Ʋrɔm 3:30 - A SƐB-SÕW

³⁰ bʋ̃ʋ n'ʋ vɛ̃, Naaŋmɩn-been yõ n'ʋ be. A sàw-deb'a ʋ na ɩ n a Zifʋ mɩnɛ ɩ nɩ-mɩn a ʋ niŋé, a sàw-deb cãà n'a ʋ na ɩ n a bɛlɩ dem na bɛ ɩ Zifʋ mɩnɛ a, bɛ ɩ nɩ-mɩn a ʋ niŋé.

Ʋrɔm 3:30 Referans Kwoze

Galasi 3:8

A Sɛb-sõw na tɩ bãw kɛ́ Naaŋmɩn na ɩ n a nɩ-bʋʋr-yoru bɛ ɩ nɩ-mɩn a bɛ naaŋmɩn-sàw-deb zũú a, ʋ tɩ de nɩ niwn yel a yel-vla ŋa kʋ̀ a Abraham: «A nɩ-bʋʋrɛ za na páw nɩ maalʋ a fʋ zũú.»

Galasi 3:20

Ɛcɛ lɔ̃lʋɔrɛ bɛ dãw lɔ̃ nɩ-been yele ɩ. Ɛ́ a yele càar'ɩ Naaŋmɩn yõ.

Filib 3:3

Tɩmɛ nɛbɛ sɩrɩ ŋma a yɛɛ, tɩɩm a Vʋʋrʋ Sõw na ƴãw tɩ puore a Naaŋmɩn a, tɩɩm na zɛwr tɩ tʋɔra tɩ na lãw nɩ a Yeezu Kɩrɩta, ɛ́ bɛ de a tɩ tɩɛrʋ ƴãw a tɩɩm tɛɛ za ƴãw a.

Galasi 6:15

Bʋ̃ʋ n'ʋ vɛ̃, fʋ na ŋmãa a yʋ̀ɔr bɩɩ fʋ na bɛ ŋmãa a, a bɛ ɩ bom ɛ, fʋ na ɩ Naaŋmɩn bʋ̃-ír-paala a, ʋlɛ n'ʋ ɩ bom.

Galasi 5:6

Bʋ̃ʋ n'ʋ vɛ̃, sob nɛ na lãw nɩ a Yeezu Kɩrɩta a, a yʋɔr-ŋmãafʋ bɩɩ a bɛ-ŋmãafʋ bɛ ɩ bom za ɩ, a bom'ɩ a naaŋmɩn-sàw-deb na tɛr nɔ̃wfʋ ɩ-ɩrɩ a.

Galasi 3:28

Nyɩ za lãw nɩ nɩ a Kɩrɩta ɩ nɩ-been. A na ɩ lɛ a, Zifʋ nɩ nɩ-bʋʋr-yoru yele bɛ cãà be ɩ, gbãgbaa nɩ nɩr na so ʋ tʋɔra a yele bɛ cãà be ɩ, dɛb nɩ pɔw yele bɛ cãà be ɩ.

Ʋrɔm 3:28

Bʋ̃ʋ n'ʋ vɛ̃, tɩ tɩɛrɛ na k'aa Naaŋmɩn mɩ́ ɩ na a nɩsaal ɩ nɩ-mɩŋa a ʋ niŋé ʋ na sàw de a zũú, ɛ́ a bɛ ɩ a Wulu ʋ na sàwr a ƴãw n'a ɩ.

Wulu-ayi-sob 6:4

«Nyɩ wone, Ɩsɩrayɛl bʋʋrɛ ɛ, a Sore tɩ Naaŋmɩn n'ɩ a Sore been yõ.

Ʋrɔm 2:26

A nɩr na bɛ ŋmãa yʋ̀ɔr a, ʋlɛ wa sàwr a nɛ́ɛ a Naaŋmɩn wulu na ƴãw a, Naaŋmɩn kʋ̃ sàw kʋ̀ ʋ k'aa yʋ̀ɔr-bɛ-ŋmãafʋ ɩ n ŋmãafʋ bɩɩ?

Ʋrɔm 2:27

Ɛ́ a nɩr ʋl na bɛ ŋmãa a ƴã-gan ŋmãafʋ a, ɛ́ mɩ́ tu a Naaŋmɩn wulu tɩ ɓɩɩlɩ a, ʋ na wul'ɩ a fʋ sãwna, fʋ̃ʋ na bãw a Naaŋmɩn wulu na sɛb, ɛ́ ŋmãa a yʋ̀ɔr, ɛ́ zawrɛ a Wulu a.

Ʋrɔm 3:22

Naaŋmɩn mɩ́ ɩ na a nɩsaalbɛ ɩ nɩ-mɩn a ʋ niŋé, a Yeezu Kɩrɩta bɛ na mɩ́ sàw de a zũú. A bɛlɩ dem za na sàw de a Kɩrɩta a ƴãw n'a ʋ mɩ́ ɩ a lɛ, bʋ̃ʋ n'ʋ vɛ̃, ʋ bɛ owre ɩ:

Ʋrɔm 4:9

A na ɩ à ŋá a, a zu-nʋ̃ɔ̀ ŋa a, a bɛlɩ dem yɛɛ na ŋma a tɛwr ƴãw n'a ʋ be, bɩɩ a bɛlɩ dem na bɛ ŋma a yɛɛ a ƴãw mɩ̀ n'a? Tɩ yel'ɩ a ƴɛrɛŋa k'aa «Naaŋmɩn tɩ nyɛ̃ nɩ a Abraham sàw-deb, ɛ́ sàw kʋ̀ ʋ a al ƴãw k'ʋʋ ɩ n nɩ-mɩŋa.»

Ʋrɔm 4:16

A na ɩ à ŋá a, a ʋlɩ bom nɛ a Naaŋmɩn na yel k'ʋʋ na tɩr a a, a sàw-deb zũú n'a, k'ʋʋ tʋ̃ɔ́ ɩ maalʋ ʋ na tɩrɛ zawla a, ɛ́ a mɩ̀ ɩ a Abraham bʋʋrɛ za ƴãw a, a bɛlɩ dem na sàwr a Wulu a, nɩ a bɛlɩ dem na sàw de, mɛ̃ a lɛ a Abraham na tɩ sàw de a, ʋl na ɩ a tɩ za sãà a.

1 Timote 2:5

Bʋ̃ʋ n'ʋ vɛ̃, Naaŋmɩn-been yõ n'ʋ be, lɔ̃lʋɔrɛ been yõ n'ʋ mɩ̀ be a Naaŋmɩn nɩ a nɩsaalbɛ cará: ʋlɛ n'ɩ a Kɩrɩta Yeezu na ɩ nɩsaal a,