Sɛb-sõw yielu 82:5 - A SƐB-SÕW

⁵ Ɛcɛ, nyɩ bɛ bãw bom za ɩ, nyɩ bɛ tɛr yã ɩ, nyɩ be n lige pʋɔ bɔblɛ, alɛ so a zie bɔbr sãwfʋ.

Sɛb-sõw yielu 82:5 Referans Kwoze

Sɛb-sõw yielu 11:3

A ɩ-vɩɛlɩ na so a nɩsaalbɛ lãw-kpɛb a, alɛ bɛ wa cãà be a, bʋ̃ʋ n'ʋ a nɩ-mɩŋa na tʋ̃ɔ́ ɩ?

Mise 3:1

Ɩ̃ yere na kʋ̀rɛ nyɩ: «Nyɩ bɛrɛ wone, nyɩɩm Zakɔb bʋʋrɛ nɩ-bɛrɛ ɛ, nyɩɩm Ɩsɩrayɛl nɩbɛ ƴɛ̀r-dɩrbɛ ɛ. A nyɩ tõ-nʋɔr bɛ n'ɩ kɛ̀ nyɩ kaarɛ a lɛ-na-tu-sɔr-a zie ɩ?

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

Zʋkpaɩ 2:13

nɩ a bɛlɩ dem na bɛrɛ a sɔr-dẽdẽ, ɛ́ tuur a sɛ́ɛ na liw a.

1 Zã 2:11

Ɛcɛ sob nɛ na hɩ̃ɛn a ʋ yɛb a, ʋ be n lige pʋɔ, ʋ cere nɩ lige pʋɔ ɛ́ bɛ bãw be ʋ na cere a ɩ, a lige na ɩ ʋ zɔ̃w a ƴãw.

Zã 12:35

A Yeezu tɩ sɔw bɛ na: «A cãà na cãà nɩ a nyɩ sɔgɔ blãlɛ ƴãw. Nyɩ na tɛr a cãà a, nyɩ cere, kɛ̀ lige taa pile pàwr nyɩ ɛ. Sob nɛ na cere lige pʋɔ a bɛ bãw be ʋ na cere a ɩ.

Zʋkpaɩ 1:29

A yele á ŋá na ɩ na, nyɩ na zawrɩ na zanɩ a nyɔ-vʋʋrʋ, ɛ́ bɛ sàw kaa ír a Sore zɔba a.

Sɛb-sõw yielu 14:4

A Sore yere na: «Bɛ sɩrɩ bɛ bãw bom za ɩ, a yel-fa-maalbɛ bɛ ŋa za, na nɛbr a ɩ̃ nɩ-bʋʋrɛ, dɩrɛ nɩ a bɛ bʋ̃-dɩrɩ, ɛ́ bɛ ŋmɛlɛ kaar mɛ̃ towtow a.»

2 Timote 2:19

Ɛcɛ yir pɛr na kpɛmɛ ɛ́ Naaŋmɩn bin a, cãà nɩ be. Ƴɛ̀r-bie á ŋá n'a bɛ wi ƴãw a ʋ zu: «A Sore bãw nɩ a ʋ nɩbɛ», lɛ nɩ: «Sob nɛ za na bʋɔlɛ a Sore yúor a, ʋ taw zãá nɩ a ɩ-faar.»

Zã 3:19

A ƴɛ̀rʋ bɛ na na maalɩ a n'ɩ ŋa: a cãà wa n a tẽ-daa zu, ɛ́ a nɩsaalbɛ wa nɔ̃w a lige gãw a cãà, a bɛ ɩ-ɩrɩ na bɛ vɩɛl a zũú.

Ɩzayi 59:9

Alɛ n'a so a Naaŋmɩn bɛ ɩrɛ bom a tɩ ƴãw ɛ, ɛ́ bɛ wule a tɩ mɩnʋ ɛ. Tɩ tɩ tɩɛrɛ nɩ a cãà, ɛ́ a wa ɩ a lige. Tɩ tɩ gùre nɩ a zi-cãà, ɛ́ wa cere lige pʋɔ.

Ɩzayi 5:7

A Sore, a kpɛnʋ-za-sob, divɛ̃ tɩɩr púo n'ɩ a Ɩsɩrayɛl yir dem, ɛ́ a Zuda nɩbɛ n'ɩ a divɛ̃ tɩɛ bʋʋrɛ ʋ na tɩ nɔnɛ a. A Sore tɩ gùre nɩ a lɛ na mɩ́ tu sɔ́r a, a bɛ zie, ɛ́ a ziir za a wa ɩ yel na bɛ mɩ́ tu a mɩnʋ a. Ʋ tɩ gùre nɩ a mɩnʋ, ɛ́ a ziir za a wa ɩ nɩbɛ bɛ na dɔwrɛ a cɛlsɩ.

Sɛb-sõw yielu 53:4

Bɛ za bɛr'ɩ a sɔ́r, bɛ za lãw na fà. Kãw za bɛ ɩrɛ vla ɩ, ʋ bɛ ka be ɩ been mɩ̀ ɛ.

Ekilezɩasɩ 3:16

Yel ŋa n'ʋ ɩ̃ mɩ̀ cãà lɛb nyɛ̃ a tẽw zu ka: be a yel-na-tu-sɔr na tɩ sɛw k'ʋʋ be a, be n'a a faalʋ be, ɛ́ be a mɩnʋ na tɩ sɛw k'ʋʋ be a, be n'a a faalʋ be.

Ekilezɩasɩ 2:14

Bʋ̃ʋ n'ʋ vɛ̃, a yã-bãwnɛ mɩ́ nyɛ̃ nɩ be ʋ na cere a, ɛ́ a dãbol sob cere lige pʋɔ. Ɛcɛ mãa a, ɩ̃ bãwnɩ a na, a bɛ za ayi baarʋ ɩ n been.

Zʋkpaɩ 4:19

A nɩ-faar nyɔ-vʋʋrʋ mɩ́ liw na mɛ̃ a tɩ̃ɩsɔw a. Bɛ bɛ mɩ́ bãw ʋlɩ bom nɛ ƴãw bɛ na na ŋmɛ a gbɛ́r a ɩ.

Sɛb-sõw yielu 75:3

A Naaŋmɩn yere na: «A daar ʋl ɩ̃ na na ƴãw a, ɩ̃ na dɩ n a ƴɛ̀rʋ nɩ mɩnʋ.

A Zɔb sɛbɛ 8:9

Tɩɩm a, zãa ŋa nɩbɛ n'ɩ tɩ, tɩ bɛ bãw bom za ɩ. Bʋ̃ʋ n'ʋ vɛ̃, a tɩ nyɔ-vʋʋrʋ a tẽw zu ka ɩ n ɓaarʋ lɩɛbɛ cere.

Sɛb-sõw yielu 99:1

A Sore ɩ n nãà, a nɩ-bʋʋrɛ màwr'a. A ʋ naalʋ-dà-kɔw bin nɩ a seribɛ̃ mɩnɛ zu-sɔw, a tẽw damnɛ na.