Sɛb-sõw yielu 7:9 - A SƐB-SÕW

⁹ Sore e, fʋ̃ʋ na dɩrɛ nɩ a nɩ-bʋʋrɛ ƴɛ̀rʋ a, dɩ n mɛ̃ a ƴɛ̀rʋ, Sore e, tu n a ɩ̃ mɩnʋ nɩ ɩ̃ na bɛ tɛr sãwna a.

Sɛb-sõw yielu 7:9 Referans Kwoze

Zeremi 11:20

Ɛcɛ a fʋ̃ʋ Sore, kpɛnʋ-za-sob, fʋ mɩ́ dɩ n a ƴɛ̀rʋ nɩ mɩnʋ. Fʋ mɩ́ jɛl'ɩ a nɩbɛ za bʋ̃-bɔbrɩ nɩ a bɛ tɩɛrʋ. Ɩ̃ na tʋ̃ɔ́ na nyɛ̃ a lɛ fʋ na na yáa a san a bɛ zu a, bʋ̃ʋ n'ʋ vɛ̃, fʋ̃ʋ n'ʋ ɩ̃ de a ɩ̃ yele kʋ̀.

Zeremi 17:10

A mãa, a Sore, ɩ̃ mɩ́ jiel'ɩ a nɩsaalbɛ za tɩɛrʋ nɩ a bɛ bʋ̃-bɔbrɩ. À ŋá n'a ɩ̃ mɩ́ tʋ̃ɔ́ ya ŋa za man nɩ a ʋ ɩ-ɩrɩ, man nɩ a ʋlɩ bom nɛ a ʋ tome na wa n a.

Zeremi 20:12

Sore kpɛnʋ-za-sob i, fʋ mɩ́ nyɛ̃ nɩ a nɩr na tu b a bãw. Fʋ bãw nɩ a tɩ bʋ̃-bɔbrɩ nɩ a tɩ tɩɛrʋ. Fʋ̃ʋ n'ʋ ɩ̃ de a ɩ̃ yele kʋ̀. Wul mɛ̃ a lɛ fʋ na na yáa a san kʋ̀ m a.

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

1 Samɩɛl 16:7

Ɛcɛ a Sore tɩ yel ʋ na: «Ta jɩ́rɛ a ʋ ŋmɛ̃a nɩ a ʋ kɛrʋ ɛ, ʋlɛ bɛ n'ʋ ɩ̃ kaa ír ɛ. A ka a, lɛ nɩsaalbɛ na mɩ́ nyɛ̃ a yele a bɛ n'a ɩ: nɩsaalbɛ mɩ́ nyɛ̃ nɩ a al na sãá a, ɛcɛ mãa a, a tɩɛrʋ n'ʋ ɩ̃ mɩ́ nyɛ̃.»

Yel-wula 2:23

Ɩ̃ mɩ̀ na kʋ n a ʋ bibiir. Lɛ n'a a Lãw-yie za na bãw kɛ́ mãa n'ɩ a sob nɛ na jɛlɛ a pʋʋr, ɛ́ bãw a nɩsaalbɛ tɩɛrʋ a. Ɩ̃ na mɩ́ ya n a nyɩ za been been man nɩ a ʋ tome.

Sɛb-sõw yielu 139:1

Yiel-yielbɛ nɩ-kpɛ̃ɛ sɛbɛ pʋɔ yielu. Daviir so ʋ. Sɛb-sõw yielu. Sore e, fʋ mɩ́ jɛl'ɩ a ɩ̃ pʋɔ bãw mɛ̃.

Sɛb-sõw yielu 44:21

Tɩmɛ tɩ yiiri a tɩ Naaŋmɩn yúor bɛr a, tɩmɛ tɩ zɛw a nuru cɔw ŋmɩn-yũo a,

Sɛb-sõw yielu 37:23

A Sore zũú n'a a nɩsaal cenu mɩ́ vɩɛl, ɛ́ a Sore nɔnɛ a sob sɔ́r.

Sɛb-sõw yielu 26:2

Ŋmãa a ɩ̃ pùor nyɛ̃, Sore e, ɩ m kaa, jɛl a ɩ̃ tɩɛrʋ nɩ a ɩ̃ pʋɔ za.

