Ʋrɔm 9:18 - A SƐB-SÕW

¹⁸ À ŋá n'a a Naaŋmɩn mɩ́ zɔ sob nɛ ʋ na bɔbr a nɩbaalʋ, ɛ́ ɩ zu-kpɛnʋ tɛr sob nɛ ʋ na bɔbr a.

Ʋrɔm 9:18 Referans Kwoze

Zozue 11:20

Bʋ̃ʋ n'ʋ vɛ̃, a Sore tɩ ɩ na a tẽw nɩbɛ za kpãa tobr zɛbr'ɩ a Ɩsɩrayɛl nɩbɛ, k'aa Ɩsɩrayɛl nɩbɛ ta zɔ bɛ nɩbaalʋ ɛ, ɛ́ kʋ bɛ pàw pɛr, mɛ̃ a lɛ a Sore tɔr za na tɩ yel kʋ̀ a Moyiir a.

Eziptɩ tẽw yib 4:21

A Sore tɩ yel'ɩ a Moyiir: «Ɩ̃ kʋ̀ b'ɩ nɔ-ɓãa-yele maalʋ fãw. Fʋ̃ʋ wa lɛb ta a Eziptɩ a, fʋ̃ʋ maal'a a Faarawɔ̃ niŋé. Ɛ́ mãa a, ɩ̃ na ɩ na ʋ kpãa tobr, bɛ bɛr a Ɩsɩrayɛl nɩbɛ bɛ cen ɛ.

Wulu-ayi-sob 2:30

Ɛcɛ a Hɛsɩbon nãà, Sihon, bɛ sàw tɩ tɔl a ʋ zie ɩ. Bʋ̃ʋ n'ʋ vɛ̃, a Sore nyɩ Naaŋmɩn tɩ ɩ na a ʋ tɩɛrʋ nɩ a ʋ socir kpawlɩ mɛ̃ kʋsɩɛr a, k'ʋʋ tʋ̃ɔ́ ƴãw ʋ a nyɩ nuru pʋɔ a ʋlɩ bibir nɛ.

Ɩzayi 63:17

Sore e, bʋ̃ʋ n'ʋ so fʋ bɛr tɩ tɩ bɔr zãá nɩ a fʋ sɔ́r, tɩ kpawlɩ a tɩ socie a bɛ zɔrɛ fʋ? Lɛb wa, fʋ na nɔnɛ tɩ a zũú, tɩɩm na ɩ a fʋ tõ-tõ-biir a, a nɩ-bʋʋrɛ fʋ na so a.

Eziptɩ tẽw yib 7:13

A na saa ɩ à à ŋá a, a Faarawɔ̃ tɩ cãà na kpãa tobr, bɛ bɛr wõ a Moyiir nɩ a Aarɔ̃ ƴɛ̀rʋ ɛ, mɛ̃ a lɛ a Sore na tɩ yel a.

Efɛɛzɩ 1:6

A na ɩ à ŋá a, nyɩ ɩ tɩ danɛ a Naaŋmɩn na ƴãw a ʋ Bi-nɔna kʋ̀ tɩ a maalʋ sɛw à ŋá zawlalɛ a.

Eziptɩ tẽw yib 7:3

Ɛcɛ ɩ̃ na ɩ na a Faarawɔ̃ kpãa tobr. Ɩ̃ na maal'ɩ yel-yaga na ɩ bãwfʋ ɛ́ ɩ nɔ-ɓãa-yele a, a ʋ tẽw pʋɔ,

Eziptɩ tẽw yib 9:12

Ɛcɛ a Sore tɩ ɩ na a Faarawɔ̃ kpãa tobr, bɛ bɛr wõ a Moyiir nɩ a Aarɔ̃ ƴɛ̀rʋ ɛ, mɛ̃ a lɛ a Sore na tɩ yel kʋ̀ a Moyiir a.

Eziptɩ tẽw yib 10:1

A Sore tɩ yel'ɩ a Moyiir: «Cen a Faarawɔ̃ zie. Mãa n'ʋ ƴãw ʋlɛ nɩ a ʋ tõ-tõ-bi-bɛrɛ tɛr a zu-kpɛnʋ, k'ɩ̃ɩ tʋ̃ɔ́ maalɩ a nɔ-ɓãa-yele á ŋá za a bɛ sɔgɔ.

