Sɛb-sõw yielu 4:2 - A SƐB-SÕW

² Mãa mɩ́ wa bʋɔlɛ fʋ a, fʋ̃ʋ sɔw mɛ̃, Naaŋmɩn i, fʋ̃ʋ na mɩ́ wul a ɩ̃ yel-mɩŋa a. Ɩ̃ na tɩ be fɛrʋ pʋɔ a, fʋ faa mɛ̃ na. Zɔ ɩ̃ nɩbaalʋ ɛ́ sàw de a ɩ̃ puoru.

Sɛb-sõw yielu 4:2 Referans Kwoze

Zʋkpaɩ 1:22

«A nyɩɩm na bɛ bãw bom za a, debor'a nyɩ na nɔ̃w a nyɩ bom bɛ-bãwfʋ tɩ ta? A nyɩɩm nɩ-ɩ-laarbɛ, debor'a nyɩ na ɩ m la tɩ ta? A nyɩɩm dãbole, debor'a nyɩ na zawrɩ a bãwfʋ bɛr tɩ ta?

A naaŋmɩn-ƴèr-manɛ Oze sɛbɛ 4:7

A bàwr-maalbɛ za cɔ̃cɔ̃ maal'ɩ yel-bier sãw mɛ̃. Ɩ̃ na ɩ n a bɛ yúor na yi a lɩɛbɩ vĩ.

Sɛb-sõw yielu 3:3

bɛ yaga tɔ, na yere a ɩ̃ ƴãw kɛ́: «Faafʋ bɛ ka be a ʋ ƴãw a Naaŋmɩn zie ɩ!» Tɛw-àrʋ

Zeremi 2:11

Nɩ-bʋʋrɛ mɩ́ lɩɛr'ɩ a bɛ ŋmɩmɛ ɛ? Ŋmɩmɛ bɛ n'a mɩ̀ ɛ! A ɩ̃ nɩbɛ bɛl a, bɛ de m'a tɛw nɩ ŋmɩmɛ na kʋ̃ tʋ̃ɔ́ ɩ bom za a, mãa na ɩ a bɛ dɛpaalʋ a.

Sɛb-sõw yielu 106:20

Bɛ tɩ de nɩ a Naaŋmɩn na ɩ a bɛ yúor-vɩɛlʋ-danʋ a, tɛw nɩ náab na 'wɔbr mʋ̃ɔ a dasule.

Sɛb-sõw yielu 5:6

Pɔ̀lʋ̀ dem bɛ àrɛ a fʋ niŋé ɩ, fʋ bɛ nɔnɛ a yel-fa-maalbɛ za towtow ɛ.

Efɛɛzɩ 4:25

A na ɩ à ŋá a, nyɩ bɛr a ziri: ŋa za mɩ́ yel a yel-mɩŋa kʋ̀ a ʋ tɔ sob, tɩ za na ɩ ƴã-gã-been ɓɛrmɛ a ƴãw.

Ekilezɩasɩ 8:11

Nɩr na maalɩ faa a bɛ mɩ́ nyɛ̃ dɔwrʋ a pɛr nɛ pʋɔ ɩ. Alɛ n'a so a nɩsaal socir paalɩ a tɩɛr-faar tɛwr.

1 Samɩɛl 12:21

Nyɩ taa zawrɛ ʋ bɛrɛ ɩ, bʋ̃ʋ n'ʋ vɛ̃, nyɩmɛ wa zawr'ʋ bɛr a, nyɩ na tuur'ɩ bʋ̃-zawlɛ na bɛ tɛr pɛr, ɛ́ kʋ̃ tʋ̃ɔ́ faa nɩr a, a na faa ɩ bʋ̃-zawlɛ a ƴãw.

Zonasɩ 2:8

A lɛn daar ɩ̃ na tɩ ŋmaar a vʋʋrʋ a, ɩ̃ tɩ lɛb'a tɩɛrɩ a fʋ yele, Sore e, ɛ́ a ɩ̃ puoru tɩ ta b'ɩ a fʋ yir-sõw pʋɔ.

Zeremi 9:3

Ŋa za ʋ mɩ́ gù ʋ tʋɔra a ʋ bá ƴãw, ɛ́ nɩr taa ƴãwnɛ a ʋ tɩɛrʋ a ʋ yɛb ƴãw ɛ. Bʋ̃ʋ n'ʋ vɛ̃, yɛb za mɩ́ bãw nɩ lɛ ʋ na na nɛb fʋ a, ɛ́ bá za ɩ gɛgɛra gɛrɛ fʋ.

Ɩzayi 59:4

A ƴɛ̀rʋ-dɩb zie a, nyɩ mɩ́ yel'ɩ sãwna na bɛ ɩ sɩza a. Nyɩ bɛ ƴɛ̀rɛ kpɩɛr a nɩbɛ tuur'ɩ yel-mɩŋa ɩ. Zi-vuo n'a nyɩ mɩ́ ƴãw a nyɩ tɩɛrʋ, nyɩ mɩ́ yere nɩ yele na ɩ ziri a, a yel-faa pʋɔ n'ʋ nyɩ mɩ́ tɛr wa dɔw a kpɩɛrʋ.

Ɩzayi 45:17

Ɛcɛ a Sore faa nɩ a Ɩsɩrayɛl faafʋ na be kʋralɛ a. Nyɩɩm na ɩ a ʋ nɩbɛ a, nyɩ bɛ be za na lɛb nyɛ̃ vĩ nɩ zʋmɛ ɩ, towtow!

