A Yielu za pʋɔ yiel-vla vla 2:14 - A SƐB-SÕW

¹⁴ Ɩ̃ naŋmam ɩ, fʋ̃ʋ na be a pie bɔwrɩ pʋɔ a, fʋ̃ʋ na sɔwlɩ a fʋɔl-cũgbuli bɔwrɩ pʋɔ a, wul mɛ̃ a fʋ niwn. Ɩ ɩ̃ wõ a fʋ kɔkɔr, bʋ̃ʋ n'ʋ vɛ̃, a fʋ kɔkɔr vla tɔ! Ɛ́ a fʋ niwn mɩ̀ vla tɔ!»

A Yielu za pʋɔ yiel-vla vla 2:14 Referans Kwoze

A Yielu za pʋɔ yiel-vla vla 1:5

Zerizalɛm pɔwsɩrali i, sɔbʋ n'a ɩ̃ sɔb, ɛcɛ ɩ̃ pɔ̀l'a mɛ̃ a wɛja-kpalɛ pʋɔ nɩ-yʋɔrɩ pɛnɛ-sɛwr a, mɛ̃ a pɛn-yawlɩ vɩɛlɩ vɩɛlɩ a. Zerizalɛm pɔwsɩrali i,

A Yielu za pʋɔ yiel-vla vla 8:13

Fʋ̃ʋ na be a zaadɛ̃ pʋɔ a, a fʋ taabɛ ƴãw nɩ tobr kɛ́ bɛ bɛr wo b. Ɛcɛ mãa zie n'a a fɛr kɛ́ fʋ yel à ŋá:

A Yielu za pʋɔ yiel-vla vla 5:2

Ɩ̃ tɩ gúre na, ɛcɛ ɩ̃ zaw na: ɩ̃ wone nɩ a ɩ̃ nɩ-nɔna na kpáwrɛ a pan a! «Ɩ̃ yeepuule e, ɩ̃ sɛn ɩ, ɩ̃ naŋmam ɩ, ɩ̃ pɔl-bɛ-cɛ ɛ, yuo mɛ̃ a pan. A ɩ̃ zu za ɩ n ɓɩɛlʋ, ɛ́ a tɩ̃ɩsɔw ɓɩɛlʋ bùr mɛ̃ a zukɔbɛ.»

Eziptɩ tẽw yib 3:6

Mãa n'ɩ a fʋ sãàkʋm-kore Naaŋmɩn, a Abraham Naaŋmɩn, a Ɩzaakɩ Naaŋmɩn, a Zakɔb Naaŋmɩn.» A Moyiir tɩ pàw nɩ a ʋ niwn, dɛ̃bɩ̃ɛ na tɩ ɩrɛ ʋ a Naaŋmɩn jɩ́rʋ ƴãw a zũú.

Yel-wula 5:8

A Pele na tɩ dier a sɛbɛ wa báarɛ a, a bʋ̃-vʋʋrɩ anaar nɩ a nɩ-kore lɩzɛr'ɩ anaar tɩ lo na gbĩ dume a ʋ niŋé. Ŋa za mɩ́ tɩ tɛr'ɩ korijom nɩ salm-zɩɛ koli-nyúuri, a paalɩ tɩ-suur-zɔ̃-na-nyùur-vla-vla-a ɛ́ ɩ a Naaŋmɩn nɩ-bʋʋrɛ puoru a.

Ebre 4:16

A na ɩ lɛ a, nyɩ ɩ tɩ bɛr tɩɛrʋ ɛ́ taw ta a Naaŋmɩn naalʋ-dà-kɔw pɛr maalʋ na ʋr a. Tɩ na páw nɩ su-ɓaarʋ ɛ́ nyɛ̃ maalʋ a be, k'aa daar wa ta a, tɩɩm nyɛ̃ sõwfʋ.

Abɩdɩasɩ 1:3

A fʋ pɔ̀l-ɩb na bɛ dɩ vuo a, bɔrɛ nɩ fʋ na. Fʋ kpɩɛr'ɩ pìe pʋɔ nɩ ziir bɛ na kʋ̃ tʋ̃ɔ́ páw fʋ nyɔw a, ɛ́ tɩɛrɛ nɩ fʋ pʋɔ: “Ãa n'ʋ na tʋ̃ɔ́ ír mɛ̃ a ka?”

Ezekɩɛl 7:16

A bɛl na na cãà vʋʋrɛ a na zɔ na kpɛ a tan pʋɔ. Bɛ na kone nɩ a bɛ yel-bebe ƴãw mɛ̃ naŋmamɛ na kone nɩbaal-kon a.

