Sɛb-sõw yielu 102:2 - A SƐB-SÕW

² Sore e, bɛr wõ a ɩ̃ puoru, a cɛl ɩ̃ na lɔb a, ʋ ta b!

Sɛb-sõw yielu 102:2 Referans Kwoze

Sɛb-sõw yielu 69:17

Sore e, sɔw mɛ̃, a fʋ nɔ̃wfʋ na ɩ vɩɛlʋ a ƴãw. Lɩɛbɩ kaa mɛ̃, a fʋ su-ɓaarʋ na bɛrmɛ a ƴãw.

Ɩzayi 8:17

Ɩ̃ gùre nɩ a Sore. Ʋ bɛ ŋmɛlɛ kaar a Zakɔb yir dem a ƴɛrɛŋa ɩ, ɛcɛ ʋl ƴãw n'a ɩ̃ ƴãw a ɩ̃ tɩɛrʋ.

Sɛb-sõw yielu 27:9

Ta lɩɛbɩ kpaar cɔw mɛ̃ ɩ, ta dáa a mãa fʋ tõ-tõ-bie bɛr'ɩ suur ɛ, fʋ̃ʋ na ɩ a ɩ̃ sõwne a. Ta jɛ m bɛr ɛ, ta zawrɩ mɛ̃ bɛr ɛ, fʋ̃ʋ Naaŋmɩn na ɩ a ɩ̃ faarɛ a.

Sɛb-sõw yielu 104:29

Fʋ mɩ́ sɔwl'ɩ a fʋ niwn, pʋl-vʋ̃ɔ nyɔw a. Fʋ mɩ́ lɛb'a de a vʋʋrʋ, a ŋmãa vʋʋrʋ, lɛb lɩɛbɩ a tanɛ a na dãw ɩ a.

Sɛb-sõw yielu 70:1

Yiel-yielbɛ nɩ-kpɛ̃ɛ sɛbɛ pʋɔ yielu nɩ Sɛb-sõw yielu Daviir na maalɩ, kɛ́ Naaŋmɩn tɛr a ʋ tɩɛrʋ a.

1 Korɛ̃tɩ 10:13

A bɛlʋ al za na ta nyɩ a, ɩ n a al na tarɛ a nɩsaalbɛ a. A lɛ a Naaŋmɩn na yel k'ʋʋ na ɩ na a, ʋ bɛ mɩ́ lɩɛb'a bɛr ɛ, ɛ́ bɛ mɩ́ lɛb sàw kɛ̀ bɛ̀lʋ na zuo a nyɩ fãw a ta nyɩ ɛ. A bɛ̀lʋ wa ta nyɩ a, ʋ na kʋ̀ nyɩ nɩ a fãw nyɩ tʋ̃ɔ́ a bɛ̀lʋ, ɛ́ yi zaa a bɛ̀lʋ pʋɔ.

Sɛb-sõw yielu 143:7

Sore e, sɔw mɛ̃ fɔ̃w, ɩ̃ bɛ cãà laar towtow ɛ! Ta sɔwlɩ a fʋ niwn a ɩ̃ ƴãw ɛ, alɛ bɛ ɩ lɛ, ɩ̃ na ŋmɛ̃ na taa nɩ a bɛlɩ dem na siwr a bɔw-zɩɛ pʋɔ a.

Sɛb-sõw yielu 71:2

Faa mɛ̃ ɛ́ gùre mɛ̃, a fʋ mɩnʋ zũú. Cɩɩl tobr cɔw mɛ̃ ɛ́ faa mɛ̃.

Ɩzayi 43:2

Fʋ̃ʋ wa gãwnɛ a kʋ̃ɔnɩ a, ɩ̃ na be n a fʋ zie, fʋ̃ʋ wa gãwnɛ a mamɛ a, fʋ bɛ tuur kʋ̃ɔ ɩ. Fʋ̃ʋ wa cere a vũu sɔgɔ a, a bɛ dɩrɛ fʋ ɛ, a vũu-zɛlɛ bɛ tʋɔr fʋ ɛ.

Sɛb-sõw yielu 40:13

Yel-faar na bɛ tɛr nʋɔr a jil a pàw mɛ̃. A ɩ̃ sãwna bɛ bɛrɛ mɛ̃ ɩ, ɩ̃ bɛ cãà tʋ́ɔr jɩ́rɛ a ɩ, a yãwmɛ na zuo a ɩ̃ zukɔbɛ, a ɩ̃ kanyir za baar'a.

Sɛb-sõw yielu 31:2

Sore e, a fʋ naayir'a ɩ̃ zɔrɛ kpɩɛr, taa sàw k'ɩ̃ wa nyɛrɛ vĩ towtow ɛ! Faa mɛ̃ a fʋ mɩnʋ zũú.

Sɛb-sõw yielu 22:19

bɛ pone nɩ a ɩ̃ kparɩ, ɛ́ ŋmɩɛr gbãw dier a ɩ̃ bʋ̃-suuri.

Sɛb-sõw yielu 13:1

A yiel-yielbɛ nɩ-kpɛ̃ɛ sɛbɛ pʋɔ yielu n'ʋ. Ʋ pʋɔ nɩ a Daviir yielu pʋɔ.

A Zɔb sɛbɛ 34:29

Ɛcɛ ʋlɛ saa ɩ gbili a, ãa n'ʋ na yel k'ʋʋ sãw na? Ʋlɛ wa sɔwlɛ a, ãa n'ʋ na tʋ̃ɔ́ cãà nyɛ̃ ʋ? Ɛcɛ ʋ gùre nɩ a ten nɩ a nɩbɛ,

A Zɔb sɛbɛ 7:21

Fʋ kʋ̃ tʋ̃ɔ́ de a ɩ̃ nɩ-gaara ɩb bɛr a baar ɛ? Fʋ kʋ̃ tʋ̃ɔ́ dɩ a ɩ̃ sãwna suur kʋ̀ m ɛ? Mãa n'ɩ ŋan gã uuru pʋɔ, fʋ̃ʋ wa bɔblɛ bɔbr mɛ̃ a lɛn daar a, ɩ̃ kʋ̃ cãà ɩ.

Ɩzayi 65:24

Bɛ kʋ̃ mɩ́ bʋɔlɩ sɛr ɛ, ɩ̃ɩ sɔw bɛ. Bɛ kʋ̃ mɩ́ ƴɛ̀r baar ɛ, ɩ̃ɩ wõ a bɛ ƴɛ̀rʋ.

Eziptɩ tẽw yib 2:23

A tɩ cɛlɩ na ɛ́ a Eziptɩ tẽw nãà wa kpi. A Ɩsɩrayɛl nɩbɛ tɩ kone na ŋmɩɛr'ɩ cɛlsɩ a bɛ gbãgbaalʋ pʋɔ, ɛ́ a bɛ bʋɔlʋ tɩ do ta a Naaŋmɩn.

Eziptɩ tẽw yib 2:24

A Naaŋmɩn tɩ wõ n a bɛ kon, ɛ́ lɛb tɩ́ɛrɩ bãwnɩ a ʋ wõ-taa ʋ na maal'ɩ a Abraham, a Ɩzaakɩ nɩ a Zakɔb a.

Sɛb-sõw yielu 17:1

Puoru n'ʋ be a Daviir yielu sɛbɛ pʋɔ. Sore e, bɛr wõ a ɩ̃ yel-mɩnʋ, cɛlɛ be wõ a ɩ̃ kon. Ƴãw tobr a ɩ̃ puoru ƴãw na bɛ yire nɩ-bɛlɛ nʋɔrɩ́ a.