Ʋrɔm 4:17 - A SƐB-SÕW

¹⁷ Bʋ̃ʋ n'ʋ vɛ̃, a Sɛb-sõw yel'ɩ à ŋá: «Ɩ̃ ɩ na fʋ ɩ nɩ-bʋʋr-yaga yaga sãà.» Ʋ ɩ n a tɩ sãà a Naaŋmɩn ʋ na sàw de a niŋé, a Naaŋmɩn ʋl na mɩ́ ɩ a kũuni bɛ vʋʋrɛ a, ɛ́ ɩ a bome na bɛ tɩ be, a be a.

Ʋrɔm 4:17 Referans Kwoze

1 Korɛ̃tɩ 1:28

A alɩ bome nɛ na bɛ tɛr yúor a tẽ-daa zie a, a al bɛ na jewre a, a al na bɛ ɩ bom a, alɛ n'a a Naaŋmɩn kaa ír k'ʋʋ sãw nɩ a al na ɩ bʋ̃-sɩza a bɛr,

Zã 5:21

Bʋ̃ʋ n'ʋ vɛ̃, mɛ̃ a lɛ a Sãà na mɩ́ ɩ a kũuni bɛ lɛb ìr, ʋʋ ɩrɛ bɛ vʋʋrɛ a, lɛ n'a a Bie mɩ̀ mɩ́ ɩrɛ sob nɛ ʋ na bɔbr a ʋ vʋʋrɛ.

1 Pɩɛr 2:10

Nyɩɩm na bɛ tɩ ɩ a ʋ nɩ-bʋʋrɛ a, ƴɛrɛŋa a, nyɩ ɩ n a Naaŋmɩn nɩ-bʋʋrɛ. Nyɩɩm na bɛ tɩ páw a ʋ su-ɓaarʋ a, ƴɛrɛŋa a, nyɩ páw ʋ na.

Zã 6:63

A Naaŋmɩn Vʋʋrʋ n'ʋ tɩrɛ a nyɔ-vʋʋrʋ, nɩsaal yõ kʋ̃ tʋ̃ɔ́ ɩ ɩb kãw za ɩ. A ƴɛ̀r-bie ɩ̃ na ƴɛ̀r kʋ̀ nyɩ a, a ɩ n Vʋʋrʋ nɩ nyɔ-vʋʋrʋ.

Ʋrɔm 8:11

A sob nɛ na ɩ a Yeezu ʋ lɛb yi a kũuni pʋɔ a, a ʋ Vʋʋrʋ wa kpɩɛr a nyɩ pʋɔ a, a sob nɛ na ɩ a Kɩrɩta ʋ lɛb yi a kũuni pʋɔ a, mɩ̀ na kʋ̀ n nyɔ-vʋʋrʋ a nyɩ ƴã-gamɛ na ɩ bʋ̃-kpiiri a, a ʋ Vʋʋrʋ na kpɩɛr a nyɩ pʋɔ a ƴãw.

Zã 5:25

Yel-mɩŋa sɩza sɩza n'a ɩ̃ yere kʋ̀rɛ nyɩ, a daar waar'a, ɛ́ ʋlɛ n'ɩ ŋan ta, a kũuni na na wõ a Naaŋmɩn Bie kɔkɔr a, ɛ́ a bɛlɩ dem na na wõ a ʋ kɔkɔr a, bɛ na vʋʋrɛ na.

Ebre 11:12

À à ŋá n'a nɩ-been yõ na tɩ kpi ʋ za baar'a, tɩ dɔw nɩbɛ bɛ yãwmɛ mɛ̃ a salom zu ŋmar-bie a, bɛ bɛ tɛr nʋɔr ɛ, mɛ̃ a kʋ̃ɔ-kpɛ̃ɛ nʋɔr biire a.

Ɩzayi 55:12

Nʋ̃ɔ̀ n'a na ɩrɛ nyɩ nyɩ yi a Babɩlɔn tẽw pʋɔ, ɛ́ ƴã-ɓaarʋ n'a bɛ na tɛr'ɩ nyɩ lɛb wa n a nyɩ tẽw. Nyɩ na tɔlɛ na a tan nɩ a tãli ŋmɩɛr nʋ̃ɔ̀ cɛlsɩ, ɛ́ a wɩ̀ɛ tɩɩr za ŋmɩɛr nuru ƴãwn.

Ɩzayi 48:13

A ɩ̃ nuru n'a ɩ̃ bin nɩ a tẽw pɛr ɛ́ dɔl a salom. Mãa wa bʋɔlɛ a wa báarɛ a, a mɩ́ ta n daadaalɛ àr.

