A Yielu za pʋɔ yiel-vla vla 5:6 - A SƐB-SÕW

⁶ Ɩ̃ yuore nɩ a ɩ̃ nɩ-nɔna a pan, ɛcɛ ʋ lɛb'a tɔl cen. Ɩ̃ yire nɩ a ʋ diw-bɩɛrʋ, ɩ̃ bɔbr ʋ na ɛ́ bɛ nyɛrɛ ʋ ɛ, ɩ̃ bʋɔl'ʋ na, ʋ́ʋ̀ bɛ sàw ɛ.

A Yielu za pʋɔ yiel-vla vla 5:6 Referans Kwoze

A Yielu za pʋɔ yiel-vla vla 5:2

Ɩ̃ tɩ gúre na, ɛcɛ ɩ̃ zaw na: ɩ̃ wone nɩ a ɩ̃ nɩ-nɔna na kpáwrɛ a pan a! «Ɩ̃ yeepuule e, ɩ̃ sɛn ɩ, ɩ̃ naŋmam ɩ, ɩ̃ pɔl-bɛ-cɛ ɛ, yuo mɛ̃ a pan. A ɩ̃ zu za ɩ n ɓɩɛlʋ, ɛ́ a tɩ̃ɩsɔw ɓɩɛlʋ bùr mɛ̃ a zukɔbɛ.»

Yel-wula 3:19

Bɛlɩ dem za ɩ̃ na nɔnɛ a, ɩ̃ mɩ́ wule bɛ nɩ a bɛ sãwna ɛ́ kpãànɛ bɛ. A na ɩ lɛ a, tʋlɛ ɛ́ lɩɛbɩ a fʋ ɩb.

Markɩ 14:72

Ɛ́ daadaalɛ nʋra kõ a gb'a ayi sob. A lɛ n'a a Pɩɛr pãa lɛb bãwnɩ a ƴɛ̀r-bir ŋa a Yeezu na tɩ yel a: «Nʋra kʋ̃ kõ gb'a ayi sɛr ɛ, ɛ́ fʋ ciiri gb'a ata kɛ́ fʋ bɛ bãw mɛ̃ ɩ.» Ɛ́ tɩ paw tɔl yi tɩ nyɔw kon.

Matie 26:75

A Pɩɛr tɩ lɛb'a tɩɛrɩ bãwnɩ a ƴɛ̀rʋ ŋa a Yeezu na tɩ ƴɛ̀r kʋ̀ ʋ a: «Nʋra kʋ̃ kõ sɛr ɛ, ɛ́ fʋ ciiri gb'a ata kɛ́ fʋ bɛ bãw mɛ̃ ɩ.» Ʋ tɩ yi na tɩ kõ cir mʋta-zɩ̃ɩ.

Zakari 7:13

ɛ́ yel: «Bɛ na zawrɩ na bɛr wõ m a lɛn daar ɩ̃ na tɩ yel kɛ́ bɛ sàw a nʋɔr a, ɩ̃ mɩ̀ tɩ zawr'a na sɔw bɛ, a lɛn daar bɛ na tɩ yel k'ɩ̃ɩ faa bɛ a.

A naaŋmɩn-ƴèr-manɛ Oze sɛbɛ 5:15

«A Sore yere na: Ɩ̃ na tɔlɛ na cere, ɩ̃ na lɛb'a cen a ɩ̃ beba zie, ɛ́ gù bɛ wa tɩ sàw kɛ́ bɛ sãw na, ɛ́ bɔbr a ɩ̃ niwn. A bɛ kpɩɛrʋ pʋɔ a, bɛ na ìr'a bɔbr mɛ̃.»

A naaŋmɩn-ƴèr-manɛ Oze sɛbɛ 5:6

Bɛ waar'ɩ nɩ píir nɩ nĩi kɛ́ bɛ wa bɔ n a Sore, ɛ́ bɛ kʋ̃ nyɛ̃ ʋ ɛ, bʋ̃ʋ n'ʋ vɛ̃, ʋ taw na zãá nɩ bɛ.