Zeremi 49:16

Fʋ tɩ ƴãwnɛ nɩ a nɩbɛ za dɛ̃bɩ̃ɛ, fʋ tɩ tɩɛr'a kɛ́ fʋ zuo nɩ a fʋ taabɛ za, ɛcɛ fʋ tɩ bɛlɛ nɩ fʋ tʋɔra. Fʋ̃ʋ na kpɩɛr a pìe bɔwrɩ pʋɔ a, fʋ̃ʋ na mɩ́ go mɛr a zi-kɛrɩ a, fʋ̃ʋ saa ƴãw a fʋ cow ʋ do man a sidum dem a, ɩ̃ na caabɩ fʋ na bɛr fʋ siw tɩ lo.» À à ŋá n'a a Sore yel.

Zeremi 48:28

Mowab tẽw dem i, nyɩ yi a tẽ-bɛrɛ pʋɔ, nyɩ cen tɩ kpɩɛr pìe pʋɔ. Nyɩ cɔwrɩ a naŋmamɛ na wob a cowr ziir na bɛ tɛr tab, fʋɔl-zulu nʋɔr a.

Ɩzayi 60:8

Tẽbowle n'ɩ a nɩbɛ bɛ ŋa na mɩ́ ƴáw mɛ̃ zũzuwr a, mɛ̃ naŋmamɛ na ƴáwr cere a kpɛb zie a?

Ɩzayi 51:3

A Sore zɔrɛ nɩ a Sɩyɔ̃ nɩbaalʋ, ʋ zɔrɛ nɩ a ʋ deboru nɩbaalʋ. Ʋ na ɩ n a zie ŋa bɛ na bɛ cãà kpɩɛr a, ʋ lɩɛbɩ zi-vla vla. Ʋ na ɩ n a zi-kõw ŋa ʋ lɩɛbɩ Edɛn zaadɛ̃. Cɩlʋ nɩ nʋ̃ɔ̀ cɛlsɩ n'a na be a be, lãwnɩ danʋ yielu nɩ bʋ̃-ŋmɩɛrɩ ŋmɛb.

A Yielu za pʋɔ yiel-vla vla 1:15

Nyɛ̃ fʋ na pɔl a, ɩ̃ sɛn ɩ, nyɛ̃ fʋ na pɔl a! A fʋ mimie vɩɛl'a mɛ̃ naŋmamɛ a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:24

A Sob nɛ na na tʋ̃ɔ́ gù nyɩ nyɩ ta lo towtow a, ɛ́ ɩ kɛ̀ nyɩ vɩɛl ɛ́ be nʋ̃ɔ̀ pʋɔ àr'ɩ a yúor-vɩɛlʋ-danʋ niŋé a,

1 Pɩɛr 3:4

A nyɩ vɩɛlʋ, a ɩ a nyɩ nɩsaal ʋl na sɔwlɩ a vɩɛlʋ, su-nʋ̃ɔ̀ tɩɛrʋ nɩ ƴã-ɓaarʋ tɩɛrʋ vɩɛlʋ na bɛ tɛr sãwfʋ a. A vɩɛlʋ ŋa ɩ n bʋ̃-sɩza a Naaŋmɩn zie.

Ebre 10:22

A na ɩ lɛ a, nyɩ ɩ tɩ taw pɩɛlɩ a Naaŋmɩn nɩ soci-dẽdẽ nɩ a tɩ sàw-deb za, ɛ́ tɛr socie na vɩɛl bɛ cãà tɛr sãwna za tɩɛrʋ a, nɩ ƴã-gamɛ bɛ na pɛ́w nɩ kʋ̃ɔ vla walwal a.

Kɔlɔsɩ 1:22

ƴɛrɛŋa a, a kũu a ʋ Bie nɩsaal ƴã-gan na kpi a zũú n'a a Naaŋmɩn ɩ nyɩɩm nɩ ʋl lɛb kpɛ taa, k'ʋʋ tʋ̃ɔ́ ɩ nyɩ àr a ʋ niŋé ɩ nɩ-son na bɛ tɛr dɛwr kãw za, ɛ́ bɛ tɛr sãwna nɩr yere a.

Efɛɛzɩ 5:27

Ʋ tɩ bɔbr'a kɛ́ a Lãw-yir àr a ʋ niŋé vɩɛl nyɩwrɛ, ɛ́ ta tɛr dɛwr ɛ, ta vár ƴã-gan ɛ, ta tɛr faalʋ za ɩ. Ʋ tɩ bɔbr'a k'aa Lãw-yir ɩ sõw ɛ́ ta tɛr sãwna nɩr yere ɩ.

Matie 10:16

«A mãa a, ɩ̃ tone nyɩ na mɛ̃ píir wɛ-baar sɔgɔ a. A na ɩ lɛ a, nyɩ cɩ mɛ̃ wɩɩr a, ɛ́ ɩ pɔwlbɛ mɛ̃ naŋmamɛ a.