Ʋrɔm 3:29

Bɩɩ a Naaŋmɩn taa ɩrɛ wa ɩ Zifʋ mɩnɛ tɛwr Naaŋmɩn ʋ? A nɩ-bʋʋr-yoru Naaŋmɩn mɩ̀ bɛ tʋ̃ɔ́ n'ʋ ɛ? Bʋnʋ ɩ! A nɩ-bʋʋr-yoru Naaŋmɩn mɩ̀ n'ʋ,

2 Pɩɛr 3:8

Ɩ̃ bá mɩnɛ ɛ, bʋ̃-been ŋa n'ʋ a fɛr kɛ́ nyɩ taa yiire ɩ: a Sore zie a, bibi-been yõ mɩ́ ɩ na mɛ̃ yome túr (1 000) a, ɛ́ yome túr (1 000) ɩ mɛ̃ bibi-been a.

Ebre 11:7

A sàw-deb zũú n'a Nowe tɩ bɛr wõ a lɛ Naaŋmɩn na tɩ yel kʋ̀ ʋ, yele bɛ na bɛ tɩ nyɛ̃ sɛr a ƴãw. Ʋ bɛ tɩ de dɩ̃ɛnʋ ƴãw a lɛ a Naaŋmɩn na tɩ yel a ƴãw ɛ, ɛ́ tɩ maalɩ gbor-kpɛ̃ɛ ʋlɛ nɩ a ʋ yir dem faafʋ ƴãw. À ŋá n'a ʋ tɩ wul a tẽ-daa sãwna, ɛ́ a Naaŋmɩn nyɛ̃ ʋ ɩ nɩ-mɩŋa, a ʋ sàw-deb zũú.

1 Timote 6:13

Ɩ̃ zɛlɛ fʋ nɩ a Naaŋmɩn niŋé, ʋl na kʋ̀rɛ nyɔ-vʋʋrʋ a bome za a, nɩ a Kɩrɩta Yeezu niŋé, ʋl na dɩ a dãsɩ-vla a Pɔ̃sɩ-Pɩlatɩ niŋé, a naaŋmɩn-sàw-deb ʋ na hieri a pʋɔ a, ɩ̃ zɛlɛ fʋ na:

Ɩzayi 44:7

Ãa n'ʋ ɩ mɛ̃ a mãa a? Ʋ yel a lɛ na be be a, ɛ́ man ʋ kʋ̀ m! Ʋ yel a yele na ɩ a lɛ ɩ̃ na tĩ kɛ́ cɔbrɩ a nɩ-bʋʋr-dãw-niwn sob a, ʋ yel a yele al na na ɩ a!

Yele-za-pɛr-tib 17:16

Ɩ̃ na maal'ʋ na, ɛ́ ɩ k'ʋ dɔw dɛble kʋ̀ b. Ɩ̃ na maal'ʋ na, ʋʋ na ɩ n nɩ-bʋʋr-yaga mã. Nɩ-bʋʋrɛ bʋʋrɛ na-mɩnɛ na yi n a ʋ bʋʋrɛ pʋɔ.»

Ʋrɔm 9:26

Ɛ́ a be tɔr za bɛ na tɩ yel bɛ: “Nyɩ bɛ ɩ ɩ̃ nɩbɛ a”, bɛ na bʋɔlɛ bɛ nɩ a be: “Naaŋmɩn na vʋʋrɛ a bibiir.”»

Ɩzayi 49:12

Bɛlɛ n'ɩ bɛ ŋan! Bɛ yi n zi-zãána waar: bɛ mɩnɛ yi a saa-pɛrɩ́-gʋba-lowr, bɛ mɩnɛ yi a mʋ̃tɔ̃w-kpɛb-lowr, bɛ mɩnɛ yi a saa-pɛrɩ́-dʋrʋ-lowr, a Eziptɩ tẽw.»

Ɩzayi 43:6

Ɩ̃ yere nɩ a saa-pɛrɩ́-gʋba-lowr: “Lɛb tɩr bɛ”, ɛ́ yere a saa-pɛrɩ́-dʋrʋ-lowr: “Ta tɛr bɛ ɩ.” Nyɩ tɛr a ɩ̃ bidɛbr a tẽ-zãánɩ á ŋá lɛb wa n, ɛ́ tɛr a ɩ̃ pɔwyaar a tẽw baarʋ zie lɛb wa n.