Eziptɩ tẽw yib 10:20

Ɛcɛ a Sore tɩ ɩ na a Faarawɔ̃ kpãa tobr zawrɩ na bɛr a Ɩsɩrayɛl nɩbɛ bɛ cen.

Eziptɩ tẽw yib 10:27

Ɛcɛ a Sore tɩ ɩ na a Faarawɔ̃ kpãa tobr bɛ sàw a Ɩsɩrayɛl nɩbɛ na cen ɛ.

Eziptɩ tẽw yib 11:10

A Moyiir nɩ a Aarɔ̃ tɩ sɩrɩ na maalɩ nɔ-ɓãa-yele yaga a Faarawɔ̃ nyɛ̃. Ɛcɛ a Sore tɩ ɩ na ʋ kpãa tobr bɛ bɛr a Ɩsɩrayɛl nɩbɛ bɛ yi zaa a ʋ tẽw pʋɔ ɛ.

Eziptɩ tẽw yib 14:4

Ɩ̃ na ɩ na a Faarawɔ̃ kpãa tobr diwr bɩ́ɛrɛ nyɩ. Lɛ n'a ɩ̃ na tʋ̃ɔ́ ʋ pẽlẽpẽlẽ, ʋlɛ nɩ a ʋ zɛbr-nɩbɛ za. À ŋá n'a ɩ̃ na ɩ a ɩ̃ yúor-vɩɛlʋ-danʋ ʋ sãá, ɛ́ a Eziptɩ tẽw dem bãw kɛ́ mãa n'ɩ a Sore.» A Ɩsɩrayɛl nɩbɛ tɩ ɩ n a lɛ.

Eziptɩ tẽw yib 14:17

Mãa ƴãw a, ɩ̃ na ɩ na a Eziptɩ tẽw nɩbɛ kpãa tobr, ɛ́ tu a nyɩ pùor kpɛ a kʋ̃ɔ-kpɛ̃ɛ pʋɔ. Lɛ n'a ɩ̃ na tʋ̃ɔ́ a Faarawɔ̃ nɩ a ʋ zɛbr-nɩbɛ za, a ʋ zɛbr-torkori, a ʋ wi-zɔmnbɛ, lɛ n'a ɩ̃ na tʋ̃ɔ́ bɛ pẽlẽpẽlẽ, wul a ɩ̃ yúor-vɩɛlʋ-danʋ.

Zã 12:40

«Naaŋmɩn ɩ na bɛ zɔ̃w, ʋʋ ɩ a bɛ socie kpawlɩ, kɛ́ bɛ ta tʋ̃ɔ́ nyɛ̃ nɩ a bɛ mimie ɩ, kɛ́ bɛ ta tʋ̃ɔ́ bãw a pɛr ɛ, kɛ́ bɛ ta tʋ̃ɔ́ lɩɛbɩ a bɛ ɩb ɛ, ʋ ta tʋ̃ɔ́ sanɩ bɛ ɩ.»

Ʋrɔm 11:25

Yɛbr i, ɩ̃ bɔbr'a k'ɩ̃ɩ ɩ nyɩ bãw a Naaŋmɩn yel-sɔwla ŋa, kɛ̀ nyɩ taa wa de nyɩ tʋɔra bʋɔlɛ yã-bãwnbɛ ɩ: a Ɩsɩrayɛl nɩbɛ ŋmãa na kpawl'a, ɛ́ gù a nɩ-bʋʋr-yoru za tɩ nyɛ̃ a faafʋ.

Eziptɩ tẽw yib 9:7

A Faarawɔ̃ tɩ sowri na nyɛ̃ a Ɩsɩrayɛl nɩbɛ dʋ̃w been kãw za bɛ kpi ɛ. A na saa tɩ ɩ a lɛ a, ʋ cãà na kpãa tobr, bɛ bɛr a Ɩsɩrayɛl nɩbɛ bɛ cen ɛ.