Sɛb-sõw yielu 11:5

A Sore nɔnɛ nɩ a nɩ-mɩŋa yele, ɛcɛ ʋ bɛ nɔnɛ a nɩ-faa yele ɩ, nɩ a nɩr na ɩrɛ po-to-fãw-ɩb a.

Sɛb-sõw yielu 10:15

Ɩ a nɩ-faa kpɛnʋ a baarɩ, bɛlɛ wa bɔbr a faa ʋ na maalɩ a, bɛ kʋ̃ nyɛ̃ bom ɛ!

Ʋrɔm 16:25

Naaŋmɩn so danʋ! Ʋ tɛr'ɩ fãw na ɩ tɩ kpɛmɛ a sàw-deb pʋɔ tu n a Yel-nʋ̃ɔ̀ ɩ̃ na hiere manɛ nɩ a Yeezu Kɩrɩta yele a, ɛ́ mɩ̀ tu n a Naaŋmɩn pʋ-tɩɛr-sɔwla ʋ na ɩ tɩ bãw a. A pʋ-tɩɛrʋ ŋa tɩ sɔwl'ɩ a dɩta-pɛ-yome za,

Sɛb-sõw yielu 17:3

Fʋ wa n tɩ̃ɩsɔw, kɛ́ fʋ wa jɛl a ɩ̃ pʋɔ bãw a ɩ̃ yel-mɩŋa. Fʋ ɩ m a kaa, ɛ́ bɛ nyɛ̃ sãwna a ɩ̃ zie ɩ. Ɩ̃ bɛ ƴɛ̀r ƴɛ̀rʋ kãw za

Nɩ-toni 12:23

Ɛcɛ bɛ wa bere na Sore malkɩ ŋmɛ a Erɔdɩ, ʋ na bɛ tɩ sàw danɩ a Naaŋmɩn a ƴãw: zãzule tɩ dɩ ʋ na, ʋ kpi.

Sɛb-sõw yielu 58:6

na bɛ bɛrɛ wone a bɛlbɛlbɛ kɔkɔr a, a bɛlbɛl-kara za kɔkɔr a.

Sɛb-sõw yielu 10:18

kɛ́ fʋ wul a bi-kpieb nɩ a sob nɛ bɛ na ɩrɛ a kpɩɛr a yel-mɩŋa. Lɛ n'a nɩsaal za kʋ̃ lɛb ɩ po-to-sob a tẽw zu ɛ.

Sɛb-sõw yielu 40:2

Ɩ̃ tɩ sɩrɩ na ƴãw a ɩ̃ tɩɛrʋ a Sore ƴãw, ʋ jɩ́r'a kaa mɛ̃, ʋ wõ n a cɛl ɩ̃ na lɔb a.

1 Samɩɛl 2:9

A bɛlɩ dem na ƴãwnɛ ʋ a, ʋ mɩ́ gù n a bɛ nyɔ-vʋʋrʋ, ɛ́ a ɩ-fa-maalbɛ kpiir a lige pʋɔ. Bʋ̃ʋ n'ʋ vɛ̃, fãw bɛ n'a mɩ́ so a nɩsaal zɛb tʋ̃ɔ́ ɩ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:1

A mãa Zid, Zakɩ yɛb, na ɩ a Yeezu Kɩrɩta tõ-tone a, ɩ̃ sɛbr'ɩ a bɛlɩ dem a Naaŋmɩn Sãà na bʋɔlɩ a, a bɛl ʋ na nɔnɛ ɛ́ ƴãw a Yeezu Kɩrɩta gù a.

1 Pɩɛr 5:10

Ɛ́ nyɩmɛ wa wõ tuo kɔwrɩ blã a, a maalʋ za Naaŋmɩn na bʋɔlɩ nyɩ a ʋ yúor-vɩɛlʋ-danʋ na be kʋralɛ a Kɩrɩta pʋɔ a ƴãw a, ʋl tɔr za na lɛb maalɩ nyɩ na ƴãw a pùorí. Ʋ na ɩ na nyɩ kpɛmɛ dɔwlɩ, ʋ na kʋ̀ nyɩ nɩ fãw dɔwlɩ, ɛ́ ɩ nyɩ ta bãw damnʋ ɛ.