Ɩzayi 20:5

A bɛlɩ dem na tɩ ƴãw a bɛ tɩɛrʋ a Etiopi tẽw ƴãw, bɩɩ pɔrɛ nɩ a Eziptɩ tẽw sõwfʋ a, pʋl-vʋ̃ɔ na tɛr bɛ na ɛ́ vĩ nyɔw bɛ.»

Sɛb-sõw yielu 63:11

A zɛbr-sɔ-kpɛ̃ɛ, ʋ baarɩ bɛ, bɛ lɩɛbɩ gbõgbo-cili dɩb!

Sɛb-sõw yielu 58:3

Ʋ̃ʋ'hʋ̃! Nyɩ mɩ́ bãw na kɛ́ ɩrɛ a ɩ-faar, nyɩ bɛr'ɩ vuo a po-to-fãw ɩ-ɩrɩ ƴãw a tẽw zu.

Sɛb-sõw yielu 58:1

Yiel-yielbɛ nɩ-kpɛ̃ɛ sɛbɛ pʋɔ yielu. «Ta sãw bɛr» yielu kɔkɔr'ʋ. Daviir danʋ yielu.

Sɛb-sõw yielu 57:4

Ʋ́ be a salom zu ɛ́ tɩr a faafʋ kʋ̀ m, ʋ́ ɩ a sob nɛ na bɛ bɛrɛ mɛ̃ a, ʋ nyɛ̃ vĩ, Tɛw-àrʋ ʋ́ tɩr a ʋ nɔ̃wfʋ nɩ a ʋ yel-mɩŋa.

Sɛb-sõw yielu 31:6

Ɩ̃ ƴãwnɛ nɩ a ɩ̃ vʋʋrʋ a fʋ nuru pʋɔ. Fʋ faa mɛ̃ na, Sore e, fʋ̃ʋ Naaŋmɩn na tɛr yel-mɩŋa a.

Sɛb-sõw yielu 14:6

Nyɩ mɩ́ yel kɛ́ nyɩ sãw a su-siwra sob tɩɛrʋ, ɛcɛ a Sore n'ɩ a ʋ naayir kpɛb zie.

Sɛb-sõw yielu 2:1

Bʋnʋ ƴãw n'a a nɩ-bʋʋr-yoru damnɛ, ɛ́ a nɩ-bʋʋrɛ tɩɛrɛ tɩɛr-zawlɛ?

Ekilezɩasɩ 9:3

A yel-been na n'ʋ mɩ́ ta a nɩbɛ za a, ʋ ɩ n yel-faa na be a yele za na ɩrɛ a tẽw zu ka a pʋɔ. Alɛ n'a so a nɩsaalbɛ socie paalɩ a yel-faar tɛwr, ɛ́ bɛ mɩ́ ɩ dãbole a bɛ nyɔ-vʋʋrʋ daar za. Al pùorí bɛ kpi.

Sɛb-sõw yielu 72:2

Ʋ mɩ́ dɩ a ƴɛ̀rʋ nɩ mɩnʋ kʋ̀ a fʋ nɩ-bʋʋrɛ, ʋ mɩ́ dɩ a ƴɛ̀rʋ kʋ̀ a fʋ bãbàalbɛ a tu sɔ́r.

Sɔr-nɛ́ɛ 14:11

A Sore tɩ yel'ɩ a Moyiir: «Debor daar'a a nɩbɛ bɛ ŋa na jɛ m bɛr tɩ ta? Debor daar'a bɛ na zawrɩ a ɩ̃ sàw-deb tɩ ta, bɛ na saa nyɛ̃ a ɩ̃ fãw bãwfʋ ɩ̃ na maalɩ a bɛ sɔgɔ a?

Eziptɩ tẽw yib 10:3

A Moyiir nɩ a Aarɔ̃ tɩ cen na tɩ páw a Faarawɔ̃ yel ʋ: «À ŋá n'a a Sore, a Ebre mɩnɛ Naaŋmɩn, ƴɛ̀rɛ a fʋ zie: “Debor daar'a fʋ na zawrɩ a fʋ tʋɔra-siwru a ɩ̃ niŋé tɩ ta? Bɛr a ɩ̃ nɩbɛ bɛ cen tɩ maalɩ mɛ̃.

1 Korɛ̃tɩ 1:31

À ŋá n'a a ɩ, kɛ́: «Ʋlɩ sob na zɛwr ʋ tʋɔra a, ʋ zɛwr ʋ tʋɔra a Sore ƴãw», mɛ̃ a lɛ a Sɛb-sõw na yel a.

Zeremi 2:5

À ŋá n'a a Sore yere: Bʋ̃ʋ n'ʋ a nyɩ sãàkʋm-kore nyɛ̃ a ɩ̃ zie a bɛ sɛw, bɛ pɩl? Bɛ zɔ na tu bʋ̃-zawlɛ pùor mɩ̀ lɩɛbɩ bʋ̃-zawlɛ.

Sɛb-sõw yielu 50:15

Ɛ́ alɛ wa wone fʋ a ʋlɩ bibir nɛ a, fʋ̃ʋ bʋɔlɩ mɛ̃, ɩ̃ na faa fʋ na, ɛ́ fʋ na danɩ mɛ̃ na.

Nɩ-toni 24:9

A Zifʋ mɩnɛ tɩ sàw na de a sãwna manʋ ŋa, ɛ́ yel ƴãw pʋɔ kɛ́ à ŋá n'a a yele sɩrɩ tu.