Matie 3:16

A Yeezu na tɩ de a suob wa baarɩ a, ʋ yi n a kʋ̃ɔmɩ́. A ʋlɩ pɛr nɛ pʋɔ, a salom tɩ yuo na, ʋʋ nyɛ̃ a Naaŋmɩn Vʋʋrʋ ʋ siwr waar a ʋ zu mɛ̃ naŋmam a,

Ɩzayi 6:5

Lɛ n'a ɩ̃ tɩ yel: «Baw-bio páw mɛ̃ na! Ɩ̃ kpi na! Bʋ̃ʋ n'ʋ vɛ̃, nɩr a nʋɔr na tɛr dɛwr a nɛ m, ɩ̃ɩ kpɩɛr nɩ-bʋʋrɛ a nɛ́ɛ na tɛr dɛwr a sɔgɔ, ɛ́ a ɩ̃ mimie nyɛ̃ a Nãà, a Sore, a kpɛnʋ-za-sob!»

Ɩzayi 2:21

Bɛ na cen nɩ a pìe bɔwrɩ pʋɔ nɩ a pìe haba, a Sore na ɩrɛ dɛ̃bɩ̃ɛ a niŋé, nɩ a ʋ dɛpaalʋ vɩɛlʋ niŋé, ʋ nãà wa ìr k'ʋʋ ƴãw a tẽw pʋl-vʋ̃ɔ a.

A Yielu za pʋɔ yiel-vla vla 1:8

Fʋ̃ʋ na pɔl zuo a pɔwbɛ za a, fʋ̃ʋ bɛ wa bãw a, fʋ̃ʋ yi tuur a píir gbɛ́ɛ, ɛ́ kpa a fʋ bʋli pɩɛl'ɩ a dʋ̃-cɩ̃ɩnbɛ kpɛb ziir.

Zʋkpaɩ 15:8

A Sore bɛ nɔnɛ a nɩ-faar bagɛ towtow ɛ, ɛcɛ ʋ mɩ́ pɛlɩ nɩ pʋɔ de a nɩ-dẽdẽ mɩnɛ puoru.

Sɛb-sõw yielu 110:3

A bibir ʋl fʋ na mɩ́ bʋɔlɛ a fʋ zɛbr-nɩbɛ ɓanɛ taa a, a fʋ nɩbɛ mɩ́ waar'a, tʋlɛ bɛ za. A pɔlbili mɩ́ waar'ɩ a fʋ zie a tan-son zu, ɩ mɛ̃ a ɓɩɛlʋ a biɓaara a.

Sɛb-sõw yielu 74:19

Ta bɛr a fʋ nɩ-bʋʋr-nɔna kʋ̀ a wɛ-dʋn ɛ, ta yiiri a fʋ nɩ-bʋʋrɛ nɩ-kɔmɛ bɛr kʋralɛ ɩ.

Sɛb-sõw yielu 68:13

«Zɔrʋ! A sojarɩ na-mɩnɛ nyɔw nɩ zɔba, a pɔwbɛ na be a yie pʋɔ a pone nɩ a zɛbr bʋ̃-ŋmaarɛ.

Sɛb-sõw yielu 50:23

Sob nɛ barka puoru na ɩ bàwr ʋ maalɛ kʋ̀rɛ mɛ̃ a, ʋlɛ n'ʋ ƴãwnɛ mɛ̃. Sob nɛ ɩb na vɩɛl a, ɩ̃ na ɩ na k'ʋ nyɛ̃ mãa na n'ɩ a Faarɛ a.

Sɛb-sõw yielu 45:11

Ɩ̃ pɔwyaa a, bɛrɛ wone, jɩ́rɛ ɛ́ cɛlɛ be. Ta cãà tɩɛrɛ a fʋ bʋʋrɛ nɩ a fʋ sãà yir ɛ.

Sɛb-sõw yielu 22:3

Ɩ̃ Naaŋmɩn i, ɩ̃ mɩ́ bʋɔlɩ fʋ nɩ a mʋ̃tɔ̃w, fʋ bɛ sɔw ɛ, a tɩ̃ɩsɔw mɩ̀, ɩ̃ɩ kʋ̃ bãw pɩ̃ɛnʋ ɛ.

A Zɔb sɛbɛ 9:16

Mãa saa bʋɔl'ʋ ƴɛ̀rʋ zie ʋ sàw a, ɩ̃ kʋ̃ sàw tɩɛrɛ k'ʋʋ bɛr'a wõ m ɛ.

Sɛb-sõw yielu 45:12

Ɛ́ a nãà na nɔ̃w nɩ a fʋ vɩɛlʋ. Ʋ na ɩ a fʋ sore a, gbĩ dume gũu tɩ tɔ tẽw a ʋ niŋé.