Yele-za-pɛr-tib 28:3

A Naaŋmɩn kpɛnʋ-za-sob, ʋ maalɩ fʋ, ʋ ɩ fʋ yɛ̀r yãwmɛ yaga, ɛ́ ɩ nɩ-bʋʋrɛ na yãwmɛ ɓã taa a sãàkʋm.

1 Korɛ̃tɩ 15:45

Al ƴãw n'a a Sɛb-sõw yel a ƴɛ̀r-bie á ŋá: «A nɩsaal-dãw-niwn sob, a Adama, ʋ tɩ ɩ n bʋ̃-vʋʋra. A Adama pɛ-baara ɩ n Vʋʋrʋ nɩr na tɩrɛ nyɔ-vʋʋrʋ a.»

Ʋrɔm 4:2

Bɛlɛ wa yel k'aa Abraham ɩ n nɩ-mɩŋa a ʋ ɩ-ɩrɩ zũú a, ʋ na tʋ̃ɔ́ na pɔrɛ a al ƴãw, ɛcɛ Naaŋmɩn niŋé bɛ n'a ʋ na pɔrɛ ɩ.

Nɩ-toni 15:18

ʋl na ɩ bɛ bãw a ʋ pʋ-tɩɛrʋ yele a koro za a.”

Matie 3:9

ɛ́ taa wa nanɩ yere nyɩ tʋɔra kɛ́: “Abraham n'ɩ a tɩ sãà ɩ.” Mãa n'ʋ yere kʋ̀rɛ nyɩ, a kʋsɛbɛ á ŋá na gã a, Naaŋmɩn na tʋ̃ɔ́ na ɩ a lɩɛbɩ Abraham bibiir.

Yele-za-pɛr-tib 17:20

A Ɩsɩmayɛl ƴãw a, ɩ̃ wõ n a fʋ zɛlʋ: ɩ̃ na maal'ʋ na, ɩ̃ na kʋ̀ ʋ nɩ dɔwfʋ, ɩ̃ na kʋ̀ ʋ nɩ bʋʋrɛ yaga za. Ʋ na dɔw nɩ na-mɩnɛ pie nɩ ayi, ɩ̃ɩ ɩ ʋ yɛ̀r ɩ nɩ-bʋʋrɛ na ta nɩ-bʋʋrɛ a.

Ɩzayi 51:2

Nyɩ bɛl nyɛ̃ a nyɩ sãà Abraham a, nɩ a Saara na dɔw nyɩ a. A Abraham bɛ tɩ tɛr bie a lɛn daar ɩ̃ na tɩ bʋɔl'ʋ a ɩ. Ɛcɛ ɩ̃ maal'ʋ na, ɛ́ ɩ k'ʋ ɩ nɩ-bʋʋr-yaga sãà.»

Ʋrɔm 4:18

A Abraham tɩ sàw na de ɛ́ tɩɛrɛ, a na saa tɩ ɩ mɛ̃ zawlalɛ n'a ʋ tɩɛrɛ a. À ŋá n'a ʋ tɩ lɩɛbɩ «nɩ-bʋʋr-yaga sãà», a tu a ƴɛ̀rʋ ŋa a Naaŋmɩn na tɩ ƴɛ̀r kʋ̀ ʋ a: «À ŋá n'a a fʋ bʋʋrɛ nãà yãwmɛ sɛw.»

Ʋrɔm 9:11

Ɛcɛ Naaŋmɩn mɩ́ kaa na ír a nɩbɛ tu n a lɛ ʋ na cɔbrɩ a yele bin a: a ʋ kaa-íru mɩ́ tu n a bʋɔlʋ ʋ na bʋɔlɛ bɛ a, ʋ bɛ mɩ́ tu a bɛ ɩ-ɩrɩ ɛ. A Naaŋmɩn na bɔbr k'ʋʋ wul k'aa lɛ ʋ na cɔbrɩ a yele bin a, a gã nɩ kʋralɛ a, ʋ tɩ yel'ɩ a Erebeka, a lɛn daar a ʋ yɩbr na bɛ tɩ dɔw sɛr, ɛ́ mɩ̀ bɛ tɩ maalɩ vla bɩɩ faa sɛr a: «A kpɛ̃ɛ na ɩ n a bile tõ-tone.»

Ebre 11:3

A sàw-deb zũú n'a tɩ bãw k'aa ʋ ƴɛ̀rʋ n'a Naaŋmɩn cɔbrɩ nɩ a zie. A ɩ a lɛ a bom fʋ na mɩ́ nyɛ̃ a yi bom fʋ na bɛ mɩ́ nyɛ̃ a pʋɔ.