A Yielu za pʋɔ yiel-vla vla 3:11 - A SƐB-SÕW

¹¹ «Zerizalɛm pɔwsɩrali i, nyɩ wa nyɛ̃ a nãà Salomɔ̃ a! Ʋ vɔbl'ɩ a kul-taa dɛpaal-kpawʋɔ a ʋ mã na tɩ kʋ̀ ʋ a ʋlɩ bibir a ʋ socir za na tɩ paalɩ a nʋ̃ɔ̀ a.»

A Yielu za pʋɔ yiel-vla vla 3:11 Referans Kwoze

Ɩzayi 62:5

Mɛ̃ a lɛ pɔlbile na mɩ́ kul pɔwsɩrale a, lɛ n'a a sob nɛ na lɛb mɩɛr fʋ a na ɩ a fʋ sɩr. Mɛ̃ a lɛ pɔw-sãan na mɩ́ ƴãw a ʋ sɩr nʋ̃ɔ̀ a, lɛ n'a fʋ na ƴãw a fʋ Naaŋmɩn nʋ̃ɔ̀.

Zeremi 2:2

«Cen tɩ ƴɛ̀r à ŋá a Zerizalɛm tẽw nɩbɛ zie: À ŋá n'a a Sore yere: Ɩ̃ cãà na bãwnɩ a lɛ fʋ na tɩ ŋmɛ̃ a koro za a. Fʋ na tɩ ɩ a pɔwsɩrale a, fʋ tɩ tu m'a. Fʋ na tɩ ɩ a ɩ̃ ƴãw-nɩ-yúor a, fʋ tɩ nɔnɛ mɛ̃ na! Fʋ tɩ tuur mɛ̃ nɩ a wɛja-kpalɛ pʋɔ, tẽsɔw zu bom za na bɛ bule a.

Yel-wula 1:7

Nyɛ̃, ʋ be n a zũzuge pʋɔ waar, nɩsaal za na nyɛ̃ ʋ na, lãwnɩ a bɛlɩ dem na cɔ̀r ʋ col a. A tẽw zu yie dɔwlʋ za na kone nɩ a ʋ kuor. Sɩza n'a. Amɛn.

Ebre 13:13

A na ɩ à ŋá a, nyɩ ɩ tɩ yi a laɩ pʋɔ tuor ʋ, ɛ́ sàw de a ʋlɩ vĩ-been nɛ.

Matie 12:42

A ƴɛ̀rʋ-dɩb daar a, a saa-pɛrɩ́-dʋrʋ-lowr pɔw-nãà na lãw na ìr'ɩ a dɩ̃a nɩbɛ bɛ ŋa, ɛ́ yel a bɛ sãwna. Bʋ̃ʋ n'ʋ vɛ̃, ʋ yi n zi-zãána za wa bɛr wõ a Salomɔ̃ yã-bãwfʋ ƴɛ̀r-bie. Ɛcɛ nɩr be n a ka zuo a Salomɔ̃.»

Sofoni 3:17

A Sore fʋ Naaŋmɩn be n a fʋ zie: ʋlɛ n'ɩ a gãdaa na zɛb tʋ̃ɔ́ a, nʋ̃ɔ̀ ɩrɛ ʋ nɩ yaga a fʋ ƴãw, a ʋ nɔ̃wfʋ kʋ̀rɛ fʋ nɩ nyɔ-vʋʋr-paala, ʋ ŋmɩɛr'ɩ nʋ̃ɔ̀ cɛlsɩ a fʋ ƴãw,

Sɛb-sõw yielu 9:14

Sore e, zɔ ɩ̃ nɩbaalʋ! Nyɛ̃ a kpɩɛrʋ a ɩ̃ dɔ̃ dem na ɩ k'ɩ̃ nyɛrɛ a, fʋ̃ʋ na na tʋ̃ɔ́ faa mɛ̃ a kũu nuru pʋɔ a.

Yel-wula 19:12

A ʋ mimie tɩ ɩ na mɛ̃ vũu-'lera a, ʋʋ tɩ vɔblɩ nãà-kpawɔ-yaga a ʋ zũú. Yúor tɩ sɛb'ɩ a ʋ zu nɩr za na bɛ bãw a bɛ ɩ a ʋl yõ a ɩ.

Yel-wula 19:7

Nyɩ ɩ tɩ cɩlɛ, ɛ́ nʋ̃ɔ̀ ɩrɛ tɩ, nyɩ ɩ tɩ zɛwr a ʋ yúor! Bʋ̃ʋ n'ʋ vɛ̃, a Pele kul-taa maalʋ ta na, a ʋ pɔw cɔbr'ɩ ʋ tʋɔra.

Ebre 2:9

Yel ŋa n'ʋ tɩ nyɛ̃: bɛ siwr'ɩ a Yeezu blãlɛ ƴãw, ʋ bɛ ta a malkɩ mɩnɛ ɩ, k'aa Naaŋmɩn maalʋ zũú, ʋ́ kpi nɩsaal za ƴãw, ɛ́ tɩ nyɛ̃ ʋ nɩ ƴɛrɛŋa ʋ tɛr yúor ɛ́ nyɛrɛ ƴãwfʋ, a kũu kpɩɛrʋ ʋ na nyɛ̃ a ƴãw.

