Ʋrɔm 3:20 - A SƐB-SÕW

²⁰ A lɛ n'a so nɩr za kʋ̃ tʋ̃ɔ́ lɛb ɩ nɩ-mɩŋa a Naaŋmɩn niŋé, a Wulu ʋ na na ƴãw fãw sàwr a ƴãw ɛ, bʋ̃ʋ n'ʋ vɛ̃, a yel-bier tɛwr'ʋ a Naaŋmɩn wulu mɩ́ ɩ bɛ bãw.

Ʋrɔm 3:20 Referans Kwoze

Galasi 2:16

Ɛcɛ, tɩ bãwnɩ a na a nɩsaal na bɛ mɩ́ ɩ nɩ-mɩŋa a Naaŋmɩn niŋé a Moyiir wulu sàwfʋ ɩ-ɩrɩ zũú a, a Yeezu Kɩrɩta sàw-deb tɛwr zũú mɩ́ n'a. A tɩɩm a, tɩ sàw na de a Yeezu Kɩrɩta kɛ́ tɩ tʋ̃ɔ́ páw a mɩnʋ a Kɩrɩta sàw-deb zũú, ɛ́ a ta ɩ Wulu sàwfʋ ɩ-ɩrɩ ƴãw n'a ɩ. Bʋ̃ʋ n'ʋ vɛ̃, nɩr za bɛ be na ɩ nɩ-mɩŋa a Wulu sàwfʋ ɩ-ɩrɩ zũú ɛ.

Nɩ-toni 13:39

a ʋl zie n'a nɩr za na sàw de a Naaŋmɩn a, mɩ́ páw ʋ.

Ʋrɔm 3:28

Bʋ̃ʋ n'ʋ vɛ̃, tɩ tɩɛrɛ na k'aa Naaŋmɩn mɩ́ ɩ na a nɩsaal ɩ nɩ-mɩŋa a ʋ niŋé ʋ na sàw de a zũú, ɛ́ a bɛ ɩ a Wulu ʋ na sàwr a ƴãw n'a ɩ.

Galasi 2:19

Bʋ̃ʋ n'ʋ vɛ̃, alɛ wa ɩ a Naaŋmɩn wulu ƴãw a, ɩ̃ kpi na, ɛ́ a ɩ̃ kũu yi a Naaŋmɩn wulu zie, k'ɩ̃ɩ tʋ̃ɔ́ vʋʋrɛ a Naaŋmɩn ƴãw. Bɛ kpa m'ɩ a da-gara zu lãwnɩ a Kɩrɩta.

Ʋrɔm 4:15

Bʋ̃ʋ n'ʋ vɛ̃, a Wulu-bɛ-sàwfʋ n'ʋ mɩ́ so a Naaŋmɩn suur nyɛ́b, ɛcɛ be wulu na bɛ wul a, wulu zawrʋ mɩ̀ bɛ ka be ɩ.

Ʋrɔm 9:32

Bʋ̃ʋ n'ʋ so? Bɛ bɛ tɩ bɔbr kɛ́ bɛ pɛlɩ a Naaŋmɩn pʋɔ a sàw-deb zũú ɛ, ɛ́ tɩɛrɛ kɛ́ bɛ pɛlɩ a ʋ pʋɔ a bɛ ɩ-ɩrɩ zũú. Bɛ ŋmɛ n gbɛ́r a gbɛ-ŋmɛ-kʋsɩɛr ƴãw,

Ʋrɔm 5:20

A Naaŋmɩn wulu wa na k'aa sãwna tʋ̃ɔ́ bʋwlɩ pàw a ziir za, ɛcɛ a be a yel-bier na tɩ bʋwlɩ a, a Naaŋmɩn maalʋ mɩ̀ tɩ ʋr'a tɩ zuo.

Ʋrɔm 4:13

Naaŋmɩn yel'ɩ a Abraham nɩ a ʋ bʋʋrɛ kɛ́ bɛ na so nɩ a tẽ-daa. A Wulu a Abraham na tɩ sàw a ƴãw bɛ n'a a Naaŋmɩn tɩ yel à à ŋá kʋ̀ ʋ ɛ, a Naaŋmɩn na tɩ sàw kʋ̀ ʋ k'ʋʋ ɩ n nɩ-mɩŋa a ʋ sàw-deb zũú a, al ƴãw n'a.

Sɛb-sõw yielu 143:2

Ɩ̃ ɩ n a fʋ tõ-tõ-bie, ta dɩ n mɛ̃ ƴɛ̀rʋ ɛ, nɩsaal za na bɛ ɩ nɩ-mɩŋa a fʋ niŋé a ƴãw.

Galasi 5:4

Nyɩɩm na bɔbr k'aa Wulu ɩ nyɩ ɩ nɩ-mɩn a, a baar'a nyɩɩm nɩ a Kɩrɩta cara pʋɔ, ɛ́ nyɩ mɩ̀ kʋ̃ lɛb páw a Naaŋmɩn maalʋ ɛ.

Ʋrɔm 5:13

A Naaŋmɩn na bɛ tɩ kʋ̀ a ʋ Wulu a Moyiir sɛr a, a yel-bier tɩ de nɩ niwn be a tẽ-daa zu. Ɛcɛ a Wulu na bɛ tɩ be be sɛr a, nɩr bɛ mɩ́ tɩ dɩ yel-bier san ɛ.

Sɛb-sõw yielu 130:3

Sore e, fʋ̃ʋ wa yel kɛ́ fʋ kʋ̃ yiiri a tɩ sãwna a, ãa n'ʋ na tʋ̃ɔ́ cãà, Sore e?

Ʋrɔm 2:13

Bɛlɩ dem na mɩ́ bɛrɛ wone a Wulu bɛr-wob tɛwr a, bɛlɛ bɛ nɛbɛ mɩ́ páw a mɩnʋ a Naaŋmɩn zie ɩ, bɛlɩ dem na mɩ́ dier a Wulu a, bɛlɛ nɛbɛ na páw a mɩnʋ.

A Zɔb sɛbɛ 15:15

A Naaŋmɩn bɛ mɩ́ wa ƴãw a ʋ tɩɛrʋ a ʋ malkɩ mɩnɛ tɛɛ za ƴãw a, ɛ́ a ʋl zie a salom bɛ mɩ́ wa vɩɛl parpar a,

Ʋrɔm 7:11

Bʋ̃ʋ n'ʋ vɛ̃, a yel-bier tur'a de a nɔ-ƴãwna bɛ̀lɩ nɩ mɛ̃, ɛ́ kʋ m nɩ a nɔ-ƴãwna.

1 Korɛ̃tɩ 15:56

A kũu pĩi-zɛl n'ɩ a yel-bier ɛ́ a yel-bier fãw n'ɩ a Moyiir wulu.

Ebre 7:19

Bʋ̃ʋ n'ʋ vɛ̃, a Naaŋmɩn wulu bɛ ɩ bom za ʋ páw a ʋ vɩɛlʋ za ɩ. Ɛcɛ tɩɛrʋ na vɩɛl zuo tɩ ƴãw a Naaŋmɩn ƴãw a wa na, ɛ́ a ʋl zũú n'a tɩ mɩ́ tawr pɩɛlɛ a Naaŋmɩn.