1 Tesalonikɩ 3:13

A Sore, ʋ ɩ a nyɩ socie kpɛmɛ, nyɩ tʋ̃ɔ́ ɩ nɩ-son nɩ nɩbɛ na bɛ tɛr sãwna bɛ yere a Naaŋmɩn tɩ Sãà niŋé a, a lɛn daar a tɩ Sore Yeezu nãà wa lɛb wa nɩ a ʋ nɩ-son za a ɩ.

Yele-za-pɛr-tib 20:5

A Abraham mɩŋa n'ʋ yel mɛ̃ k'ʋʋ yeepuule n'ʋ, ʋʋ mɩ̀ yel k'ʋʋ yɛ-dɛb ʋ. Ɩ̃ pʋ-pla n'ʋ ɩ̃ ɩ n, ɛ́ bɛ sãw bom za ɩ.»

1 Na-mɩnɛ 8:32

a fʋ̃ʋ a, Sore e, be a salom zu ɛ́ bɛr wõ, ɛ́ tu. Dɩ n a fʋ tõ-tõ-biir a ƴɛ̀rʋ, yel a sãwna sob k'ʋʋ sãw na, ɛ́ ɩ a ʋ sãwna lɛb lo a ʋ zu, ɛ́ yel a yel-mɩŋa sob k'ʋʋ bɛ tɛr sãwna ɩ, ɛ́ a nɩbɛ za ɩrɛ a ʋ zie mɛ̃ nɩr na bɛ tɛr sãwna a.»

Sɛb-sõw yielu 9:9

Ʋlɛ n'ʋ dɩrɛ nɩ a tẽ-daa a ƴɛ̀rʋ nɩ mɩnʋ, ɛ́ mɩ́ bãw a nɩ-bʋʋrɛ yele kʋ̀ bɛ a tu sɔ́r.

Sɛb-sõw yielu 18:21

A Sore ɩrɛ nɩ à ŋá a ɩ̃ zie, a ɩ̃ mɩnʋ zũú, ʋ ɩrɛ mɛ̃ nɩ à ŋá, a ɩ̃ nuru tõ-vɩɛlɩ ƴãw.

Sɛb-sõw yielu 35:23

Ɩ̃ Naaŋmɩn i, ìr dɩ a ƴɛ̀rʋ kʋ̀ m, Sore e, ìr de a ƴɛ̀rʋ kpɛ m.

Sɛb-sõw yielu 43:1

Naaŋmɩn i, dɩ a ƴɛ̀rʋ wul a ɩ̃ yel-mɩŋa, kpɛ m a ƴɛ̀rʋ pʋɔ ɩ̃ na tɛr'ɩ nɩbɛ na bɛ zɔrɛ nɩbaalʋ a. Faa mɛ̃ a zir-ŋmarbɛ nɩ a yel-fa-maalbɛ nuru pʋɔ.

Sɛb-sõw yielu 96:10

Nyɩ yel kʋ̀ a nɩ-bʋʋrɛ za: «A Sore ɩ n nãà, a na ɩ lɛ a, a tẽ-daa kpɛmɛ na àr, ʋ bɛ dam damnʋ ɛ. A Sore mɩ́ dɩ n a ƴɛ̀rʋ nɩ mɩnʋ kʋ̀ a nɩ-bʋʋrɛ.»

Sɛb-sõw yielu 96:13

a Sore niŋé, ʋ na waar a ƴãw, ʋ waar'a, k'ʋʋ wa dɩ n a tẽw ƴɛ̀rʋ, ʋ na dɩ n nɩ a tẽ-daa a ƴɛ̀rʋ nɩ mɩnʋ, ɛ́ dɩ n a nɩ-bʋʋrɛ a ƴɛ̀rʋ a tu yel-mɩŋa.

Sɛb-sõw yielu 98:9

a Sore niŋé, ʋ na waar a ƴãw. Ʋ waar'a k'ʋʋ wa dɩ n a tẽw ƴɛ̀rʋ, ʋ na dɩ n nɩ a tẽ-daa a ƴɛ̀rʋ nɩ mɩnʋ, ɛ́ dɩ n a nɩ-bʋʋrɛ a ƴɛ̀rʋ a tu yel-mɩŋa.