Ʋrɔm 16:27 - A SƐB-SÕW

²⁷ A Naaŋmɩn yõ na ɩ yã-bãwnɛ a, ʋlɛ so yúor-vɩɛlʋ-danʋ a Yeezu Kɩrɩta ƴãw, a yome yome za! Amɛn.

Ʋrɔm 16:27 Referans Kwoze

1 Timote 1:17

A yome za Nãà, a Naaŋmɩn-been yõ tẽtẽ na bɛ tɛr kũu daar, ɛ́ nɩr kʋ̃ tʋ̃ɔ́ nyɛ̃ nɩ mimir a, ʋlɛ so ƴãwfʋ nɩ yúor-vɩɛlʋ-danʋ, a yome yome za. Amɛn.

Ʋrɔm 11:36

Bʋ̃ʋ n'ʋ vɛ̃, ʋl zie n'a bom za yi, ʋlɛ n'ʋ so bom za be, ʋl ƴãw n'a bom za be. Ʋlɛ so yúor-vɩɛlʋ-danʋ a yome yome za! Amɛn.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:25

a Naaŋmɩn-been yõ tɩ Faarɛ, ʋlɛ so yúor-vɩɛlʋ-danʋ, dɛpaalʋ, fãw nɩ kpɛnʋ a tɩ Sore Yeezu Kɩrɩta ƴãw, a dãwdãw za, a ƴɛrɛŋa nɩ kʋralɛ. Amɛn.

2 Pɩɛr 3:18

Ɛcɛ nyɩ kɛrɛ a tɩ Sore nɩ a tɩ Faarɛ Yeezu Kɩrɩta maalʋ nɩ a ʋ bãwfʋ pʋɔ. Ʋlɛ so yúor-vɩɛlʋ-danʋ ƴɛrɛŋa nɩ kʋralɛ. Amɛn.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.

Ebre 13:21

A Naaŋmɩn ŋa a, ʋ ɩ kɛ̀ nyɩ mɩ́ tʋ̃ɔ́ yel-vla za maalɩ, tʋ̃ɔ́ maalɛ a ʋ pʋ-tɩɛrʋ. Ʋ mɩ́ maalɩ a lɛ na pɛlɩ a ʋ pʋɔ a, a tɩ zie, a Yeezu Kɩrɩta ƴãw, ʋl na so danʋ a yome yome za a. Amɛn.

Ebre 13:15

Tɩ tu a Yeezu maalɛ danʋ bàwr kʋralɛ kʋ̀rɛ a Naaŋmɩn, a pɛr lɛ kɛ́ danʋ na yire nɛ́ɛ na íre a ʋ yúor a pʋɔ.

2 Timote 4:18

A Sore na cãà na lɛb faa mɛ̃ yel-faa za pʋɔ. Ʋ na faa mɛ̃ na ɛ́ ƴãw ɩ̃ kpɛ a ʋ tẽ-vla Naalʋ pʋɔ. Ʋlɛ so yúor-vɩɛlʋ-danʋ a yome yome za. Amɛn.

1 Timote 6:16

a ʋl yõ na bɛ tɛr kũu daar a, ɛ́ kpɩɛr cãà na bɛ tɛr tab a pʋɔ a, ʋl nɩsaal kãw za na bɛ nyɛ̃ ɛ́ kʋ̃ tʋ̃ɔ́ nyɛ̃ a. Ʋlɛ so ƴãwfʋ nɩ kpɛnʋ kʋralɛ. Amɛn.

Filib 4:20

A Naaŋmɩn tɩ Sãà so yúor-vɩɛlʋ-danʋ a yome yome za, amɛn.

Efɛɛzɩ 3:10

À ŋá n'a a ƴɛrɛŋa, a Lãw-yir ƴãw, a salom zu naalʋ-dɩrbɛ nɩ fãw dem bãw a Naaŋmɩn yã-bãwfʋ pɔ́lɛ́ za.

Sɛb-sõw yielu 147:5

A tɩ Sore ɩ n kpɛ̃ɛ ɛ́ tɛr fãw yaga za, a ʋ yã bɛ tɛr tɛwfʋ zie ɩ.

Ɩzayi 31:2

Ɛcɛ a ʋl mɩ̀ a, ʋ cɩ na: ʋ na tʋ̃ɔ́ na ɩ a yel-faa ta, ʋ bɛ lɩɛbɛ a lɛ ʋ na yel a bɛrɛ ɩ. Ʋ ìre nɩ a nɩ-faar lãw ƴãw, nɩ a yel-fa-maalbɛ bɛ na bʋɔlɛ kɛ́ bɛ wa sõw a ƴãw.