A Lãw-mʋɔlɛ 3:8

Ɩ̃ na saa mɩ́ ŋmɩɛr a cɛlsɩ zɛlɛ nɩ sõwfʋ a, ʋ mɩ́ fur'ɩ a ʋ tobe a ɩ̃ puoru ƴãw.

Ɩzayi 58:2

Bibir za, bɛ mɩ́ bɔbr mɛ̃ na, bɛ mɩ́ bɔbr'a kɛ́ bɛ bãw a ʋlɩ bom nɛ ɩ̃ na gùre a bɛ zie a, mɛ̃ nɩ-bʋʋrɛ na tuur a mɩnʋ ɛ́ bɛ zawrɩ a lɛ a bɛ Naaŋmɩn na dɩ a ƴɛ̀rʋ bin a bɛr a. Bɛ bɔbr'ɩ ƴɛ̀rʋ na dɩ tu n mɩnʋ a, a ɩ̃ zie, bɛ bɔbr'a k'ɩ̃ɩ pɩɛlɩ bɛ.

Ɩzayi 57:16

Bʋ̃ʋ n'ʋ vɛ̃, ɩ̃ kʋ̃ zɛbr a bɛ tɛr baarʋ ɛ, bɩɩ nyɛ̃ a suur kʋralɛ ɩ. Alɛ bɛ ɩ lɛ, a nyɔ-vʋʋrʋ pɩɛlʋ kʋ̃ cãà be a bɛlɩ dem ɩ̃ na ír a zie ɩ.

Ɩzayi 50:2

Bʋ̃ʋ n'ʋ so ɩ̃ wa bɛ nyɛ̃ nɩr za? Bʋ̃ʋ n'ʋ so ɩ̃ bʋɔlɩ nɩr bɛ sɔw? A ɩ̃ kpãkpãw nɔ̃w ɩ n ŋmãa zuo a nyɩ faafʋ ƴãw bɩɩ? Ɩ̃ nɔ̃w bɛ tɛr fãw na ɩ nyɩ so nyɩ tʋɔra bɩɩ? Ɩ̃ mɩ́ tanɩ nɩ tanʋ tɛwr ɩ a kʋ̃ɔ-kpɛ̃ɛ ʋ ko, ɛ́ ɩ a mamɛ a lɩɛbɩ wɛja-kpalɩ. Lɛ n'a a kʋ̃ɔ na bɛ mɩ́ ka be a, a zʋ́mɛ́ mɩ́ kpi kʋ̃ɔ-nyúur pʋ̃ɔ́.

Ɩzayi 12:1

Nɩ-bʋʋrɛ bɛ na faa a, nyɩ na yel'ɩ a ʋlɩ bibir nɛ: «Sore e, tɩ puore fʋ nɩ barka. Bʋ̃ʋ n'ʋ vɛ̃, fʋ tɩ nyɛ̃ nɩ tɩ nɩ suur, ɛcɛ a fʋ suur ɓãa na, ɛ́ fʋ mɔwlɛ tɩ.

Ɩzayi 8:17

Ɩ̃ gùre nɩ a Sore. Ʋ bɛ ŋmɛlɛ kaar a Zakɔb yir dem a ƴɛrɛŋa ɩ, ɛcɛ ʋl ƴãw n'a ɩ̃ ƴãw a ɩ̃ tɩɛrʋ.

A Yielu za pʋɔ yiel-vla vla 6:1

Fʋ̃ʋ na pɔl gãw a pɔwbɛ za a, yel kʋ̀ tɩ, nyɩnɛ n'a a fʋ nɩ-nɔna cen? Nyɩnɛ lowr'a ʋ tu? Tɩ bɔbr'a kɛ́ tɩ lãwnɩ fʋ bɔ ʋ.

A Yielu za pʋɔ yiel-vla vla 5:4

A ɩ̃ nɩ-nɔna ture nɩ a nũu a pan vʋɔrɩ́, ɛ́ a ɩ̃ socir tʋɔr mɛ̃ ger ger!

