Ʋrɔm 8:37 - A SƐB-SÕW

³⁷ Ɛcɛ à á ŋá za pʋɔ a, tɩ zɛb'a tʋ̃ɔ́ pẽlẽpẽlẽ, ɛ́ a ɩ a sob nɛ na nɔ̃w tɩ a zũú n'a.

Ʋrɔm 8:37 Referans Kwoze

1 Korɛ̃tɩ 15:57

Naaŋmɩn so puoru, ʋl na ɩrɛ kɛ̀ tɩ zɛbr tʋ̃ɔ́nɛ, ɛ́ a ɩ a tɩ Sore Yeezu Kɩrɩta ƴãw n'a a.

1 Zã 4:4

Ɩ̃ bibiir i, a nyɩɩm a, Naaŋmɩn so nyɩ, ɛ́ nyɩ zɛb'a tʋ̃ɔ́ a naaŋmɩn-ƴɛ̀r-man-bɛlbɛlbɛ bɛ ŋa, bʋ̃ʋ n'ʋ vɛ̃, a sob nɛ na be a nyɩ sɔgɔ a ɩ n kpɛ̃ɛ zuo a sob nɛ na be a tẽ-daa zu a.

2 Korɛ̃tɩ 2:14

Naaŋmɩn so yãanɩ! A Kɩrɩta ƴãw a, ʋ mɩ́ ƴãw na tɩ pʋɔ a ʋ zɛb-tʋ̃ɔ́fʋ nɩbɛ pʋɔ kʋralɛ, ɛ́ a tɩɩm zũú, ʋ ɩ bɛ bãw a Kɩrɩta ziir za mɛ̃ parfɛ̃ a nyũu na yi pàw a ziir za a.

Yel-wula 21:7

A bom ŋa n'ʋ a sob nɛ na zɛb tʋ̃ɔ́ a na páw, ɩ̃ɩ na ɩ n a ʋ Naaŋmɩn, ʋʋ ɩ a ɩ̃ bie.

Yel-wula 12:11

A tɩ yɛbr zɛb'a tʋ̃ɔ́ ʋ a Pele zɩ̃ɩ ƴãw, nɩ a ƴɛ̀rʋ dãsɩɛ bɛ na dɩ a ƴãw. Bɛ bɛ tɩ nɔ̃w a bɛ nyɔ-vʋʋrʋ tɩ zɔ n a kũu dɛ̃bɩ̃ɛ ɩ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:24

A Sob nɛ na na tʋ̃ɔ́ gù nyɩ nyɩ ta lo towtow a, ɛ́ ɩ kɛ̀ nyɩ vɩɛl ɛ́ be nʋ̃ɔ̀ pʋɔ àr'ɩ a yúor-vɩɛlʋ-danʋ niŋé a,

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

2 Korɛ̃tɩ 12:9

Ɛcɛ ʋ tɩ yel mɛ̃ na: «A ɩ̃ maalʋ sɛw fʋ na, a bãbàalʋ pʋɔ n'a a ɩ̃ fãw mɩ́ sãá ʋ za bɛ nyɛ̃.» Lɛ so ɩ̃ na nɩ̃ɛ zɛwr ɩ̃ tʋɔra a ɩ̃ bãbàalʋ ƴãw, k'aa Kɩrɩta fãw tʋ̃ɔ́ be a ɩ̃ zie.

Yel-wula 17:14

Bɛ na zɛb'ɩ nɩ a Pele, ɛcɛ a Pele na zɛb'a tʋ̃ɔ́ bɛ, ʋ na ɩ a sorbɛ za Sore nɩ a na-mɩnɛ za Nãà a ƴãw. Ʋ na zɛb'a tʋ̃ɔ́ bɛ, ʋlɛ nɩ a bɛlɩ dem bɛ na bʋɔlɩ a, a bɛlɩ dem bɛ na kaa ír a, nɩ a bɛlɩ dem na bɛ lɛb pùor a.»

Efɛɛzɩ 5:2

Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.

1 Zã 4:19

Tɩɩm a, tɩ nɔnɛ na, a Naaŋmɩn na n'ʋ de niwn nɔ̃w tɩ a ƴãw.

Zã 16:33

Ɩ̃ yel'ɩ à á ŋá kʋ̀ nyɩ kɛ́ nyɩ lãw nɩ mɛ̃ tɛr a ƴã-ɓaarʋ. Pʋ-sãwna pʋɔ n'a nyɩ be a tẽ-daa ŋa zu, ɛcɛ nyɩ ƴãw fãw, ɩ̃ zɛb'a tʋ̃ɔ́ a tẽ-daa.»

Yel-wula 1:5

A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.

1 Korɛ̃tɩ 15:54

A nɩr ʋl na na wɛ a, wa su a nɩr ʋl na bɛ wɛrɛ a, ɛ́ a nɩr ʋl na na kpi a, su a nɩr ʋl na bɛ kpiir a, lɛ n'a a Sɛb-sõw ƴɛ̀r-bie á ŋá na tu: «Bɛ zɛb'a tʋ̃ɔ́ a kũu pẽlẽpẽlẽ.

2 Tesalonikɩ 2:16

A tɩ Sore Yeezu Kɩrɩta mɩŋa nɩ a tɩ Sãà Naaŋmɩn na nɔ̃w tɩ, ɛ́ a ʋ maalʋ zũú ʋ kʋ̀ tɩ mɔwlʋ na be kʋralɛ nɩ tɩɛr-vla tɩ na ƴãw a ʋ ƴãw a,

Ɩzayi 25:8

Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Yel-wula 3:9

Nyɛ̃ a lɛ ɩ̃ na na ɩ a Sɩtaana lãw nɩbɛ a, a zir-ŋmarbɛ bɛ ŋa na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a: ɩ̃ na fɛr bɛ na ƴãw bɛ wa gbĩ dume a fʋ niŋé. Bɛ na nyɛ̃ na bãw k'ɩ̃ɩ nɔnɛ fʋ na.

1 Zã 4:10

À ŋá n'a a nɔ̃wfʋ ŋmɛ̃: tɩmɛ bɛ nɛbɛ nɔ̃w a Naaŋmɩn ɛ, ʋlɛ n'ʋ nɔ̃w tɩ, ɛ́ tõ a ʋ Bie k'ʋʋ wa de ʋ tʋɔra maal'ɩ bàwr a tɩ yel-bebe suur-dɩ-kʋ̀b ƴãw.

2 Korɛ̃tɩ 12:19

A mɩnɛ kãw, nyɩ tɩɛrɛ nɩ koro za, kɛ́ tɩ bɔbr'a kɛ́ tɩ manɩ a tɩ yel-mɩŋa a nyɩ niŋé. Lɛ bɛ n'a ɩ, Naaŋmɩn niŋé n'a tɩ lãw nɩ a Kɩrɩta ƴɛ̀rɛ. Ɛ́ à á ŋá za a, ɩ̃ nɩ-nɔnɩ i, a nyɩ maalʋ ƴãw n'a.

Ʋrɔm 8:35

Ãa n'ʋ na tʋ̃ɔ́ bʋ́r tɩɩm nɩ a Kɩrɩta a ʋ nɔ̃wfʋ pʋɔ? Kpɩɛrʋ bɩɩ? Pʋl-vʋ̃ɔ bɩɩ? Nɩsaalbɛ dɔwrʋ bɩɩ? Kɔ̃ bɩɩ? Bom-bɛ-tɛrʋ bɩɩ? Bʋ̃-faa bɩɩ? A kũu bɩɩ?