Kɔlɔsɩ 1:18

Ʋlɛ n'ʋ ɩ a ʋ Lãw-yir ƴã-gan zu, ʋlɛ n'ɩ a bome za pɛr-tib zie, a bi-dãw-dɔwra na de niwn lɛb yi a kũuni pʋɔ, k'ʋʋ tʋ̃ɔ́ ɩ a niw-diere a yele za pʋɔ a.

Zã 15:11

«Ɩ̃ yel'ɩ à à ŋá kʋ̀ nyɩ kɛ́ a nʋ̃ɔ̀ na kpɩɛr mɛ̃ a, ʋ mɩ́ kpɩɛr nyɩ, ɛ́ a nyɩ nʋ̃ɔ̀ tʋ̃ɔ́ vɩɛl ʋ za.

Zã 3:29

Ʋlɩ sob na so a pɔw-sãan a, ʋlɛ n'ɩ a dɛb-sãan. Ɛ́ a dɛb-sãan bá a, ʋ mɩ́ àr'a kɔw ʋ, bɛrɛ wone a ʋ ƴɛ̀rʋ, ɛ́ a dɛb-sãan kɔkɔr ɩrɛ ʋ nʋ̃ɔ̀ yaga. A ɩ̃ nʋ̃ɔ̀ n'ɩ à ŋà, ʋ vɩɛl'a bɛ cɛ ɩ.

Luka 15:32

Ɛcɛ a tɩ fɛr'a kɛ́ tɩ maalɩ cuw wõ n nʋ̃ɔ̀, a fʋ yɛb ŋa na tɩ kpi ɛ́ lɛb wa vʋʋrɛ a ƴãw, ʋ na tɩ bɔr ɩ̃ɩ lɛb wa nyɛ̃ ʋ a ƴãw.”»

Zeremi 32:41

A ɩ̃ nʋ̃ɔ̀ n'ɩ ɩ̃ na na paalɩ bɛ nɩ yel-vɩɛlɩ a. Nɩ yel-mɩŋa, ɩ̃ na ɩ na bɛ tɛ nyɩgɛ a tẽw ŋa pʋɔ. Ɩ̃ na ɩ n a lɛ nɩ a ɩ̃ socir za, nɩ a ɩ̃ sɩ́ɛ za.»

Ɩzayi 53:11

A Sore yere na: «A tuo a ɩ̃ tõ-tõ-bie na wõ a zũú, ʋ na nyɛ̃ nɩ a cãà, nʋ̃ɔ̀ na paalɩ ʋ na. A ɩ̃ tõ-tõ-bie na ɩ a nɩ-mɩŋa tɔr za a na ɩ na nɩ-yaga yaga lɩɛbɩ nɩ-mɩn, ʋ na de a bɛ yel-bebe tuo a ƴãw.

Ɩzayi 9:6

Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.

Ɩzayi 4:4

A Sore na ɩ na mɩnʋ nɩ vɩɛlʋ sɛsɛb fu. Ʋlɛ wa ír a Zerizalɛm pɔwbɛ dɛwr bɛr à à ŋá a, ʋlɛ wa pɛ́w a zɩ̃ɩ a Sɩyɔ̃ tẽw na ɩ a cir a ʋ pʋɔ a bɛr a,

A Yielu za pʋɔ yiel-vla vla 8:5

Ãa n'ɩ a pɔw ŋa na yi a wɛja-kpalɛ pʋɔ waar, ʋlɛ nɩ a ʋ nɩ-nɔna weri taa a? Ɩ̃ sɩ̃wnɛ fʋ nɩ a mãdɩragɔɔr tɩɛ pile, a be a fʋ mã na ŋmãa a fʋ sɩɛ a, a be ʋ na dɔw fʋ a.

A Yielu za pʋɔ yiel-vla vla 7:11

A ɩ̃ nɩ-nɔna so m, ɛ́ mãa n'ʋ ʋ bɔbr.

A Yielu za pʋɔ yiel-vla vla 2:7

Zerizalɛm pɔwsɩrali i, ɩ̃ zɛlɛ nyɩ nɩ yãayãa, a muli nɩ a póru pʋɔ walɩ yúor ƴãw: nyɩ ta sɩ̃w a ɩ̃ nɔ̃wfʋ ɛ, nyɩ ta dam ʋ, ʋʋ bɛ sàw sɛr ɛ.

A Yielu za pʋɔ yiel-vla vla 1:5

Zerizalɛm pɔwsɩrali i, sɔbʋ n'a ɩ̃ sɔb, ɛcɛ ɩ̃ pɔ̀l'a mɛ̃ a wɛja-kpalɛ pʋɔ nɩ-yʋɔrɩ pɛnɛ-sɛwr a, mɛ̃ a pɛn-yawlɩ vɩɛlɩ vɩɛlɩ a. Zerizalɛm pɔwsɩrali i,

Sɛb-sõw yielu 48:11

Naaŋmɩn i, mɛ̃ a lɛ a fʋ yúor na yi tɩ tɔ a tẽw baarʋ zie a, lɛ n'a bɛ mɩ̀ na danɩ fʋ tɩ tɔ a tẽw baarʋ zie. A fʋ dʋrʋ nũu paal'ɩ yel-vɩɛlɩ.

Zakari 6:11

Fʋ na tɩ de nɩ salm-pla nɩ salm-zɩɛ, maal'ɩ nãà-kpawʋɔ vɔblɩ a bàwr-maal-kara Zozue na ɩ Yosadakɩ bidɛb a, zũú,