Zʋkpaɩ 1:28

Lɛ n'a nyɩ na bʋɔlɛ mɛ̃ ɩ̃ɩ kʋ̃ sɔw nyɩ ɛ, nyɩ na bɔbr mɛ̃ ɛ́ kʋ̃ nyɛ̃ m ɛ.

Sɛb-sõw yielu 80:4

Naaŋmɩn i, ɩ tɩ lɛb wa, tɛr nĩw-vla a tɩ ƴãw, ɛ́ tɩ na nyɛ̃ nɩ a faafʋ.

Sɛb-sõw yielu 77:3

A ɩ̃ kpɩɛrʋ daar a, ɩ̃ mɩ́ bɔbr'ɩ a Sore, ɩ̃ mɩ́ ture nɩ a nuru cɔwr ʋ a tɩ̃ɩsɔw, ɛ́ kʋ̃ʋ bàl ɛ, ɛ́ bɛ sàwr bɛ na mɔwlɩ mɛ̃ ɩ.

Sɛb-sõw yielu 69:3

Mɛ̃mɛrɛ bɔw-zulu pʋɔ n'a ɩ̃ siwr, ɛ́ a gbɛ́ɛ bɛ be na tɔ zi-kpɛ̃w ɛ. Ɩ̃ tɔlɛ na siwr a kʋ̃ɔ-zulu pʋɔ, ɛ́ a kʋ̃ɔ-miwr ɓáw mɛ̃ cere nɩ.

Sɛb-sõw yielu 30:7

A na tɩ ɩ m ƴã-ɓaarʋ a, ɩ̃ tɩ yere na: «Bom za bɛ be na dam mɛ̃ ɩ.»

Sɛb-sõw yielu 28:1

Daviir so ʋ. Sore e, fʋ̃ʋ n'ʋ ɩ̃ kone bʋɔlɛ. Fʋ̃ʋ, ɩ̃ pìir i, ta ɩ gbili ɛ! Fʋ̃ʋ wa ɩ gbili a ɩ̃ kon ƴãw a, ɩ̃ na ŋmɛ̃ na mɛ̃ a bɛlɩ dem na lɛb lɩɛbɛ uuru a.

2 Samɩɛl 16:10

A nãà tɩ yel'ɩ a Avɩsaɩ: «Avɩsaɩ i, bʋ̃ʋ n'ʋ jɩ́rɛ nyɩ, fʋ̃ʋ nɩ a fʋ yɛb Zowab? Alɛ wa ɩ a Sore n'ʋ yel k'ʋʋ ŋmɛ ƴãw mɛ̃, ʋ ŋmɩɛr ƴãwn mɛ̃ a, ãa n'ʋ na tʋ̃ɔ́ yere ʋ?»

1 Samɩɛl 28:6

Lɛ n'a ʋ tɩ sowri a Sore, ɛcɛ a Sore bɛ tɩ sɔw ʋ ɛ: a ɩ n a zánʋ pʋɔ bɩɩ, ʋ bɛ tɩ sɔw ʋ ɛ, a bàwr-maalbɛ kpan-bie n'a ʋ tɩ gba bɩɩ, a Sore cãà bɛ tɩ sɔw ʋ ɛ, a naaŋmɩn-ƴɛ̀r-manbɛ zie n'a bɩɩ, a Sore bɛ tɩ sɔw ʋ bom za ɩ.

Yele-za-pɛr-tib 42:28

Ʋ tɩ cɩɩr'ɩ a ʋ yɛbr zie yel: «Bɛ lɛb'a kʋ̀ m a ɩ̃ libie, alɛ n'ɩ a ŋan a ɩ̃ vʋɔra pʋɔ!» Bɛ bɛ tɩ bãw ŋmɩŋmɩn za n'a ɩ, ɛ́ dɛ̃bɩ̃ɛ tɩ nyɔw bɛ, bɛ sowre taa: «Bʋ̃ʋ n'ɩ à à ŋá a Naaŋmɩn na ɩ tɩ a?»