom nɛ bɛ na tɩ bɔbr a ɩ. Ɛcɛ a bɛlɩ dem a Naaŋmɩn na kaa ír a, bɛl páw ʋ na. A ŋmaarɛ bɛl a, bɛ kpawl'ɩ bɛ za,

Matie 15:14

Nyɩ bɛr bɛ: zɔn nɛbɛ tawr zɔn. Ɛcɛ zɔ̃w wa tawr zɔ̃w a, bɛ za ayi na lo n bɔw pʋɔ.»

Amɔsɩ 4:10

«Ɩ̃ ƴãw nɩ bàal-faa nyɔw nyɩ mɛ̃ a ʋl na tɩ kʋ a dʋn a koro za a Eziptɩ tẽw a. Ɩ̃ kʋ n a nyɩ pɔ́lɛ́ nɩ zɛbr-sɔ-kpɛ̃ɛ ɛ́ fa a nyɩ wie, ɩ̃ ɩ n a nyɩ laɩ pʋɔ kũuni nyũu paalɩ a nyɩ nyɔbɔgɛ, ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

A Lãw-mʋɔlɛ 2:21

A pɔlbili nɩ a dɛb-nyamɛ lo na gã gã a sɛ́ɛ zu. A zɛbr-sɔ-kpɛ̃ɛ kʋ n a ɩ̃ pɔwsɩrali nɩ a ɩ̃ pɔlbili. A fʋ suur bibir a, fʋ kʋ bɛ na, fʋ ŋmaarɩ bɛ nɩ a kɔkɛɛ bɛ zɔ n nɩbaalʋ ɛ.

A Lãw-mʋɔlɛ 1:18

A Sore dem de na, bʋ̃ʋ n'ʋ vɛ̃, ɩ̃ bɛ tɩ sàw tu a lɛ ʋ na yel a ɩ. Nyɩ bɛr wõ vla, nɩ-bʋʋrɛ za a, ɛ́ nyɛ̃ a ɩ̃ kpɩɛrʋ. Bɛ diw nɩ a ɩ̃ pɔwsɩrali nɩ a ɩ̃ pɔlbili cen nɩ.

A Lãw-mʋɔlɛ 1:14

Ʋ ír'ɩ mimir ƴãw a ɩ̃ sãwna ƴãw. Ʋ 'lẽ a na ɓã taa ɛ́ de a dɔwlɩ a ɩ̃ bawŋmamɛ zu. A Sore siwr'ɩ a ɩ̃ fãw, ʋ de mɛ̃ n'a ƴãw nɩbɛ ɩ̃ na kʋ̃ tʋ̃ɔ́ ɩ bom a nuru pʋɔ.

A Lãw-mʋɔlɛ 1:8

A Zerizalɛm sãw nɩ faa faa, alɛ n'a so ʋ lɩɛbɩ sagɛ. A bɛlɩ dem za na tɩ ƴãwnɛ ʋ a, yàalɛ ʋ na, bʋ̃ʋ n'ʋ vɛ̃, bɛ nyɛ̃ nɩ a ʋ ƴã-gã-kpãkpol. Ʋl ƴãw a, ʋ lɩɛb'a kone cere nɩ.

Zeremi 18:21

A na ɩ lɛ a, ɩ kɛ̀ kɔ̃ lo a bɛ bibiir zu, a zɛbr-sɔ-kpɛ̃ɛ, ʋ kʋ bɛ fɔ̃w fɔ̃w. A bɛ pɔwbɛ, bɛ ta cãà tɛr a bɛ bibiir ɛ, bɛ lɩɛbɩ pɔw-kɔbɛ. Jɛ̀lmɛ̃ bàalʋ, ʋ kʋ a bɛ sɩrbɛ! A pɔlbili, bɛ kpi a zɛbr zie!

Zeremi 15:3

A Sore yere na: Ɩ̃ na ìr'ɩ a bɛ ƴãw nɩ tub anaar: a zɛbr-sɔ-kpɛ̃ɛ na kʋrɛ bɛ na, a baar tawr bɛ tɔlɛ nɩ nidaa, a sidume nɩ a gbõgbo-cili na gɔr gɔr bɛ na ɛ́ ɩ bɛ bɔr.

Zeremi 10:18

Bʋ̃ʋ n'ʋ vɛ̃, à ŋá n'a a Sore yere: «Ƴɛrɛŋa ʋl a, ɩ̃ na vãw nɩ a tẽw nɩbɛ bɛr mɛ̃ kpala kʋsɩɛr a. Ɩ̃ɩ na cɛlɛ nɩ be vla vla, ɩ bɛ ta a bɛ tab zie.»

Zeremi 4:18

Zerizalɛm i, a fʋ cenu, a fʋ ɩ-ɩrɩ n'a wa n à á ŋá za a fʋ zu. A fʋ faalʋ tɔnɛ n'a, sɩza n'a, a tuo tɔ! A kpɛ b'a tɩ tɔ!»

