Ʋrɔm 2:15 - A SƐB-SÕW

¹⁵ Bɛ mɩ́ wul'a k'aa lɛ a Wulu na bɔbr kɛ́ nɩr za ɩrɛ a, sɛb'ɩ a bɛ pʋ̃ɔmɩ. A bɛ pʋɔ mɩ̀ mɩ́ dɩ n a yel ŋa dãsɩɛ, lãwnɩ a bɛ tɩɛrʋ na mɩ́ yel a mɩnɛ kãw kɛ́ bɛ sãw na a, ɛ́ a mɩnɛ kãw ʋ yel kɛ́ bɛ bɛ sãw a.

Ʋrɔm 2:15 Referans Kwoze

2 Korɛ̃tɩ 5:11

A na ɩ à ŋá tɩ bãw ʋlɩ bom nɛ na n'ɩ a zɔrɛ-a-Sore a, tɩ bɔbr'a kɛ́ tɩ ɩ a nɩsaalbɛ za sàw kɛ́ sɩza n'a. Naaŋmɩn bãw tɩ na tɩ tɔ, ɩ̃ɩ tɩɛr kɛ́ nyɩ mɩ̀ bãw mɛ̃ na nɩ a nyɩ pʋɔ tɩ tɔ.

Títɩ̀ 1:15

Bom za vɩɛl'ɩ parpar bɛlɩ dem na vɩɛl parpar a zie. Ɛcɛ bɛlɩ dem dɛwr na mar, ɛ́ bɛ bɛ tɛr sàw-deb a, bom za bɛ vɩɛl parpar a bɛ zie ɩ, a bɛ yã nɩ a bɛ tɩɛrʋ nɩ̃ɛ na mar dɛwr.

2 Korɛ̃tɩ 1:12

A dãsɩɛ ŋa a tɩ tɩɛrʋ na dɩ a tɩ ƴãw a n'ɩ a tɩ dɛpaal-bom: a tɩ ɩb a tẽw zu a, baa zuo a za a nyɩ zie a, bɛ tɩ tɛr a mɩnɛ kãw ɛ, ɛ́ ɩ vɩɛlʋ tɛwr, ɛ́ a za yi a Naaŋmɩn zie. Nɩsaal yã-bãwfʋ bɛ n'a tɩ tɩ ɩrɛ nɩ ɛ, Naaŋmɩn maalʋ n'a.

A Zɔb sɛbɛ 27:6

Ɩ̃ cãà na yere k'aa ɩ̃ cenu tu n yel-mɩŋa, ɩ̃ kʋ̃ bɛr towtow ɛ. A ɩ̃ tɩɛrʋ bɛ zɛbr'ɩ mɛ̃ yel kãw za ƴãw ɛ.

1 Timote 4:2

A zir-ŋmarbɛ na mɩ́ sɔwlɛ a bɛ pʋ-tɩɛrʋ a na taw bɛ na bɔr'ɩ, a zir-ŋmarbɛ bɛ ŋa tɩɛrʋ bɛ na cɩr bãwfʋ ƴãw nɩ kure na mʋ̃ɔ vũumí a.

Ʋrɔm 9:1

Ɩ̃ na lãw nɩ a Kɩrɩta a, yel-mɩŋa n'a ɩ̃ yere, ɩ̃ bɛ ŋmarɛ ziri ɛ, a Vʋʋrʋ Sõw caal'ɩ a ɩ̃ pʋɔ ʋ dɩrɛ a ɩ̃ dãsɩɛ,

Nɩ-toni 24:16

A lɛ ƴãw n'a ɩ̃ mɩ̀ mɩ́ fɛr ɩ̃ tʋɔra tɛr tɩɛrʋ na vɩɛl a, a Naaŋmɩn niŋé nɩ a nɩsaalbɛ niŋé.»

Nɩ-toni 23:1

A Pol tɩ jɩ́r'ɩ a Zifʋ mɩnɛ ƴɛ̀rʋ-dɩb-lãw nɩbɛ gbẽgbẽ ɛ́ yel: «Yɛbr i, tɩɛr-vla n'ʋ ɩ̃ tõ n a Naaŋmɩn tome wa tɔ a dɩ̃a.»

Ekilezɩasɩ 7:22

A fʋ̃ʋ mɩŋa tɔr za bãwnɩ a na kɛ́ gb'aa yaga fʋ mɩ̀ mɩ́ sãw nɩ a fʋ taabɛ yée.

1 Na-mɩnɛ 2:44

A nãà tɩ cãà na lɛb yel à ŋá: «A faa al za fʋ na maalɩ a ɩ̃ sãà Daviir a, fʋ bãw a nɩ vla. A lɛ pʋɔ a, a Sore na ɩ na a fʋ ɩ-faar lɛb lo a fʋ zu.

Yele-za-pɛr-tib 20:5

A Abraham mɩŋa n'ʋ yel mɛ̃ k'ʋʋ yeepuule n'ʋ, ʋʋ mɩ̀ yel k'ʋʋ yɛ-dɛb ʋ. Ɩ̃ pʋ-pla n'ʋ ɩ̃ ɩ n, ɛ́ bɛ sãw bom za ɩ.»

Zã 8:9

Bɛ na tɩ wõ a ʋ sɔwfʋ ŋa a, bɛ tĩ nɩ a nɩ-kore pʋɔ ɛ́ fore tawr yire pùor. A Yeezu wa tɩ cɛ nɩ ʋ yõ, nɩ a pɔw na àr a ʋ niŋé a.

Ʋrɔm 2:14

A lɛn daar nɩ-bʋʋr-yoru na bɛ bãw a Naaŋmɩn wulu a, na mɩ́ wa nyɛ̃ bɛ tʋɔra ɩrɛ mɛ̃ a lɛ a Wulu na ƴãw a nʋɔr a, bɛl mɩŋa mɩ́ bãw nɩ a lɛ a na sɛw kɛ́ bɛ ɩrɛ a, bɛl na saa bɛ bãw a Naaŋmɩn wulu a.

Ʋrɔm 2:27

Ɛ́ a nɩr ʋl na bɛ ŋmãa a ƴã-gan ŋmãafʋ a, ɛ́ mɩ́ tu a Naaŋmɩn wulu tɩ ɓɩɩlɩ a, ʋ na wul'ɩ a fʋ sãwna, fʋ̃ʋ na bãw a Naaŋmɩn wulu na sɛb, ɛ́ ŋmãa a yʋ̀ɔr, ɛ́ zawrɛ a Wulu a.