Zeremi 2:19

A fʋ ɩ-faa, ʋ dɔwrɩ fʋ! A fʋ pùor-lɛbrʋ ɩ-ɩrɩ, a kpãà fʋ! Lɛ n'a fʋ na nyɛ̃ ɛ́ bãw yel ŋa: a mãa, a Sore fʋ Naaŋmɩn zawr-bɛrʋ sɩrɩ na kpɛ faa ɛ́ buore! Sɩza n'a, fʋ bɛ cãà màwr a ɩ̃ niŋé ɩ. A Sore, a kpɛnʋ-za-sob'ʋ yel.»

Zeremi 2:17

Ɩsɩrayɛl i, à á ŋá za bɛ ta b fʋ na tɩ zawrɩ a Sore fʋ Naaŋmɩn bɛr, a lɛn daar ʋ na tɩ tɛr fʋ cere nɩ a sɔ́r zu a ɩ?

Ɩzayi 50:1

À ŋá n'a a Sore yere: «A zawr-bɛrʋ sɛbɛ wa ɩ̃ na maalɩ zawr'ɩ a nyɩ mã Zerizalɛm bɛr a? Bɩɩ, a bɛlɩ dem samɛ ɩ̃ na tɛr a, a bɛ buor sob zie n'a ɩ̃ nyɔw nyɩ kʋɔrɩ? Bɛlɛ wa kʋɔrɩ nyɩ a, a nyɩ sãwna ƴãw n'a. Bɛlɛ wa zawrɩ a nyɩ mã bɛr a, a nyɩ yel-bebe ƴãw n'a.

Ɩzayi 29:10

Bʋ̃ʋ n'ʋ vɛ̃, a Sore gbini nɩ a nyɩ yã, ʋ bɛ sàw a nyɩ naaŋmɩn-ƴɛ̀r-manbɛ nyɛrɛ ɩ, ʋ pàw nɩ a nyɩ yel-nyɛrbɛ niŋe nɩ pɛn.

2 Korɛ̃tɩ 4:4

a naaŋmɩn-bɛ-sàw-dierbɛ, bɛl a tẽ-daa ŋa naaŋmɩn na zɔ̃w a bɛ tɩɛrʋ, kɛ́ bɛ ta nyɛ̃ a Kɩrɩta Yel-nʋ̃ɔ̀ yúor-vɩɛlʋ-danʋ cãà a, a Kɩrɩta ŋa na ɩ a Naaŋmɩn ŋmɛ̃-ta-tɔ tɔr za a.

Zeremi 8:2

Bɛ na dɩ̀ɛl'a nɩ a mʋ̃tɔ̃w, a cuw nɩ a ŋmar-bie niŋé, al a nɩbɛ bɛ ŋa na tɩ nɔ̃w, na tɩ maalɩ, na tɩ tu, na tɩ sowri ɛ́ puori a. Nɩr za kʋ̃ wob a kɔbɛ á ŋá tɩ ũù ɛ, a na lɩɛb'ɩ pʋɔrʋ a tẽsɔw zu.

Ezekɩɛl 16:38

Zerizalɛm i, ɩ̃ na dɩ n fʋ nɩ ƴɛ̀rʋ ƴãw fʋ dɔwrʋ, mɛ̃ a lɛ bɛ na mɩ́ dɩ n ƴɛ̀rʋ ƴãw dɔwrʋ a pɔw-pɩ̃ɔ-yel-maalbɛ nɩ a bɛl na kʋrɛ a nɩbɛ a. A ɩ̃ suur nɩ a ɩ̃ nyuur zũú a, ɩ̃ na ɩ na fʋ ɩ zɩ̃ɩ tɛwr.

Ezekɩɛl 24:7

A zɩ̃ɩ a Zerizalɛm na ɩ a cir a cãà na be a tẽ-kpɛ̃ɛ pʋɔ. Kʋsɛ-kpálɛ zu n'a bɛ ɩ a cir, a tẽsɔw bɛ nyũ a ɩ, ɛ́ nɩr bɛ ga tanɛ pàw a ɩ.

Ezekɩɛl 24:8

Mãa a, ɩ̃ bɛr'ɩ a zɩ̃ɩ a kʋsɛ-kpálɛ zu, be a na kʋ̃ tʋ̃ɔ́ sɔwlɩ a, k'aa ɩ a ɩ̃ su-tʋlʋ kpãkpã ìr, ɛ́ ɩ ɩ̃ yaa a san.

Zeremi 3:25

Tɩ gã nɩ a tɩ vĩ, tɩ sàw a tɩ yúor na sãw a. Bʋ̃ʋ n'ʋ vɛ̃, tɩɩm nɩ a tɩ sãàkʋm-kore mɩnɛ maal'ɩ yel-bier sãw nɩ a Sore tɩ Naaŋmɩn, a tɩ pɔ̀lʋ daarɩ́ za wa tɔ a dɩ̃a. Tɩ bɛ bɛr wõ a lɛ a Sore tɩ Naaŋmɩn na tɩ yere kʋ̀rɛ tɩ a ɩ.»